كل ما يخص التخاطب والتربية الخاصة

ازاي هملي يوم طفلي لما هنمنع الكارتون والتلفزيون والموبايل والتاب والكمبيوتر والانترنت ؟
التليفزيون و التاب و الموبيل و الكمبيوتر كلها حاجات ليها وقت محدد مسموح بيها علشان متضرش الطفل
الوقت المسموح هو ساعتين في الأسبوع و من بعد 8 سنين ممكن ساعة في اليوم لكل أم تخطت الوقت ده بمراحل و ولادها بيقضوا ساعات من يومهم قدام الكرتون
بغض النظر هو كويس ولا لأ حتي لو مقعداه قدام قناه تعليمية للأطفال و الكلام ينطبق علي قناة براعم اللي للأسف الشديد امهات كتير مضايقة انها بقت بأشتراك و أطفال كتير متأثرة نفسيا كأن حاجة مهمة أوي في حياتهم اختفت مش مجرد قناه
لو تجاوزتي الوقت المسموح أي كان المحتوي ده سبب كافي ان طفلك سلوكه يسوء و تركيزه يقل علي جميع المستوايات طيب اصل هما بيزهقوا العب معاهم ايه ؟
طب هلهيهم في ايه لحد ما اخلص اللي ورايا؟
دي افكار تساعدك :
*اختاري اللي يناسب سن و شخصية طفلك و ممكن تاخدي الفكرة تطوريها او تبسطيها حسب سنه
1-مشاركة في تنظيف أو ترتيب البيت
2-احكوا حدوتة
3-اعملوا مسرح عرايس و خليهم هما يعملولك القصة و انت اتفرجي
4-الواح ورق كبيرة عالحيطة و يرسموا بخامات مختلفة الوان خشب,فرشة و الوان مياه,الوان اصابع ,لوح سودا و يرسموا بالطباشير مش كراسة رسم و علبة الوان و اقلب 😃 , و ممنوع كراريس التلوين الللي فيها رسومات جاهزة مطبوعة و هو يلون لأنها من معوقات الإبداع
5-العاب مطبوعة يحلوها زي الاختلافات و المتاهة و انهم يدوروا علي حاجات في مشهد
6-تتفرجوا علي فيلم قصير او كرتون عن قيمه معينه و تتناقشوا فيها
7-تتفرجوا علي اي مشهد من فيديو و بعدين تسألوا بعض فيه مثلا كانوا في مكان شكله ايه ؟لبسهم؟عددهم؟
8-بازل فيه من اول ال 4 قطع لحد ال 300 قطعة و اكتر
9-اي مكعبات مبتتجابش و نرميها للطفل و خلاص و بعدين نقول محبهاش لأ لازم نطور فيها مره نعملها عربية و نركب فيها لعبة تانية مره نعمل بيت علشان نمثل بيه حاجة تانية ,مره نعمل حيطة صغيرة علشان نداري ايدنا وراها في مسرح العرايس اتفقوا علي فكرة و سيبيه ينطلق فيها
10-تقليد اصوات كل واحد يقلد صوت حيوان او حاجة و الباقي يخمنوا
11- عروستي :دي ممكن تلعبيها مع ولادك و انت في المطبخ يقعدوا عالباب و تلعبوا اي حاجة موجودة في الشقة حد يوصفها و الباقي يخمنوا مثلا عروستي ؟ حاجة حمرا ,عروستي ؟ بتتاكل ,عروستي؟ بتتقطع عالسلطة (طماطم)
12- بدل ما نتعلم الحروف و الارقام عالورق نجيب طبق مليان رمل او ملح و الطفل يكتب بصباعه بعدين تلخبطوه و تكتبوا غيره و ممكن لوحده يعقد يرسم بنفس الطريقة
13-فصل الحاجات : مكرونة و عدس و طبقين و الطفل يفصل كل حاجة في طبق ممكن لو سنه صغير نخليه يفصل حاجات اكبر و اسهل و ممكن نطبق نفس اللعبة في فصل الالوان يعني يفصل كل الاحمر لوحدة و الابيض لوحد و ممكن نلعبها في سبت الغسيل يفصل لبس ماما عن بابا عن لبسه يعني كل لعبه مرنة و تنفع لأي سن 😊
14-نعمل صلصال منزلي (كوب دقيق+نص كوب ملح+معلقة زيت+الوان طعام ) و نعجنها بمايه لحد ما تظبط و نخلي الطفل يعجنها بنفسه ,ممكن تقعد لأسبوع في التلاجة في كيس
15-أي حاجة يدوية شوية خامات الطفل يطلع منها حاجة
16-سينما : تضلموا الغرفة و تعملوا فشار و عصير و يبقي حد مهمته يحط الفشار في اكياس و حد يوزع تيكت و حد يظبط المكان و تتفرجوا علي اي فيديو حتي لو ربع ساعة ممكن مره عن الحيوانات مره طيور مره اسماك بلاش مش لازم كرتون
17-مخييم في الصالة 😃 مره في الاسبوع في الشهر اي كان المناسب تطلعوا مرتبة بره و تناموا كلكوا جمب بعض ده مفيد جدا للأطفال اللي لسه بتتعلم تنام لوحده بيبقي حافز حلو ليهم اننا كل فترة هنام كلنا سوا شرطها تكون بره مش في غرفة الاب و الام علشان الطفل ميرتبطش بالغرفة و يروحلها كل يوم
18-خيمة : كرسيين و فوقهم كوفرته او اي خيمة بشكل بسيط الطفل يتعلم يعملها و يعقد فيها يلعب اللي يحبه ,بيفرحوا بيها جدا 😃
19-تمثيل : حد يمثل تعبير بالوجه و التاني يقول معناه (زعلان-فرحان) ممكن حد يمثل وظيفة ...
20- لعبة المطعم نعمل في يوم منيو و حد يبقي طباخ و حد جرسون و كده او اوبن بوفيه و نتعلم من خلالها اداب الطعام بشكل مبسط
21-هيحصل ايه ؟ نطرح سؤال افتراضي و كل واحد يجاوب زي هيحصل ايه لو السماء مطرت رز بلبن 😃 ؟ ممكن نبسط السؤال ,هيحصل ايه لو صحينا لقينا في البيت قطة ؟ ... طبعا لو ابنك بيترعب من القطط ده مش سؤال مناسب 😃
22-سوق الخضار و الفاكهة :الأم تعمل بياعة في السوق و الأطفال يشتروا و يغسلوا و ياكلوا اللي اشتروه 😊 و لازم تبقي متقنة يعني كل ما الام تتقمص اللعبة هتحلو
23-نعمل كيك او كب كيك و نحط اطباق كريمة,فواكه ,بسكوت ..و كل واحد يزوق حته (نبعد عن عجينه السكر لأن سكرها عالي و اي سكريات كتير بتهيبر الطفل)
24-الميك معاك : نجيب ميكروفون بيتباع ب 15 جنية و نركبه في السماعات و كل واحد يبقي ليه فقرة يطلع بقي يغني ,يحكي حدوتة ...فقرتك كأم ممكن تحمل رسالة غير مباشره عن اللي تحبيه
25-كمل الحدوتة : حد يبدأ مثلا كان مره واحد ماشي و فجأة ...التاني يكمل و لو الطفل مش عارف يتخيل ممكن اسيبله النهاية بس يعني كان فيه مره ولد قلمه ضاع فخد من مصروفه و راح المكتبة .... و الطفل يكمل
26-اجتماع عائلي : مره في الاسبوع تجتمعوا و كل واحد يقول اكله ليوم في الاسبوع الجي و تعملوا منيو الاسبوع فطار غدا عشا مكتوب و متعلق
ده مهم جداااا في تعليم الطفل النظام و للأطفال اللي بتصحي ماما هفطر سندوتش جبنه بعدين تعمليه يقولك لأ بيض و ينتهي الموضوع بخناق لكن مع وجود الجدول هيقولك لأ بيض هتقوليله حاضر يا حبيبي هكتبها في منيو الاسبوع الجي و بس
و بتعلمهم الإيثار بمعني بابا مختار في يوم ملوخية و فراخ و سلطة و رز جه اليوم ده و ابنك مش بيحب الملوخية بياكل سلطة و فراخ و رز بس مش بتعمليله اكل مخصوص
و ده ينطبق علي باقي الايام لو الاب مبيحبش حاجة الطفل مختارها برضه هياكل باقي الموجود و ميتعملوش مخصوص ...
27-عكس الادوار : لمدة ساعة مثلا ابنك ياخد دور ا

منقول

✅تدريبات لعلاج الطفل منعدم التركيز. وكثير النسيان

👈يتم عمل تمارين للطفل

⬅1- أن تقوم الأم بعد الأعداد بالترتيب من واحد لعشرة
مثلا ولكنها "تتخطي" رقم أثناء العد ليلاحظ الطفل العدد المختفى ويذكره بسرعة، اللعبة تحتاج إلى شرح وتدريب وستجد الأم أن قدرة طفلها على التركيز ستتحسن ويمكنها أن تلاحظ ذلك بسهولة بعد ذلك.

⬅2- تذكر الأم إحدى الصفات ويذكر الطفل عكسها.. مثال حار بارد-سعيد غاضب- ناعم خشن.

⬅3- يقوم الطفل برسم مثلث وهو مغمض العينين حيث يساعد هذا التمرين الطفل على التخيل وتطبيق خياله على الورق بإعمال يديه وحواسه.

⬅4- تقوم الأم بتعريض الطفل لتجربة تمييز الأصوات فى الأماكن المزدحمة مثال: صوت الطائرة السيارة عربة الإسعاف.

⬅5- تكليف الطفل بأوامر مركبة من أجزاء مثل:"اذهب إلى المطبخ واحضر الطبق من الدرج الأول والملعقة من الدرج الثالث" وزيادة تعقيد الأوامر بالتدريج.

⬅6- احكى لطفلك حكايات قبل النوم واطلبى منه إعادتها على والده أو أخوته فى اليوم التالى واتركيه يحكى مع تشجيعه وغالبا ما ينسى كثيرا من التفاصيل، وعليك إعادة القصة على مسامعه فى المساء وتشجيعه على إعادتها فى اليوم التالى مرة أخرى على أشقائه أو والده.

⬅7- للأطفال الأكبر سنا من تقوم الأم بمساعدته على قراءة القصص المصورة حتى يدرب نفسه على تفحص ما بين يديه وشجعيه على مناقشته فيما يقرأ.

⬅8.- التمرين الثامن هو مسابقة "ملك التركيز" بأن تكون هناك منافسة بين متسابقَين داخل الأسرة أوالأقارب حول من يستطيع التركيز على نقطة معينة فى الجدار أمامه "بدون كلام" لأطول مدة ممكنة أو أن ينظر فى عين المتسابق أطول مدة.

⬅9- فى ورقة دونى عليها اسم ولد. بنت. جماد. نبات. بلد. وجبة. حيوان، واطلبى منه كتابة الأسماءالتى تبدأ بحرف أ.. ومن ينتهى أولا يكون الفائز ويمكن إعادة اللعبة بحرف آخر وهكذا..

⬅10- الصقى على الحائط فى غرفة مظلمة صورا لعناصر "موز – تفاحة – قطة – بطة" ونسلط كشاف ضوء على كل شكل على حدة مع ترديد اسم الشيء فى كل مرة.. ثم نعطى للطفل الكشاف ونسأله "أين الموز؟" وهكذا.

⬅11- يمكن للأم استخدام الشمعة فى التدريبات التالية:

⏪• مراقبة نقاط شمع تسقط فى طبق به ماء.

⏪• مراقبة نقاط شمع تسقط داخل دوائر مرسومة على ورقة.

⏪• يقوم الطفل بتنقيط النقاط داخل دائرة تكون كبيرة فى البداية ثم نصعب التمرين فنكثر الدوائر ونصغر حجمها.

⏪• تنقيط نقاط الشمعة على حدود خطوط مرسومة"ممكن أن تكون طولية – عرضية – منحنيات

😁😁 ‏مرحلة العض والضرب والصفع في الأطفال😊😊

📌كل من لديها طفل عمره ما بين عام ونصف وثلاثة أعوام تعرف هذه المرحلة جيدا! 🤔🤔

📌فجأة وبدون مقدمات يصفع الطفل وجه أمه أو أبيه أو طفل أخر! فجأة يجذب الطفل شعرك! فجأة ينهال الطفل عليك عضا وقرصا! فجأة تنهال عليك الأيدي الصغيرة بضربات مؤلمة للغاية! 😪😪

📌هذه مرحلة يمر بها جميع الأطفال ويشكوا منها الأمهات والآباء 👌👌

📌أسباب مرحلة العض والصفع 👈👈

هناك سببين أساسيين لهذه المرحلة
الأول : هو الاهتمام
الثاني : هو التعبير

💥 الطفل أقل من ثلاث سنوات كائن اناني من الدرجة الأولى؛ هو محور الكون والكل مسخر لخدمته وللترفيه عنه وللاستجابة إلى طلباته 👌👌

💥 في هذا السن لا يفهم الطفل أن فلان مرهق أو مشغول أو يعمل أو يرتاح او حزين أو غيرها من المشاعر البشرية الطبيعية. قد ينظر الطفل إلى أمه فيراها حزينة … سوف يدرك حزنها ولكنه لن يعرف كيف يتركها لحالها أو كيف يلعب بعيدا عنها أو كيف يراعي مشاعرها لأنه بكل بساطة سوف يصر على حقه في الاهتمام واللعب والترفيه … سوف يصفعها حتى تنظر له! 😭😭

💥 بالنسبة لقدرة الطفل على التعبير في هذه المرحلة،
فهي قدرة محدودة للغاية! معظم الأطفال لا يتحدثون في عمر عام ونصف ومن يتحدث قليلا في عمر عامين لا يمكنه استخدام كلماته للتعبير عن نفسه 👌👌
كيف يقول طفل لأمه "أنظري لي والعبي معي"؟ يضربها!
كيف يقول طفل لأبوه "من فضلك اترك هاتفك وتكلم معي"؟ يصفعه
كيف يقول طفل لجده "أنا سعيد جدا بزيارتك وهيا بنا نلعب"؟ يعضه
كيف يقول طفل لطفل أخر "هذه لعبتي؛ لا تأخذها"؟ يصفعه ويعضه
وهكذا يعبر الطفل في مرحلة ما قبل الكلام عن نفسه👌

📌 ماذا تفعل حتى تمر هذه المرحلة بسلام؟🤔🤔

✅ تفهم دوافع طفلك وتجنب إثارته! لا تتجاهله ولا تنشغل بغيره وإذا اضطررت للنظر إلى هاتفك، استأذنه واشرح له أسبابك إن كان سنه يسمح بذلك 👌👌

✅ ساعد طفلك بالكلمات. قل له أنك تتفهم غضبه واسأله "أنت غاضب لأني تركتك؟" أو "هل تشعر بالملل؟" أو "هل تريد أن نلعب سويا؟"🙏🙏

✅ الحق البلاء قبل وقوعه؛ الحق اليد قبل أن تصفعك أو تضربك وامسكها بحسم وقل للطفل أن الضرب ممنوع ثم قبل يده 😍😍

✅ لا تترك الأطفال يلعبون وحدهم بدون إشراف! إذا كان طفلك يتحدث سوف يضربه من لا يتحدث وإذا كان طفلك لا يتحدث سوف يضرب الجميع 🙏🙏

✅ لا تضربه! كيف تعلمه ألا يضرب وأنت مثله الأعلى في الضرب؟ 🤔🤔

✅ ملابسات الموقف … الطفل الجائع أو المرهق أو النعسان أو المتألم أكثر عرضة لنوبات الضرب والصفع والعض 👌👌

✅ امنع السكريات والحلويات وكل ما هو مليء بالمواد الحافظة! هذه المنتجات ومكوناتها تؤثر على كيمياء المخ بصورة مباشرة وتفقد الطفل القدرة على التحكم بنفسه🙏

✅ راجع ما يتلقاه الطفل من خلال الشاشات من حوله؛ الإعلانات والمسلسلات والبرامج الإخبارية غير مناسبة للأطفال 👌👌

✅ تذكر أن الطفل أقل من سنتين لا يجب أن يتعرض للشاشات 📺 📱مطلقا والحد الأقصى للطفل بعد عامين هو ساعة متفرقة 🙏🙏

✅ تأكد ان طفلك ليس ضحية عنف قبل أن تتهمه بالعنف

معا لصحة أفضل لأطفالنا
منقول

التربية صعبه!!!!!
بيقولوا أن تربيه الأولاد صعبه ، و دي حقيقه بالمناسبه😅 و عشان كده جمعت لكم الخلاصه في تربيه الاولاد في ست نصائح أساسيه مهمه 🤍
اليكم أهم النصائح:

♦️بلاش انتقاد كتير لشخصيته و افعاله و بالذات قدام الناس ، النقد المستمر بيحسس الطفل انه غير محبوب من الاب و الام و كمان بيحس ان فيه حاجه غلط فيه و اللي بدوره بيؤدي لتقليل تقدير ذاته و بيفقد الثقه في نفسه و كمان الاولاد متمردين بطبعهم.



♦️لازم تخرجيه من وقت للتاني ، الاولاد بيحبوا الحركه و التجربه و الخروج من الحاجات اللي بتزود نشاطهم البدني وبتحسن المناعه والدورة الدمويه و كمان بتقلل من خطر الاصابه بالامراض المزمنه زي السمنه و السكر بالاضافه ان الخروج بيحسن من جودة نوم طفلك.

♦️لازم ابوه يصاحبه من صغره ، الولد بيشوف الاب هو القدوة الاولى ، مصاحبه الاب لابنه الولد بيزود ثقته في نفسه و احساسه بذاته و كمان بيدعم نموه و تطوره من خلال الدعم و الحب و التوجيه ، بالاضافه انه بيعزز السلوك الايجابي زي الاحترام و تعلم المسئوليه.

♦️خلي طفلك يعبر عن مشاعره بكل حريه ، يعني لما يبكي او يزعل محدش يقوله مفيش راجل بيعيط ، دة بيساعده انه يكون علاقات صحيه مع الناس بعدين وازاي يتعامل مع مشاعرهم بكل حريه ، ومن المهم انكم تتفاعلوا مع مشاعره المختلفه و كمان تحترموها .

♦️لما تكلفوه بمسئوليه او مهمه راعوا انها تكون مناسبه لعمره ، تكليف الطفل بالمسئوليات بيساعده على تطوير الشعور بالمسئوليه و الاستقلال ، ابدأوا بمسئوليات بسيطه زي ترتيب اجزاء من الغرفه ولما يعملوا المسئوليات دي صعبوا المسئوليات.

♦️ممنوع استخدام العنف في تربيه طفلك الولد ، خليني اقولك ان العنف بيؤدي ضعف الثقه بالنفس و كمان العدوانيه و كمان ممكن يسبب مشاكل نفسيه زي القلق و التوتر و الاكتئاب و كمان ممكن يؤدي لانحراف سلوكي ، استخدموا لغه التفاهم و العقاب الغير مؤذي.
التطبيق من عمر يوم (1)حتي( 10) اعوام و بعد العشر سنوات نزيد اسلوب الحزم .
المعلومات لمقدم التربية مثل الاب والام…. و من يريد الانجاب
منقول
د/علي عبد الراضي

تعريف التوحد :
- إضطراب نمائى عصبى ينتج عنه قصور فى مهارات التواصل والتفاعل الإجتماعى ، بالإضافة إلى ظهور سلوكيات تكرارية .
* التواصل
* التفاعل الإجتماعى
* سلوكيات تكرارية

أعراض التوحد
أولا : عجز فى التواصل والتفاعل الإجتماعى :
1- عجز فى التواصل البصرى مع الأخرين
2- عجز فى تعبيرات الوجه ولغة الجسد
3- عجز فى بدء المحادثات أو المحافظة عليها
4- عجز فى التعبير عن الإحتياجات والمشاعر ومشاركة الإهتمامات
5- عجز فى تكوين العلاقات مع الأخرين وفهمها وإستمراريتها

ثانيا : سلوكيات نمطية تكرارية
1- سلوكيات حركية تكرارية
2- إستخدام الأشياء أو الألعاب بشكل متكرر مثل وضعها فى صف
3- تكرار أصوات أو كلمات محددة أو تكرار كلمات منطوقة من شخص أخر بدون غرض

ثالثا : صعوبة فى تغيير الروتين
1- عدم المرونة فى تغيير الروتين
2- الشعور بالإجهاد بسبب التغيرات الصغيرة
3- صعوبة فى التنقلات والبيئات الجديدة
4- التعلق أو الإنشغال الشديد ببعض الأشياء
5- فرط نشاط أو إهتمام غير عادى فى المدخلات الحسية مثل : اللامبالاة للألم ، رد فعل معاكسة للأصوات والأشياء ، والشم المفرط للروائح واللمس المفرط للأشياء .

عشان الطفل يتعالج لابد من ضبط العلاقه بين الوالدين والطفل .

خطة_علاجية_بسيطة_للطفل_الذي_يعاني_من_تشتت_انتباه_وفرط_حركة

اذا كان طفلك يعاني من تشتت انتباه بدرجة بسيطة أو متوسطة يمكن اتباع الآتي لتحفيز على الحفظ والتذكر:-
1- تقسيم المذاكرة أو مفردات الحفظ الي اجزاء صغيرة مثال اذا كان درس لغة عربية يقسم الي 4-5 فقرات
تقرأ الفقرة ونضع لها عنوان و يتم شرح الفقرة على أساس سؤال بسيط وإجابة مختصرة ، اذا كانت مفردات تقسم المفردات الي 5الي 7 مفردات فقط في المرة الواحدة

2-يقسم وقت للمذاكرة الي اجزاء يذاكر 20 دقيقه فقط وياخذ راحة 5 دقائق يقوم بأي نشاط آخر مثل شرب أحدي المشروبات المفضلة تغير المكان ولكن لا يستخدم الهاتف

3- أثناء المذاكرة نستخدم الأقلام الملونة الالوان نتبعد تمام عن الأقلام الجاف و الرصاص

4- يفضل وضع جدول منظم للطفل لتنظيم اليوم بالساعة ويوضح للطفل أنه كلما أنجز هذا الجدول بانتظام يأخذ مكافٱة بسيطة في اخر اليوم

5- كما يفضل وضع جدول للمذاكرة مرتب يتضمن المواد الدراسيه التي سيتم دراستها
ويفضل لاتزيد عن مادتين في اليوم

🧩علاج الخوف عند الأطفال
🔴عندما يخاف طفلك سواء في سن الخامسة أو الخامسة عشرة قم باتباع هذه المبادئ التوجيهية لإدارة رهابه التي تتضمن ما يأتي:

🔴1. تعرف على مخاوف طفلك
قد يعرف طفلك ما يخشاه لكنه لا يملك الكلمات الوافية لشرح مخاوفه لك، لذا يمكن أن يساعدك طرح الأسئلة المحددة عليك في تشجيعه على التحدث إليك.

📌فإذا كان طفلك يخاف من الكلاب يمكنك أن تسأله عن السبب الذي يجعله خائفًا منها وبمجرد حصولك على فهم أفضل لما يخافه طفلك، قد يكون لديك فكرة أعمق عن كيفية مساعدته في تفاديها في المستقبل.

🔴2. خذ مخاوفه على محمل الجد
📌بعد معرفتك لما يخافه طفلك لا تستهزئ به بل دعه يشعر أنك تأخذه على محمل الجد، وابدأ في الحديث معه عن الخطة التي ستتّبعانها لمساعدته في تخطي مخاوفه والوصول إلى النقطة التي يستطيع فيها إدارة خوفه بنفسه.

📌تذكر أن التغيير يستغرق وقتًا وأن الخوف شعور قوي يسيطر على طفلك لذا حافظ على سعة صبرك في التعامل مع مصدر قلقه وأثني دائمًا على عمل طفلك الشاق.

🔴3. تدرّج في العلاج
📌يقترح العديد من المعالجين النفسيين تعريض الطفل الخائف لمصدر خوفه بجرعات صغيرة غير مهددة، يمكنك فعل ذلك مع طفلك لكن لا تدفعه مرةً واحدة فقد يتسبب ذلك في زيادة رهابه.

📌ابدأ بالحديث مع طفلك الذي يخاف من الكلب مثلاً حول مخاوفه، وأنظر معه إلى صور الكلاب، ثم إلى مقاطع صغيرة للكلاب الودودة، وراقبا معًا كلبًا من خلف نافذة منزلك، ثم ابدأ باللعب أمامه مع جرو صغير هُنا قد يجد نفسه قادرًا على مداعبته، ومن الممكن أن يمهد ذلك بالتدريج لمداعبته الكلاب الأكبر حجمًا.

📌تذكر دائمًا ألا تجبر طفلك على مواجهة مخاوفه لوحده والتحلي بالصبر ليصبح طفلك أقل حساسية لمصدر خوفه، وهي من طرق علاج الخوف عند الأطفال.

ما هى أهمية اختبار الذكاء 🤓

💞مبدئيا خلينا نعرف ان اختبار الذكاء من عمر سنتين الى ٨٠ سنه

💞الذكاء هو قدرة العقل على التعامل مع الموقف بشكل صحيح وأكثر ايجابيه ⚘

💞الذكاء قدرات متعددة وليست دراسية وإنما يظهر قدرة الطفل (اذا تم عمله ل طفل)على مدى تحصيله الدراسى واللغوى
يظهر لنا مدى الحصيلة العلمية واللغوية للطفل ⚘
💞 يظهر من خلال اختبار الذكاء ميول الطفل او الجانب المتفوق فيه علمياً وبالتالى يظهر لنا ك مربيين اى جانب علمى افضل للمفحوص ⚘

💞أغلب المدارس المتطورة تطلب هذا الاختبار ⚘

⚘المربى الواعى عليه أن يقوم بعمل اختبار الذكاء للطفل قبل التحاقه بالمدرسة 💞

⚘كذلك لو فى اى اضطراب من الاضطرابات الخاصة بالطفل ك (مشاكل التخاطب ..صعوبات التعلم ...التأخر الدراسى .. احيانا نفسية ....الخ بيتطلب اختبار الذكاءلتحديد القدرة العقلية للطفل )💞

⚘اختبار الذكاء يظهر لنا مواضع المهارات القوية والضعيفة لدى الفرد💞
⚘بنكتشف من خلاله الأطفال الموهوبين ونوع الموهبة لديهم 💞

وبالتالى نقوم على تحسين و تنميةمواضع المهارات الضعيفة 💞

⚘اختبار الذكاء من الأمور الهامة فى حياتنا حتى لا نطلب من اولادنا بالتوقع الأعلى عن قدرتهم العقلية او اننا نضيع مهارة /موهبة كانت عند الطفل بسبب عدم اكتشفنا ليها و عدم تنميتها لديه 💞
و يقيس اختبار الذكاء عده مجالات منها الاستدلال اللفظى بما يتضمنه من حصيله المفردات و الفهم اللفظى بما فيه من معلومات الفرد العامه و قدرته على إقامه حوار مناسب لعمره الزمنى و إيضا يقيس اختبار الذكاء الاستدلال المجرد البصرى و يشمل القدره على الانتباه و الادراك و التركيز و التخيل و التصور كما يقيس الاستدلال الكمى و المفاهيم ذات الصله بمبادئ الحساب و إيضا يقيس الذاكره سواء كانت البصريه او السمعيه.

الأستاذ الدكتور عبد العزيز الشخص مؤسس علم التربية الخاصة في مصر ، كانت ليه دايما مقولة شهيرة وهي:
- أغلب الأمهات والاخصائيين والأطباء بيضيعوا عمر الطفل في التشخيص، ده يقول توحد وده يقول حرمان بيئي وده يقول إعاقة عقلية وده يقول صعوبات تعلم ....الي آخر من دوامة تشخيص فيها الصح وفيها الغلط عمره الطفل بيضيع فيها.
- انت كأخصائي هنا مش دورك انك تدخل الخناقة دى، ببساطة خالص هات الطفل اللي اتشخص مليون تشخيص ده ، وقارنه مع طفل طبيعي شوفه ايه جوانب التأخر اللي عنده في المجالات المختلفة زى ( اللغة والتفاعل الاجتماعي والتحصيل الدراسي والمهارات المعرفية...الخ) واشتغل عليها وحاول تساوى عمر الطفل العقلي بعمره الزمني، إعمل برنامج بجوانب الضعف واشتغل عليه بصرف النظر هو تشخيصه ايه.

احنا هنا مش بننكر أهمية التشخيص الصحيح لكن متضيعش وقت الطفل وتدخل معاه فورا بشكل يقلل الفجوة بينه وبين زمايله 👌

رحم الله الدكتور عبدالعزيز الشخص