29/05/2026
*ايه ده هي برشلونة جابت الفلوس دي كلها منين؟ و ايه حكاية الصفقات دي كلها‼️*
تعالي بقي اقولك القصة كلها و افهمك.
برشلونة بقاله سنتين مثلاً عمر ما كان عنده مشكلة في السيولة المادية بالنسبة للصفقات اللي كان عايزها و مثال علي ده الصيف اللي فات برشلونة كانت داخلة في صفقتين كسر عقود زي خوان جارسيا ب 25/30 مليون و نيكو ويليامز ب 60/65 مليون يعني بمجموع 90/100 مليون يورو ! و معروف ان صفقات كسر العقود بتبقي بتدفع دفعة واحدة كاش بتتحط في الاتحاد الاسباني يعني برشلونة كان هيدفع 100 مليون مثلاً كاش دفعة واحدة فا ما بالك بقي لو صفقات طبيعية تقسيط علي دفعات؟
طب المشكلة كانت فين؟ ، المشكلة كانت في اللعب المالي النظيف و قاعدة ال1/1 في الليجا اللي بتخليك تصرف بأريحية و لو دخل للنادي فلوس من صفقات او رعاية او اي عائد مادي من بطولة بتكسبها بتصرفه كله براحتك + فاتورة الرواتب العالية ، برشلونة كانت بقي برا القاعدة دي و بتصرف نص او ربع كمان فلوس مداخيله + فاتورة الرواتب العالية جداً و مفيهاش هامش تزود فيها راتب لاعيب كمان.
فا دلوقتي الاخبار كلها بتقول ان الميزانية اللي هتتم الاعلان عنها في شهر ٦ هتبقي كلها ايجابية و هنرجع للقاعدة 1/1 + خروج ليفاندوفسكي هيوفر كتير جداً في فاتورة الرواتب لانه كان اعلي عقد في النادي + فيه لاعيبة كتير هتتباع الصيف ده و كل ده هيخلي النادي يتعامل باريحية جداً في السوق✅
طب بالنسبة لـ سؤال ليه برشلونة بتعمل الصفقات دي كلها دلوقتي ورا بعض؟
الاجابة هي ان لابورتا و ديكو لما اجتمعوا مع فليك في اخر الموسم ساعة التجديد اتفقوا علي الخطة اللي هيمشوا عليها في الصيف و هي ان الاولوية كلها هتروح للهجوم و تعزيز قوام الفريق (اساسييين و بدلاء) عشان كدة النادي راح فوراً يجيب جناح اضافي زي جوردون و يفاوضوا مهاجم زي الفاريز و يشوفوا فرصة سوق و لاعب ببلاش كا squad player زي برناردو سيلفا و كل ده قبل كاس العالم عشان سعرهم ميزيدش و يدخل في مزاد مع اندية تانية عشان اغلب الاندية هتستني كاس العالم عشان تتفرج علي اللاعيبة فا برشلونة حب يخلص من الاول و ميستناش خصوصاً ان الهجوم عندهم اسماء معينة عايزنها و هيسيبوا الدفاع لبعد كاس العالم و يشوفوا الفرص اللي قدامهم .
01/02/2026