02/02/2026
دعاءُ سيِّدِنا عُمَرَ رَضِيَ اللَّهُ عَنْهُ في ليلةِ النِّصْفِ مِن شَعْبَان
اللَّهُمَّ يا ذا المَنِّ ولا يُمَنُّ عليه، يا ذا الجلالِ والإكرام، يا ذا الطَّوْلِ والإنعام، لا إلهَ إلا أنت؛ ظَهْرُ اللاجئين، وجارُ المُستجيرين، وأمانُ الخائفين.
اللَّهُمَّ إن كنتَ كتبتني عندك في أُمِّ الكتاب شقيًّا، أو محرومًا، أو مطرودًا، أو مُقَتَّرًا عليَّ في الرِّزق؛ فامْحُ ـ اللَّهُمَّ بفضلك ـ شقاوتي وحرماني وطردي، وإقْتارَ رزقي، وأثبِتْني عندك في أُمِّ الكتاب سعيدًا، مرزوقًا، موفَّقًا للخيرات؛ فإنك قلتَ ـ وقولُك الحقُّ ـ في كتابك المُنزَّل على لسان نبيِّك المُرسَل:
﴿يَمْحُو اللَّهُ مَا يَشَاءُ وَيُثْبِتُ وَعِنْدَهُ أُمُّ الْكِتَابِ﴾.
*وزاد بعضُ العلماء:
إلهي، بالتجلِّي الأعظم في ليلةِ النصفِ من شهرِ شعبانَ المُعظَّم، أن تَكشِفَ عنَّا من البلاءِ ما نعلمُ وما لا نعلم، وأنتَ به أعلمُ؛ إنك أنت الأعزُّ الأكرم.
وصلى الله على سيِّدِنا محمد، وعلى آله وصحبه، وسلَّم.
20/01/2026
عارف إنت ليه مش عبدالغفور البرعي؟
مع إننا كلنا اتفرجنا على لن أعيش في جلباب أبي، وشوفنا الرحلة من ولا حاجة لحد ما بقى واحد من أكبر تجار الخردوات في مصر، بس أغلبنا شافه كمسلسل اجتماعي أو كوميدي… مش كرسالة.
الحقيقة إن المسلسل ده كان بيقول حاجة أعمق بكتير.
إن أي حلم حقيقي بيبدأ بـ #رؤية.
ومش رؤية من نوع:
“أنا عايز أبقى غني وخلاص”.
لا.
عايز أبقى غني من إيه؟
عايز أوصل لرقم كام؟
وإيه القيمة اللي بقدمها؟
وأحل مشكلة إيه في المجتمع؟
الغِنى هنا مش فلوس وبس،
الغِنى نتيجة طبيعية لقيمة إنت بتشتغل عليها وبتطوّرها.
عبدالغفور البرعي ما صحاش في يوم وقال:
أنا هبقى عبدالغفور البرعي
هو في الأساس ما كانش عنده أي #إمكانيات:
لا فلوس،
لا علاقات،
ولا خبرة تؤهله.
فاشتغل.
دخل الوكالة.
اتعلم السوق.
غلط.
فهم.
ومع الوقت، لما الخبرة زادت،
بدأ يكوّن علاقات،
يفهم الناس،
يعرف الفرص فين،
وبعدين فكر يفتح محل.
وكل مرحلة كان بيقف مع نفسه ويسأل:
أنا وصلت لفين؟
ماشي صح؟
ولا محتاج أغيّر الطريق؟
ولو الطريق ده ما نفعش،
في طريق تاني.
خطة (A) وخطة (B).
الحقيقة إن كلنا ممكن نكون عبدالغفور البرعي…
بس بعد ما تحدد:
إنت مين؟
عايز إيه؟
وهتوصل له إزاي؟
سواء إنت مدير شركة،
صاحب مشروع،
أو موظف لسه في أول الطريق وبيحلم يكبر…
التخطيط الاستراتيجي ضروري،
ومش للشركات بس،
ده ليك إنت كفرد،
ولفكرتك،
ولمشروعك القايم فعلًا.
علشان كده،
كل يوم اثنين
بنمشي خطوة من خطوات التخطيط الاستراتيجي
علشان نبني لبُكرة مع دنيا
12/01/2026
إمتى تحس إنك بتقطع #رزقك من شغلك فى الشركة؟
خلّيني أحكيلك عن سؤال غريب شوية…
اتسأل لي في مقابلة شغل قبل كده:
إمتى تحس إنك بتقطع #رزقك من شغلك فى الشركة؟
أغلب الناس بتجاوب فورًا: الرزق بتاع ربنا
وده كلام صحيح… بس مش #كامل.
لأن الرزق من ربنا،
بس #السعي علينا.
إحنا اللي بندوّر،
وإحنا اللي بنتعب،
وإحنا اللي بـ #نبني نفسنا خبرة فوق خبرة
علشان نوصل لمكان نحلم بيه.
إجابتي وقتها كانت
اليوم اللي أقرر فيه إني ما أقومش بمهامي… هو اليوم اللي أكون بدأت أقطع رزقي من المكان ده.
مش بس المهام المكتوبة في ،
لكن كمان المهام غير المكتوبة:
التعامل الإنساني
احترام الزملاء
إن الشغل ما يبقاش عبء على اللي حواليا
اليوم اللي أتعامل فيه ببرود،
أزوّغ،
أكسل،
أسيب شغلي يتراكم،
أسيب #المهمة اللي تتخلص في ساعة… تتسحب أسبوع
علشان “أنا مخنوقة” أو “مش طايقة الجو”
اليوم ده…
هو بداية النهاية.
محدش في الحقيقة بيصحى الصبح ويقول:
«أنا هقطع عيشي النهارده»
لكن القرار بيبقى مستخبي:
زهق
اختناق
علاقات سيئة
مدير مزاجه متقلب
إحساس إنك مش مقدَّر
فتقرر تكمل…
بس من غير روح.
من غير عطاء.
من غير مسؤولية حقيقية.
وساعتها بنحب نصدق فكرة مريحة:
إن هم اللي بيمشونا
وإن السوق مليان
وإن الاستغناء سهل
لكن نادرًا ما نبص على:
تصرفاتنا
أدائنا
التزامنا الحقيقي
سواء كنت:
موظف
مدير
أو حتى صاحب شركة
إنت جزء من #حلم اتبنى
علشان يخدم ناس
ويضيف #قيمة لمجتمع
وكل مرة بتقوم فيها بشغلك بضمير
حتى وإنت مش مبسوط
إنت بتأجّل قرار
إنك تقطع عيشك من المكان ده.
يمكن تمشي…
ويمكن تكمل…
لكن الفرق دايمًا
بيبدأ من جواك.
04/01/2026
ماذا لو كانت اشعة الشمس الدافئة فى يوم بارد اكثر سعادة من اى شئ اخر، وماذا لو كان ملمس اورق الشجر يجعلك تشعر بتحسن اكبر .
ماذا لو كانت تكمن السعادة فى الاشياء البسيطة التى تمر عليك فى يومك كم المشاعر التى تعتلى قلبك يوميا فى ابسط الاشياء دون ان تلتفت اليها، وانت تجهد نفسك فى البحث عن شغفك وتلاحق البحث عن ذاتك او ما تزعم انها ذاتك وانك ستجد سعادتك هناك
ماذا لو كنت مخطئ وان السعادة تكمن فى الرحلة وليس الوصول ماذا لو اكتشفت بعد الوصول انك اضعت الرحله بجمالها لم تعشها حقا لانك اهلكت نفسك ولم تشعر بالسعادة لانك اشتريت قوالب جاهزة يبيعون لك فيها السعادة بمسميات لن ترضى بغيرها .
لكن جوهر الحياة يكمن فى الهون على النفس وتقبل الحياه ببسطة لذلك عيش كل يوم
🎬| Soul
15/12/2025
الـ 5 فوائد الأساسية لدراسة الـ
من واقع #تجربتي
الـMBA مش خطوة تلقائية، ومش شهادة بتتاخد لمجرد الاسم.
قيمته الحقيقية بتظهر لما تيجي بعد خبرة، وبعد أسئلة، وبعد احتكاك حقيقي بسوق العمل.
1️⃣ التطبيق #العملي الحقيقي
الـMBA المهني مش حفظ نظريات.
كل مادة بتتشرح من زاويتين:
الزاوية العلمية (النظريات والمدارس المختلفة)،
والزاوية العملية من خبرة الدكتور نفسه في الشركات والقطاعات المختلفة.
وده بيحوّل الدراسة من معلومة إلى طريقة تفكير.
2️⃣ رفع مستوى التفكير #القيادي
الدراسة مش بتجاوبك على أعمل إيه،
لكن بتدرّبك على أفكر إزاي.
خصوصًا في مواد زي الإدارة الاستراتيجية،
اللي بتخليك تفكر في المستقبل،
وتربط بين الاقتصاد، السياسة، المجتمع، والقانون وتأثيرهم على القرار.
3️⃣ قوة #النقاش وتبادل الخبرات
واحدة من أقوى نقاط الـMBA هي الناس.
ناس بخبرات مختلفة، من قطاعات مختلفة،
مناقشات حقيقية حوالين نفس الفكرة أو المشكلة،
وده بيختصر عليك سنين تجربة.
4️⃣ العلاقات #المهنية
العلاقات اللي بتتكوّن مش علاقات دراسة وبس.
في ناس اشتغلت مع بعض،
ناس فتحت مشاريع،
وناس وسّعت أفقها لمسارات جديدة ما كانتش في حسابها.
5️⃣ التطور المهني و #الشخصي
الـMBA بيوفّر عليك وقت طويل من التعلم العشوائي.
حاجات ممكن تتعلمها في سنين شغل،
تقدر تفهمها وتطبّقها في وقت أقل وبوعي أعلى،
وده بيساعدك إنك توصل لأدوار قيادية أسرع، أو تبدأ مشروعك بثقة أكبر.
قبل ما تبدأ… اسأل نفسك الأسئلة الصح
🔹 ليه أدرس الـMBA؟
هل عشان شهادة؟
ولا عشان تطوير حقيقي؟
ولا تحضير لمرحلة قيادية أو مشروع خاص؟
🔹 هل أنا جاهز ذهنيًا؟
الدراسة محتاجة التزام، نقاش، وتغيير في طريقة التفكير،
مش مجرد حضور ومحاضرات.
🔹 هل أنا جاهز ماديًا ووقتي يسمح؟
الـMBA اختيار، مش إجبار،
وبيحتاج توازن حقيقي بين الشغل، الدراسة، والحياة.
🔹 هل هدفي السفر أم التطوير الذاتي؟
لو هدفك السفر، الاعتراف الدولي مهم.
لكن لو هدفك الأساسي تطوير نفسك،
المهم تختار مكان مريح، واضح، ومعروف،
وتكون فاهم البرنامج، محتواه، وأسلوب تدريسه.
🔹 هل جمعت معلومات كفاية قبل الاختيار؟
عن البرنامج، الدكاترة، نظام الدراسة.
من واقع تجربتي،
الإدارة الاستراتيجية كانت من أكتر المواد اللي عملت فرق حقيقي معايا.
استخدمتها فعليًا في شغلي كاستشاري موارد بشرية ومدربه
سواء في التخطيط التنظيمي،
أو تطوير الأفراد
أو مساعدة الشركات تشوف الصورة الأكبر قبل اتخاذ القرار.
لو في أي وقت حابب تطبق مفاهيم الإدارة الاستراتيجية بشكل عملي،
أو محتاج مساعدة في تحويلها لخطة واقعية…
الباب مفتوح للنقاش وتبادل
02/10/2025
🔍 الوجه الآخر لتقييم الأداء
شهر #أكتوبر مش بس بداية آخر ربع في السنة… هو فرصة حقيقية لمراجعة #أداء 9 شهور كاملة.
الشركات اللي عندها رؤية واضحة بتعمل ده من خلال:
✔️ اجتماعات بين الإدارات.
✔️ لقاءات فردية مع الموظفين.
✔️ الإعلان عن إنجازات الفترة الماضية.
✔️ مناقشة فرص التطوير والتدريب (محليًا أو خارجيًا).
✔️ الترقيات وتوسيع المسؤوليات.
لكن… لو شركتك ما عملتش أي نوع من المراجعة دي معاك، وما حدش قالك:
– إنت حققت إيه؟
– إيه نقاط قوتك؟
– وإيه اللي لازم تركز عليه الفترة الجاية؟
فده مؤشر خطير جدًا:
🔸 إما إن الشركة نفسها ما عندهاش رؤية واضحة.
🔸 أو إنك داخل دائرة ركود وظيفي ممكن تستمر لسنين.
📌 هنا السؤال المهم:
هل مكانك الحالي بيساعدك تكبر وتحقق أهدافك المهنية؟
ولا مجرد بتشتغل عشان تعدّي اليوم؟
⏳ الوقت بيتحسب، والتطوير قرار شخصي قبل ما يكون قرار إداري.
✨ ابعتلي رسالة ومع بعض هتقدر تكتشف الوظيفة الأنسب لشخصيتك ومهاراتك، وتبني رؤية شخصية واضحة لمستقبلك المهني
22/09/2025
Do not let anyone stop you, even you
15/09/2025
Hiring – Consultant
for a leading real estate company.
If you are a professional with strong natural and life skills, and you are looking for a challenge, we are for you!
We value individuals and would like to see these demonstrated during the interview before arranging a test call with our client.
Qualifications:
Bachelor’s degree in Business, Marketing, or related field (preferred).
Previous experience in real estate sales or customer-facing sales roles (3–7 years minimum).
Required Skills:
Charismatic personality with the ability to analyze clients’ language and deeply understand their needs.
Strong skills in , negotiation, sales, and as essential elements for building trust and strong client relationships.
Ability to establish -term relationships with clients, ensuring their current needs are met while anticipating future requirements, which supports both successful sales and sustainable business growth.
KPIs (Key Performance Indicators)
Sales Target Achievement – % of monthly/quarterly sales quota closed.
Leads Conversion Rate – number of leads converted into clients.
Client Retention – repeat clients or referrals generated.
Apply now by sending your CV to: [email protected]
