أيمن سالم - Ayman Salem

هتروح يمين شمال، فوق تحت، انت المسؤول عن حياتك،
الظروف والناس والدنيا واحد مع الكل، لكن كل انسان ليه إستجابة مختلفة..

يعني الشخص المستفز اللي خرجك عن شعورك بتصرفاته وخلاك تعمل تصرفات انت مش راضي عنها وكلها غصب وعصبية، فيه شخص تاني استجاب للموقف بطريقة مختلفة وخلص الموقف لمصلحته بدون انفعال.. انت المسؤول..

الظروف والحياة بكل مشاكلها واحد بالنسبة للكل، لكن فيه حد دائما بيشتكي والشكوى بتجيب إحباط ومشاعر سلبية وتلاقي نفسك دخلت في دوامة ملهاش اخر، غيرك فكر وشاف إيه اللي يقدر يعمله بالمتاح واتحرك..

الخلاصة يا عزيزي
اعملي اللي عليك وربنا هيدبر أمرك، فكر وخطط واسعى وربنا وعدك
انا لا نضيع أجر من أحسن عملا..

إزاي تحافظ على تركيزك ومتكونش مشتت؟

التشتت مش معناه إنك «مش مركز» بس؛ غالبًا هو نتيجة زيادة المحفزات، وكثرة المهام، والتنقل المستمر بين الأفكار..!

علشان تحافظ على تركيزك:
🔹 اعمل حاجة واحدة في كل مرة
المخ مش بيعمل مهام متعددة بكفاءة؛ هو بينتقل بسرعة من مهمة للتانية، وده بيستهلك طاقة ذهنية.

🔹 قلل مصادر التشتيت
اقفل الإشعارات، وابعد الموبايل وقت إنجاز المهام المهمة، كل مقاطعة بتسحب جزء من انتباهك.

🔹 حدد هدفك قبل ما تبدأ
متقولش "هشتغل شوية"، قول "هخلص الجزء الأول من التقرير خلال 30 دقيقة."

🔹 اشتغل على فترات قصيرة
جرب 25–45 دقيقة تركيز، وبعدها راحة قصيرة، ده بيساعدك تحافظ على جودة الانتباه.

🔹 أفرغ دماغك من الأفكار المعلقة
لو فكرة أو مهمة ظهرت أثناء شغلك، اكتبها في ورقة بدل ما تسيبها تسحب انتباهك.

🔹 اهتم بالنوم والراحة
قلة النوم والإرهاق بيضعفوا الانتباه والقدرة على التحكم في المشتتات.

🔥 عرض الجمعة 14 أغسطس من Target EG 💚

لو بقالك فترة بتقول
"عايز أغير حياتي وأطور نفسي" فده وقت مناسب تبدأ 👇
🎯 3 دورات تدريبية في عرض واحد بـ 350 جنيه فقط بدل 700 جنيه!

🧠 1️⃣ قوة التفكير الإيجابي
أدوات نفسية وعملية تساعدك تغير طريقة تفكيرك من السلبية للإيجابية.
👈 محاضرة مسجلة فيديو

🕗 2️⃣ إدارة الوقت
أدوات علمية وعملية تساعدك تستثمر وقتك وتحقق أهدافك.
👈 محاضرة مسجلة فيديو

🚀 3️⃣ كيف تكتب خطة لحياتك
صمّم خطة واضحة ومحكمة لأهدافك، واعرف إزاي تبدأ وتتحرك نحو النجاح.
👈 3 محاضرات مسجلة فيديو

✨ والمميز في العرض:
✅ جميع المحاضرات مسجلة فيديو
✅ صلاحية مشاهدة مدى الحياة
✅ شهادة إلكترونية مجانية لكل دورة
✅ بمجرد الحجز يتم إضافتك لجروب كل كورس على تليجرام
✅ تقدر ترجع للمحتوى وتشاهده في أي وقت

💥 السعر: 350 جنيه فقط بدل 700 جنيه!
⚠️ العرض متاح لـ 30 مشترك فقط.

🏃‍♂️ لو مهتم، متستناش لحد ما العدد يكتمل!
هاتف: 01050901074
واتساب: http://wa.me/201050901074

💚 استثمر في نفسك… لأن التغيير الحقيقي بيبدأ بخطوة.

بتحس إنك متمكن من مجالك جدا،
بس أول ما تتكلم تلاقي الناس فصلت ومش مركزة معاك؟

ممكن تكون مجهز محتوى قوي جدا وعندك معلومات وخبرة سنين، بس رغم كده الجمهور بيخرج من غير ما يتأثر بكلامك. الغريب إن المشكلة غالبا مش في المحتوى نفسه، المشكلة في أخطاء صغيرة وعفوية بيقع فيها المتحدث من غير ما ياخد باله.

أخطاء زي إنك تبدأ كلام من غير تخطيط، أو تتكلم كتير من غير ما تشرك الناس معاك، أو حتى تحاول تخبي توترك بدل ما تفهمه وتعالجه. أحيانا المتحدث بيدخل في حالة توتر تأثر على صوته، أو بيتعامل مع الجمهور كأنهم خصوم، أو بيعتمد على ذاكرته بشكل عشوائي فينسى ويرتبك.

المشكلة إن الأخطاء دي ممكن تحصل لأي حد مهما كانت خبرته،
وبتقلل جدا من حضوره وتأثيره.

عشان ك
ده صممنا الورشة التطبيقية
الأخطاء السبعة القاتلة للمتحدث.
ورشة مكثفة لمدة يومين مصممة مخصوص عشان تعالج المشاكل دي من جذورها وتبني ثقتك.

إيه اللي هتستفيده من الورشة؟
اليوم الأول: هنفصص الأخطاء السبعة بالتفصيل ونعرف إزاي نتجنبها ونتعامل مع الجمهور بطريقة صحيحة ومؤثرة.

اليوم التاني: التطبيق العملي، هتقدم عرض مدته دقيقتين، وهنقييمه ونحدد نقط الضعف ونشتغل على تعديلها في وقتها.

الورشة بيقدمها
المهندس أيمن سالم
خبير تدريب أكتر من 13 سنة
الشريك المؤسس لمنصة Target.

معلومات الورشة:
📅 28 و 29 أغسطس
🕢من 8:30 م لــ 11:00 م بتوقيت القاهرة
🔰 مباشر أونلاين عبر Zoom

المميزات الإضافية
المحاضرات هتتسجل فيديو
هتستلم شهادة إلكترونية.
المادة العلمية pd

قيمة الاشتراك
150 جنيه فقط.
استثمار بسيط لقيمة كبيرة

احجز مكانك دلوقتي وابدأ خطوتك الأولى عشان تكون متحدث مؤثر.
للحجز والتواصل:
هاتف: 01050901074
واتساب: http://wa.me/201050901074

إزاي نستثمر وقتنا خلال اليوم؟
الوقت مش قليل… إحنا اللي ساعات بنستخدمه غلط..!

كتير مننا بيصحى الصبح وعنده إحساس إنه مش لاحق يعمل حاجة، ويفضل طول اليوم مشغول، وفي آخر اليوم يكتشف إنه تعب جدًا، لكن مفيش حاجة مهمة اتحققت فعلًا.. ده بيحصل معاك..؟

المشكلة مش دايمًا في قلة الوقت، لكن في طريقة توزيع الوقت والانتباه والطاقة..

نفسيا، مخنا بيتعب من التشتت، والتنقل المستمر بين المهام، والإشعارات، والسوشيال ميديا، وكثرة القرارات. وعشان كده ممكن تقضي 10 ساعات في الشغل، لكن إنتاجيتك الحقيقية تكون أقل بكتير.

👈 عشان كده، بدل ما تسأل نفسك:
أنا هعمل إيه النهارده؟"

اسأل:
👈 إيه أهم حاجة لو خلصتها النهارده هحس إن يومي كان له قيمة؟"

🧠 القاعدة الأولى: متديرش وقتك… دير انتباهك
الـ24 ساعة هما هما عند كل الناس، لكن اللي بيختلف هو إحنا بنحط تركيزنا فين؟

مش كل ساعة في اليوم زي التانية.
في وقت بتكون فيه صاحي وذهنك صافي، ووقت تاني بتكون مرهق ومحتاج حاجة بسيطة.

عشان كده حط المهام اللي محتاجة تفكير وتركيز في الوقت اللي طاقتك فيه أعلى، وسيب المهام الروتينية للأوقات اللي تركيزك فيها أقل.

🔥 خطة عملية تقدر تبدأ بيها من بكرة
1️⃣ كل يوم حدد 3 حاجات بس

في بداية اليوم اكتب:
3 حاجات أساسية
لازم تخلصهم عشان تعتبر اليوم ناجح.

وبعدهم اكتب:
3 حاجات إضافية
لو الوقت والطاقة سمحوا تعملهم.

ومتكتبش 15 مهمة وتضغط نفسك.
لأن كثرة المهام مش معناها إنك شخص منتج، بالعكس… أحيانًا بتخلي عقلك يدخل في حالة ارتباك وتأجيل.

2️⃣ قسم يومك لـ 4 مناطق

🔵 وقت الإنجاز:
أهم مهمة عندك، ويفضل تكون بعيد عن الموبايل والإشعارات.

🟢 وقت التواصل:
المكالمات، الواتساب، الإيميلات والاجتماعات.

🟡 وقت المهام البسيطة:
الحاجات الروتينية اللي مش محتاجة تركيز قوي.

🔴 وقت الاستعادة:
الأكل، الراحة، الحركة، القعدة مع الأسرة، والهدوء.

وخلي بالك…
الراحة مش تضييع وقت.
الراحة المنظمة بتساعدك تستعيد تركيزك وطاقتك، وبالتالي تقدر تكمل بشكل أفضل.

3️⃣ بلاش تعمل مليون حاجة في نفس الوقت
لما تفتح واتساب، وتشتغل، وترد على مكالمة، وتفتح فيسبوك في نفس الوقت… أنت مش بتنجز 4 حاجات.

أنت بتخلي مخك ينتقل من مهمة لمهمة باستمرار، وده بيستهلك جزء كبير من تركيزك.

جرب تعمل الآتي:
**حدد مهمة → اقفل المشتتات → ركز فيها → خلصها أو اوصل لنقطة واضحة → بعدها انتقل للي بعدها.

4️⃣ سيب مساحة للظروف
متعملش جدول مليان من أول اليوم لآخره.
سيب مساحة لأي طارئ، تأخير، مكالمة، أو حتى وقت راحة.
لأن الجدول المثالي اللي مش بيستحمل ظروف الحياة غالبًا مش بيستمر
الأفضل تعمل نظام مرن تقدر تلتزم بيه أغلب الأيام.

دير وقتك وعيش حياتك صح يا عزيزي