Dr Samah KHamees Life&healar coach

في حاجات كتير ممكن نختلف عليها… أسلوب… طريقة عرض… انفعال… ألفاظ… وده حق أي إنسان يشوف بعينه ويقيّم بعقله وقلبه.
لكن من الناحية النفسية والإنسانية… أنا شخصيًا شايفة إن الضغط المستمر، والبحث، والهجوم، وشعور الإنسان إنه بيحاول يوصّل فكرة شايفها نجاة للناس وسط سيل من الرفض والتشكيك… كل ده ممكن يطلع منه غضب وعصبية وتلقائية زيادة.
وده مش معناه إن أي أسلوب غلط يبقى صح… لكن معناه إني أحاول أفهم الإنسان قبل ما أهاجم صورته.
لأن للأسف… بقينا في زمن المقاطع المقتطعة أسرع انتشارًا من الحقيقة الكاملة، والناس بتنقل الانفعال أكتر ما بتنقل الفكرة نفسها.
وفي وسط كل ده… ضاعت نقطة مهمة جدًا:
إن فكرة “الطيبات” أصلها مش اختراع جديد، ولا تحريم لحلال، ولا دعوة لترك العلاج، ولا حرب على الطب.
الفكرة ببساطة: إن الإنسان يرجع يسمع جسمه، ويخفف الحمل عنه، ويبطل إسراف، ويأكل بوعي ورحمة مش بشراهة وهروب وضغط نفسي.
﴿يَا أَيُّهَا الَّذِينَ آمَنُوا كُلُوا مِن طَيِّبَاتِ مَا رَزَقْنَاكُمْ﴾
الطيب… مش بس “حلال”… الطيب كمان: شيء يناسب فطرة الجسد، وما يؤذيش الإنسان ولا يرهقه.
ومش معنى إن ربنا أحل شيئًا… إن الإنسان يفسده بيده ثم يقول: “ماهو حلال.” إحنا عايشين في زمن تغيّر فيه كل شيء: مبيدات… هرمونات… تصنيع… إفراط… وضغط واستهلاك بلا رحمة.
﴿ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ﴾
والفكرة الأساسية اللي ناس كتير غفلت عنها… إن النظام قائم على “التقليل” لا “الحرمان”. على إعطاء الجسم فرصة يتنفس ويصلّح نفسه.
الصيام… سُنّة ورحمة وتنظيف وراحة للجسد والروح: الاثنين والخميس… وأيام ١٣ و١٤ و١٥…
﴿وَأَن تَصُومُوا خَيْرٌ لَّكُمْ إِن كُنتُمْ تَعْلَمُونَ﴾
وإن الإنسان ما ياكلش إلا وهو جائع فعلًا… وما يقومش من أكله مثقل ومتعب.
وحتى الماء… الاعتدال فيه رحمة، لأن الإفراط في أي شيء يؤذي.
﴿كُلُوا وَاشْرَبُوا وَلَا تُسْرِفُوا﴾
والأهم جدًا… إنه لم يكن يدعو لترك الدواء فجأة، ولا للتهاون مع المرض، ولا للاستهانة بحياة الناس. بل كان يؤكد إن التوقف عن العلاج لا يكون إلا بتحسن حقيقي وتدريجي وتحت متابعة.
وفي النهاية… كل إنسان سيقف أمام الله وحده… بعلمه… وبنيته… وبما قدّمه للناس.
والله وحده يعلم من أراد الشهرة… ومن أراد التجارة… ومن كان يحاول — بطريقته البشرية الناقصة — أن يخفف ألم الناس.
إحنا لا نقدّس بشر… ولا نهدم بشر.
نأخذ ما نراه نافعًا بعقل ووعي، ونترك ما لا نطمئن له، لكن بدون شماتة… ولا تشويه… ولا قسوة.
اللهم إن كان قد أصاب فاجزه خيرًا، وإن أخطأ فاغفر له، وارحم ضعف البشر وضغطهم ونقصهم، واجعل كل علم نافع ورحمة وشفاء في ميزان الخير والنور. 🤍
#سلام🌿🕊
#سماح🎗💫