ننشر الرفق من خلال المعرفة 🧠
هنساعدك تكون شخص مميز وسط ملايين من الناس العادية✨🤍
لما اكون في تجمع
ويجي سيرة المشاكل النفسية والأطفال والسلوكيات وتأخر الكلام
ويبدأو يبصولي😂
03/08/2026
يارب سلم يارب 💚
اللهم أنت السلام ومنك السلام تباركت ياذا الجلال والاكرام 💚
حد حس بالزلزال🤦
كل طفل وله مفتاح وفر علي نفسك وعلي طفلك محاولات في طريق غلط اعرف طفلك وانت هتعرف ازاي تتعامل معاه❤️
#ارشادـاسري
#تربية
#الطفلـالعنيد
21/07/2026
تعبتي؟ حاسة إنك فشلتي؟ اتطمني.. إنتِ مش لوحدك 💙
"مفيش أم فاشلة، في أم تايهة وتعبانة ومش عارفة توصل لوحدها"
تعالي احضري "ورشة الإرشاد الأسري"، وهنساعدك تسترجعي قوتك ونفهم ولادنا سوا
مع الدكتورة آلاء ماهر
* أخصائية صحة نفسية ولايف كوتش.
* أخصائية تربية خاصة وتعديل سلوك.
* مدربة Soft Skills.
* ليسانس العلوم الإنسانية (علم الاجتماع) – جامعة الأزهر.
**هنتكلم عن 3 محاور أساسية:**
1. العناد عند الأطفال: أسبابه، وطرق التعامل معاه، والأخطاء اللي بنقع فيها.
2. تعديل السلوك حسب شخصية الطفل، لأن لكل طفل مفتاح وأسلوب مختلف.
3. دور الأم وتمكينها، وإزاي تبقي أقوى وتقدري تربي ولادك بثقة وبطريقتك.
مستنيينكم تنورونا. 🤍
📅 الموعد: الخميس القادم 23.7.2026 الساعة 2 م
📍 المكان: أكاديمية عالم سمسم، ميت عاصم، بنها
لتفاصيل أكتر: تواصلوا معنا 💌
20/07/2026
تشرفت بحضور الملتقى التوظيفي لعام 2026
المقام بالنادي السويسري
المنظم بواسطة مؤسسة Terre des hommes
تضمن الملتقى مشاركة عدد من الشركات المختلفة
وعدد من ورش العمل
قمت بالمشاركة في ورش العمل عن المهارات التوظيفية CV Writing و Marketing و AI وتطبيقاتهم في سوق العمل.
شكراً لمؤسسة Terre des hommes على التنظيم المتميز والدعم المستمر للشباب.
طفل النهارده = شخص كبير بكرة
لو اتأذى وسكتنا.. هيفضل متأذي طول عمره
الشخص الكبير اللي محتاج علاج نفسي النهارده.. كان طفل مجني عليه ومحدش جاب له حقه🤦🏻♀️
لو شفتي طفل بيتعرض لعنف، إهمال، تحرش، تسول
ماتسكتيش.. واتصلي حالاً:
📞 **16000** خط نجدة الطفل
المجلس القومي للطفولة والأمومة
بلاغك ممكن ينقذ طفل من وجع العمر كله
شير عشان الرقم يوصل لكل بيت ❤️
#16000
فاكرة بدري على الكلام ده؟ 👀
الشارع مش بيستنى سن معين عشان يتكلم 🗣️
التربية الجنسية مراحل... والوعي في وقته = أمان 🛡️💚
إنتِ بدأتي من سن كام؟ 👇
طول عمرنا بنسمع عن "مصاصين الدماء" بس عمرنا ما قابلناهم...
أنا عايزة أقولك إنك كل يوم بتقابل فصيل منهم
بس دول بيمصّوا الطاقة مش الدم 🔌
فيه ناس عاملة زي شاحن بايظ
توصّل فيهم بهجة وطاقة وحب...
ياخدوا كل اللي عندك ويفضّوك انت
المصيبة؟
لما تعطي بزيادة بيفتكروا ده حق مكتسب
ويوم ما بطاريتك تخلص وتقول "تعبت"... تبقى انت الوحش
⚠️ لو قابلتهم قبل كدا اكتب ف الكومنت
#نصائح
⚠️ تحذير: شوف الفيديو ده للآخر قبل ما تتكلم تاني
عمرك قولت "أنا مش زعلان" وانت متاكل من جواك؟
طيب اللي قدامك صدق كلامك ولا شاف وشك؟!
جسمك بيفضحك بنسبة 93%... والكلام 7% بس
وها بقى... قولي في الكومنتات:
انت بتعرف تخبي ولا جسمك بيسلّمك؟!
#تواصل #كاريزما
بتستحمل = بيشيلوك فوق طاقتك🥹
بتتدلع = بيشلوك علي كفوف الراحة😌
هي قاعده كدا 🤷🏻♀️
اللي بيستحمل بيحملوه اكتر.. واللي بيتدلع بيدلعوه اكتر
انت عاوز تعمل ايه بقى!🤔