01/09/2026
هنتكلم اليوم علي شكل الزمالك تفصيليا وأداء كل لاعب والمدرب وكل شئ في الماتشات التلاتة اللي فاتت
اولا انا هبدا ب المهدي ،،،، عامل أداء عظيم محدش يقدر ينكر وافضل حارس في الدوري وحرفيا لولاه كنا خسرنا التلت ماتشات بس ارجوك ي مهدي لما تطلع طوح الكورة بعيد مش تدخلها الملعب الغلطة دي اتكررت الكورة اللي شالها الونش
،،،،،
تاني لاعب الونش أداء هايل هايل هايل من الونش اعلي مستوي اشوفهوله من بعد الإصابة حتي مستوي خروجه ب الكورة بقي مميز ،،،
محمد اسماعيل اول مرة اقولها النهاردة خارج نطاق كرة القدم سئ ك تمركز ك بناء ك ثقة مبالغ فيها ك كل حاجة كان سئ جدا
عمر جابر زي ما كنت دائم الانتقاد ليه بقوله أنت اعلي لاعب في الزمالك كان ناقصك موضوع الرافعات وبقيت بترفع بقيت بترقص وتتصرف تحياتي ليك يعمر تطور رهيب
بن تايج مش هو دة بن تايج يبقي عامل ماتش متوسط مرة واحدة بسبب بطئه في التحضير ممكن يلبسك جون
شحاتة كمية ميس باص مش طبيعية مشوفتش منك شوطة أو تاكلينج أو هيد أو اي حاجة تذكر مشوفتش حتي تمريرات مفتاحية خطيرة مش عارف هشوف دة امتي لكن بدنيا واقف علي رجله بس محتاج تطوير
ربيع،،، ربيع الشوط الأول ميلعبش في الدرجة التانية
ربيع الشوط التاني كان من أحد أهم المكاسب طيب ليه لان المشكلة في ادم كايد
ربيع عنده مشكلة واضحة في التمركز والتوقع وانه لما بيقطع مش بيديك الاستحواذ لا بيشتت فبالتالي مش بيعمل هجمة ومش بيجيبلك الكورة للاسف ربيع صعب يكون أساسي وسط ملعب زمالك ومعرفش كابتن معتمد مصمم عليه أساسي ليه ممكن تأمن بيه النتيجة إنما مش أساسي
ادم كايد مش هضيع وقتي واحلل ادائه لأن مفيش أداء والكورة النسائية اخشن منه اصل بصراحة مفيش وقت للدلع
شيكو بانزا أحد نجوم الدوري كله مش الزمالك بس وبالنسبالي مفاجئة كبيرة وهو اللي محقق المعادلة الصعبة الي الان
حسام اشرف كذلك جاب جونين صعبين بقي انشف بقي هيدر فيه شغل واضح معمول ولو نلاحظ محمد السيد وحسام كويسين عشان اشتغلوا علي نفسهم مع مدرب برايفت
محمد السيد هو سر تقارب الخطوط محمد السيد كان مايسترو بيلعب لزمايله وكان تقيل في مكانه وشرس جدا جدا جدا ولاعيب راجل
ناصر منسي اقرب الراحلين في يناير حاجة تضحك مستواه ضحك مفيش مستوي لاعيب أقل من كلمة فاشل النجاح احافظ علي نجاحي مش اكون بالمستوي المتدني دة
احمد شريف وناصر منسي مينفعش يكونوا علي دكة الزمالك اتمني كابتن معتمد يطلع اتنين ناشئين نستفاد بيهم اكتر
عدي الدباغ النهاردة كان وحش جدا والفينش فيه مشاكل
هتكلم بقي عن معتمد جمال ،،، كابتن معتمد هو حضرتك ليه عنيد ليه حضرتك مش مرن كابتن معتمد فكك من البدني كلامي مش بدني وإعداد ولا أداء حلو او وحش كلامي 123 كورة وقفة لاعيبتك في الملعب وتقارب الخطوط فين ،،، طب الشكل الخططي التكتيكي والجمل التدريبية فين
كابتن معتمد هو حضرتك مقتنع ب احمد ربيع علي حساب محمود جهاد ويوسف الفرنسي ليه طيب ليه مش حاطتهم دكة كنت جربتهم حتي ،،، كابتن معتمد الخضري فين احمد صفوت اللي قد ادم كايد مليون مرة وواقف بدنيا علي رجله فين
كابتن معتمد عندك وينجات في الناشئين كتير اوي احسن من احمد شريف وايشو ممكن حضرتك تقول فين ومش جرئ ليه ما انا لازم اطلع من تحت احمد صفوت مع وينجين واحد شمال وواحد يمين دة لازم ي كابتن مع الخضري وإبراهيم
لاني عندي مشاكل في الوينجرز ورقم 10 كابتن معتمد اللاعيبة معاك بقالها سنة ولسة مش عارف ان مينفعش يبقي ادم كايد مع فتوح أو ادم كايد وعبدالله لأن الاتنين تقال يعني حضرتك بقالك سنة ما تنزل شحاتة ومحمد السيد وجمبهم اي حد حتي لو ناشئ أو جهاد أو الفرنسي
كابتني مينفعش تستبعد محمود جهاد ويوسف الفرنسي لأن ربيع مش احسن حاجة والناس دي بتدرب بدني من ايام كاس العالم
مشكلتي فين في رقم 6 ورقم 10 والوينجات عندي ناشئين بص ليها بصة اختيارات عظيمة كسبتك دوري
اتمني العشرين يوم بتوع التوقف نقدر نقف علي رجلنا ونبص علي الناشئين اه بنلعب شوط واحد عشان بدنيا مش كويسين بس الخطوط نفسها بعيد كل البعد وتشكيلتي ناقصة فلازم ابص ل الوينجاات في الناشئين ورقم 10 ولجهاد والفرنساوي ك رقم 6
اللي يقرا كلامي يكتب تم ي ملوك عشان اعرف ان الاخبار بتوصلكم ويوصلكم كل جديد 🤍👑🏹
#الزمالك #الملكي #اليوم
