الزمالك الملكي اليوم

أجبن مدرب انا شوفته في حياتي المدرب الجبان عمره ما يبقي مدرب زمالك ابدا
صبرنا عليك كتير وسقفنالك بعد الهزيمة القاسية م الاهلي معندكش حلول ومخك واقف
ومن ساعة ما ابراهيم صلاح نزل مساعد معاك والأداء وحش
كان الأداء حلو لما كنت بتستشير محلل الأداء بتاعك
تبديلاتك متأخرة جدا
بدنيا مشيت علاء هويدي عشان الأجنبي الفاشل اللي جيبتوه
عملت كل حاجة غلط ودة مش امبارح دة من ماتش الاتحاد السكندري ثم بلوزداد
هل فيه طريقة لعب لا خالص كنت عشوائي بتلعب ع استاد متقفل مش عارف تجيب جونين جبت جون رجعت ليه
مش ضاغط عليهم من اول الماتش ليه زي ما هما عملوا معاك وكأن انت اللي بتلعب ف أرضهم دة الجمهور اول مرة يعملها ويقول اضغط اضغط اضغط الجمهور اللي كان بيوجه اللاعيبة كانك نادي بلا مدرب والمدرب واقف ساكت مش مصحصح
لا فيه ضغط ولا فيه كورة قصيرة ولا فيه تاكتيك متفق عليه وقراءة لخصمك ولا فيه اي كورة غير الكورة الطولية العشوائية دة هما كانوا بيلعبوا كورة من تحت
اولا تشكيلك غلط كله قالك شيكو بانزا دة ل التحولات الهجومية يعني ينزل وانت فايز عشان هما يهاجموا ويبقي فيه مساحات ف ضهرك
عم فتوح اللي لازم يركب قطر سكة الا تلت كان نازل شارب امبارح من اول الماتش ل تطلعه ل تخليه وسط ملعب وايشو باك ليفت وتطلع كايد اللي كأنه بيلعب كورة نسائية بيخاف يلتحم
حاجة اخر حرقة دم واللي ومش عاجبه كلامي ميعلقش احنا ك جمهور اتمرمطنا امبارح وطلع عينينا ف عز الحر وعز رخامة كل حاجة وجايين قبل الماتش ب اربع وخمس ساعات
وفي الاخر دي النتيجة ف الاخر جبت جون وخايف تضغط ي جبان
اتفرج ع عمك جوميز ف ماتش نهضة بركان اول 30 د رعب
اتفرج ي فاشل
والجزيري اي اللي بقاله سنة مش بيلعب دة جزيري اي دة نازل معمي كورة هو والجون بيعملها ب كعبه جزيري اي ي فاشل فين ناصر منسي من بداية الشوط التاني ي غبي احسن لاعب عندك منزله الدقيقة 81 اي الغباء دة
الدقيقة 81 كله بيعمل تبديلات عشان ضربات الجزاء وانت خرجت كل اللي بيعرف يشوط عدي و فتوح وكل اللي بيشوط
دة ذنب الناشئين موتت محمد السيد بعد ماتش انبي
والخضري بعد ماتش افريقيا
وايشو بعد ماتش سيراميكا ف الكاس
والفرنساوي وامير عبد العزيز بعد ماتش كهربا الإسماعيلية
وانس وائل ومحمد ابراهيم وكله
دول كانو هما دكتك بس من كتر ما انت راكنهم بقي مستواهم زفت
واللي معاك بدنيا وقعوا لو مخلي رجليهم ف الملعب كنت لما هتحتاجهم هتلاقيهم هما دكتك
مدرب جبان وفاشل وضيع مجهود جماهيره محدش يقولي اسكواد
احنا ميزانيتنا اعلي منهم بكتير وهما ال 12 في الدوري ف بالله عليكم مش عاوزين استفزاز هو غلطنا لما دعمناكم ماتش الاهلي لو كنتوا اتشتمتوا مكنتوش هتستهتروا بينا امبارح مفيش اي روح ب النسبة ل اللاعيبة كانك مش بتلعب نهائي
مع العلم انت مرتاح اسبوع والفرقة دي كان عندها ماتش ف الدوري يوم التلات

اللي يكمل قراءة يكتب تم ي ملوك عشان اعرف ان الاخبار بتوصلكم 👑🏹

في وجهة نظري دي التشكيلة الأنسب عارف ان ناس كتير هتعترض وتقولي حط بيزيرا مكان كايد

بس وجهة نظري ف التشكيل
اولا بيزيرا هو الوحيد اللي يقدر يلاعبني كورة لو هو في العمق وكلنا شوفنا دة ف ماتش الذهاب وهو ف العمق كان مرعب
طيب طريقة التشكيل ب النسبالي مش ثابتة
يعني واحنا معانا الكورة الدباغ يضم مع ناصر ف العمق
وبيزيرا يتحرك من قلب الملعب ل ناحية الوينج يمين بالتالي الدباغ ياخد الباك ليفت معاه وناصر واخد قلبين الدفاع وبيزيرا يتحرك ناحية اليمين ويرفع رفعة من بتوعه تعملهم خلل ف الملعب ويبقي عندنا كثافة جوا المنطقة
طيب ادم كايد ليه مش شيكو بانزا
لأن انا مغلوب بانزا هيبقي مفتاح لعب مهم جدا جدا جدا بس وانا فايز عشان العب على التحول
وفتوح يقدر يجريه ويلعبله الكورة الطولية صح
كايد هيكون ديما ضامم ل العمق بس ناحية الشمال عشان نضيق المساحات ويبقي هو الممول ل الوان تو ف الخط الأمامي
واللاعب الحر اللي يتحرك ناحية الخطوط هو بيزيرا بالظبط كدة يمين وشمال وعمق لما يستلم الكورة كايد ويسحب المدافع يلاقي اللي عامل التحرك وراه هو بيزيرا والدباغ ومنسي جوا
طيب عشان الناس تكون عارفة بن تايج موقوف لانه اتطرد
وحسام عبد المجيد موقوف لتراكم الانذارات ايا كان مين اللي هيلعب مش فارقلي المهم اسماعيل يكون قلب دفاع لأن دة الوحيد اللي يقدر يخرجك ب الكورة ويبقي عبدالله السعيد وشحاتة 6و6 ليه لان اي اندفاع لقدر الله ممكن يكلفني كتير هدوء ثم هدوء ثم هدوء وضغط اول 20د ب استماتة اوعي تعدي 20د من غير ما تجيب جون
فرقتهم فرقة متواضعة جدا عاوز تكسبهم اعمل ضغط عالي علي قلبين الدفاع لأنهم معندهمش كورة بالتالي الساكند بول هيبقي بتاعك وكل هجمة ليك
دفاعك اوعي تلعب دفاع متقدم وليه بقول لازم اسماعيل يبقي قلب دفاع عشان سرعة اللاعب بتاعهم كاماجاتي ف التحولات بيلعبوا عليهم
الماتش مش صعب اتفائلوا لو ضغطنا زي ما عملنا ف بركان نقدر نقطعهم اول 20د ضغط مرعب ومكثف تقدر تخلص الماتش كله ف اول 20د مش هيبقوا دخلوا في الجيم بعد 20د المهمة مش هتكون سهلة
وبانزا هيبقاله دور الشوط التاني ف التحولات
ومهم جدا زيادة الباكاات ل الهجوم ظهيران لازم يزيدوا هما الاتنين عشان يعملوا كثافة

اخيرا اتمني م شركة تذكرتي تنجز وتنزل التذاكر وسهلوها ع الناس عشان الناس تسهلها عليكم امتي التذاكر هتنزل ولسة فيه طباعة وسيستم بيقع وحضرتك بتتكلم عن 45 ألف ف نداء ل وزير الشباب والرياضة الزمالك نادي مصري و ممثل مصر الوحيد افتح الملعب السعة الكاملة 45 ألف قليل جدا
وخلي موقع تذكرتي ينزل التذاكر عشان مع الضغط السيستم بيقع المفروض هتنزلوها امتي

اللي يكمل قراءة يكتب تم ي ملوك عشان اعرف ان الاخبار بتوصلكم وعشان ديما يوصل لحضراتكم كل جديد صفحة الزمالك الملكي اليوم 👑 🏹 🤍

كل الدعم لآخر نفس اولا احنا مخسرناش حاجة لسة
ومكسبناش برضو حاجة
ومازالت المنافسة مستمرة واحنا اقرب فريق ل الفوز ب اللقب
ماتش ف الدوري خلص خسرنا تلت نقط ودة لا يعني خسارتنا ل البطولة ابدا
لسة احنا اقرب منافس
طيب انا عاوز اتكلم عن اتنين لاعيبة وعن كابتن معتمد انا هكتفي بدول لاني حالي حال اغلب الزملكاوية دمنا كلنا اتحرق
هبدا ب حسام عبد المجيد اللاعب الكبير مش بس اللي يعمل موسم كويس اللاعب الكبير اللي يعرف يلعب ماتشات كبيرة
تمركزك ديما كارثي ي حسام ديما سايب حتتك وبتضغط مع بن تايج ديما واقف سرحان وكاسر الاوف سايد لاعيب بيعه واكسب منه وهات عمر فايد افيد كتير

ثانيا ناصر باشا منسي بقالي من ماتش الاتحاد ويقول ناصر وحش بس الجمهور بتاعنا لا ازاي وانت لجنة وانت مش عارف اي
ي جماعة ناصر طماع طماع طماع ناصر كان عاجبني اوي ماتش زد لانه كان كأنه مايسترو كان بيصنع كانت لياقته افضل ،،،،، ناصر لا يستحق الانضمام ل المنتخب اللاعب الكبير اللي يبقي مستواه ثابت مش حبة فوق وحبة تحت اللاعيب الكبير اللي يبقي مصلحة فرقته أولوية ميبقاش طماع ولازم يتخصم منه خصم محترم التلت صور يوضحوا أن ناصر لوحده ضيع مننا اكتر من نقطة
بنفس أسلوبه ونفس طمعه دة غير ماتش بلوزداد
عاوز تطمع العب ف فرقة وسط جدول مش الزمالك خالص

ثالثا كابتن معتمد جمال الجليادور اللي انا حقيقي عجزت عن فهمه من ماتش بلوزداد
لما ربنا يجيبلك فرصة تصلح وانت مصمم يبقي عندك مشكلة ومشكلة كبيرة جدا
مع كامل احترامي ماتش انبي كان بتاعك عملت تشكيل عك والفكرة انك اعتمدت الدور الاول علي احمد ربيع وبرضو مأداش في نفس ذاك الماتش
هل انبي الفرقة المرعبة اللي انا العب قصادها ب ربيع وشحاتة دة ايحاء انك عاوز تدافع
يعم العب ب شحاتة وعبد الله وكايد
العب ب بانزا رأس حربة لو ناصر وفتوح مجهدين

ماتش الاهلي كله قالك العب ب اسماعيل والونش وحسام قلب دفاع
ويمين محمد ابراهيم وشمال بن تايج طيرهم عشان تملي وسط ملعبك عشان شحاتة لوحده مع احترامي ملط
انت سايب فدان امبارح ف نص ملعبك فدان
بيزيرا مخنوق
يعم حطه ف قلب الملعب صانع لعب وقدامه اتنين مهاجمين متطرفين ناصر وعدي
بص ي كابتن معتمد انا مكنتش بحب كولر لانه مش مبتكر اه بيكسب واه بيعمل الصح زيك ب الظبط بس المدرب اللي معندوش ابتكار لا يصلح ل الفرق الكبيرة
انت نازل امبارح لا قاري خصمك ولا لاعيبتك محضرة ل الماتش ولا قافل علي لاعيبتك
انت نازل امبارح سايب شارع ف نص ملعبك وانت عارف شحاتة قدام اي فرقة غير فرقة زي الاهلي عارف ومتاكد
طب يعم حط السعيد وشحاتة 6و6 وخلي فتوح 10
دة برضو محصلش
طب الشوط التاني نزلت بانزا ابتكر وخلي بانزا راس الحربة وخلي عدي وبيزيرا وينجات دة برضو محصلش
فتوح سئ جدا سايبه 80د عبدالله سئ جدا سايبه 70د
طب ما انت عندك محمد السيد وادم كايد
ومحمد السيد مع شحاتة هيقفلوا نص الملعب
عندك ادم كايد معلم
شيكو بانزا ليه كان حلو ماتش بيراميدز عشان وراه لاعب بيعرف يلاعبه فتوح اللي بيلعب الكورة الطويلة ويجريه
مش بن تايج اللي بيديله الكورة ف رجله
الاهلي امبارح نازل بيهاجمك وانت بتلعب بتحفظ وبرضو سايب مساحات كبيرة جدا جدا جدا

كررت غلطة ربيع ماتش انبي
كررت غلطة أن حسام هو اللي يشوط ضربة الجزاء نفس ماتش انبي مع اني الماتشات دي الجأ ل الخبرة زي عبدالله السعيد
كررت غلطة أن اللاعيب اللي يغلط امو*ته زي محمد السيد
كررت غلطة عدي الدباغ لما قعدته فترة وعملت كدة حاليا مع ادم كايد وقبلها بانزا وبالتالي لما احتاجتهم هما خارج الخدمة
كررت غلطة عدم الدفع ب كل اللاعبين لأجل الجاهزية وبالتالي مفيش دكة
تقدر تقولي فين الناشئين اللي عملت منك مدرب
فين الخضري وفين ايشو
وفين الفرنسي وفين انس وائل وفي محمد ابراهيم تقدر تقولي فين دول

المهدي سليمان امبارح اي يعم دة الجون التالت كان ييجي
الحارس الكبير يشيل الصعب ف الماتشات الصعبة ومن بعد عواد مش شايف حارس عدل

اللاعبين الذي لا يستحقوا ارتداء فانلة كبيرة مثل الزمالك أشباه الجزيري ومحمد السيد واحد واقف يهزر مع اكبر خاين ف تاريخ نادي الزمالك زيزو
والتاني رايح يبدل التيشيرت م امام
والشمام فتوح مع حسين الشحات
تمام اللاعيبة صحاب بس مع واحد خانكم لا ي جماعة انت بتستفز الجمهور كدة ولازم عقاب رادع ل التلاتة

جهازك الفني واقف نايم ع الخط لا بيزعق ولا بيحمس ولا بينبه ع اللاعيبة ولا بيزعق مع حكم
خلي اللاعيبة نامت ف الملعب اي لازمة ابراهيم صلاح

كابتن عبدالله حركاتك الغلط كترت وانت المفروض كابتن وتخلي بالك من تصرفك وزعلان ليه وانت زفت

كابتن جون ادوارد وكابتن معتمد جمال فين المعسكر المغلق في اهم مرحله. من الدوري يعني اي ناصر وحسام يطلعوا يجيبوا الباسبور الأمريكي عشان نفهم فين المعسكر المغلق ودي ميزة مدرب أجنبي زي جوميز بقي ابتكار معسكر مغلق شدة
وواقف ع الخط بيزعق ويحفز ويحمس مش نايم
ف الدقيقة 20 لو غلط كان بيغير

ماتشات ل النسيان واتمني نفوق الفترة الجاية لسة الفرصة ف أيدينا مخسرناش اي حاجة نقدر نصلح
وحسبي الله ونعم الوكيل ف اللي رجع الراجل الأجنبي بتاع البدني اللاعيبة بدنيا ضايعة لازم يتوجه ل الراجل الشكر وييجي علاء هويدي تاني

وعشان اديله حقه محمد اسماعيل ارجل لاعب ف الفرقة امبارح والوحيد اللي من الزمالك يستحق كامل الدعم والاشادة والتحية كان راجل بيحارب لوحده ولاعيب كبير اوي ي اسماعيل
واللي كان راجل برضو وقد المسئولية امبارح محمود بن تايج كل التحية ليهم

اللي يكمل قراءة يكتب تم ي ملوك عشان اعرف ان الاخبار بتوصلكم 👑🏹🤍

اولا كلامي النهاردة عن التعصب الأعمى والفتنة كلامي النهاردة موجه الي المجلس الاعلي ل الإعلام
الذي يديره المهندس خالد عبد العزيز
،،،،، اولا الزمالك نادي حكومي عيب اوي المخرج الغير مهني بالمرة والذي نطالب جميعا ب إقالته لعدم احترامه لبلده من لا يحترم فريق حكومي ف هو لا يحترم بلده المخرج هشام عبد الودود لتالت مرة علي التوالي يرفض يعرض تيفو نادي الزمالك والدخلة بتاعة جمهوره
هل هذه هي المهنية
هل دي المبادرات اللي كانت لنبذ التعصب
دة تعصب اعمي وعدم احترام ل المهنة وللبلد ويجب حساب رادع عشان نخلص من الأشكال دي ودي تالت مرة علي التوالي
دة غير الاعادات واللعب شغال وعدم احترام الزمالك
كانه اول مرة يخرج أو بيتعلم اخراج
هل دة كله يا باش مهندس خالد ميعملش فتنة هل دي المهنية اللي بيتعلموها
يجب المحاسبة لأن تيفو امبارح كان بيوري الناس تاريخ مصري والملك توت عنخ امون وعباراته اللي علي المقبرة وبيعرف الناس التاريخ الفرعوني ل مصر وكان عرض مبهر وكان متكلف وكل دة عشان شكل بلدي
هل أنا ك جمهور احافظ علي شكل بلدي وشخص عام زي المخرج دة ميعرضش المظهر الجميل دة
يبقي لازم حساب

ثانيا عيب لما يبقي كابتن كبير كان كابتن الاهلي ومصر يبقي ب التصابي والتعجرف دة مع مهيب
كابتن اخرامي عيب اوي ي كابتن لما تطلع تقلل من نادي
عيب اوي لما تطلع تقول دي بطولة صفيح دي بطولة مش عارف اي دي بطولة اي عيب ي كابتن دة انت من شهور كنت بتلطم وتقول ضهري اتكسر ف وفاة ابني وفي حبس جوز بنتي وكان جمهور الزمالك هو الداعم ليك
هل الاشكال دي مبتعملش فتنة هل التقليل من نادي كبير عريق بحجم الزمالك والتقليل من البطولة
وقوله افرحوا شوية هل دة يصح ؟!
طيب البطولة دي ب كابتن ي كبير اللي خلتك نادي القرن لو هي قليلة يبقي دة اعتراف منك انك مش نادي القرن
لما واحد زي دة يحيي التعصب المفروض الجمهور يتعلم من مين لازم الراجل دة يتوقف ويكون عبرة لمن يعتبر لأن اللي ميحترمش نادينا مكانه تحت رجلينا ونتمنى اللي يجيب حقنا هما المسئولين عن الإعلام ويوقفوا كل م يخطئ هل شوبير لما يقول الدنيا هتخرب والجمهور هيعمل هل دة مش تعصب دة تحريض كفيل يمنعه من الظهور الإعلامي نضفوا الإعلام الرياضي وهاتوا ناس مهنيين

الدكتور بكلية الإعلام جاليليو اللي شغال ف قناة الزمالك أتوقف ليه لا غلط في حد ولا اثار فتنة ولا اتكلم علي حد
ولا تم إدانته قانونا الراجل أتوقف لأجل غير مسمى والغريب والعجيب أنه لم يتم ذكر المدة
هل الزمالك بس من يدفع الثمن
هل دكتور ب كلية اعلام يبقي هو اللي مش مهني وهو لم يقل كلمة يحاسبه عليها القانون أو تثير فتنة
دفع ضريبة حبه ل النادي وكلامه ع النادي وهو لم يفعل شئ بتوقفوا المهنيين وتشغلوا من يثيروا التعصب

اللي يكمل قراءة يكتب تم ي ملوك عشان اعرف ان الاخبار بتوصلكم 👑 🏹 🤍
وانتظروا تحليل الاياب ل الزمالك وبلوزداد

اولا كلامي عن ماتش بلوزداد والمصري
هبدا ب المهدي سليمان الجون اللي دخل فيه ماتش المصري يتحمله 100% لانه متقدم اوي
ماتش بلوزداد اه شال جون مؤكد بس كل طلوعه ع العرضيات غلط
المهدي لو صلح النقطة دي هيبقي مفيش زيه يتدرب يطلع ع العرضيات صح
وغير أن أغلب العرضيات مكانش بيطلع فيها
حسام عبدالمجيد عمل ماتشين تارخيين حرفيا
محمد اسماعيل مدافع برنس في نفسه ناقصه ميطولش ف الكورة زيادة
عمر جابر علي الرغم اني كنت بهاجمه بس الماتش بتاع بلوزداد اه اتعمل عليه اخر ربع ساعة شغل كتير من جبهته بس عمل شوط اول كويس إلا ف كورة رفعها عالية ع الرغم عرضية أرضية ل بيزيرا جون مليون % بص قبل ما ترفع بالله عليك
وعاوز اعرف برضو محمد ابراهيم الراجل قعده ليه محمد ابراهيم احسن هجوميا واحسن دفاعيا واحسن علي كل المستويات فين محمد ابراهيم ؟! علامة استفهام كبيرة بصراحة
فتوح عمل ماتشين كويسين جدا
عبدالله السعيد برضو عمل مجهود جبار
احمد ربيع ماتش المصري كان أسوأ لاعب وسط شوفته في حياتي يعني مش لاعب زمالك خالص لاعب وسط 6 هو اللي بياخد الكورة التانية ويعمل هجمة
هل أحمد ربيع بعد ما ياخد الكورة التانية بيباصي ل زميل ولا بيشتت
الإجابة بيشتت ومعرفش أي كمية التسرع والميس باص دي
نقطة تانية بدنيا ضايع وسط 6 دة لازم يبقي نحلة حتي الآن غير راضي عنه تماما محتاج شغل كبير اوي نصيحتي ليه طور النواقص دي ومش هيبقي فيه زيك
محمد شحاتة بقي بالنسبة ليا هو النجم الأول ل لقاء بلوزداد
ماتش تاريخي نحلة اللهم بارك في الملعب
وصلح غلطه وبقي يلعب بسرعة مبقاش يطول ف الكورة
كان صدادة وبيغطي ورا كل اللاعيبة وبيشتت لزميل
عمل ماتش من احلي الماتشات اللي شوفتها ل شحاتة واميز حاجة أنه بدأ يشوط وياريت يعمل كدة ديما واحدة تصيب وواحدة تخيب
الدباغ عمل شوط اول عالمي لما راح ناحية اليمين لاعبي مش متوقع ومتحرك وبيفتح الملعب حلو اوي وعمل ماتش حقيقي جامد اوي سواء بلوزداد أو المصري
بيزيرا مش محتاج اتكلم عن قد اي الراجل دة اللهم بارك مش طبيعي الراجل دة حاجة كدة زي الفاكهة
منسي ممكن ناس متبقاش معايا ف رايي بس منسي من ماتش انبي وهو مش عاجبني عارف انكم استغربتم
منسي كان مميز ب النسبة ليا لانه مش اناني
بقي اناني جداااا بس مصلحة الفريق أهم ي منسي
منسي كان بدنيا اعلي من كدة بكتير
منسي كان طول الماتش بيضغط زي النحلة
اتمني تراجع كل الكلام دة

نقطة قبل ما اخش ع كابتن معتمد جمال
البدني من بعد علاء هويدي مش احسن حاجة الراجل الأجنبي اللي جايبينه ضعيف جدا واتمني المصري علاء هويدي يرجع ادينا شوفنا الفرق من مباراة انبي واحنا بدنيا مش اجمد حاجة

كابتن معتمد عملت شوط اول عالمي بس هل لو كنا خسرنا 2 مثلا كان دة هيبقي كلام الناس عنك اعتقد لا
ليه لأنك أخطأت في التبديلات المتأخرة جدا جدا جدا
شايف الفرقة بدني راحت ف داهية ومش قادرين ومضغوطين ومحدش بيسحب الفرقة عندك ادم كايد منزلتوش ليه يمسك كورة شوية ويخف الضغط طيب ليه احمد شريف ينزل ؟! تبديله غير مفهومة لو نزلت بن تايج قدام فتوح احسن لو نزلت ايشو قدام فتوح احسن
احمد شريف دة أسوأ لاعب دخل الزمالك حرفيا واد طري كدة ومالوش في الكورة واللي جابه معندوش نظرة كروية
باصاته غلط التحماته غلط بطئ جدا مش عاوز يعرق ويا كابتن معتمد لو عاوز بطولة زي ما استبعدت سيف جعفر استبعد كمان احمد شريف
وتبتدي تجهز محمود جهاد بدنيا هيبقي احسن بكتير من ربيع
النقطة الوحيدة اللي تؤخذ عليك التبديلات المتأخرة جدا ولاعيبتك بدنيا كانت خلاص
حاجة كمان ثنائية فتوح مع عبدالله السعيد مع ربيع كانت وحشة جدا جدا جدا لان التلاتة ابطأ من بعض ف بالتالي كان التحضير بياخد وقت كبييييير جدا
محمد شحاتة لما بيبقي معاهم بيسرع الرتم وادم كايد كذلك
وبرضو لازم أشيد ب كابتن معتمد لانه مدرب معلم مدرب كبير اوي وكل التحية ليه احسن مدرب في مصر حاليا
الراجل احلي فريق في مصر بيلعب كورة
الكورة من تحت كما ينبغي وعامل أداء حقيقي هايل هايل هايل
عمل كمان لقطة تكتيكية وهو لما نزل فتوح لبن عيادة كان أول ما يمسك الكورة فتوح لو ف نص الملعب بيطلع يقابله
وكان بيلعب ف ضهره لأن بن عيادة ضعيف دفاعيا
عاوز تفوز ع الفرقة دي في القاهرة متخليهمش يرفعوا كورة لأن طريقتهم كلها رفعات
وخلي بيزيرا دكة عشان إصابته ينزل لما نحتاجه بس عشان محتاجينه الفترة الجاية اوي
وايشو وينج هو أو الخضري ارجل واحسن من احمد شريف

اللي يكمل قراءة يكتب تم ي ملوك عشان اعرف ان الاخبار بتوصلكم 👑 🏹
الزمالك الملكي اليوم 🏹 👑 🤍

اللي قدامنا في الصورة دة الاعب احمد القندوسي
طبعا سامع كلام في الفترة الأخيرة أنه جاي وانا مبحبش الصفقات اللي فيها ريسك كبير محبش صفقات المكايدة كما يفعل الغريم
طيب ليه فيها ريسك ،،، اولا القندوسي كان في عزه وهو في سيراميكا
جاله إصابة وهي كسر في عضمة الساق
ودي بعدها مهما اللاعب اتعافي عمره ما بيرجع 1% حتي زي الاول لان دي اصعب من الصليبي دي كسر في الساق متخيل عزيزي المتابع يعني اي
يعني جايب لاعب مخلص كورة لاعب كان بيلعب منتخب جزائر حاليا مراحش محليين حتي
حاليا خارج القوائم دائما في سويسرا
احمد قندوسي مع احترامي صفقة فاشلة تماما في الوقت الراهن
ومينفعش نجيب صفقة بعد ما تخلص دي مشكلتنا علي مر العصور جبنا اوناجم بعد ما شطب كورة جبنا بو طيب بعد ما شطب
طالما مجيبتش اللاعب في عزه متجيبوش
عاوز وسط ملعب فعليا مرعب مرعب مرعب
الحريمات لاعب الجيش الملكي مايسترو كأنه فرجاني في عزه
وللعلم إصابة قندوسي خلته ركب مسامير
زي ما محمد ابراهيم بعد لقاء صندواندز رجله اتعوجت وركب مسامير برضو وادينا شفنا الاكثر المواهب في مصر من بعد اليوم دة مرجعش
اتمني نجيب لاعيبة نفس نوعية بيزيرا وكينو برازليين وارجنتيين ونتجه لأمريكا الجنوبية أكثر حرارة وروح ومهارة
نجيب لاعب زي كمارا بتاع بركان كرقم 6 لاعب زي موري توريه المحلة لاعيب جامد اوي و 6 الحريمات 8
اللي يكمل قراءة يكتب تم ي ملوك عشان اعرف ان الاخبار بتوصلكم 👑🏹
صفحتكم الزمالك الملكي اليوم 🏹👑🤍
انتظرونا في بوست مهم جدا عن اللاعب ماتامجاسا لاعب زد الغير مقنع بالنسبالي برضو وهقول ليه ولاعب الزمالك ديما بيختلف والاجنبي لازم يبقي احسن من المصري اللي عندنا ف انتظرونا

هتكلم في بوست عارف بنسبة كبيرة أنه مش هيعجب البعض والكل ديما مش هيبص ل الحق هيبص ل الالوان ولأجل كدة مش هيكون فيه منتخب ابدا
كلامي النهاردة عن حسام حسن
كابتن حسام ما هي المعايير اللي بتخليك تضم لاعب ل المنتخب ماذا تري فيه لكي تضمه ؟! فيه حد من الجمهور هيطلع يقولي يعم انت مالك مثلا هرد أقوله مفيش حاجة اسمها انا مالي في الكورة لما لاعب مش بيلعب ويبقي صفر في ناديه وبرة القائمة وتضمه دة اسمه عبث
حد تاني هيطلع يقولي هتفهم احسن منه ي جماعة شغل ا مخكم ارجوك احنا مش في خناقة ابدا انا مجرد عاوز اعرف المعايير نبدا ف الكلام عن القائمة اسم اسم

اولا اول مرة اشوف مدرب منتخب واخد اتنين حراس من فرقة واحدة غالبا عمري في حياتي م شوفتها علي الرغم الكثير من الحراس متالقين جدا زي احمد ميهوب حارس سموحة
وعمر صلاح حارس ببتروجيت
طيب هيطلع فيلسوف يقولي ما شوبير والشناوي الاتنين بيلعبوا هقوله المهدي وصبحي الاتنين بيلعبوا ي حبيبي الحارس يعني ثبات انا مش بنقي طماطم
الزمالك عنده المهدي سليمان فقط من يستحق الانضمام واللعب أساسي كمان
هل صبحي رغم مشاركاته يستحق الإجابة لا طبعا
هل الشناوي الفترة دي باعتراف جمهور فريقه يستحق برضو لا
هيطلع كابتن حس ويقول انتوا بتهاجموني لأن معاييرك بتختلف والموقف بيبقي واحد اهو
نخش لتاني نقطة محمد هاني الناشئ كما يلقبوه جمهور فريقه اكتر لاعب عامل غلطات ويمكن سبب الخروج من افريقيا هو محمد هاني مع ذلك بينضم وبيلعب أساسي
مع عندك 3 باكات رايت يستاهلوا نظرة ي كابتن غير دماء بقي يعني لاعب مهما يغلط بينضم هيصلح م نفسه ليه طيب ؟! ما هو حلو وحش هيتاخد
عندك محمد ابراهيم ناشئ الزمالك لاعيب اوروبي ي كابتن
عندك خالد عوض لاعب الجيش لاعيب جامد اوي وجعان كورة
وطبعا طارق علاء
م تدي فرص ل الشباب بقي ي كابتن
وعلي فكرة الاهلي نفسه عنده باك رايت لازم يلاعبوه اسمه الاسيوطي لو لعب هيبقي محط أنظار فكك من هاني بقي
الاختيار التاني محمد عبدالمنعم
عبدالمنعم بالمناسبة انا بحبه جدا ولاعيب راجل جدا جدا جدا ولاعيب فعلا ذو فنيات وخلق بس هل عدل ربنا بقول أضم واحد بقاله 8 شهور ملمسش كورة علي حساب ناس كانت أحق بكتييييير اوي ناس بتموت نفسها عشان حلم المنتخب ولا هو المنتخب بقي بالحجز

خالد صبحي الخيار الغريب والعجيب نفسي اعرف مصمم عليه ليه ومصلحتك معاه اي وفيه أي زيادة احنا مش شايفينه
لاعب اقل من العادي بكتير يكاد يكون العش لاعب الأهلي السابق اعلي منه بكتير
سؤالي هنا فين محمد اسماعيل المدافع اللي شبه منعم المدافع الوحيد في مصر وافريقيا حاليا اللي برنس في بناء الهجمة واستايل لاعب كبير اوي ويكاد يكون افضل من حسام نفسه وافضل مدافع في مصر وسرعة ورجولة وكل حاجة فينه هل خالد صبحي فيه حاجة أزيد 😂؟! ولا عشان يتقال عليك واخد من كل الأندية والراجل فير
طيب نقطة كمان بتلاعب حمدي فتحي مدافع ليه وانت عندك حسام عبدالمجيد ي جهبز نفسي افهم برضو النقطة دي
وهل ياسر ابراهيم اللي زعيقه مداري علي فشله افضل من حسام

نروح للكارثة البشرية الأخري وهي كوكا 😂 كوكا دة اصلا مش دكة ل الاهلي اصلا يعني
ولاعب متواضع وجمهور الاهلي مش بيطيقه ولاعيب علي قده اوييييييييي ولا لاعيب كورة ولا ليه فيها واصلا كانوا هيمشوه ف الصيف اللي فات ومحدش طلبه واخده علي اي اساس فين مستواه اللي انت شوفتهوله دة هو لعب ماتشين علي بعض ي ظالم
خدته علي حساب كريم حافظ

مروان عطية طبعا يستحق الانضمام طبعا مفيش كلام لكن هل يستحق اللعب أساسي علي مهند لاشين ف أسوأ فترة لمروان عطية ب اعتراف جماهير الاهلي

هيثم حسن لاعيب جامد اوي واتمني الصحفي وسيم احمد يطلع كتير زيه لأن أوروبا مليانة مصريين في الخارج اللي ف ارسنال واللي ليفربول شباب ومليانة مواهب
حاجة كمان اللاعب الكبير عندي لما يقع لو انا مدرب كبير اعرف اقومه كلامي على مصطفي محمد يعني تعرف تقومه وتدعمه لو انت عايز ي حوس

ناصر منسي ملعبش ليه انت راجل فايز أربعة ودة مهاجم هو سبب المكسب ل فرقته كذا ماتش تواليا ملعبش ليه
مهدي سليمان هل هتحن عليه هو ومحمد علاء ويلعبوا ولا واخدهم منظر
اين محمد شحاتة مين وسط ملعب في مصر زيه عشان متاخدوش ولا كوكا احسن منه ولا حمدي فتحي المشطب كورة
وفين زلاكا مكسر الدنيا فين غنام محمد ك وسط ملعب ؟!
فين اكرم توفيق ولا عشان مشي من الاهلي
فين الناس دي كلها عاوز افهم فين مروان حمدي
ليه القائمة بتتعلن قبل الماتشات المصيرية للفرق عشان افهم برضو
ليه مصممين منفرقش بين المنتخب والنادي ونحبط لاعبين الزمالك وبيراميدز وباقي اللاعبين المصريين

كلامي دة صفحات الاهلي نفسها كانت بتهاجم اللاعيبة اللي تم ذكرهم دي
هو انت يا كابتن حسام كنت بتكرمهم عشان مستواهم وحش
هو انت ي كابتن حسام واخد 9 لاعيبة من فرقة طلعت من جميع البطولات معاها مليارات وواخد من الفرقة اللي بتنافس بناشئين 4 بس
وواخد مين بيراميدز 1
اي العبث دة اي حد هيلعب في الاهلي هاخده حتي لو دكة زي كوكا
كلامي مرة تانية متفق عليه جماهير المنافس انا مقولتش لاعيبة الزمالك فقط من تستحق الانضمام لا فيه لاعيبة من كذا حتة تم ذكرهم
وجماهير المنافس هي هي الجماهير اللي كانت بتسب ف بعض الأسماء دي
والسؤال هنا ماذا يفعل اللاعب لكي ينضم الي المنتخب
هل الانضمام أصبح ب المحسوبية طب اللاعب المجتهد اين هو
اتمني تضم لاعيبة شباب جعانين كورة مش شبعانين ومعاهم ملايين لاعيبة محترفة زي هيثم حسن كدة و هتلاقي كتير جدا وشوفوا وسيم احمد الصحفي فيه كذا لاعب معاه جنسية مصرية وفي أوروبا ومحدش يعرف عنهم حاجة
ناس تاكل النجيلة دي اللي هتجيب افريقيا مش ناس مرتاحة واتعلم من تجربة الزمالك ناشئين غلبوا المليارات لأنهم جعانين كورة مش مرتاحين
يعني لما واحد يموت نفسه ويلاقي اللي منضم كوكا وخالد صبحي دة احباط كبير اوي ولا يوجد له معايير ابدا
لاعبين يتم تكريمهم نظرا للخروج من جميع البطولات
للعلم منتخب السعودية مع كامل احترامي لو فرقة سيراميكا لاعبته هتشيله المنتخب من غير سالم اللي هو 90% من قوتهم ولا عندهم دفاع ولا وسط ولا حارس ولا عملوا هجمة اصلا

اللي يكمل قراءة يكتب تم ي ملوك عشان اعرف ان الاخبار بتوصلكم
الزمالك الملكي اليوم 🏹👑🤍

كلامي النهاردة اولا علي علاء هويدي المعد البدني لنادي الزمالك اللي كان في اوائل فترة معتمد جمال والنهاردة اتفاجئنا برحيله وجابه واحد اجنبي

الراجل ماشي معاك كويس اوي وبدنيا الفرقة واقفة علي رجلها جدا امشيه ليه ،،،، طالما حد ماشي كويس عندنا عقدة الخواجة ليه بجد
ما الأجنبي اللي كان مع يانيك فيريرا كان سئ جدا ودة من ساعة ما جه وحاسين بفرق واضح جدا ليه يمشي وليه نجيب اجنبي
علاء هويدي ربنا يديله طولة العمر بيفكرني ب الراجل الذي توفاه الله صديق اللاعب رقم 25 في الاهلي كان معد بدني محترم اوي وكان فارق برضو

اتمني علاء هويدي يرجعوه تاني مينفعش يمشي في وقت زي دة مش وقت تجارب ابدا واتمني يرجعوه تاني و صوتنا يوصل ل المسئولين

نقطة كمان قبل ما اخش علي محمود جهاد ،،،،
الدكتور الأجنبي اللي عندنا عيب أن انا اكون نادي مفيهوش اموال واجيب دكتور اجنبي لو بياخد 5 آلاف دولار شهريا يعني 250 الف دولار في الشهر يعني راتبه يقارب لمعتمد جمال مدرب الفريق
ومازال اللي بيتصاب معاه بيستشهد يعني مفيش فرق كبير يعني
يعني وفر وهات مصري وفيه ناس كتير جامدة جدا

النقطة الرئيسية في المقال هو محمود جهاد لاعب نادي الزمالك
محمود لو رجع من الإصابة هيفرق جدا لانه لاعيب عالي اوي وجامد اوي ومؤثر اوي واقرب نسخة من فرجاني ساسي واتمني كابتن معتمد يرجعه وهو يبتدي يدوس علي نفسه
لاعيب بصير اوي ورقم 8 زي ما الكتاب ما بيقول
ما تشتغل علي نفسك وتدوس علي نفسك وتجتهد وتاكل النجيلة ليه عاوز تعتزل بدري ما قدامك الفرصة تموت نفسك ركبت ناشئين عليك فوق لنفسك ودوس علي نفسك وهترجع اقوي واتاهل بدنيا صح واتدرب بدني كتير وعمرك ما هتتصاب
اتمني تفوق لنفسك لأن دي آخر فرصة وانت عندك الموهبة ف فوق
استغرب جدا من اللاعيبة اللي عندها الجودة ومش بتدوس علي نفسها وتتدرب بدني ل البعد عن الإصابات
حقيقي بستغرب والجمهور مش هيصبر اعتقد اكتر من سنتين كافئنا بقي
عندك الجودة اجتهد عشان متعتزلش بدري ورأس مالك الكورة

اللي يكمل قراءة يكتب تم ي ملوك عشان اعرف ان الاخبار بتوصلكم 👑🏹🤍

قبل ما ابدا اتكلم عن ماتش الزمالك واوتوهو هبدا بالحديث عن الحارس اللي قدامنا في الصورة

من المتعارف عليه أن اللاعب الدولي دائما يمتاز ب الخبرة والهدوء والثبات الانفعالي ودة محصلش مع محمد صبحي
اولا دي مش اول غلطة كارثية بعيدا بقي قاصد أو لا
محمد صبحي عمل غلطة ف اخر الثواني امام كايزر تشيفز الجنوب افريقي وكانت ممكن تكلفنا الخروج من البطولة
مسكتش لحد هنا جه ماتش اوتوهو وفريقه فايز ركز في النقطة دي فريقه فايز مش خسران ودة بكل عدم مسئولية مطول ف ماسكة الكورة ومكتفاش ب كدة لا
كمان قام ضارب اللاعب انت لو مراهن علي اكسبكت انك هتتطرد مش هتعمل كدة
حارس درجة تانية قليل الخبرة مش بتاع بطولات ف مينفعش يبقاله مكان بيعه واكسب منه لأنه هيفضل مكروه ومتهاجم مهما عمل

ودة يا معتمد ي جمال قرصة ودن من ربنا ليك لان انت ظالم
عندك حارس اسمه محمد عواد كان مكسر الدنيا وقعدته
وجه المهدي كسر الدنيا ودخل منتخب وبرضو قعدته
طيب ي معتمد تعالي نتكلم فني
ماتش اوتوهو صبحي عمل باصات كارثية يبقي فين بناء الهجمة اللي كان باني اللعب كله محمد اسماعيل اصلا
صبحي لايستحق التواجد في الفريق ويجب أن يباع لأن الجمهور هيبطله كورة لو كمل أصبح مكروه
وياريت ي معتمد ي جمال تفوق وتفكك من جون ادوارد

نكمل تحليل ل الماتش محمد اسماعيل بيبني لعب كويس جدا نتمني يتدرب على أنه في الكورنر يطلع يجيب جون ب دماغه
ويركز اكتر في تمركزه الدفاعي
وحسن نقطة أنه بقي يلعب بسرعة
،،، حسام عبدالمجيد اخيرا جاب جون ب دماغه ووطي راسه ومنتظرين ديما الافضل ي حسام
،،، محمد ابراهيم بدنيا بقي احسن رفعاته كويسة هادي وتقيل علي كورته باصاته مفتاحية
ابتدي يتحسن دفاعيا
وشغال حلو مينفعش يطلع من الملعب ل حساب المعتزل عمر جابر. اللي شايف المفروض اخر موسم ليه السنادي كفاية كدة وابتدي طلع شباب بلاش عواطف

محمد شحاتة بيضيع كل اللي بيعمله بلمسته الزيادة وجريه الزيادة ب الكورة ي محمد انت لاعب 6 مش محتاج لمسة زيادة
فتوح لاعيب كبير اوي وبصير وكورته حلوة وقائد بجد
عبدالله السعيد من احلي ماتشاته من فترة وتمريراته رائعة ومن زمان نفسنا يشوط وبدأ يعمل كدة
بن تايج عالمي رفعاته كانت جامدة اوييييييييي وشويط واتمني يعمل اختراقات ديما ويزيد ويرفع ديما ويشوط
عدي الدباغ اه بيضيع بس مينفعش يطلع من الملعب ولازم يطور الفنش لاعب تحركاته عالمية ومهاري وبيفك الملعب وهداف ولاعيب كبير وإضافة كبيرة
ناصر منسي أسوأ ماتشين ليه كان الماتش دة وماتش انبي طماع اوفر بيفكر كتير
الاستلامة بتطول مترين منه لازم يفوق لنفسه الفترة الجاية
بيزيرا لاعيب كبير اوي ومهما يعمل مينفعش يطلع من الملعب لانه مهاري وبيفك اي تكتل ويلعب في أي حتة في الملعب
احمد ربيع بالنسبالي مستني منه كتير كرقم 6 بالنسبة لي حتي الآن غير مقنع
الجزيري للاسف مش شغال علي نفسه الجزيري راس ماله في البدني كنت بفكر في وقت من الأوقات أنه لا ميمشيش ل اسباب عديدة اولا المدرب يجهزه بدنيا ثانيا نظرا لأنه أكثر خبرة وأنه قائد وأنه مفيش اصلا مهاجمين في مصر ولأن راتبه مش قوي ولأنه ضحي كتير من اجلنا السنة اللي فاتت رفض عروض قد كدة
مستواه السنادي وحش اوييييييي علي الرغم أنه قبل امم افريقيا كان كويس جدا ف الجزيري مش مخلص لا هو ناقصه بدني ومستنيين منه كتير
وشكرا أنه كان راجل ووقف حارس وكان قد المسئولية وهي دي الرجولة والخبرة وحب النادي بلديات الحبيب حمزة المثلوثي اللي برضو مكنتش عاوزه يمشي لازم يبقي عندك اللاعيبة الجرينتا وعارف أن كتير هيختلف معايا

احمد شريف لا يستحق التواجد لحظة علي حساب اي ناشئ
واتمني نشوف ايشو وينج
لازم يعيد النظر لأن اي ناشئ احسن من احمد شريف ولازم يمشي

ادم كايد لاعيب جامد وهيبتدي ييجي منه بس يعلي بدنيا

معتمد جمال بقي ،،،، اولا اه كان لازم يسيب تغيير امتي تعمل كل التغييرات وتاخد ريسك لو انت خسران
ثانيا فين محمود جهاد ي كابتن معتمد ابتدي جهزه بدنيا ولاعبه مش هيكون أسوأ من احمد ربيع
رابعا فيه ناشئين احسن من احمد شريف وبانزا
خامسا يجب استبعاد صبحي وبيعه
نتمني دائما الافضل لفريقنا وانتظرونا في بوست عن محمود جهاد لاعب نادينا وقائمة مدرب مصر اللي دائما يعلنها قبل المباريات الحاسمة

واللي يكمل قراءة يكتب تم ي ملوك عشان اعرف ان الاخبار بتوصلكم 👑 🏹

انا عاوز اعرف الراجل دة مبيقفش ليه الراجل دة عنده جودة وأداء واجتهاد مش عند حد
الراجل دة ربنا موفقه توفيق غير عادي وكلنا شوفنا دة ما هي اي حاجة في الدنيا توفيق واجتهاد
ماتش الاتحاد كلنا شفنا الراجل شال كورتين أصعب ما يكون
افشة وعبدالرحمن مجدي وغير كورة العارضة ربنا وفقه فيها
الراجل مجتهد وحتي ابتدي يطلع ع الكورات العرضية بيلعب برجله حلو جدا

تاني نقطة انا عاوز اعرف مين ساند محمد صبحي في الزمالك مين اللي بيؤمر أن هو اللي يلعب
كابتن معتمد الحارس نص الفريق وصبحي معروف أنه موقفش في أي بطولة وجت
الدوريين جابهم عواد سوبر افريقي كان برضو عواد
جوميز لما حب ياخد بطولات وقف عواد
انت عندك عواد وعند المهدي
والمهدي ماشي كويس بتقعده ليه
كابتن معتمد رجاء متسمعش لجون ادوارد رجاء لازم تدخل عواد القائمة أي تهمة محمد عواد ،،، لا ضرب حد من الجهاز ولا شتم ولا عمل اي حاجة
كل اللي في القصة أن الراجل عارف ان جون ادوارد مش عاوزه وبيحاربه وعواد أحد القوام الأساسي ل الفريق
وكان مستغرب الراجل متالق مرة واحدة يتم استبعاده من لقاء كايزر تشيفز طب ليه
لازم محمد عواد يرجع تاني لازم ي جماعة
كابتن معتمد عارفين انك مش بتسمع لحد وان قرارك من دماغك نرجو النظر في رجوع عواد مرة أخري ليكون رجل المرحلة مع المهدي سليمان ،،، الراجل ليس له أي ذنب ابدا معملش جريمة اقعدوا معاه ورجعوه دة ابن النادي ومنتظرين دة الفترة الجاية

اللي يكمل قراءة يكتب تم ي ملوك عشان اعرف ان الاخبار بتوصلكم 👑🏹

النهاردة. كلامي كله عن ماتش اوتوهو الكونغولي هنتكلم عن لاعب لاعب ،،، وعن كابتن معتمد
طبعا كابتن معتمد عمل ماتش كبير جدااا كل اللاعيبة يشكروا ونتيجة إيجابية جدا

اولا محمد صبحي لا يسأل عن الهدف تماما هدف صعب ومركون ولا يسأل تماما ومنظرينه يبقي رجل المهمة القادمة

تاني حاجة اسماعيل لما ابتدي ميطولش ف الكورة ابتدي يبقي كويس
حسام عبد المجيد معرفش بيترعش ليه واي حد بيرقصه مع أنه لاعب دولي وخبرة يعني
محمد ابراهيم بقاله فترة مكانش عاجبني بس النهاردة كان أحد نجوم اللقاء زود اللياقة وزود البدني امسك ف الفرصة ب ايدك وسنانك هتبقي افضل باك رايت في مصر
ايشو قد بن تايج مليون مرة عنده تنوع ف اللعب مهاري قوي بيرفع وبيرقص وبيدافع بيعمل كل حاجة ،،، شحاتة نفس العيوب هي هي مجهوده جبار لكن بيمسك كورة كتير اوي
احمد ربيع تقيل جدا بيمسك كورة كتير برضو بطئ باصاته كلها غلط ف غلط
عمل النهاردة تمريرة غلط اضطر بانزا يعمل فاول وبقي علينا بهدف
وبرضو النقطة الإيجابية تمريرته النهاردة بتاعة الهدف
ربيع ناقصه اي ناقصه لياقة ولازم ياخدها ف اسرع وقت
تاني حاجة هو ميقدرش يشيل وسط ملعب لوحده لا يشيل مع شحاتة لوحده لا ودي نقطة سيئة
حتي الآن كل كورة وكفقد كورة وكتقل تحسه مقطورة بتلف حتي الآن من اسوا الديفيندرات اللي دخلت الزمالك هو احمد ربيع الله واعلم الفترة يمكن يغير من نفسه ازاي
بس حتي الآن لاعيب آخره فرق وسط جدول

فتوح نجم اللقاء وعمل طبعا مباراة تاريخية مجهود ومراوغات وبدنيا بقي كويس وبيفرق مع الزمالك جدا وهو فايق

عدي الدباغ لاعيب جامد يضيع السهل ويجيب الصعب اوي لكنه مهاجم كبير جدا ومعرفش بعد ما بقي هداف الدوري معتمد قعده ليه وهو معندوش وينجات وبيزيرا بيلعب شمال ويمين وفي القلب وفي كل حتة في الملعب لانه مهاري
طيب تاني حد هتكلم عنه شيكو بانزا
بانزا النهاردة مكانش بالسوء اللي هو برضو كان على الأقل بيسحب الفريق ل قدام
وأكيد هو احسن الوحشين لازم ياخد اجزاء من المباريات
الجزيري صفر مفيش مجهود ولا فيه بدني واعتقد اول الراحلين
تاني الراحلين احمد شريف
لاعب طري ووحش جدا وضعيف وميلعبش دكة ف فاركو حتي
جاله الجون اللي ف الصورة وضيعه حاله لعبة اتنين ع واحد واداها ل بيزيرا وحش اوي

بيزيرا علامة استفهام الانفرادات الضايعة وتقله الاوفر ع الكورة لازم معتمد يزعقله
جاتله اخر كورة يوصل منسي انفراد وتقل ع الكورة اوفر لازم يزعقوله
دة غير كل ماتش يضيع انفراد
محمد السيد عمل ماتش كويس وهو بديل بيبقي ممتاز
بن تايج بقاله كام ماتش سئ
ناصر منسي قوته ف الضغط لازم طول الماتش تضغط بشراسة

معتمد جمال عمل ماتش كبير اوي اللاعيبة هي اللي ضيعت فرص ب غرابة لكن ف ارضك لازم تضغط والشوط الاول تخرج غالب وبفرق محترم
بس فيه نقط سلبية الناشئين اللي وصلوك ل كل دة ي كابتن معتمد ايشو احسن من بن تايج الخضري احسن من بن تايج فين الخضري علامة استفهام جامدة اوي استبعاده
فين انس وائل ك بديل ما هو احسن من بانزا وأحمد شريف
لو لاعبته ولاعبت بيزيرا شمال ومنسي راس حربة هيبقي تشكيلة موت
رايي الفترة الجاية التشكيل
صبحي
حسام. اسماعيل
خضري. محمد ابراهيم
شحاتة ولو مش موجود يبقي الفرنسي
وفتوح
قدام بيزيرا رقم 10
عدي وينج رايت. بانزا وينج ليفت
ناصر منسي مهاجم

الشوط التاني اسحب بانزا لو وحش ونزل انس وائل أو ايشو كوينج
لازم ترجع الناشئين تاني
نقطة كمان حتة الصيام أو لا ي فلاسفة الدين ربنا رخص أن السفر يحقلك تفطر فيه دي رخصة من ربنا
السفر يحقلك انك تفطر فيه لأن علي طريق سفر
حتي ال الصلاة بتتصلي قصر
ايا كان بقي غرض السفر ،،، عمل ،، ترفيه
بس ربنا عمل رخصة أن اللي مسافر يفطر والرخصة اربع ايام طالما الغرض ليس الإقامة الدائمة
ي جهلة

ملحوظة انا كلامي أن اللاعيبة كلها كويسة جدا معتمد طبعا مدرب كبير لكن كلامي بقول لأجل الإرهاق اللي اثر علي اللاعبين ولضغط المباريات لازم الناشئين اللي كانوا موجودين وكانوا سبب رئيسي في اللي احنا فيه الآن لازم ياخدو اجزاء من المباراة لأجل الإرهاق للاعيبة الكبيرة مش لأجل أن حد وحش اتمني كلامي يتفهم

اللي يكمل قراءة يكتب تم ي ملوك عشان اعرف ان الاخبار بتوصلكم 👑🏹🤍