Contact information, map and directions, contact form, opening hours, services, ratings, photos, videos and announcements from نشوى الفولي_Nashwa El Fooly, Coach, Cairo.
لايف كوتش للأمهات وللبنات ابتداء من سن المراهقة؛ لتطوير المهارات الشخصية والحياتية
(تربية إيجابية، التقدير الذاتي، العادات، التركيز)
متاح جلسات فردية وورش عمل جماعية
17/05/2026
أصدقاؤنا في دول قطر😍
كتاب موجود في:
📌 🇶🇦
▪️الدوحة للمعارض والمؤتمرات.
▪️من 14 مايو إلى 23 مايو.
▪️جناح عصير الكتب رقم: H2 - 35
الكتاب تأليف مجموعة من المتخصصين في مجال التربية والمراهقين والكوتشينج:
نسمة جابر، سمر علي، نشوى الفولي، ابتسام ربيع، إيمان رفعت، هند الصباغ
يومكم جميل😍
#كتاب #المراهقين #تربية
10/05/2026
أصدقائي الأعزاء، متابعين الصفحة الكرام 🥰
بفكركم بمعادنا اليوم الساعة ٨م، بالتمام والكمال في محاضرة عن بعنوان:
هسيب لكوا لينك الاشتراك في التعليقات💪
ملحوظة: جهزي كراسة صغيرة وأقلام عشان هنستخدمهم ❤️
ويومكم جميل، كله خير وبركة وراحة بال🌹
08/05/2026
رحلة الرجوع النفسي تبدأ من لحظة وعي…
لحظة تقررين فيها أن تمنحي نفسكِ مساحة للفهم، والاحتواء، وإعادة التقدير 💜
في ورشة "رحلة الرجوع النفسي: كيف تعيدين بناء تقديركِ لذاتك"
مع م/ نشوى الفولي، نفتح مساحة آمنة لكل أم تحتاج أن تتوقف قليلًا، تسمع نفسها، وتستعيد علاقتها بذاتها وسط مسؤوليات الأمومة والحياة.
الورشة مجانية ومباشرة عبر Zoom
📅 الأحد 10 مايو
⏰ الساعة 8 مساءً بتوقيت القاهرة
للانضمام ومتابعة تفاصيل الورشة، انضمي إلى مجتمع رِواء للأمهات على التليجرام.
لينك الورشة هينزل داخل المجتمع، والرابط في اول تعليق 💜
في ورشة "رحلة الرجوع النفسي: كيف تعيدين بناء تقديركِ لذاتك"
مع م/ نشوى الفولي، نتحدث عن تقدير الذات وكيف يمكن للأم أن تستعيد علاقتها بنفسها وسط ضغط المسؤوليات وكثرة الأدوار.
الورشة مجانية ومباشرة عبر Zoom
📅 الأحد 10 مايو
⏰ 8 مساءً بتوقيت القاهرة
للانضمام ومعرفة تفاصيل الورشة، انضمي إلى مجتمع رِواء للأمهات على التليجرام.
لينك الورشة هينزل داخل المجتمع، والرابط في أول تعليق💜
02/05/2026
حبايبنا في المغرب 😍
كتاب موجود في معرض الرباط
📍 جناح D53
📅 من 1 إلى 10 مايو 2026
📌 فضاء OLM السويسي – الرباط
يومكم جميل 🌹
بعتذر جدا، بخصوص المفاجأة اللي وعدتكم بيها، حصل مشكلة فنية وبإذن الله هوافيكم بالتفاصيل خلال أيام 😍💪
29/04/2026
عاملة لكوا مفاجأة بالليل هتعجبكوا بإذن الله، للجميع بدون استثناء 😍
بس تفتكروا ممكن تكون إيه هي المفاجأة يا ترى؟😁🤔
27/04/2026
مش عارفة ليه بقيت بشوف المشهد ده كتير مؤخرا!
في وسط ال kids area في النادي، وسط اللعب والضحك وتنطيط الأطفال، تلاقي أُم قاعدة بتدخن بكل هدوء قدام ولادها وولاد غيرها!🙈
المشهد ده بيخليني أفكر ...
هل احنا فعلاً واعيين للي بنعمله؟!
ولا في حد "برمج دماغنا" على المشهد ده من زمان لدرجة إننا مش شايفين غرابة المنظر؟
تعالوا أحكيلكم قصة ، الراجل ده كان "مَعَلّم" في علم النفس😁، وما تستغربوش لأنه كان يقرب لسيجموند فرويد،
الراجل ده قرر يستخدم ذكاءه في إنه يغير دماغ مجتمعات كاملة عشان خاطر البيزنس.
القصة بدأت إزاي؟
سنة ١٩٢٩، شركات السجاير كانت عايزة تبيع أكتر، بس كان في عقبة قدامهم وهي إن الستات في الوقت ده كان عيب إنهم يدخنوا في الأماكن العامة.
بيرنيز معملش إعلانات يقول فيها السجاير طعمها حلو ... لا،
هو لعب على للستات، فجاب مجموعة بنات شيك وخلّاهم يمشوا في مسيرة مشهورة في نيويورك، وخلّى الصحافة تصورهم وهم بيولعوا سجاير في لحظة واحدة.
والأهم.. إنه سمى السجاير دي "مشاعل الحرية" (Torches of Freedom)!
هو نجح في خدعة ربط "السيجارة بالتحرر والمساواة اللي أي ست تتمناهم،
هو نجح إنه يخلي البنت بقت تحس إنها لما بتولع سيجارة، هي كدة بتثبت شخصيتها وبتاخد حقها في المجتمع!
بيرنيز ما باعش تبغ، هو باع وهم القوة واستقلال الشخصية.
Strong independent woman 😅
واللي عايزة أقوله هنا إن احنا كأمهات، أو كبنات بنحاول نفهم نفسنا، بس أثناء ده لازم ناخد بالنا كويس لو فيه "برمجة" من أي نوع بتحصل لعقولنا واحنا مش حاسين!
مش كل حاجة بتتقدم لنا تحت مسمى أو #الحرية هي فعلاً في مصلحتنا.
أوقات كتير بيتم استغلال رغبتنا الفطرية في الاستقلال عشان يجرونا لسلوكيات تضرنا أو تخدم مصالحهم بس متغلفة بغلاف شيك ومغري.
والكلام ده مش بس للأمهات، ده ينطبق على الكل!
فلو أنتِ كأُم تم "برمجتك" إنك تعملي سلوك سلبي ومضر تحت شعار "الحرية"، أو لو أنت كأب شايف إنك مش قادر تبطل عادة سلبية لأنك واقع تحت تأثير إدمانها، فعلى الأقل بلاش ننقل ده للأجيال اللي طالعة.
سيبوا الأطفال يكبروا بفطرتهم السليمة.
بلاش نربط في خيالهم الصغير بين الاستمتاع أو الراحة أو اللعب في ال kids area وبين دخان السجاير!
ولادنا بيشوفونا وبيرسموا طريقهم مننا، فبلاش نكون إحنا اللي بنحطهم في الفخ ده من غير ما نحس.
الحرية الحقيقية هي إن عقلك يكون واعي ومايقعش في فخ الارتباطات الوهمية اللي بيصنعها الإعلام والترندات، حتى لو كانت السيجارة دي متسمية "مشعل حرية".
تفتكروا إيه تاني في حياتنا دلوقتي بيتقدم لنا على إنه "حرية" وهو في الحقيقة مجرد فخ؟
26/04/2026
كنا في زيارة عائلية في العيد، والدنيا بتمطر، لفت نظري موقف خلاني أقف عنده كتير!
واحنا مروحين كنت بدور على أخويا عشان اسلم عليه، عرفت إنه "جري" يودي بنته العربية بسرعة!
ولما سألت عن السبب، عرفت إنه عشان البنوتة عاملة شعرها وخايفة المطر يبوظه 🙈
المفارقة هنا إن أخويا أصلا عامل شعره زيرو! 😄
يعني بالمنطق كده هو معندوش أي فكرة بمعاناة "بوظان الشعر" ولا بالمطر اللي بيمثل تهديد لأي أنثى 🤣
ومع ذلك، هو "حس" بوجع قلب بنته على الكوافير والمجهود اللي اتعمل، وقرر يتحرك فورا عشان يحمي حاجة هو مش حاسس بقيمتها لنفسه، بس عارف إنها غالية أوي عندها هي وتفرق معاها.
لما روحت البيت حكيت لولادي اللي قعدوا يضحكوا على الموقف، بس قلت لهم ده أهم درس في التعاطف❤️
- التعاطف مش إنك تحس باللي غيرك حاسس بيه لو كنت مكانه ... لااااأ
- التعاطف الحقيقي هو إنك تحس باللي غيرك حاسس بيه وتشوف الموقف بعنيه هو، وبأولوياته هو، حتى لو الحاجة دي بالنسبة لك تافهة أو مش مفهومة.
- التعاطف هو إنك ماتسخفش من خوف طفلك من العفريت اللي تحت السرير لمجرد إنك عارف إن مفيش عفاريت، هو خايف فعلا ومحتاجك تطمنه بجد مش تضحك عليه.
- التعاطف هو إن الزوج يراعي تعب مراته من وقفة المطبخ حتى لو هو شايف إن الموضوع بسيط، لأنه بيقدر مجهودها هي مش بيقيسه بمقياسه هو وتعبه طول النهار في شغله.
- التعاطف هو إننا نقدر مساحات الناس الشخصية وحدودهم، حتى لو احنا طبيعتنا منفتحة زيادة.
إحنا محتاجين نخرج بره ونبطل نقيس مشاعر الناس بمسطرتنا الشخصية.
لو استنينا نمر بنفس تجارب غيرنا عشان نحس بيهم، عمرنا ما هنحس ببعض.
جمال العلاقات بيبان في اللي ما عندوش شعر يشيل هم شعر بنته، واللي مش مهتم بالكورة يراعي زعل صاحبه على خسارة فريقه!
التعاطف هو الجسر اللي بيخلينا "إنسان" بكل ما تحمله الكلمة من معنى إيجابي❤️
يومكم جميل، كله خير وبركة وتعاطف وراحة بال😍
#التعاطف
26/04/2026
حبايبنا في تونس 😍
بإذن الله كتاب موجود في معرض تونس الدولي
● من 23 أبريل حتى 3 مايو.
● قصر المعارض بالكرم، تونس.
الكتاب تأليف: نسمة جابر، سمر علي، نشوى الفولي، ابتسام ربيع، إيمان رفعت، هند الصباغ
#تربية #كتاب #مراهقين
| Monday | 9am - 6pm |
| Tuesday | 9am - 6pm |
| Wednesday | 9am - 6pm |
| Thursday | 9am - 6pm |
| Saturday | 9am - 6pm |
| Sunday | 9am - 6pm |