05/12/2025
الف سلامه ي كابتن سمر
الدعاء لي كابتن سمر بالشفاء العاجل 🖤🤲
16/11/2025
المعلومات دى خاصة بمدربين السباحة
١- مفيش حاجة اسمها ( السباح اتحرق ) طول ما فى علم التدريب الرياضى و تقنين احمال يعنى حتى لو السباح اتضغط عليه ممكن يتعملوا برنامج تدريبى خاص بيه لتصحيح ذلك الضغط
٢- السرعة القصوى sp3 ( مسافة قصيرة راحة طويلة )مهم جدا للسن الصغير من ٨ سنوات واقل ومش بتحرق السباحين عشان لو مشتغلتش على الsprint بيبقى صعب جدا انوا يتطور فى سن كبير الا فى حالات معينه يدخل فيها جين السرعة (ACTIN3)
٣- التكنيك مهم جدا جدا للسن الصغير والسن الكبير مش كماليات والمدرب مش بيضيع وقت ابدا فى تصحيح الاخطاء الصغيرة
٤- انك تعمل قياسات للسباحين لها وقت معين فى الموسم مش كل الموسم التدريبى تقعد تعمل قياسات
٥- القياسات النفسية والجينية والانثروبومترية مش كماليات خالص دى بتكمل شغل المدرب
٦- مدرب الفتنس مش سبوبة دا بيكمل شغلك كمدرب ولازم تقعد معاه وتظبط الشغل اللى محتاجه
٧- مدرب السباحة محتاج يبقى فاهم جدا ( طرق التدريب بانواعها القديمة والحديثة - تقسيم الموسم - توزيع الاحمال التدريبية(الحجم - الشدة - الراحة ) - اساليب التدريب........وشوية فسيولوجى )
٨- ماجليشيو - برنت روشال طوروا وقسموا فقط طرق التدريب وفقا لمحددات فسيولوجية لكن احنا بنشتغلها من زمان جدا
٩- اوعى تقول لسباح انت مش هينفع تكمل فى السباحة لاى سبب كان
١٠ -اخيرا التخصص فى الرياضة عموما وفى السباحة خصوصا مش من سن ٩ او ١٠ سنين ابدا لو سمحت لازم تأكد على الاربع سباحات وسباق ال (IM )كويس جدا
10/11/2025
بعد انتهاء بطوله الجمهوريه للسباحه بالزعانف🏆🥇
حابب اشكر السباحين كلها علي البطوله القويه دي♥️
أنا معايا ابطال والله 🏆🏊
كفايا عندي انكوا بتتمرنوا وقادرين نبني جواكوا روح وإصرار وعزيمه ♥️🥇✍️
إن شاء الله منتظر كل سباحين قطاع الاكاديميه المشاركه ف بطوله القاهرة الشتويه ف يناير 2026 ♥️🏆🏊🥇
طبعا حابب اشكر كل طاقم العمل علي المجهود المبذول مع السباحين 🥇✍️
09/11/2025
🚨بطولة الجمهورية للسباحة بالزعانف🏊♂️
البطله ليله محمد سباحه 2010 🐊🔥
في سباق 50م زعانف مزدوجة🏆
سباحه طورت من نفسها كتير الفترة الي فاتت ومستنين افضل نسخه أن شاء الله ♥️🤌✍️🏊
أن شاء الله النجاح في كل مهو قادم❤️🏆
09/11/2025
انا جايلك من المستقبل، بعد ١٥ سنة شغل في المجال الرياضي.
اجيبلك من الاخر في الآخر اللي بيكمل ، بيوصل !
حتى وهو مش احسن واحد
مع الوقت هيتحسن
حتي و هو معدوم الموهبه
مع الوقت هيكتسب المهارة
بس المشكلة إن الاستمرارية بتحتاج تشجيع
و محدش حيشجعك خصوصا في الأول
كله بيشكك في نفسك !
يعني محدش حيقولك “كمّل”، غيرك!
انت اللي لازم تشجّع نفسك،
وتفتكر إن كل خطوة صغيرة بتقرّبك.
ماتلومش نفسك كتييير وركز علي الإيجابيات فقط
الفشل مش اخر الطريق ولازم تكون عارف ان الفشل آخرته نجاح.
النجاح هو تحقيق الهدف وليس الفوز بالبطولة.
حدد أهدافك واتحرك ليها بخطوات ثابتة.
اشتغل و بالراحة علي نفسك شوية.
06/11/2025
🚨بطولة الجمهورية للسباحة بالزعانف🏊♂️
البطل مروان نادر دبابه 2011 🦍🔥
في سباق 100م زعانف مزدوجة🏆
قريبا هنشوفه ف المنتخب بفضل الله 🇪🇬🤫🤌
أن شاء الله النجاح في كل مهو قادم❤️🦅
06/11/2025
🚨بطولة الجمهورية للسباحة بالزعانف🏊♂️
البطل عمرو عبدرحمن تمساح 2009 🐊🥇
في سباق 100م زعانف مزدوجة🏆🤫
عملت سبق جامد جدا يبني وان شاء الله الجاي بتاعك ♥️🤌🔥
افتكر الاسم دة كويس جدا 🏆🤌🤫
أن شاء الله النجاح في كل مهو قادم❤️✋
للتواصل واتساب
011 58698829
03/11/2025
بطوله الجمهوريه للسباحه بالزعانف ♥️🥇🏆
السباح البطل عمر عبدرحمن ♥️🥇🏆🐊
عملت الي عليك ي حبيبي وزيادة ورقمك كويس
ولما نشتغل هنشوف رقم اقوي من كدة ف البطوله الجايه ♥️🥇🐊
إن شاء الله الجاي بتاعك ف بطوله القاهرة ♥️🥇
شويه تركيز يبني وتكسب والله 🥇🏊🤫
🏅🏆
03/11/2025
بطوله الجمهوريه للسباحه بالزعانف ♥️🥇🏆
السباحه البطله الجميله روفيدة محمود 11سنه
مرحله 2014🏆🥇♥️
عملتي احسن حاجه عندك وانا عارف عومتي بأداء كويس وشكل كويس وانا مبسوط منك جدا ♥️👏
بالتوفيق ف الخطوة الجايه وان شاء الله تكسري الدنيا ف بطوله القاهرة القادمه ♥️🥇🏆
😘🐊
03/11/2025
بطوله الجمهوريه للسباحه بالزعانف ♥️🥇🏆🔥
انطلاقه اول يوم ♥️✋
السباح عبدلله احمد 10 سنين مرحله 2015
اللهم بارك عملت سبق يبني فوق الخيال والله سبق جميل جدا وحسنت رقمك 🔥🏆
عاش ي بطل وبالتوفيق ف الجاي ♥️👌🏊
😘🐊🤫✍️
09/11/2025
09/11/2025
06/11/2025
06/11/2025
03/11/2025
03/11/2025
03/11/2025