15/04/2019
* المكملات الغذائية *
دايما كلمات زي " #كليه - #كبد " بتكون مرتبطه ب كلمة #مكملات
واول لما تيجي سيرة المكملات ع طول بيكون معاها ف الغالب سيرة الكلية والكبد
Kidney - Liver
طيب اى السبب ؟ اى العلاقة ؟
سمي الله , وتعالي نفهم , بشكل بسيط وبعيد عن التعقيدات الطبية او الكلام البحثي الصعب
" الكلام والمقال ع البروتينات , ع اى مكمل غذائي عباره عن بروتين او امينو " حمض اميني " , فقط "
""" البروتين ككل , او الامينو كوحدة بسيطة من البروتين الكبير , بتحتوي ع مجموعه نيتروجين ف اساس تركيبها , والمجموعه دي مهمة جدا للحمض الاميني وهي ال بتميز الامينو اسيد ,,,
لما بتيجي تاكل بشكل مظبوط وصح + تاخد مكملات , غصب عنك بيكون ف كم من البروتين الزيادة ف الجسم ,,, انت ف الاساس بتاخد المكملات عشان تدي جسمك الكم ال محتاجه من البروتين عشان :-
= توصل لافضل حجم عضلي .
= ميحصلش اى خساير عضلية .
ولكن الكم دا صعب انك تظبطه بالظبط , او بمعني اصح صعب ان الجسم ياخد كل البروتين ف كل وقت بتاكل فيه او بتاخد فيه بروتين ,,, ومن هنا ف الاساس بتلمع فكرة
*** #افضل الاوقات ال ممكن تاخد فيها المكمل بتاعك ***
وبناء عليه شأت او ابيت وانت بتاخد مكملات غذائية او معلي البروتين ف اكلك بكم كبير
لازم بيكون ف شوية #فائض عن احتياج الجسم ,بعد ما الجسم ياخد كل كفايته من البروتين سواء للعضل او للاعضاء او للعمليات الحيوية
,,,
الفائض دا بيبدأ يتهضم ويتحول من بروتين ل حاجات تانية , والتحول دا بيكون اساسه هو التخلص من " مجموعه النيتروجين ال ف البروتين "
ودا بيحصل فين ؟؟
*** بيحصل ف الكبد ,,, وف الكلية ***
الكبد بيبدأ اول مرحلة , ثم بيباصي للكلية , والكلية تباصي للجهاز البولي , واغلب الفائض او اخراج الجسم بيكون ف البول ع هيئة يوريا " يوريك اسيد "
,,,
يعني المسئول عن التحكم ف معدلات البروتين الزايد هو الكبد والكلية
وبناء عليه دا بيكون شغل اضافي من الكبد والكلية
هم ف الاساس دي شغلتهم ودا بيعملوه ف العادي وف جسم اى انسان حتي ال مبياخدش اى مكملات
,,,
لكن ف حالة المكملات فالموضوع بيبدأ يكون بصورة اقوي واعلي
وبناء عليه #حمل اعلي ع الكبد وع الكلية
عشان كدا اولا ,,, :-
= بنأكد ان المكملات الغذائية لازم تكون لشخص معندوش اى مشاكل ف الكبد او الكلي او الاعضاء الداخليه للجسم .
= وانت بتاخد المكملات طبيعي جدا وظايف الكبد والكلي تعلي " كتحاليل معملية "
وطبيعي الانزيمات والافرازات بتزيد ,,, ولكن متقلقش دا عادي وطبيعي
وكل حاجة هترجع تاني لمعدلاتها الطبيعيه بمجرد انك توقف المكملات .
= وبناء عليه , لازم تعمل دورة وتدوير للمكملات
*** المكملات مينفعش تفضل مستمر عليها ع طول ع طول ع طول , لازم توقف فترة
اسوعين - 3 - او 4 اسابيع , كل شهرين - كل 3 شهور - كل 4 شهور
المهم مينفعش تفضل مستمر ع المكملات ع طول , خصوصا لو بتاخد مكملات تقيلة ف الهضم وبتعلي الانزيمات بشكل كبير , زي الكرياتين بالتحديد ال لازم يتاخد كحد اقصي
4 - 6 اسابيع متواصل #فقط فــــــــــــقــــــــــــــط .
,,,,,,,,
اكتر من مرة بتسمع كلمة ,,, * لازم تشرب مياه يا كوتش كويس مع المكملات *
* اهتم بشرب المياه وانت بتاخد مكملات *
وانا نزلت هنا ووضحت اكتر من مرة قبل كدا ع ضرورة شرب المياه بكم كافي 3 -5 لتر ف اليوم اثناء فترة المكملات ,,, بس دا ليه ؟؟
***** دا عشان البروتين نفسه اثناء هضمه بيحتاج لكم من المياه كبير ,
لازم يكون فيه كميه مياه كتيرة وكبيرة عشان يتم الهضم ع اتم شكل ممكن ****
***** تاني حاجة , ان عشان الجسم يعرف يتخلص من مخلفات هضم البروتين وميحصلش اى مشاكل او رواسب , دا بيحتاج مياه بكم كبير خصوصا ف الكلية عشان تخفف وتقلل من كثافة الرواسب ال الكلية بتوديها للجهاز البولي وبتخرج ف البول ,,,
ودي ليها علاقة بالجزء الاول من المقال , يعني عشان متزودش الحمل اكتر ع الكبد والكلية
خصوصا الكلية , اثناء , لازم لازم لازم
تشرب مياه كويس , 4 - 5 لتر , حاول تخليها 4 - 5 لتر , ع الاقل 3 لتر بس زودها شوية بلاش تمسك ف 3 😀 ****
الكلام دا كبير اوي 😅 😀 وبيتكتب ف صفح طويلة عريضة والله 😀 😀
يارب يكون عند حسن الظن
واكون وصلته بشكل بسيط وفهمت حاجة تفيدك وتخلي بالك منها
ومعلوماتك الخاصه بالمكملات تكون بقت اوسع واشمل اكتر
Gago gym
العنوان: سندوه بجوار مسجد الشيخ عبدالحي
16/04/2019
16/04/2019
16/04/2019
16/04/2019
16/04/2019
16/04/2019
15/04/2019
11/04/2019
09/04/2019