EL-Forsan Gym

‎أول شيء يجب معرفته ما معنى تمارين الكارديو.. وما معنى تمارين المقاومة ؟
-
‎– الكارديو: هي التمارين الهوائية اللي تعتمد على الحركة مثل المشي والدراجة والزومبا.
-
‎– المقاومة: هي التمارين اللي تعتمد على الوزن سواء وزن الجسم مثل البوش اب والسكوات وغيرهم.. او الأوزان الخارجية مثل تمارين اليد التي بالأثقال.

- ‎تأثيرهم على الجسم ؟
‎-الكارديو: تحرق الدهون ولكن لا تبني عضلات ولا تشد الجسم، لهذا الذين يخسرون وزن بالاعتماد على الكارديو فقط.. يصابون بترهل. -وبكده تساعد في نمو الكتلة العضلية وشد
-

هل تمارين المقاومه تكبر العضلات؟
نعم تكبر العضلات لكن لا تبرزها مثل عضلات الرجل لأن الأنثى مهما تمرنت بالأوزان لن تكبر عضلاتها مثل الرجل بسبب اختلاف الهرمونات.. لكن سوف يشد جسمها ويكون متناسق أكثر.
بالنسبة للبنات اللواتي نراهن في الصور وعضلاتهن بارزة يستخدمون هرمونات خارجية.
-

من يحرق سعرات أكثر؟
– الكارديو: تساعد في حرق السعرات الحرارية بشكل أسرع لكن أثناء التمرين فقط.. يعني بعد ما ينتهي التمرين تنتهي عملية الحرق.
–
المقاومة: تحرق سعرات حرارية أثناء التمرين وتستمر في حرق السعرات حتى بعد الانتهاء من التمرين لأنها فترة بناء عضلات أقوى وتحتاج طاقة وسعرات.
-
من هوا الأفضل ؟
الأفضل هو برنامجك الإسبوعي يكون فيه كارديو ومقاومة. -
من الذكاء دمج تمارين كارديو مع مقاومة للحصول على جسم مثالي مشدود غير مترهل 👌

علشان ما تتفاجئش لما الجيمات تفتح ..

١- الضغط كله هيبقى على ال ٥ كيلو و ال ١٠ كيلو .. فالوزن اللي تمسكه أزنقه في كورنر و ماتسيبهوش الا لما تخلص مجموعتك بتركيز لحد ما يجي عليك الدور تاني و ماتخليش طابور الأنتظار اللي شايفه في المرايا وانت بتلعب يحسسك بالذنب .

٢- لازم تاخد فوطة معاك .. سواء بقى في جيم بلدي أو في جيم سياحي و بيسلموك فوطة وانت داخل .

٣- في الطبيعي بتلاقي الجيم فيه ٧٥% من الناس بيبنوا عضلات و ٢٥% بيخسسوا .. لا دلوقتي العكس .. هتلاقي ٧٥% مركز على التخسيس و ٢٥% بيبني عضلات .

٤- بلاش فتحة الصدر على الاوزان اللي كنت متعود عليها قبل الكورونا .. واحدة واحدة و ماتقلقش هتستعيد لياقتك و أوزانك أسرع مما تتخيل ..

٥- ممكن تروح أول يوم بعد التمرين حاسس بحرقان في الزور او في الصدر .. ما تقلقش أن شاء الله مش كورونا .. ده من الكحول و الكلور اللي بعض اللاعيبه عماله ترشه ع البارات و الدامبلز قبل كل مجموعه و المكان اساسا مغلق ..

٦- الناس اللي متعوده تهرول و تجري لحد ما تجيب عرق و تنهج من بؤها .. و الناس اللي تفضل تصرخ بصوت عالي و تفتح بؤها .. ياجماعة الرزاز من فضلكم .. واحده واحده .. حتى لو انت سليم فخد بالك اللي حوليك عندهم وسواس بسبب الحبسه و الحالات .. فمش ناقصين مزاولة ..

٧- جملة ( انت خسيت عضلات أوي ) و جملة ( انت كرشت ) ملهمش لزمه و لما هتقولهم محدش هيتفاجيء فخليك خفيف الظل و متبقاش جلنف .. طبيعي الجيمات كانت قافله و مش كل الناس بتجري في التراك بتاع الفيلا يعني !

٨- أتمرن خفيف و على أدك .. ما تحرجش حد و تقوله ممكن مساعده .. في ناس كتير بتحاول تحافظ على مسافات و تباعد معين .. فبلاش تحرجهم !

٩- الكمامات رغم كونها العامل الأساسي للوقاية من كورونا الا أنها مش حل عملي أثناء التمرين في مكان مغلق .. انت محتاج أكسجين وانت بتتمرن أكتر بكتير من اللي بتحتاجه وانت قاعد مابتعملش مجهود .. وطبيعي كمامه مش بتعدي الهواء و المياه .. هيبقى في صعوبه في التنفس . ( معنديش حل للموضوع ده ) الا التباعد و ان الجيم يشتغل ب ربع طاقته !

١٠ - لما تعرق بلاش تنشف عرق وشك بأيدك .. نشف بالفوطة و خليك حريص هتحط فوطتك فين أثناء التمرين ..

محتاج اي استفسار سيبه ف كومنت