EduTies

معرض الزهور :)

بقالنا فترة بنبحث عن كتب تشمل معلومات مختلفة في مجال معينة و تبقي طريقة كتابتها سهلة و بسيطة تناسب للسن الأصغر من ١٠ سنوات . المجموعة دي مجموعة من مطبعة هندية عجبتنا جدا. احنا جبنا الكتب الي عن الطيور و عن عجائب الدنيا السبع لان دي المواضيع الي احنا مركزين عليهم الفترة دي .

Eid Mubarak !!!

Enjoy the time spent with your families and loved ones !

Strawberry life cycle
دورة حياة الفراولة

Credits to : Abbas

ناسا عاملة صفحة فيها أنشطة متعددة للاطفال ،بالذات من مرحلة الحضانة للاعدادي . الأنشطة في منها جاهزة للطباعة او أنشطة تتعمل هي الجهاز .
اغلب الأنشطة مرتبطة برحلات الفضاء و رواد الفضاء و الطائرات ، بس في أنشطة تانية مسلية كتير .

الحظر فعلا عامل مشاكل كتير منها مشكلة لاحظناها و هي اختلاف عادات الأكل و احيانا فقدان الشهية بسبب عدم الاستمرار في الأنشطة أية الاطفال كانت معتادة عليها، بعد الحلول المقترحة الي ممكن تساعد كتبناه فالبوست ده :
١- المشي حول المنزل في وقت باكر بعيد عن الزحام و عادم السيارات .
٢- تغيير من انواع الاكل الي متعودين عليه. مش لازم عشان الطفل كان مدمن بيض قبل كدة أنه يتقبله فالوقت ده . دوروا هي اكل مشفهوش قبل كدة لان الاطفال زهقانين و اكيد عايزين يغيروا من الروتين ده
٣- تقديم الاكل بطريقة مبتكرة و جديدة . مثلا في أدوات زي برائحة الاكل بتخلي الاطفال يبروا الخضار و يأكلون قطع (موضح فالصورة) و دي بتشجعهم اوي
٤- مشاركة الاطفال في أعمال اعداد الاكل بتشجعهم لان الاطفال بيحبوا يجربوا الي عملوه .

قولولنا لو نفع معاكوا اي اقتراح او عندكوا اقتراحات تانية :)

انهاردة كان يوم مختلف و جديد . جبنا كتاب أنشطة المحور بتاعه حوالين الفراعنة. الكتاب نفسه معلوماته متنوعة مش محددة و ممكن يكون اغلبها مش مناسب للسن الصغير زي رحلة بعد الموت عند الفراعنة بس احنا ركزنا علي يناسبنا . و احنا لنقرأ عن خريطة مصر في صورة شدت انتباهنا و هي صورة حجر رشيد.
ابتدينا نتكلم عن اللغة الفرعونية و ازاي أنها مكنتش مفهومة لسنيين طويلة . عرفنا مين كتب حجر رشيد و ليه انكتب و ايه اللغات المكتوبة عليه من فيديو ظريف علي النت من المتحف المحتفظ بالحجر.
واحنا برده بندور لقينا فيديو ظريف بالعربي بيتكلم عن مدينة رشيد نفسها وايه مميزاتها و ليه مية النيل عندها نضيفة (و عرفنا أن الفيديو شرح لدرس في منهج اولي ابتدائي 😅)

اخر نشاط عملناه هو الترجمة . وتعلمنا يعني ايه ترجمة و ترجمنا بعض الرسومات من العربي الانجليزي و كتبناها و قريناها.

اليوم فعلا كان مختلف . حابين نقرأ مشاركتكم عن أنشطة عملتوها عن نفس المحتوي :)
Below are activities performed about the language of pharoes, Rosetta stone and the science of translation ! Share your activities within the same theme !

لينك فيديو المتحف :
https://blog.britishmuseum.org/everything-you-ever-wanted-to-know-about-the-rosetta-stone/

لينك فيديو عن مدينة رشيد :
https://youtu.be/408Kj9ij8AE

بما ان الفترة دي في ناس كتير بتلجأ لتشغيل التليفزيون للاطفال عشان يعرفوا يخلصوا بعض الأعمال . ممكن الوقت ده تشغله بحاجة مفيدة بدل الكارتون. في قناة علي ال YouTube اسمها Kiddopedia عاملة فيديوهات عن مواضيع مختلفة بصور حية مش كارتونية زي انواع الحيوانات البرية أو الأليفة ، اعلام الدول أو انواع وسائل المواصلات .

في اطفال كتير متعودين علي نزول يوم الجمعة للصلاة . الفترة الي احنا فيها دي ممكن ينسوا الي اتعودوا عليه أو ممكن يكونوا مضايقين من تغيير نظام حياتهم. نشاط بسيط هو عمل سجادة صلاة بسيطة من ورق الجوخ . و ممكن كمان سماع خطبة كنشاط للأسرة علي التليفزيون :) . نحاول دائما نجدد من الأنشطة الي بتعملها فالبيت عشان الاولاد ميحسوش بالتغيير .