I LOve U-المقال الكَروى

مراجعات ليلية رمضانية للنفس (غير منظمة في الكتابة شوية بس حقيقية و ناتجة عن كلام داخلي و نماذج حياتية بتتكرر بشكل يومي ادامي وبتتكرر في حياة كل حد فينا بنماذج مختلفة)

خلينا متفقين في بداية و نهاية اي كلام على الحقيقة المطلقة الالهية ان الدنيا دار مشقة و تعب و الآخرة هي خير و أبقى
و ان كل واحد في الحياة مكتوبله رزقه هيكون ايه و سعيه هيكون ايه و ربنا في القرآن قال (وأن ليس للانسان الا ما سعى ) و سبحانه و تعالى بعدها قال ( و أن سعيه سوف يرى ) يعني الإنسان ملوش غير السعي و كدا كدا سعيه ربنا هيشوفه ومحطوط في عين الاعتبار و مش بس كدا الآية اللي بعدها ( ثم يجزاه الجزاء الأوفى ) يعني اسعى و سعيك هيتشاف و هتتجازى كدا كدا عليه و مش جزاء بسيط دا جزاء يوفي كل السعي دا

اغرب حاجة دايما متناقضة فينا ك بشر اننا عارفين و متأكدين ان الكمال لله وحده و عمر ما حد فينا هيكون كامل سواء بمقتدراته او مميزاته او او او و دا اللي دايما في الامثلة حتى و الكلام الشعبي بيتذكر بين الناس البسيطة فيما معناه ان محدش بياخد كل حاجة و كل واحد له ٢٤ قيراط متقسمين صح من ربنا
و على النقيض التام لكل ما تم ذكره نلاقي الطمع و الجشع و الحقد و الغل بيلعب على وتر النواقص اللي مجتش كاملة للانسان

انت متخيل معايا بساطة تركيبات الحياة !!
يعني طريق الحق و طريق السعي و طريق النجاح واضح و صريح و مش محتاج اي تلاعبات خالص دا ربنا سبحانه و تعالى وضحه بشكل كامل و طريق الشر واضح و معروف كويس اوي

ليه احنا ك بشر بندخل الشيطان بنفسنا و بنسمعله و بنمشي طريقه في دا مع ان طريق الحق واضح
ليه الحقد و الحسد و الغل و الاستعجال و التكالب و التواكل و الطمع يكون موجود بيننا في الرزق المتفاوت المختلف مع اننا كلنا مبتليين في اختبارنا في الدنيا

يعني س من الناس لو ربنا رزقه في الدنيا صحة و عافية و اختبره في الماديات و الرزق المادي الدنيوي ان يكون دا اختباره و مشقته اللي بيسعى و يجتهد و يعبد ربنا و يتوكل على ربنا عشان يرزقه بيها و يستغل رزقه اللي هيجيله في الخير و الحق و الصواب
ليه يسيب بقى طريقه و اختباره و يروح يبص على ص من الناس اللي ظاهر له انه ماديا مفيش زيه بس من داخله صحته و عافيته و ابتلاءه و اختباره طول دنياه موجود

زي ما س اختباره في الدنيا انه يسعى في حاجة معينة و يرضى و يعبد ربنا و يتوكل عليه
ف ص بردو له اختباره اللي هيفضل حياته كلها فيه

و من نعمة ربنا علينا ان كل حاجة متقسمة لكل حد فينا صح بنسبة 10000% و بنسب متفاوتة بين كل حاجة و حاجة

يعني تلاقي س اللي مشاكله مادية بنسبة 70% صحته مشاكله فيها كذا في المبه و رزقه متوفر بنسبة كذا في الميه و طريقه مختلف بنسب متظبطة انه يعبد ربنا و يمشي طريق السعي بتاعه
و ص بردو نفس الحكاية اه عنده قصور في حاجات بس شغال بيسعى عليها و طريقه موجود

كله رزقه متساوي بشكل عادل من العادل الرحمن الرحيم الذي لم يظلم احد

لكن احنا ك بشر اللي وحشين مع نفسنا و مع اهلنا و مع اللي حوالينا و مع تصرفاتناذ احنا اللي بنختار نبص لكل حاجة ازاي و احنا اللي فينا الوحش و فينا الحلو و احنا اللي بنطمع و نفسنا ناخد كل حاجة في الدنيا حتى لو من ايد حد تاني مفيش في ايده غيرها

و بننسى ان الدنيا مهما زادت و مهما كبرت ف هي في اتجاه واحد و بس و حقيقة مطلقة
رزقنا موجود و حالنا كويس كلنا و ربنا سبحانه وتعالى بيحطنا في اختبارات عشان نعبده و نؤمن بيه و نستعين به و ندعو له و نسعى في كل طريق خير و حق

و سبحانه و تعالى بيقول للشيئ كن فيكون كان ممكن يخلق كل الناس كاملين و رزقهم موجود بس دا فعلا تم لو انت غافل عن دا لان ربنا سبحانه و تعالى قال والآخرة خير و ابقى

ربنا في القرآن الكريم قال ( و لو بسط الله الرزق لعباده لبغوا في الارض و فكن ينزل بقدر ما يشاء .. ) و بعدها الخالق الواهب قال ( انه بعباده خبير بصير )
ربنا اللي خلقنا و عارف حقيقتنا و عارف ما نسر و ما نعلن و وعدنا بالمغفرة و الفوز العظيم في الآخرة لو صبرنا وسعينا في اختبار الدنيا و توكلنا على الله في كل أمورنا
و ربنا عارف طبيعتنا ك بشر لانه خالقنا دا انت لو صاحب عمل و معاك موظفين تحت ايدك و حققتلهم الرفاهية الكاملة المادية و النفسية و الراحة في كل شيئ و انهم يقعدوا بس كدا نايمين ميعملوش حاجة و ياخدوا مليون جنيه في اليوم النتيجة انهم هيفسدوا و هيفسدوا كل المنظومة و هيسعوا في الارض فسادا
ف لله المثل الاعلى طبعا و العالم بينا و بكل امورنا و بحياتنا

احنا كلنا في الدنيا محطوطين في اختبار و معانا منهج و طريق و معيار نمشي عليه
و الدنيا و الله مش مستاهلة اننا نمشيها غلط و نضيع نفسنا فيها

تسليم الأمر لله و عبادته و التوكل عليه و الرضا و القناعة و السعي و العمل و الجد و الاجتهاد دا الطريق السليم الصح الوحيد اللي مينفعش ينقص منه شيئ واحد منهم عشان الدنيا تستقيم

و التواكل و الكسل و عصيان ربنا و الطمع و الغرور و الكبر و كل الصفات الوحشة طريقها معروف وملوش غير نهاية واحدة

و في النهاية كلنا مقصرون مع ربنا و ربنا يرزقنا الهداية و المغفرة و الطريق الصحيح و استقامة الأمر و نعيم الدنيا و الاخرة يا رب

ولد الهدى فالكائنات ضياء وفم الزمان تبسم وثناء

كل عام وانتم بخير بمناسبة مولد سيد الخلق سيدنا محمد صل الله عليه وعلى آله وصحبه وسلم

اعادة الله علينا وعلى الامة الاسلامية بالخير والبركات

كُل عامٍ ونحنٌ نشهدٌ أنَّ لا إله إلاّ اللّٰه وأنَّ مُحمد رسول اللّٰه⁣
⁣
صَلوا علي مَن مّر علي هِجرتهُ ١٤٤٦ عامٍ .⁣

عام هجري جديد⁣

كل عام و أنتم و أهليكم و جميع مُحِبِّيكم إلى الله أقرب و على طاعته أدوم و تقبل الله منّا و منكم صالح الأعمال و الطاعات.

و أسال الله الكريم الرحيم أن يُعِد علينا و عليكم تلك الأيام المباركات أعواماً عديدةّ و أزمنةٌ مديدةً و أنتم فى موفورٍ من العفو و العافية و المعافاة و الستر منه سبحانه.

و عيد أضحى مبارك عليكم جميعا وأسأله سبحانه بأن يجمعنا في مثل أيامنا هذه فى أراضيه المقدسة و بقاعه الطاهرة مع حجيج بيته الحرام.

طَابَت أعيادكم برفقة مَن تُحبّون
كل عام والفرح يملئ قلوبكم
عيدكم مُبارك ❤️

كل سنة و انتم طيبين و عيد اضحى مبارك علينا 🤍🤍

اللهم إنا نسألك الهدى والتقى والعفاف والغنى، والصحة وحسن الخلق، وحسن الظن بك، اللهم أغننا بحلالك عن حرامك، وبطاعتك عن معصيتك، وبفضلك عمن سواك.

كل عام و انتم بخير

عيد سعيد و مبارك

كل سنة و انتم طيبين و عيد سعيد علينا جميعاً ♥️♥️

ختم الله صيامكم بالقبول
واسكنكم الجنة مع الرسول
وجعل عيدكم فرحه وبهجه لا تزول

الحمد لله على شعائر الإسلام، الحمد لله الذي خلقنا على دينه لنستمتع بهذه الأجواء الطيبة المباركة.

الله لا يحرمنا هذه الشعائر، والإحتفال بها.
مهما كبرنا، فسنظلُّ أطفالًا في أعيادنا🎊!

كل عامٍ وأنتم بخير❤️..

29 رمضان 🌙

و في الليالي الأخيرة من شهر رمضان المبارك:

أصلحنا للِقائك.. أصلحنا كي نستحق جنتك، واهدنا وردنا إليك ردًا جميلًا.

آخر الليالي الوترية ..
وربما تكون آخر ليلة من رمضان ..

‏اللهُمَ استودعناك شهر رمضان فلا تجعله آخر عهدنا وأعده علينا أعواما عديدة ولا تخرجنا منه إلا مقبولين ومرحومين و معتوقين من النار

كان أكثر دُعاء النبي ﷺ في العشر الاواخر
اللهُم إنك عفوٌ كريمٌ تُحب العفو فاعف عنا.
اللَّهُمَّ إِنَا نَسْأَلُكَ أن لَاتَنَقُّضِيُّ هذه الايام إِلَّا وَقَدْ غَفَرَتْ ذُنُوبُنَا، وَجَبَرَتْ قَلُوبُنَا

اللهم تقبل منا صيام شهر رمضان ،
واجعله ڪفارة لنا لما سبق من ذنوبنا ،
واجعلنا فيه من المقبولين ولا تجعلنا فيه من المردودين، وأعده علينا سنينا بعد سنين مجتمعين غير متفرقين ،
يا أرحم الراحمين