Mai Khattab - مي خطاب

ليه بنكرر نفس النمط من المشاكل؟ رغم إننا وعدنا نفسنا إن المرة دي هتكون مختلفة؟

قال تعالى:(حَتَّىٰ إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي ۖ إِنِّي تُبْتُ إِلَيْكَ وَإِنِّي مِنَ الْمُسْلِمِينَ)

انهارده دخلت الأربعين 😊

زمان كنت فاكرة إن الأربعين رقم كبير...

لكن دلوقتي حاسة إنه بداية جديدة أكتر منه محطة وصول

يمكن أكتر حاجة ممتنة ليها إن ربنا أكرمني برحلة مليانة تعلم ونمو وتغيير

شفت فيها ناس كتير واتعلمت من قصص وأوجاع وأحلام ناس أكتر

اتعلمت إن القوة مش إننا منتعبش...
القوة إننا نكمل وإحنا تعبانين
وإن الشفاء رحلة مستمرة
وإن الإنسان طول ما بيتعلم وبيتغير يبقى لسه شاب مهما كان عمره.

النهارده مش بحتفل برقم...
قد ما بحتفل بالرحلة
وممتنة لكل شخص كان جزء منها
ممتنة لزوجي وأهلي واولادي واصحابي وطلابي وعملائي

الحمد لله على 40 عام من العمر...
والحمد لله على القادم 🤍

دعواتكم إن تكون الاعوام الجاية تكون مليانة خير وبركة وأثر نافع ورضا وسلام

(رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ)

من أصعب الحاجات اللي بنشوفها مع بعض العملاء… إن صوتهم الداخلي يكون قاسي جدا

صوت بيهاجم… بينتقد… وأحيانا مايرحمش

حتى بعد ما الموقف يخلص… يفضل الكلام الداخلي مستمر:

“أنا السبب”

“أنا ضعيف”

“أنا دايما بفشل”

وكأن اللي بيوجع العميل مش بس اللي حصله لكن كمان الطريقة اللي بيكلم بيها نفسه بعده

وهنا بيبدأ دور التعاطف مع الذات

مش ككلام إيجابي ولا محاولة نقنع العميل إن كل حاجة كويسة

لكن كمهارة

إن الإنسان يتعلم: إزاي يبقى صوته الداخلي أهدى… أرحم… وأكثر أمانًا.

💡 لأن أحيانا النقد الداخلي بيكون أقسى من الحدث نفسه

وفي العلاج إحنا مش بس بنساعد العميل يفهم نفسه بشكل أعمق

إحنا كمان بنساعده يبني علاقة أأمن مع نفسه
وده جزء أساسي من الشغل اللي بنشتغل عليه داخل EST Healer

سؤال للممارسين: هل قابلت عميل كان صوته الداخلي مؤذي أكتر من التجربة نفسها؟

المشكلة مش دايمًا في الشعور نفسه

أحيانًا في الطريقة اللي العقل فسر بيها الشعور

وده من أهم الحاجات اللي بنشتغل عليها في
Cognitive Behavioral Therapy

لأن العميل مش بيتألم بس بسبب اللي حصل

لكن بسبب المعنى اللي اتبنى جواه بعده

رفض بسيط ممكن يتحول داخليًا إلى:
“أنا مش كفاية.”

غلطة صغيرة ممكن العقل يترجمها:
“أنا فاشل”

ومع الوقت…
العقل يبدأ يبني loop كاملة:

فكرة > شعور > سلوك > تأكيد لنفس الفكرة

وده اللي يخلي نفس الوجع يتكرر بأشكال مختلفة

عشان كده…
في العلاج إحنا مش بنحاول نلغي المشاعر

إحنا بنفهم:
إيه الفكرة اللي بتغذي الشعور؟
وإيه المعتقد اللي واقف وراها؟

وأحيانًا…
تغيير بسيط في زاوية الرؤية
يخلق مساحة مختلفة بالكامل داخل العميل

وده جزء أساسي من الشغل اللي بنبنيه في EST Healer

لو أنت ممارس:
إيه أكثر فكرة مشوهة بتشوفها تتكرر مع العملاء؟

من الحاجات اللي بشوفها كتير مع الممارسين…
القلق من الصمت

فنحاول نملأه بسرعة:
بسؤال جديد
أو تفسير
أو حتى طمأنة

لكن أحيانًا…
الصمت هو المساحة اللي يبدأ فيها العميل يسمع نفسه فعلًا

الصمت الواعي ممكن يفتح:

إحساس لسه ماتسماش
معنى لسه ما ظهرش
احتياج لسه ماتقالش

المهارة مش إنك تتكلم طول الوقت…
المهارة إنك تميز:

إمتى يكون التدخل كلام…
وإمتى يكون التدخل حضور

وده فرق حقيقي
بين حد بيستخدم أدوات…وحد حاضر علاجيًا بشكل أعمق

في EST Healer
بنتعامل مع الصمت كجزء من العملية…مش كمساحة لازم تتملأ

لو أنت ممارس او معالج:
علاقتك بالصمت في الجلسة شكلها إيه؟

مش كل ظهور للمشاعر معناه إن ده وقت المعالجة

ودي من الأخطاء اللي بشوفها كتير عند الممارسين

إن العميل أول ما يبدأ ينفعل نفترض إننا لازم نكمل تعميق
مع ان أحيانًا… المطلوب ليس تعميقًا أكثر
لكن المطلوب تنظيم الاول

لأن لو العميل خرج خارج
Window of Tolerance
فالمزيد من الاستكشاف قد لا يساعد
ممكن يرهق أكتر

وفي اللحظة دي، تدخل بسيط مثل:
Validation
أو Grounding
أو حتى سؤال: “شدة الإحساس كام من 10؟”
ممكن يكون هو التدخل الأنسب

💡 المهارة ليست في عدد الأدوات التي تعرفها…
لكن في قدرتك تميز: متى تنظم… ومتى تعمق

وده من الفروق الدقيقة اللي بنشتغل عليها في EST Healer

سؤال للمعالجين والكوتشز:
هل مر عليك عميل احتاج تنظيم قبل أي معالجة أعمق؟

من الحاجات اللي بتتكرر في الجلسات إننا نفترض إن مجرد ظهور المشاعر معناه لازم نكمل نفتح أكتر

لكن مش دايمًا
أحيانًا العميل مش محتاج تعميق إضافي
محتاج مساحة آمنة يستوعب فيها اللي ظهر بالفعل

وده فرق مهم بين
إن العميل يعبر
وإنه يعالج

التعبير وحده مش شفاء
وأحيانًا فتح المشاعر بدون قدرة على احتوائها هيربك العميل أكتر ما هيساعده

المهارة مش إنك تعرف توصل للمشاعر فقط

المهارة إنك تعرف: امتى تعمق وامتى تبطأ
وامتى تساعد العميل يحتمل اللي بيحصل جواه

وفي أوقات كتير
التحول ما بيجيش من الضغط ناحية الأعمق
لكن من علاقة أكثر أمان مع الشعور نفسه

لو أنت معالج او كوتش… هل مر عليك موقف حسيت فيه إن العميل كان محتاج احتواء .. مش تعميق؟