Maie ELSaied-Bdayat

لما بتشوف الصورة دي بتحس بإيه؟؟
إكتب إسم الشعور
إكتب سببه أو الذكري اللي بتستعيدها معاه .
إكتب الشعور ده مرتبط بصفتك حاليا كأم أو أب؟؟ ولا مدرس أو مدرسة أو إداري تعليمي ؟؟ ولا كطالب أو طالبة ؟

يومك بيقولك أنت الكنز الحقيقي
أشكر نفسك وخليك فخور بيها

بص علي كل التحديات اللي قابلتك وعدت بستر ربنا وسنده ليك مع إصرارك وصبرك وعملك وحلمك اللي جواك بيكبر يوم ورا يوم

مهما أتقدم لك من دعم ومساعدة مش هتحقق حاجة إلا لما تقدر نفسك وتحس بغلاوتها وتحافظ علي بقاؤها متوازنة

كلنا بنحس في لحظة إن مفيش فايدة بس أول ما تطبطب علي نفسك وتفكرها بقوتها الخفية بتقوم معاك من تاني وبتبهرك

صباحك جميل مليان طبطبة علي نفسك برحمة وفخر بخطواتها

في نهاية الإسبوع ومع يوم الجمعة الجميل ....كافئ نفسك علي سعيها
ومحاولات بقائها نفية صافية متزنة رغم كل الصعاب ورغم كل الإخفاقات والأحزان

كافئ نفسك بكلمة ... بطبطبة ....بكوباية شاي بنعناع ....بفنجان قهوة مظبوط ....بأكلة حلوة نفسك فيها ومأجلها .....بمكالمة مع حد بتحبه وطاقتة حلوة ..... بتأمل في سما أو خضرة وتسبيح الخالق العظيم

إشحن نفسك بطاقة حب ومكافأة لنفسك لأن إسبوعك كان فيه جهد كبير يستاهل تقول لنفسك عليه إنت تستحق كل حاجة حلوة

يومكم جميل مليان خير كتير ورزق وفير وراحة بال

أفتح عقلك وقلبك لفهم جديد كل يوم وإختار اللي يناسبك بوعي

ده طريقك لمواجهة زمن جديد بمتغيرات سريعة

وشوية بشوية هتلاقي نفسك بتتطور للأفضل

يوم جديد مليان رزق وفير ومتعة تعلم يوم ورا يوم

صباح يوم جميل مليان خير كتير وسعادة وراحة بال
إبتدي يومك بتأكيد لنفسك أن إن شاء الله هيكون يوم جميل

عدي الزلزال علي خير بستر ربنا وحفظه

لكن المشاعر وقت الزلزال والأفكار اللي جت في عقل كل واحد فينا حركة الزلزال وصوته أاكيد سابت أثر

ممكن نكون بعد الزلزال اتكلمنا وحكينا واطمننا علي حبايبنا لكن كل واحد مع نفسه بعد استيعاب الموقف أكيد فضل جواه حاجة

اللي عدي ظاهريا مختزن معاه داخليا بدون ما نشعر مشاعر وأفكار

هو ده الواقع حدث ورا حدث موقف ورا موقف بيخزن مشاعر وبيكون مخزون معتقدات وكل ده بيظهر في ردود أفعالنا وقراراتنا في وقت معين

الوعي بالمشاعر وتفريغها مهم لأنه بيخفف حمل المخزون

تعالوا كل واحد يكتب ايه اسم الشعور اللي كان مع الزلزال وايه الفكرة اللي جت في عقله وقتها وايه الشعور المتبقي لما صحي النهاردة


صباحكم جميل مليان شكر لا يعد ولا يحصي لربنا علي لطفه وكرمه وحكمته وطمع في دوام الستر والصحة