جت في الجول

🤭😂😂

😂😅🤭

وفقًا لـ فابريزيو رومانو.. كانتي وقع مع الاتحاد السعودي لمدة 4 سنوات قادمًا من تشيلسي 🚨🚨

الحارس الدولي السنغالي إدوارد ميندي يصل جدة استعدادا لتوقيع عقد انتقاله الرسمي إلى النادي الاهلي

* بخصوص الحديث عن أزمة ليفربول الهجومية وربطها برحيل ساديو ماني... من وجهة نظري، بالتأكيد كان خروج ماني أحد أسباب خفوت المد الهجومي الغشيم لليفربول، لكن بالتأكيد هو مش السبب الوحيد ولسه بدري جداً الحكم على منظومة هجوم ليفربول بالضياع من بعده (ده هما كلهم 3 ماتشات)، وعادي جداً مع عودة وسط ملعب ليفربول لكامل قوامه ودوران عجلة الهجوم يرجع ليفربول آلة فتاكة بنت لا مؤاخدة فتاكة.
* لكن في الوقت نفسه جهود ساديو ماني الهجومية وكثرة وفاعلية تحركاته كانت سبب مباشر في تسجيل ليفربول للأهداف، حتى لو لم يسجل أو يصنع هو، لإن ساديو ماني بني آدم فرهود ومقرف للدفاعات وتولي مهمة السيطرة عليه مهلكة لأي منافس وبالتالي بيكون شال عبء كبير عن كاهل باقي منظومة هجوم فريقه.
* أُكرر، ساديو ماني خطورته الهجومية أكبر من رقم الأهداف المسجلة أو المصنوعة، وده سبب مباشر لكونه مظلوم في مقارنته بسفاح تهديفي زي كابتن محمد أبو صلاح.. من منطلق إن مينفعش نقارن فرخة بسمكة في سباق سباحة.
* بالنسبالي محمد صلاح كان ذكي جداً في الاستفادة من ضجيج ساديو ماني، بالوجود دائماً في المكان والزمان الأصح لاستغلال زوربيح الكرات القادمة من منطقة الصخب إلى المساحات الفاضية المتقشرة أمام المرمى بينما دفاعات المنافسين بتسب وتلعن للهجوم اللي رافع حمولة منشطات ده.
* عدد كبير من أهداف محمد صلاح كان سببه وجوده في الشق المقابل من خط الهجوم اللي فيه ساديو ماني ابن كوم النشاط، وبالتالي رحيل ماني له تأثير على هجوم ليفربول ككل وعلى محمد صلاح تحديداً، والفريق وصلاح مش هيرجعوا لسابق العهد إلا لو دياز وصل لنفس درجة ماني مع مساندة قوية من لاعب آخر بنفس درجة الحركية والفرهدة والرخامة.
* عشان الكلام يكون أوضح لمحبي الأرقام.. خلال الفترة من موسم 2017-2018 (انضمام صلاح لليفربول) حتى موسم 2021-2022 (آخر موسم للثنائي معاً)، لعبوا مع بعض 276 مباراة في كل البطولات، ظهر خلالهم تفوق صلاح تهديفياً بـ173 هدف منهم 148 بدون ركلات جزاء، في مقابل 121 هدف لماني منهم 116 بدون ركلات جزاء، وصنع صلاح 62 هدف في مقابل 39 لساديو، وطبعاً صلاح فارق في كل الأرقام الخاصة بالتسديد وتهديد المنافس، لكن على صعيد تاني مهم جداً وهو قطع هجمات المنافس من بدايتها في الثلث الأول (اللي هو الثالث لليفربول)، كان ساديو ماني مكتسح، وبالتالي كان بيمنح ليفربول فرصة هدم فرص المنافس وهي لسه طوب أحمر وبالتالي إحداث فرص تهديفية بدري بدري.
* على سبيل المثال خلال نفس الـ276 مباراة، ساديو ماني عمل 252 تدخل Tackle في كل أنحاء الملعب، منهم 201 صح في مقابل 122 لصلاح منهم 87 صح، ونسبه نجاحه في الضغط على المنافسين 31.3% في مقابل 29.1% لصلاح.
* ساديو عمل بلوك في طريق الكورة 204 مرة في مقابل 111 لصلاح، و122 اعتراض تمرير في مقابل 73 لصلاح.
* ساديو اللي كان دايماً مكلف بأدوار دفاعية أكتر من صلاح، على سبيل المثال لمس الكورة في كل موضع في الملعب أكتر من صلاح إلا الثلث الهجومي، وحمل الكرة باتجاه مرمى المنافسين بإجمالي 23566 يارة، في مقابل 21415 ياردة استحوذ فيها صلاح على الكرة باتجاه مرمى المنافسين.
* ساديو محسوب عليه مخالفات اكتر وإنذارات اكتر وغالباً معموله محاضر في قسم أول ليفربول.
* بالتأكيد كلامي مش معناه إن ماني أجمد من صلاح أو العكس، والأرقام ما هي إلا عامل مساعد في التحليل والتقييم وفق سياق محدد، لكن المقصود إن الثنائي ده له فضل كبير على بعضه وعلى ليفربول، وغياب أي عنصر منهم يؤثر سلبياً على الآخر، وبالذات غياب ماني عن صلاح.
* ماني هو زميل العمل المجتهد الفرهود اللي شايل هم الروتين والحضور بدري والانصراف متأخر، اللي بيحضر كل الاجتماعات ويصور ورق ويبعت ميلات لكل الناس، وسايب للزميل (صلاح) الشغل الرايق الإبداعي، وبالتالي في حالة رحيله لأي سبب، هيلبس الزميل الرايق في حيطه وهيضطر تشيل جزء من الشغل المقرف ولو مؤقتاً
* بالنسبة للزميل فيرمينو فهو أروق واحد في الشركة وتحياتي له ولكل أمثاله حفظهم الله من كل شر
✍️ Ahmed Nasser Hegazy

من فترة شاب مصري من الشرقية ، غالبًا الشاب بيشجع اليونايتد فبعد أحد المباريات ماركوس راشفورد كان أداءه مش كويس فالشاب المصري ده كتبله كومنت على صفحة راشفورد فيه إهانة وعنصـ,رية .. فماركوس راشفورد قرر انه يرفع عليه قضية ، وبالأمس كان في 10 محاميين حضروا من جانب راشفورد عشان يترافعوا ضد الشاب المصري فى أبو حماد وتم عقد أولى جلسات القضية بمحكمة أبو حماد شرقية ومحكمة أبو حماد قضت بعدم الاختصاص وإحالة القضية إلى محكمة المنصورة الاقتصادية.

الميرور | ‏راتب ساديو ماني مع بايرن ميونخ سيكون 360,000£ اسبوعياً بعقد لمدة 3 سنوات

في ليفربول كان راتبه 100,000£ اسبوعياً

الفرعون المصري👑
عمر مرموش يفوز بجائزة أفضل لاعب شاب في الدوري الالماني لشهر مارس🌠
يبدو ان هناك فرعون مصري جديد قادم لتحقيق الأفضل ❤

مشكلة إنك تلعب مع نجم كبير في فريق واحد
لو قولت محمد الشناوي أهم لاعب مصري أخر 4 سنين كتير هيضحك ويسفه من كلامك علشان النجم الكبير

لولا محمد الشناوي كنت هتطلع معبي من أوروجواي في كاس العالم
كنت هتطلع بفضيحة في قلب ستاد القاهرة من جنوب أفريقيا في أمم 2019
لولاه مكنتش هتعدي حتى من المجموعات قدام منتخبات زي زيمبابوي والكونغو
لولا الشناوي مكنتش هتتعادل ولا هتكسب ولا ماتش في الأولمبياد، مكنتش هتوصل دور 16
في ال 16 كنت هتطلع معبي أهداف من البرازيل بردو
تخيل إنك كنت محتاج الشناوي علشان تتعادل بمعجزة مع الجابون وتكسب ليبيا في القاهرة في الأدوار التمهيدية لتصفيات كاس العالم
أكيد فاكرين ماتش نيجيريا الكارثي اللي كان ممكن يخلص 3 و 4 بدون شناوي، فاكرين تصدي غينيا بيساو في أخر دقيقة والنتيجة 1-0، فاكرين إنفرادين أو تلاتة قدام ساحل العاج في أمم أفريقيا الأخيرة
لولا الشناوي كنت روحت السنغال خسران كتير من حظوظك من الذهاب
النهاردة بيلعب قدام منتخب مسدد 25 تسديدة، 9 تسديدات على المرمي ومنتخبه ولاعيبته مسددة 5 تسديدات في ماتش إقصائي في 120 دقيقة
لولا شناوي كنت شلت 3 أهداف في ربع ساعة، أداك فرصة للتقدم في ركلات الترجيح

محمد الشناوي منظومة كاملة، تألقه مجهود فردي 100% ملهوش علاقة بخط دفاع ولا لاعيبة محترفة في الهجوم، بدون شك الشناوي أهم لاعب مصري الأربع سنين الأخيرة.

لم محمد صلاح يمسك كوره ده ماني بيرجعلو من الهجوم مخصوص