Ali Abdelghani

ممكن تستغرب لما تشوف إننا في التأهيل بنعلّم المصاب يمشي إزاي بالعكازات بعد عملية الرباط الصليبي.

لكن دي واحدة من أول خطوات الحركة بعد العملية، لأن المصاب محتاج يتعلم إزاي يتحرك ويحط الحمل على رجله بشكل آمن ومناسب للمرحلة اللي هو فيها.

العكازات مش معناها إن المصاب مش قادر يمشي، بالعكس، إحنا بنستخدمها كوسيلة تساعده يتحرك بأمان في الفترة الأولى، لحد ما القوة والتحكم في الرجل يتحسنوا.

وبنعلّمه طريقة استخدام العكازات، وتوزيع الوزن، وخطوة الرجل المصابة، وإزاي يحافظ على توازنه أثناء المشي.

ومهم تعرف إن ترك العكازات بدري مش دايمًا معناه إنك بتتعافى أسرع.

لو المصاب لسه عنده ضعف في العضلة الأمامية، أو مش قادر يتحكم في الركبة أثناء المشي، أو عنده ألم أو تورم، فالتخلي عن العكاز لمجرد إنك عايز تمشي من غيره ممكن يخلي طريقة مشيك أسوأ ويحط حمل مش مناسب على الركبة في المرحلة دي.

عشان كده قرار الاستغناء عن العكازات مش بيتحدد بعدد أيام ثابت، لكن حسب حالة كل مصاب وقدرته على المشي والتحكم في الطرف المصاب.

ومع تحسن القوة والتحكم واستجابة الركبة للتأهيل، بنبدأ نقلل الاعتماد على العكازات تدريجيًا لحد ما المصاب يكون جاهز يستغنى عنها.

العكاز مش عيب… واستخدامه مش معناه إنك متأخر.

الهدف مش إنك تسيبه بأسرع وقت، الهدف إنك تسيبه لما تكون جاهز فعلًا.

لأن التأهيل مش سباق، وكل خطوة فيه ليها هدف.
Dr-Muhammad Abd El Aal
اصابات ملاعب مركز التاهيل والطب الرياضي د محمد عبد العال

متكملش الفيديو عشان ملوش لازمة 😂

بعد مرور شهر من العملية، بنكون لسه في مرحلة تأسيسية مهمة جدًا من رحلة التأهيل.

الأولوية مش لزيادة صعوبة التمارين، لكن لاستعادة الوظائف الأساسية للركبة والطرف السفلي:

Full knee extension → ROM → Effusion control → Quadriceps activation → Strength → Neuromuscular control → Gait

وبالتوازي، بنبدأ نعيد تحميل باقي السلسلة الحركية تدريجيًا، مع مراعاة نوع الـgraft واستجابة الأنسجة للحمل.

في حالة عبدالرحمن، الـgraft مأخوذ من الـhamstring، لذلك بنشتغل على الـposterior chain لكن بجرعات محسوبة، ونزود الحمل تدريجيًا مع تحسن القدرة على التحمل.

الهدف في المرحلة دي مش مجرد إن المصاب يمشي…

الهدف إننا نعيد بناء الأساس اللي هنحتاجه بعد كده في الجري، الـplyometrics، السرعة، تغيير الاتجاه، وفي النهاية العودة للرياضة.

التأهيل الناجح مش سباق مع الوقت؛ هو progression مبني على الـcriteria.
اصابات ملاعب مركز التاهيل والطب الرياضي د محمد عبد العال

الجري بعد عملية الرباط الصليبي مش معناه إنك وصلت لمرحلة معينة وخلاص.

مفيش رقم ثابت لكل المصابين، لأن قرار الجري بيعتمد على مجموعة من المعايير، أهمها:

• مدى الحركة، خصوصًا الفرد
• عدم وجود تورم أو ألم مؤثر
• قوة الرجل المصابة
• التحكم في الحركة والهبوط
• قدرتك على أداء اختبارات المرحلة بشكل مناسب

ممكن لاعب يبدأ الجري بدري عن لاعب تاني، وده مش معناه إن واحد منهم متأخر أو التاني مستعجل.

الهدف مش إنك تبدأ تجري أسرع… الهدف إن جسمك يكون جاهز للجري.
اصابات ملاعب مركز التاهيل والطب الرياضي د محمد عبد العال

الجري بعد عملية الرباط الصليبي مش معناه إنك وصلت لمرحلة متقدمة وخلاص، ومش بيتحدد إنك “عديت 3 أو 4 شهور” فتبدأ تجري.

قبل الجري لازم أتأكد إن ركبتك جاهزة للحمل، وإن فرد الركبة ومدى الحركة كويسين، والورم تحت السيطرة، وقوة الرجل والتحكم في الحركة وصلوا لمستوى مناسب.

لأن الجري بيحط حمل أكبر على الركبة، ولو بدأت بدري عن استعداد جسمك ممكن تزود الأعراض وتدخل في مشاكل أنت في غنى عنها.

وعشان كده بنبدأ الجري لما المصاب يحقق المعايير المطلوبة للمرحلة دي، وبعدها بنزود المسافة والسرعة والحمل تدريجيًا، مش بنبدأ من أول يوم نجري بأقصى مجهود.

افتكر دايمًا: مش المهم إمتى بدأت تجري… المهم بدأت تجري وإنت جاهز.

الرجوع للملعب بالجاهزية… مش بالوقت.
اصابات ملاعب مركز التاهيل والطب الرياضي د محمد عبد العال🦵🏻⚽️

رحلة بدأت بمشكلة كان ممكن توصله لعملية تانية وانتهت بفرق كبير في حركة الركبة وقوة الرجل وثقته في الحركة.

لكن أكتر حاجة فرقت في رحلة عمر كانت التزامه.

٣ شهور تأهيل… حوالي ٦٠ جلسة… ولا جلسة غابها.

وده بيفكرنا إن التأهيل مش شغل الأخصائي لوحده، ومش مجرد تمارين بتتعمل وخلاص.

النتيجة محتاجة خطة صح + التزام من المصاب.

وعمر لسه مكمل معانا، لأن هدفنا مش مجرد إن الركبة تتحسن…

هدفنا إنه يرجع يعمل الحاجة اللي نفسه فيها من غير خوف.

يلعب كورة مع أصحابه. ⚽️

والرحلة لسه مخلصتش.

الرجوع للملعب بالجاهزية… مش بالوقت.
اصابات ملاعب مركز التاهيل والطب الرياضي د محمد عبد العال

وأنت بتشوف شادي بيجري النهارده…

يمكن اللي قدامك كام ثانية، لكن وراهم شهور من الشغل.

من أول يوم بعد العملية، لحد أول خطوة من غير خوف، وكل مرحلة كان ليها هدف.

وده السبب اللي خلاني أبدأ أوثق رحلات التأهيل.

مش علشان أوريك النتيجة بس… لكن علشان تشوف الطريق كامل، وتعرف إن كل خطوة ليها وقتها، وإن الاستعجال ممكن يضيع تعب شهور.

رحلة شادي لسه مكملة، وهشارك معاكم باقي الرحلة خطوة بخطوة.

الرجوع للملعب بالجاهزية… مش بالوقت.
اصابات ملاعب مركز التاهيل والطب الرياضي د محمد عبد العال

🎬 رحلة زياد أيمن | الجزء الأول

دي مش مجرد قصة مصاب رباط صليبي… دي سلسلة هتشوف فيها رحلة لاعب من أول الإصابة لحد العودة للملاعب بكل التحديات والنجاحات والأخطاء اللي ممكن تقابل أي حد في نفس الرحلة.

في كل فيديو هنشرح :
✅ ليه بنعمل التمرين ده؟
✅ إيه الهدف من المرحلة دي؟
✅ إمتى نعرف إننا جاهزين ننتقل للمرحلة اللي بعدها؟
✅ وإيه الأخطاء اللي ممكن تأخر التعافي؟

الهدف مش إنك تشوف النتيجة النهائية…
الهدف إنك تفهم إزاي وصلنا لها.

سواء كنت لاعب، أو مصاب أو أخصائي تأهيل هتلاقي في كل جزء معلومة أو فكرة تقدر تطبقها.

تابع السلسلة من البداية… لأن كل مرحلة هتبني على اللي قبلها.

تأهيل_إصابات

قبل ما مصاب الرباط الصليبي يجري لازم الأول يعرف ينزل على الأرض صح 👌

في كل خطوة أثناء الجري جسمك لازم يستقبل حمل ويمتصه ويتحكم فيه في وقت قصير جدًا

وعشان كده قبل ما نعلّم مصاب الرباط الصليبي يجري بنبدأ نعلّمه الأول إزاي ينزل على الأرض ويتحكم في جسمه

بنبدأ بأحمال بسيطة وبعدها نزود الصعوبة تدريجيًا ونراقب حاجات زي
التحكم في الركبة والحوض – الاتزان – امتصاص الحمل – وجودة الحركة

ومش هدفنا إن الركبة تبقى ثابتة بشكل مثالي طول الوقت لأن الحركة الطبيعية فيها اختلافات
المهم إن المصاب يكون عنده تحكم مناسب في الحركة والحمل من غير ما يفقد التحكم في وضع جسمه أو تظهر أعراض تمنعه من التقدم

والـ Landing مش لمصابين الرباط الصليبي بس
دي مهارة أساسية في الجري والقفز وتغيير الاتجاه ومعظم الرياضات

مصطفى بعد 3 شهور من عملية الرباط الصليبي وصل للمرحلة دي بمستوى كويس جدًا وكونه رياضي من قبل الإصابة ساعده كتير رغم إن الالتزام محتاج شوية كلام بيني وبينه 😂 وبدأنا نجهزه تدريجيًا للمرحلة اللي بعدها 💪

فالـ 3 شهور مش تصريح للجري
الجاهزية هي اللي تحدد 👌اصابات ملاعب مركز التاهيل والطب الرياضي د محمد عبد العال

تأهيل_الرباط_الصليبي

لو عامل جراحة رباط صليبي فأول أيام بعد العملية ممكن تفرق جدًا في رحلة تأهيلك كلها. 👇

وده اللي هنشوفه في قصة أ محمد بدر اللي جالنا من أسوان للقاهرة وبدأ معانا التأهيل بعد 3 أيام فقط من الجراحة.

في الجزء الأول هتشوف إيه اللي بنركز عليه في البداية وليه تقليل التورم استعادة فرد الركبة وتنشيط العضلات والحركة بشكل تدريجي من أهم أهداف المرحلة دي.

والتحدي في قصة محمد إن قدامه شهرين بس في القاهرة قبل ما يرجع أسوان فهنوثق رحلته خطوة بخطوة ونشوف هنوصل لفين خلال الفترة دي.

لو أنت عامل رباط صليبي أو عندك حد داخل على العملية تابع الرحلة عشان تفهم مراحل التأهيل وإيه اللي المفروض تهتم بيه من البداية.
اصابات ملاعب مركز التاهيل والطب الرياضي د محمد عبد العال

تأهيل_الإصابات إصابات_الملاعب