سبيلى للتنمية الأخلاقية

إحياء أخلاق وقيم مجتمعنا الإسلامي والعربي من خلال سيرة حبيبنا المصطفي سيدنا محمد صلي الله عليه وسلم

فريق "سبيلي" ❤️

🎯 هدف سبيلي: إحياء أخلاق وقيم مجتمعنا الإسلامي والعربي من خلال سيرة حبيبنا المصطفي سيدنا محمد صلي الله عليه وسلم.

📝 حكايتنا بدأت لما حسينا بافتقاد مجتمعنا لأخلاق زمان واللي أمرنا بيه دينا الإسلامي.
وبدأت فكرتنا بتقديم محاضرات عن الأخلاق ودا من خلال السيرة النبوية، للاقتداء بخلق الرسول صلي الله عليه وسلم والصحابة. 🥰
واختارتا انها تكون بلغة سهلة وبسيطة، علشان تكون قريبة من قلوب ال

16/06/2026

بداية السنة الهجرية الجديدة، بنفتكر أعظم حدث غيّر مجرى التاريخ: الهجرة النبوية. 💚

كان سيدنا النبي ﷺ بيحب مكة حب كبير، فهي بلده ومكان نشأته، لكن خرج منها مُكرهًا، متجهًا للمدينة المنورة اللي بقت دار الإسلام ومكانة كبيرة في قلوب المؤمنين، فاجتمع فيها حب النبي ﷺ وحب المسلمين ليها. 🌿

والهجرة مش مجرد انتقال من مكان لمكان، لكنها منهج حياة بنتعلم منه حاجات كتير:

💫 الأخذ بالأسباب:
سيدنا النبي ﷺ خطّط للهجرة وأخذ بكل الأسباب، وده يعلمنا إننا نرتب أمورنا ونسعى ونجتهد.

💫 التوكل على الله:
مهما خططنا واجتهدنا، تفضل النتيجة في الآخر بتوفيق ربنا وحده.

💫 اختيار الصحبة الصالحة:
زي ما اختار النبي ﷺ سيدنا أبو بكر رضي الله عنه رفيقًا ليه، نتعلم نختار الناس اللي تعينّا على الخير وتقربنا من ربنا.

💫 هجر الذنوب:
والهجرة النهارده مش بس سفر وانتقال، لكنها كمان إننا نسيب كل ذنب بيبعدنا عن ربنا، ونجاهد نفسنا علشان نكون أقرب ليه.

🌸 خلوا السنة الهجرية الجديدة تكون بداية هجرة إلى الله، نبدأ فيها صفحة جديدة، ونقرب أكتر من ربنا، ونمشي بخطوات ثابتة على الطريق اللي يرضيه، ونملأ قلوبنا بحب مكة والمدينة، وحب الطاعة واليقين.

عام هجري مبارك، جعله الله عامًا مليئًا بالخير والبركة والطاعة. 🤍