Nermein Hozayen - نيرمين حُزَيِّن

01/09/2026

صباح الفل🦋

بفكركم كل اللي حجز لينك الحجز ليوم التراحم بكرة باذن الله تنورونا الدخول الساعة ١ ظهرا في مكتبة الإسكندرية
(مافيش تأكيد بيتبعت)

31/08/2026

✍🏻 كتب دكتور أحمد أبو الوفا

دكتور يحيى الرخاوي، الله يرحمه، كان معلمنا ان:
• ما يمكن تفسيره بالطبيعة لا يفسر بالمرض.
يعني مثلا، لو حد خد قرار يفتح مشروع، وخسر لانه ما فكرش كويس، فده تصرف طبيعي، حتى لو مش مفيد، والخسارة نتيجة طبيعية. والحزن والاحباط بعد الخسارة طبيعيين برضه.
ساعتها بنبقى قدام دايرة انسانية طبيعية: قرار غير صائب، وعواقب من ضمنها الألم النفسي مش بس الخسارة المادية.
وجزء من الطبيعي ده ان الشخص يتحمل مسئولية قراره وعواقبه، فيكبر ويتعلم ويفهم اكتر، لو قرر يعمل كده.
لكن مؤخرا، ومع انتشار الوعي بالمشكلات النفسية، بقى فيه محاولات ( غير مقصودة وليست سيئة النية) من الأشخاص نفسهم أو المتخصيين الأقل ممارسة، لتقليل الألم الناتج عن قرارات طبيعية غير صائبة، باستخدام مسميات كتير مش دايما استخدامها سليم.
• خد قرار مندفع في المشروع عشان عنده ADHD.
• ما عرفش يتعامل مع الزباين عشان عندهAdult Autism
• فضل فترة طويلة بعد الخسارة مش بيعمل حاجة عشان عنده اكتئاب وعدم قدرة على التجاوز.
• وهو خسران اتخانق مع مراته واللي حواليه عشان عنده اضطراب شخصية.
والحقيقة ان كل التشخيصات دي ممكن تكون صحيحة، وصاحبها ممكن يكون بيعاني فعلا. لكن مينفعش نستخدمها لتفسير كل تصرف في كل سياق.
التشخيص يساعدنا نفهم المعاناة ونحدد نوع المساعدة المطلوبة، لكنه لا يفسر كل خطأ، ولا يلغي كل مسئولية، ولا يحول كل ألم طبيعي الى عرض مرضي.
لان لو عملنا كده، هنقلل الاحساس بالمسئولية عن القرارات، وتحمل مسئولية العواقب. ودي مش عقوبة، دي من اهم محركات التعلم بالخبرة.
المرض النفسي حقيقة وواقع، والعلاج ضرورة. لكنه يفسر السلوكيات المرضية في سياقاتها، لا كل السلوكيات الطبيعية في سياقات إنسانية عادية.

عزيزي/ عزيزتي...بعض الألم ضروري، وإنساني، وطبيعي، بل إنه ربما غيابه هو المرض.

وأخيرا نتذكر المقولة الشهيرة

الألم حتمي...المعاناة اختيارية

#الصحة #النفسية #الحمدالله

29/08/2026

نَفَس هادي مع ماما الكوتش🦋

وسط كل اللي بنعيشه كل يوم…

ضغط الشغل، ومسؤوليات البيت، والتربية، ومشاكل الأولاد، واختلافات الأزواج…
وفوق ده كله تحديات سن المراهقة اللي ساعات بتحسسنا إننا بنتكلم لغة مختلفة عن أولادنا!

أوقات بنلاقي نفسنا بنتكلم كتير جدًا…
لكن مش عارفين نوصل لبعض.

نزعل.
نغضب.
نلوم.
نحاول نصلّح.
وأحيانًا من كتر خوفنا على اللي بنحبهم… بنضغط عليهم أو نبعد عنهم وإحنا فاكرين إننا بنحميهم.

ومن هنا جات لي فكرة سلسلة «نَفَس هادي مع ماما الكوتش» 🤍

كل يوم سبت، بإذن الله، هنتقابل هنا ونتكلم ببساطة عن العلاقات اللي بتشغلنا بجد.

عن علاقتنا بأولادنا، وخصوصًا في مرحلة المراهقة…

إزاي نفضل قريبين منهم من غير ما نحاصرهم؟
وإزاي نسمعهم ونفهم احتياجاتهم، حتى لما تصرفاتهم تكون مستفزة أو مش مفهومة بالنسبة لنا؟

وهنتكلم كمان عن العلاقة بين الزوجين…

عن الأمان والثقة، وعن الخلافات، والغضب، واللوم، والحدود، وإزاي نختلف من غير ما نجرح بعض.

وهنتكلم عن التراحم مع النفس…
لأن يمكن علاقتنا باللي حوالينا تبدأ أصلًا من الطريقة اللي بنتعامل بيها مع نفسنا.

ومش عايزة السلسلة تكون مجرد كلام نظري أو نصايح من بعيد.

كل سبت هحاول أشارك معاكم فكرة واحدة بسيطة:

ممكن تكون بوست،
أو ريل،
أو معلومة،
أو موقف حصل في بيت من بيوتنا كلنا…

حاجة صغيرة، لكن تخلينا نقف لحظة ونسأل نفسنا:

“ممكن أشوف الموقف ده بطريقة مختلفة؟”

أنا مش هدفي إننا نبقى أمهات مثالية…
ولا إن بيوتنا تبقى خالية من الخلافات.

إحنا بشر.

بنتعب.
وبنغضب.
وبنغلط.
وبنقول كلام وبعدين نتمنى لو ما قلناهوش.

لكن يمكن الفرق الحقيقي مش إننا ما نغلطش…

يمكن الفرق في إننا نتعلم إزاي نرجع لبعض بعد الغلط.

ناخد نَفَس…

نفهم قبل ما نحكم.

نرحم قبل ما نلوم.

ونتواصل بدل ما كل واحد فينا يقف في مكانه ويدافع عن نفسه.

والأجمل بالنسبة لي إن السلسلة دي ما تكونش كلام من طرف واحد.

عايزة أسمعكم. 🤍

إيه أكتر حاجة محيراكي في علاقتك بابنك أو بنتك؟

إيه الموقف اللي كل مرة بيحصل ومش عارفة تتعاملي معاه إزاي؟

أو إيه أكتر حاجة نفسك نفهمها سوا عن العلاقات والتربية؟

اكتبيلي…

يمكن سؤالك يكون هو موضوع السبت الجاي.

نَفَس هادي…
مش عشان الحياة تبقى أسهل،
لكن عشان نعرف نعيشها ونحب اللي حوالينا… من غير ما نفقد نفسنا في الطريق #ماما #الكوتش

28/08/2026

بكثرة الصلاة على النبي ﷺ
‏تُقضى الحوائج
‏وتزول الهموم
‏وتُغفر الذُّنوب
‏وتنحلُّ العُقد
‏وتُفتح المغاليق
‏وتتيسر المعاسير
‏وتتحقق الأمنيات.

‏اللهم صل وسلم وبارك على محمد وعلى آله وصحبه وسلم تسليماً كثيرا.

#ماما #الكوتش

26/08/2026

لينك الحجز ليوم التراحم الاربعاء ٢_٩ باذن الله ⚘️

احب اشوفكم كلكم
ان شاء الله بالنفع 🍀

أيام تملؤها العافية هو الشعار الذي ينطلق من خلاله فعاليات برنامج العافية النفسية لصيف 2026 شعار لخلق دوائر للحوار والعافية والاستمتاع لكل أفراد المجتمع مع الكثير من الاهتمام بالعلاج بالفن والحركة والإبداع كطاقة خلاقة للتغير الواعي.

ويولي البرنامج اهتمامًا خاصًا بالعلاج بالفن، والحركة، والإبداع، باعتبارها طاقات خلاقة يمكن أن تفتح أبوابًا للتغيير الواعي، وتدعم رحلتنا نحو حياة أكثر اتزانًا ورفاهًا.

لقاء مكتبة الإسكندرية – يوم التراحم في عامه الخامس
منذ انطلاق يوم التراحم في عامه الأول، حمل اللقاء رسالة إنسانية عميقة:
أن التراحم ليس شعارًا عابرًا، بل منهج حياة.
وفي كل عام، نعيد اكتشاف هذه الرسالة بعيون جديدة وتجارب حيّة.
أما هذا العام، فقد اخترنا أن نخرج عن المألوف، وأن نقدم التراحم في صيغة حكاية نحن أبطالها؛ حكاية ترويها مجموعة من الأصوات الإنسانية، تحمل في كلماتها وقلوبها تجارب ومعاني كان لها أثر حقيقي في تغيير حياتها.
وتأتي الندوة مستوحاة من كتاب:
«الصحة النفسية بالتراحم»
للدكتور أحمد ضبيع
رحلة من الضيق إلى الرحابة الإنسانية
وتحت مظلة برنامج خدمات العافية النفسية، يأتي لقاؤنا السنوي الخامس لنسلط الضوء على التراحم كمنهج حياة، ونكتشف معًا كيف يمكن للتراحم أن يكون طريقًا نحو صحة نفسية أكثر رحابة، وعلاقات أكثر إنسانية، ومجتمع أكثر احتواءً.
ندعوكم للحضور والمشاركة في هذا اللقاء الملهم،
لنشهد معًا كيف يمكن للكلمة أن تُنير، وللرحمة أن تُغيّر.

يلقي المحاضرة:
د. أحمد ضبيع وفريق التراحم المصري
المكان: مكتبة الإسكندرية – قاعة المحاضرات
التاريخ: 2 سبتمبر 2026
الساعة: 1 مساءاً حتى 5 مساءاً

الدخول بالحجز المسبق
لينك الحجز:
https://forms.gle/u8Znpyf8rm6kAgxw8

26/08/2026

قرار التغيير بايدك انت بعد ؛ ما بتعرف مشكلتك سببها ايه وما هو خفي وراء سلوكك
‏ماتقولش مانا خلاص فهمت …ده مش كفاية

‏⁧‫ ‬⁩ 🦋

‏من البث المباشر بتاع امبارح⁦‪‬⁩
‏انصحكم تشوفوه كامل
‏لينك قناة اليوتيوب في اول تعليق

25/08/2026

اكتر من حد سألني
دكتور عماد رشاد عثمان بيعمل لايڤ امتى؟

دكتور عماد أعلن ان بداية من انهاردة الثلاثاء هيعمل بث كل اسبوع في نفس الموعد س ٩ مساءً

فياللا جهزوا اسئلتكم و مشروبكم المفضل وياللا بينا نحضر اللايڤ بتاعه الليلة بإذن الله

ربنا ينفعنا واياكم بعلمه

#ماما #الكوتش #كوتشينج #عمادرشاد

23/08/2026

انا بساعد الامهات والبنات والمقبلين على الزواج انهم يتراحموا مع نفسهم بشكل عملي من خلال ادوات بسيطة تقدرى تمارسي التراحم مع نفسك في لحظات ضعفك و غضبك و خوفك ..انتِ تستحقي تكوني قوية مش بمعناها المنفر و لكن قوية رحيمة على نفسها عشان تقدر تحط حدود و تتعاملي مع تحديات الحياة المختلفة …

لو انت مستعدة والكلام ده يعبر عنك ابعتيلي لحجز جلسة استكشافية على
https://wa.me/message/UWGQ2QMSBWZUH1

#كوتشينج #تحفيز

22/08/2026