Eyad Ahmed & Fitness Trainer

كنت بنافس نفسي.... دلوقتي بسبقها "

The new version is in preparation ⚡️

الحمد لله 🌟
يوم مميز اتكرمت فيه من منطقة المنيا لكمال الأجسام تقديرًا لمجهودي في دعم رياضة كمال الأجسام ونشر مفهوم الرياضة كأسلوب حياة صحي 💪
والأجمل إني أشوف لاعبي اللي كنت محضره للبطولة بيتكرم معايا النهاردة، ودي أكبر فرحة لمدرب إنه يشوف تعبه بيتكلل بالنجاح ✨

فخور بلاعبي واخويا مش مجرد لاعب Shireef Medhat ❤️

وفخور بنفسي وبالطريق اللي ماشي فيه واني لسة ميأستش رغم ضغوطات كبيرة حصلت في فترة كبيرة بس الحمد لله دي لسة بداية مش نهاية الطريق و اوقات الواحد بيقع وقعة علي وشه جامدة لدرجة انه بيدوق تراب الأرض في بقه.

دايما حط في بالك ان الواقعه مش نهاية..

الواقعه دي إشارة من جسمك، من عقلك، من الدنيا ومن ربنا.. إنك محتاج تدوس ريستارت وتبدأ من جديد.

الوقعة بتوجع، وبتسيب وجع في الجسم والنفس..

بس اوعدك، الوجع بيروح..

اللي بيفضل هو فرصة جديدة بعقل أنضج وأفكار أنضف و خبرات زادت في صالحك عشان تبدأ بصفحة نضيفه.

اركب الموجة، واستغل الوجع كفرصة. الوجع مؤقت.. لكن القوة و الخبرة اللي هتطلع بيهم هيفضلوا معاك ❤️💪🏆

وشكر خاص للأستاذ أحمد فوزي المدير التنفيذي لاتحاد كمال الأجسام على دعمه وتشجيعه المستمر 🙏 احمد فوزي

اللي جاي أقوى بإذن الله 🔥

🦅🌪️
•
•
•

🦅✨

الصدمات الي بتحصل في الحياة، هي اكبر محفز للواحد انه يبداء حاجة جديدة و يكبّر منها.

في ناس ممكن تخلي الصدمة توقعهم و يسيبوا نفسهم ضحية الصدمة.

و لكن الناس الي بياخذوا المستفيد من الصدمة و يخلوها محفذ ليهم انهم يغيروا من نفسهم او اسلوب حياتهم هم اكتر ناس بتنجح.

مفيش حد عايش حياته سهله ١٠٠٪؜ و ده كرم من عند ربنا لان السهولة ملهاش طعم.

🎉عيد يعني عضلات !💪🏻🔥🎉

لو لسة بتفكر تبدء مشوارك فالجيم وملحقتش الشتا ولا رمضان مفيش وقت احسن من دلوقتي !
*بمناسبة العيد، خصم خرافي علي التدريب الاون لاين لفترة محدودة*🚀

✅ *اي اللي هتاخدو معايا ؟!*
✔️ نظام اكل مناسب لهدفك :
(تضخيم - تنشيف - تحضير بطولات)
✔️ تمارين مصممة ليك شخصيا سواء ف البيت او الجيم 💪🏻
✔️ كارديو خاص بيك ويحرق دهونك ويخليك انشط 🏃
✔️ روتين تقسيم عضلات بطنك الصيف جي خلاص ☀️😎
✔️ توصيات بالمكملات المناسبة ليه : يعني مش هتضيع فلوس عالفاضي 💊
✔️ متابعة مستمرة عشان توصل لهدفك سوا واسرع 💯🔥

💥الخصم لفترة محدودة وعرض مش هيتكرر الحق قبل م العرض يخلص 💥

📩 ابعت { DM } وهرد عليك ف اسرع وقت ✨

#العضلات

🦅✨
•
•
•
•

عشان توصل لحاجه او وجهة معينه، لازم تبقي عارف ان الوصول ليه طرق مختلفة كتير. بس اوقات بنبقى مقتنعين ان مفيش غير طريق واحد بس.

مش عشان طريق منهم مسدود او فيه حفر و مطبات كتير، يبقي الوصول للمكان ده مستحيل.

و مش عشان حد تاني جرب طريق منهم و نفع معاه يبقي ده معناه ان نفس الطريق هينفع معاك انت كمان.

جرّب طرق مختلفة و حاول تنقي الطريق الي هتعرف تستعمل فيه خبرتك في السواقة و جرائتك في تعدي الحفر و المطبات الي فيه.