Yalla Kora 4 fun

{وَمَا قَدَرُوا اللَّهَ حَقَّ قَدْرِهِ وَالأَرْضُ جَمِيعاً قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ}

اتأخرنا عليكو كتير بسبب ظروف الجو وان كل واحد فينا كانن في البيت 🤣 بس قريب هينزل تنويه عن موسم جديد معانا في yallkora4fun

❤مساء الخير يا شباب ❤

اولاً . أحب أشكركم جداً علي اجواء يوم الخميس اللي فات ، فعلاً عملنا يوم رائع وأمسية كروية ممتعة ، وكان لكل واحد فينا دور اننا نخرج يوم ممتع لينا كلنا .
⚽سواء بالحضور المثالي وتشرفكم لينا .
⚽ أو بالتغاضي علي بعض المشكلات البسيطة اللي حدثت أثناء اللعب .
⚽ أو بالتنظيم الجيد لليوم .

ثانياً . يوم الخميس القادم هيكون تقسيم الفرق علي حسب أولوية الحضور للاعبين ، ولازم افكركم ونفكر بعض اننا بنستمتع باللعب بغض النظر مين اللي كسب ومين اللي خسر المهم بالنسبة لينا كلنا اننا نخرج يوم كويس ، بس ممكن يكون في بعض التعديلات البسيطه في تشكيل كل فريق لتوازن الفرق ومتجيش فرقة علي حساب فرقة تانيه ، أنا لغاية دلوقتي بجيب البيبسي ومأخدتش ولا واحده 😭😭

ثالثاً . التحكيم أثناء المباريات ..
كلنا ممكن يجي علينا الدور اننا نحّكم مباراة وطبعاً كل واحد فينا بيبقي ليه رؤية بالنسبة للموقف اللي قصاده واللي لازم ياخد في قرار ، فأرجوا من الجميع بلاش الإعتراض علي قرارت الحكم ، علشان نقدر نخرجلكم يوم كويس بدون مشادات .
😂 وادينا شفنا كلنا كم الأخطاء التحكيمية التي حدثت اثناء مباراة مصر والنيجر من حكام دوليين فا مش هنكون أحنا أحسن منهم ولا بسابق خبراتهم . فا بلاش اعتراض علي قرارات التحكيم بعد إذنكم .

⚽⚽ نتمني قضاء أمسيات كروية جديدة ومشوقة وممتعه ومسلية مع yalla kora 4 fun⚽⚽

يوم رائع مع أجمل صحاب

أهلا بيكم في صفحة Yalla Kora 4 fun .

**********************************
احنا جروب بنلعب كرة قدم للهواة ومحبي كرة القدم
مش مهم المهارة ، المهم الالتزام والجدية والاحترام .

**********************************

عملنا فكرة الجروب علشان نلعب كورة ونتعرف على ناس جديدة في إطار الأدب والإحترام ونعمل الحاجة اللى بنحبها ونخرج بيها شوية عن ضغوطات الحياة .

**********************************

هدفنا ننظم مباريات ودورات كورة ، وليه لأ ما نعملش دوري للهواة خماسي أو ملعب 11 .

**********************************

لو عايز تنضم لينا أهلا بيك ولكن لازم تعرف قواعد الجروب أولاً علشان نلتزم بيها جميعاً :

- ممنوع السب والشتم بأي ألفاظ لأي سبب من الأسباب .
- ممنوع التريقة والقلش علي أي فريق أو لاعب منافس أو حتى زميل .
- ممنوع العصبية أو التطاول داخل الملعب أو فى الجروب
- ممنوع التدخل الغاشم ضد أي لاعب داخل الملعب ، هدفنا ننبسط مش نأذي بعض
- ممنوع الاعتراض على قرارات التحكيم
- السن يكون أكبر من 25 سنة

**********************************

- في حال تأكيد حضورك للعب يجب الالتزام بالميعاد لأن العدد لما بيكمل بنرفض أعداد زيادة وبتتنسق ليوم تاني ، مكانك لو أصبح فاضي بسبب عدم التزامك هيعمل نقص عدد .