Fitness Time

خليك زوق في الجيم

١.لما حد يقولك لسه كام مجموعه ابتسم وقوله ادخل معايا
٢.متسبش عرقك علي الجهاز في حد جاي بعدك
٣.مترميش اوزانك في كل مكان بيج رامي نفسه بيرجع اوزانه
٤.متقعدتش تخبط بالأوزان كلنا عرفنا انك بطل عالمي
٥.متقعدتش تزعق مع كل عده ملوش علاقه بالباور خالص
٦.متركزش علي حد رافع وزن عالي وقول ما شاء الله تبارك الله
٧.متقارنش نفسك بحد قارن نفسك بنفسك فقط
٨.لما تدخل الجيم سلم علي الناس هيحبوك اكتر
٩.المدرب مش شغال عندك هو بيساعدك تتمرن صح خليك زوق
١٠.مزيل العرق مهم وجميل وبيورى الناس انك شخص جميل
١١.متجيش علي حد لسه بادئ وتستعرض قدامه لا شجعه افضل
١٢.لما تلاقي حد بينزل وزن كل فتره قوله انت بتخس ما شاء الله
١٣.لو في حد كبير في السن متستعجلوش سيبه يحاول
١٤.بلاش تكشر طول الوقت ده مش بيثبت انك فورمه
١٥.لما تخلص ازازه المياه ارميها في السله متتعبش الي شغالين
١٦.بلاش تهبد الأوزان علي الارض والأجهزه انت مش روني كولمن
١٧. اوعي تعمل مشكله في الجيم حتي لو حد ضايقك ده مكان كله حديد واي ردود افعال هتبقي سيئه جدا
الجيم مكان انك تحسن من صحتك وعضلاتك والأهم وكمان أخلاقك في التعامل مع الي حواليك

المهم خليك زوق ووجودك لطيف ❤️

فورمة الصيف" بتتصنع دلوقتي... في !
​
​اسمع الكلام ده كويس: الفرصة دي مش هترجع! ⚠️
​لو مستني الجو يدفى عشان تبدأ، يبقى أنت بتأجل حلمك للأبد.
​الشتا ده هو المعيار الحقيقي. الكسل بره Fitness Tim، وهنا الشغل كله!
​احنا مش بنتدرب عشان نتدفى، احنا بنبني جسم هيصدم الناس في الصيف!
​تخيل معايا المشهد:
​الكل هيطلع من الشتا تعبان ووزنه زايد، وأنت هتطلع بجسم مفاجأة عالمية! صدمة صيفية بامتياز! 💥 الكل هيسأل "إزاي؟" وإجابتك هتكون: "بدأت في عز البرد، والتزمت في !
​الأبطال بيبدأوا دلوقتي... مش بكره!
​يلا بينا، كل دقيقة بتضيع هي فرصة لجسم أحسن! قوم وريني قوة البداية!
​

مواعيد الجيم الجديدة:

الشباب:

كل الأيام ماعدا الجمعة

من 11 صباحًا إلى 2 صباحًا

النساء:

الايام/ الأحد، الثلاثاء، الخميس

الفترة الأولى: 9 صباحًا لـ 11 صباحًا

الفترة الثانية: 2 ظهرًا لـ 4 عصرًا

جاهزين للتغيير! ✨💪

With Fitness Time – For the Best! 💥

📌. Location:[ الرحمانيه شارع الشط بجوار المركز الطبي ]

Fitness Time

لما تسيب الجيم في ترجع مضايق ومخنوق زي الاول😅

Welcome to Fitness Time!
هنا مفيش مكان للكسل أو الأعذار..
💪 كل تمرينة بتعملها = نسخة أقوى من نفسك.

⚡️ في Fitness Time مش بس بنبني جسمك، إحنا بنبني ثقتك، عزيمتك، وحياتك كلها.

📍 انضم لينا دلوقتي وخلي هدفك حقيقة!

📢💪 Welcome to FITNESS TIME 💪📢

دلوقتي وقتك تبدأ رحلتك الصح معانا 👊
🏋️‍♂️ أحدث الأجهزة الرياضية
🔥 أجواء تحفيزية تشجعك تكمل
👨‍🏫 مدربين متخصصين متابعين معاك خطوة بخطوة
🎯 خطط تدريب تناسب كل المستويات والأهداف

⏰ متستناش لبكرة… وقتك دلوقتي مع Fitness Time ✨

كنت حابب اتكلم ف موضوع موخراً بقت الشباب بتيجي تتكلم معاايا فيه كتير وعايزين يدخل سكة (الهرمونات) وانا عايز اتحول وابقا زي فلان وفلان !! صدقني هيبقا من اسوء القرارات الي ممكن تاخد فحياتك زيها زي سكت (المخدرات بالظبط) واي حد هينصحك بالهرمونات هوا شخص مش كويس وميعرفش ربنا ،قبل متدخل الموضوع دا فكر فيه كام واحد نجح في المجال دا وفي طريق البطولات اللي بيقنع نفسه يبدا ياخد هرمون مش هتلاقي كتير او بمعني اصح معدودين علي الصوابع ،روح بص لكل واحد من الناس دي اللي انته شايفه قدوه وناجح في المكان دا ونفسك تبقا ذيه شوف حياته الشخصيه عامله ازاي برا اللي انته شايفه علي السوشيال ميديا اغلبهم مرضي نفسين وبيتعالجو نفسيا بسبب الهرمونات فشل في حياتهم الزوجيه وحياتهم الأسريه واغلبهم مطلقين بدل المره اتنين وتلاته ،ادخل شوف بنفسك واحد من اكبر المشهورين واغلبكم عارف اقصد مين بدون ذكر اسماء ادخل شوف كلامهم عن الاسترويد وازاي قدر يبطل واتعالج ازاي منه وللعلم من اكتر الاسباب اللي خلته يبعد عن الهرمون هوا عدم الانجاب بعد جواز دام اكتر من اربع سنين ومقدرش انه يخلف بسبب الآثار الجانبيه للهرمون وعن كم الاضرار الي مر بيها طول فتره استخدامه للهرمون (وبعدين )اتعالج وراح لدكاتره نفسين لحد مقدر يخرج برا الدنيا دي ورجع يلعب بصحته ووصل لمستوي عالي من غير استخدام اي هرمون ،يجيلي شاب صغير كابتن محمود عاوز ااخد هرمونات واتحول !
بقالك قد ايه بتتمرن يقول سنه ومفيش التغير الي كان في دماغي اساله ماشي علي نظام غذائي يقول لا !!!طيب منتظم في التمرين وماشي علي نظام مناسب ليك برده لا!!!بتنام كويس لا!!!!خدت مكملات غذائيه مناسبه لجسمك برده لا!!!اوماااااااال !!!!!
هوا انته مفكر السرنجه الي هتضربها هتخليك في يوم بيج رامي 😂
طيب التزم بكل الخطوات الي فاتت وشوف النتيجه وبعد كدا قررر لكن انا عاوز اخد هرمونات طب ليه علشان عاوز ادخل بطولات ياواد ياااجامد يعني اول مهتاخد هتكسب البطوله😅بلاش تعيش الوهم وتدخل دايره عمرها مكانت دايريتك دايره من احقر مايكون وعضلات مؤقته عمرها مهتدوم معاك لانك عمرك مهتقدر تاخد هرمونات طول حياتك وهتبطل وهتدخل في حاله نفسيه وحشه فوق مانته تتخيل وكل دا في ظرف شهر بخ راااح .
هوا معني كدا اني انا مش بتابع ناس بتاخد هرمون؟؟
لا بتابع ،لاني والحمد لله دارس وفاهم في الموضوع دا ومش بدخل في حاجه مش فاهم فيها
تاني شيء عمري مدخلت حد السكه دي بنفسي ومش بتابع حد غير هوا داخل الطريق دا ودخل فيه وشايف انه اكل عيشه وسكته ،بيدرب ويتابع تحت ايدي ولكن دا قراره مش قراري وبقبل اتابع الناس دي علشان مسيبوش لنفسه او يضر نفسه ضرر كبير وبقف معاه ومش موضوع ماده او فلوس ،عارف الشخص دا ممكن يكون بيصرف علي نفسه اقل شيء كام في الشهر فتره اوف سيزون من عشرين لتلاتين الف في الشهر !!!!متخيل،وقت البطوله بيوصل لاربعين وخمسين الف ويمكن اكتر وكل واحد علي حسب مستواه ،ليه بقولك الكلام دا ؟؟علشان لما بقول الكلام دا لشخص بيسالني عن الموضوع مبيصدقش كلامي وليه ياكابتن!!دا فولان قالي الفين او تلاته وهظبطلك احلي سايكل ليه ليه ياابني اه والله وكذا اخد معاه وفولان وفولان اساله ازاي دا سنه ستاشر سنه ودا سبعتاشر سنه!!بجد يقول اه والله !!!!!!!اتقو الله في رزقكم والفلوس الي بدخلوها بيتكم وانته بتدخل عيل صغير ممكن تدمر حياته وصحته من اجل الفلوس ،فكر لو الولد دا في يوم حصلتله مشكله زي الناس اللي حصلتلها مشاكل قبل كدا هيدعي عليك يقول ايه وانته دمرته بشغل من تحت السلم علشان قرشين ويولع فيما بعد ،لا مش بس كدا دا بيقولك هنمشي بالتحاليل !!هوا انته بتعرف يعني ايه تحاليل دارس ايه في المجال دا ،فاهم تقرا تحاليل اصلا وتفهمها ،اومال !!لا ياكابتن اصله بيتابع مع كابتن كبير اوي اسمه عز الدين او شرف الدين مش فاكر ،اااااااااه بياخد البرامج كوبي بست ويبعها للناس والكابتن راح الكابتن جه ،،اتقو الله في الفلوس الي بتدخلوها بيتكم ياشويه معاتيه حرام اقول عليهم مدربين لانهم فعلا ميعرفوش اي شيء عن التدريب لانهم لسه داخلين المجال من اربع خمس سنين .
اسف لو كنت طولت عليكم شويه في البوست لكن الموضوع كان لازم اتكلم فيه بعد المصايب اللي الواحد كل يوم بيشوفها لو اي واحد احتاج اي شيء انا معاكم بدون مقابل مادي
كان معكم/كابتن محمود

🚨 التحدي بدأ… بس المفاجآت لسه ورا الباب!
مين قال الجوائز خلصت؟
مين قال الفرصة راحت؟
اللي جاي أقوى، أغلى، وأندر 🔥

🎁 فيه جوايز محدش هيتوقعها…
🏆 خصومات خاصة
💼 جايزة سرّية مش لأي حد

📅 معاد التحدي الرسمي هيتعلن قريب جدًا
🎯 جهّز نفسك…
مش جاي تتمرن، جاي تواجه!

📍 Fitness Time – بجوار المركز الطبي

"لم يفت الأوان أبدًا للبدء الآن. "

🎉 عيد أضحى مبارك من فريق Fitness Time!
🐏💪 في العيد بنفتكر دايمًا إن القوة مش بس في الجسم…
القوة الحقيقية في الإرادة، في صبرك، وفي التزامك بهدفك حتى في أيام الراحة.

شكراً لكل أبطالنا اللي تعبوا، والتزموا، وفضلوا يطوروا نفسهم كل يوم.
العيد فرصة نريح فيها جسمنا… لكن عقلنا لسه شايف الهدف قدامه!

📍 موقعنا: بجوار المركز الطبي
📅 العودة الرسمية: يوم الأحد — راجعين بأقوى طاقة، مستعدين نولّعها من أول يوم!

خلّيك فاكر:
BE STRONG. BE HEALTHY. BE CONSISTENT.

عيدكم صحة وسعادة وروح حلوة زيكم ❤️