Coach Sara Gamal فراشة حياة بوعي

في الفترة الأخيرة اكتشفت حاجة مهمة...
إننا أحيانًا بنستنى حاجة كبيرة تحصل علشان نحس إن حياتنا اتغيرت
بس الحقيقة إن التغيير بيبدأ من قرار صغير جدًا...
قرار إني أبقى موجودة لنفسي
أسمعها لما تتعب..وأريحها لما تحتاج راحة.. وأشجعها بدل ما ألومها
كل مرة كنت باختار نفسي فيها كنت برجع جزء ضايع مني.
شغف قديم بيرجع.. حلم كنت نسيته بيفوق.. وطاقة للحياة كنت فاكرة إنها انتهت

يمكن الحياة ما بقتش أسهل
لكن أنا بقيت أهدى... أقرب لنفسي... وأكتر امتنانًا لكل خطوة بعملها
وتعلمت إن أجمل استثمار ممكن نعمله... هو الاستثمار في سلامنا النفسي وفي علاقتنا بنفسنا

لأن الإنسان لما يكون متصالح مع نفسه بيشوف الحياة بعين مختلفة تمامًا. 🤍🦋

وأنت... إيه الحاجة اللي محتاج تعمليها لنفسك اليوم علشان ترجعي تحسي بالحياة من جديد؟ 💜

🌙✨ عيد الأضحى…
أتمنى لكم أيامًا مليئة بالسكينة
وقلوبًا مطمئنة
ودعواتٍ مستجابة 🤍
كل عام وأنتم بخير
تقبّل الله منا ومنكم صالح الأعمال 🌸🐑
عيد أضحى مبارك عليكم وعلى أحبابكم 💫

رحلتك من "الضغط والجري المستمر"
لـ "الاتزان والتشافي الكامل" 🗺️✨
اختاري طريقة رحلتك مابين
جلسات ( الكوتشنج.. الهيلنج ..الاستشارات )

​لو حاسة إن أدوار الحياة سحبتك وإنك بتجري طول اليوم بس جوة ساقية مابتخلصش..
يبقى البوست ده مكتوب علشاتك

​في رحلتنا مع بعض مابنتعلمش بس إزاي ننظم وقتنا إزاي نتصل بنفسنا الحقيقية ونعيش كل جوانب حياتنا بوعي وهدوء من غير ما ننسى نفسنا في النص

ازاي نقدر نشتغل علي نفسنا ونبتدي نعيد ونرسم ومرتب حكايتنا بنسخة جديدة ...

​1. جلسات الكوتشنج
(فهم الذات وتحديد المسار) 🎯
​اكتشاف نقاط قوتك الحقيقية والفريدة
​التغلب على المعتقدات المقيدة اللي مأخرة خطواتك
​تصميم خطة حياة مخصصة تناسب أهدافك وشغفك

​2. جلسات الهيلينج
(شفاء القلب واستعادة الونس) 🦋
​التشافي من صدمات الماضي والتحرر من المشاعر المكبوتة.
​توازن الطاقة الداخلية الوصول واستشعار السلام النفسي
​التخلص من الخوف.. القلق.. وجلد الذات المستمر

​3. الاستشارات
(التواصل الفعال لحياتك) 🤝
​دعمك في اتخاذ القرارات المصيرية بوضوح تام
​تجاوز الأزمات والتحديات الشخصية والعملية
​خلق التوازن بين بيتك..شغلك..وعلاقاتك

​أنتِ لستِ وحدكِ.. أنا معكِ خطوة بخطوة 🤍
في بيئة آمنة تماماً وخالية من الأحكام
بنتحرك مع بعض بمستويات وعي جديدة🤝🏻
وبدعم مستمر يضمن لِك الوصول للنسخة الأفضل منكِ🫂

💁‍♀️​النتائج المتوقعة التي سنصل إليها معاً:

🌷​ثقة بالنفس وتقدير حقيقي للذات
​وضوح كامل لرؤيتم للأهداف وحياتك المستقبلية

🌷​سلام داخلي عميق ينعكس على كل من حولك
​ابدئي اليوم..
نسختك الأفضل في انتظارك!

📩 احجزي جلستك الأمن خلال واتساب او رسائل البيدج

وخلينا نبدأ أول خطوة في رحلة الاتزان الحقيقي


#كوتشنج #هيلينج #استشارات

✨ سر التوازن الحقيقي…
مش إنك تعملي كل حاجة في نفس الوقت
ولا إنك تفضلي طول اليوم “بتجري” عشان تثبتي إنك قوية.
الحقيقة؟
أقوى ست…
هي اللي عرفت ترجع لنفسها الأول 🤍🦋
لما تهتمي بروحك…
طاقتك بتتغير
كلامك بيهدى
وقلبك يبقى أحنّ على نفسك وعلى اللي حواليكي
وقتها...🤝🏻
✨ بتدي حب من غير استنزاف
✨ بتحطي حدود من غير تأنيب ضمير
✨ وبتعرفي توازني بين شغلك… بيتك… ووقتك لنفسك
التوازن مش معناه إن حياتك تبقى كاملة،
التوازن إنك متبقيش تايهة من نفسك وسط الزحمة.

💁‍♀️إن يبقى ليكي وقت:
لفنجان القهوة ☕
لكلمة طبطبة لنفسك 🫂
ولحظة هدوء تسمعي فيها قلبك بعيد عن دوشة الحياة
الأنثى اللي جواكي محتاجة ونس…
مش ضغط أكتر
ولما تتواصلي معاها بصدق
هتلاقي نفسك بتقومي بكل أدوارك بحب وطاقة أخف…
مش وإنتِ منهكة بتحاولي تنقذي الكل وتنسي نفسك

💜 قوليلي…
إيه أكتر حاجة محتاجة توازن في حياتك دلوقتي؟

هو ليه دايمًا بنوصل لمرحلة نحس فيها إننا تايهين من نفسنا؟ 💔
يعني…
نصحى بدري.. نجري طول اليوم..نخلّص مسؤوليات..نهتم بالكل
وفي آخر اليوم نحس إن في حاجة ناقصة…
“إحنا”
أوقات بحس إن الحياة بقت محطات متلاحقة 🚂
محطة أمومة…
محطة شغل…
محطة بيت وجواز…
وجري… جري من غير ما ناخد نفس.
وفي وسط الزحمة دي
بنعدّي على أحلامنا القديمة كأنها صورة قديمة معلقة عالحيطة…
نبص لها بسرعة ونكمّل جري.
الأصعب؟
إننا بننسى الطفل اللي جوانا…
الجزء اللي محتاج حضن.. وكلمة طبطبة..وحد يسمعه من غير حكم 🫂
ومع الوقت…
الطاقة بتخلص
والروح تبهت
فنلاقي نفسنا بنحاول ندي حب وإحنا أصلًا مستنزفين
بس الحقيقة؟
أنتِ مش ماكنة طلبات للكل
أنتِ إنسانة…
ولقلبك حق عليكي 🤍
حقه يرتاح
ويحلم
ويعيش من غير ما يحس إنه متأخر عن الحياة.
التوازن مش رفاهية…
التوازن نجاة. 🦋
قوليلي بصدق…
آخر مرة سمعتي نفسك كانت إمتى؟ 🌷







@فراشة الوعي والونس (رحلة محاربي الفيبروميالجيا)

سر التوازن ....
إزاي تعيشي كل أدوارك من غير ما تضيعي نفسك؟ 🦋✨

​كتير بنفتكر إن "المرأة الخارقة" هي اللي بتعمل كل حاجة في نفس الوقت وهي بتنهج وبتجري ورا نفسها..
بس الحقيقة؟
التوازن الحقيقي ملوش علاقة بالجري ولا بالضغط🤦🏼‍♀️

​التوازن....
بيبدأ لما تقرري تتصلّي بنفسك الحقيقية الأول..
ساعتها بس كل المحطات اللي في حياتك بتنور لوحدها

​بتعرفي تدي بحب:
لأن كاستك مليانة ....فبتعرفي تدي لبيتك لزوجك ولأولادك من غير ما تحسي إنك "بتستنزفي" أو مستنية المقابل
​بتحطي حدودك بذكاء... بتعلمي تقولي "لأ" للحاجات اللي بتيجي على صحتك ونفسيتك من غير ذنب ومن غير ضغوط
الحدود هي اللي بتحمي سلامك الداخلي🧘🏻‍♀️

​بتستمتعي بكل لحظة.... وانتي في شغلك بتنجزي بتركيز وانتي في بيتك بتستمتعي بلمة عيلتك
وليكي وقتك الخاص اللي بتتواصلي فيه مع نفسك بتلوني..تشربي فنجان قهوتك ☕
أو بتسمعي لطفلك الداخلي وأحلامك ..ذكرياتك🫂

​السر كله هنا:
لما بتتواصلي مع الأنثى اللي جواكي وتديلها حقها في الراحة والاستمتاع🧘🏻‍♀️
مش بتحاربي ولا بتجري ورا نفسك في محطة الأمومة أو الزواج أو الشغل وانتي مجهدة..🏃🏼‍♀️
بتقومي بادوارك وانتي كلك طاقة 🧚🏼‍♀️

👌​التوازن ...
مش معناه إن حياتك تبقى مثالية 100%، التوازن معناه إنك عايشة اللحظة بذكاء وونس وبأقل مجهود نفسي😉

💁‍♀️​قوليلنا.. إيه أكتر جانب في حياتك حاسة إنه محتاج توازن وتواصل أكتر دلوقتي؟ 💜🧘‍♀️


​

أنتي وسط كل المحطات دي؟ 🚂💔

​عمرك حسيتي إنك "تِهتي"؟
مش في الطريق لا.. تُهتي جوه حياتك نفسها؟

كانك ​بتجري بين المحطات وكأننا في سباق ملوش نهاية

🏃🏼‍♀️​محطة الأمومة: شايلة مسؤلية ولادك وتفاصيلهم اللي مبتخلصش.
🏃🏼‍♀️​محطة الزواج: بتحاولي تكوني السكن والونس وبتقدمي الحب والاهتمام طول الوقت
🏃🏼‍♀️​محطة الوظيفة: ضغط الشغل..والمسؤوليات..اللي مبتخلصش

💁‍♀️​المشكلة فين؟
المشكلة إننا واحنا بنجري بين المحطات دي
بنعدي على لوحة مكتوب عليها🤦🏼‍♀️ "أحلام منسية"
وبنكمل جري🏃🏼‍♀️

بننسى إن جوانا "طفل داخلي" محتاج حد يطمنه ويسمعه، وبنلاقي أحلامنا بدأت تتلاشى زي الفراشات
​الحقيقة المرة

لما بتنسي نفسك وتفقدِي التوازن طاقتك بتخلص مبتقدريش تدي "حب حقيقي" في محطة الزواج
ولا "صبر" في محطة الأمومة ولا "إبداع" في الشغل
النتيجة بتكون إرهاق عاطفي وضياع للذات

💁‍♀️​افتكرِي دايماً:
أنتي مش مجرد "أداة" لتلبية طلبات اللي حواليكي

أنتي إنسانة
ليكي حق على نفسك إنك تشحني طاقتك
وتسمعي لطفلك الداخلي..وتحيي أحلامك من تاني

👌​التوازن مش رفاهية التوازن هو اللي هيخليكي تكملي الرحلة وأنتي فراشة طايرة🦋
مش وأنتي مجهدة وضايعة🤦🏼‍♀️

🤔​أنتي فين دلوقتي؟
ومحتاجة تقفي في أنهي محطة عشان تلاقي نفسك؟ 🦋

🤝🏻انتظري البوست التالي👈🏼
عشان نلاقي نفسك 🫂


​

محاربي الفيبرو في تحدي جديد كل يوم 💪🏼🏃🏼‍♀️
عارفة إن كل يوم بالنسبة ليكي هو معركة تانية خالص غير اللي الناس عارفاها معركة مع جسم بيخونك في أكتر وقت محتاجة له وألم مبيخلصش وبيبقى صعب حتى توصفيه

النهاردة 12 مايو هو🎗️💜



اليوم ده بنقول فيه للعالم كله اسمعونا وشوفوا وجعنا لأن الفيبرو مش دلع ولا هو مجرد نفسية هو وجع حقيقي بيسرق الطاقة

لكنه أبداً مش هيسرق روح الفراشة اللي جواكي

إنتي بطلة حقيقية ومجهودك الخفي متشاف ومقدر جداً

متسمحيش لحد يقلل من تعبك وخليكي حنينة على نفسك في أيام تعبك وتقدري احتياجك للراحة والهدوء

لأن الشرنقة اللي بتحبسي نفسك فيها أوقات هي اللي

هترجعك تطيري تاني والرسالة للي حوالينا الونس الحقيقي مش بس كلام هو إنك تسمع وتحاول تفهم من غير ما تلوم

وجودكم الهادي جمبنا من غير أسئلة كتير هو الطبطبة اللي محتاجينها

النهاردة بنبعت تحية حب ودعم لكل فراشة بتقاوم وبتحاول تلاقي النور جواها كل سنة وإنتي أقوى محاربة وإنتي منورة المكان بوجودك إنتي غالية أوي

👈🏼للانضمام لجروب محاربي الفيبرو وحابة تتعرفي علي الفيبرو ميالحيا واعراضه وحلولها
https://www.facebook.com/share/g/18gRcVS6G9/

​

عشان بتخافي تقولي "لأ"..🦋

​عارفة الشعور ده؟
لما حد يطلب منك حاجة وتيجي على نفسك عشان بس متزعليش حد..
لما تلاقي يومك خلص وانتي مجهدة نفسياً وجسدياً بس عشان "محرجتيش" حد..

​انتي بتخافي تقولي "لأ" عشان:
👈🏼​خايفة يقولوا عليكي مش جدعة أو متغيرة
👈🏼​خايفة تخسري مكانتك في قلوبهم.l
👈🏼​اتربيتي إن "البنت الشاطرة" هي اللي بتسمع الكلام وتراضي الكل

💁‍♀️​بس الحقيقة اللي محتاجين نواجهها سوا:

​لما بتقولي "آه" وانتي مش قادرة
انتي فعلياً بتقولي "لأ" لراحة بالك "لأ" لصحتك
و"لأ" لوقتك اللي هو أغلى ما تملكي

​افتكرِي يا فراشة:
​"لأ" مش قلة ذوق: دي حدود نفسية بتحميكي من الاحتراق
​اللي بيحبك بجد: هيحترم طاقتك ومش هيزعل لما تعتذري بشياكة
​كلمة "لأ" هي أول خطوة في الاستحقاق: لما بتقدري قيمة نفسك، الناس بتبدأ تقدرها معاكي
​جربي المرة الجاية تقولي:
"حقيقي كان نفسي أساعد..... بس طاقتي حالياً مش قادرة"
أو "شكراً إنك فكرت فيا.....بس الميعاد ده مش مناسب ليا"

​قولي "لأ" لكل حاجة بتسحب من روحك....عشان تقدري تقولي "آه" للحياة اللي تستحقي تعيشيها بجد🧘🏻‍♀️🦋

​

#استحقاق