One - Gym

💪💪💪

😎One Gym😉
برداااان❄️ ؟؟؟
البس و تعال عالجيم وولعها 🔥🏃‍♀️
أحدث الاجهزه لأن راحتكم وصحتكم مهمتنا ♥
أحدث الأنظمة الصحية والغذائية ومتابعة كامله ❤
الساونا عندنا غير أي حد😍
مستوي عالي من النضافة والأمان والخصوصية ♥
أحدث الأجهزة والمعدات وأساليب رياضية ومختلفة ♥
هندلعك وهنخليك ملك في الجيم♥
أستعدوا يا وحوش علشان الي جاي تقييل 😉

لاتراجع ولاأستسلام 😉 ♥
One Gym💪

اكبر واقوى جيم بدكرنس الحقوا العروض قبل ماتخلص 😉😉
بجوار مدرسه الصنايع بنين
اعلى كافيه الساحل الشمالى

شويه اسئله واجوبه للناس اللى بتسأل ديما ؟؟😉😉

🔰الدهون هتتحول لعضل لو بطلت جيم ؟؟
🚩مفيش حاجة اسمها الدهون هتتحول لعضل عشان تكوين النسيج العضلي مختلف تمام عن الدهون مستحيل تحصل

🔰لو بطلت جيم هتخن؟؟
🚩مش هتحصل الا في حالة و احدة ان نظام الدايت بتاعك مش مظبوط وفي زيادة في السعرات

🔰ايه التمرين الي هيخسس المنطقة دي ؟؟!
مفيش تمرين هيخسس منطقه واحدة صعب الدايت مع التمرين هيخسس الجسم كله

🔰العب كارديو ولا حديد عشان اخس :!
تلعب الاتنين و تمارين المقاومة بالاخص (الحديد) جنب الكارديو

🔰العدد الاكتر ولا الاوزان الاكتر عشان اخس ؟؟
🚩التغذية هي الي بتتحكم نسبة كبيرة في الموضوع ده موضوع العددات لي علاقة بالالياف العضلية و سوا هدفك تحمل او زيادة او قوة

🔰 البس حزام البطن ولا البدلة الحرارية عشان اخس ؟؟
الاتنين منتجات ملهاش لازمة و الكلام عليها مجرد ترويج ليس الا

🔰 العرق الاكتر هيخسس ؟؟!
العرق ده مجرد تبريد للجسم ملهوش اي علاقة بالدهون

🔰 السونا بتخسس؟؟
السونا و البخار مجرد relaxing for body
ملهوش علاقة بالتخسيس الرجالة بالذات تقلل منها

🔰البنات ماينفعش تشيل حديد ؟؟
ينفع عادي مفيش حاجة اسمها ماينفغش ويطلع عضل و الكلام ده كله هري حرفيا

بدايه من ١ / ٨ لمده شهر 💪💪

ناس كتير جدا بتشتكي من ضعف عضلاتها 💔

فنركز كويس في الاسباب دي علشان نحاول نعالجها مع بعض 😍💪
⚠سبب ضعف العضلات..

💥1- العوامل الوراثيّة زي نقص الهرمونات الضروريّة لوظيفة العضلات او زيادتها..😔
💥 2-ممارسة الرياضه بمجهود كبير ومبالغ فيه بيؤدي ل ضعف العضلات ..😱
💥 3- انخفاض حادّ في مستوى الكالسيوم والبوتاسيوم في الدم.. بيؤدّي لإرهاق الجسم وخموله وبالتالي ضعف في العضلات..😷
💥 4- تناول الأدوية بشكل مبالغ فيه...😐

تمرين البلانك وتمرين نط الحبل من أقوى التمارين للجسم وأكثرهم فاعلية..
ممكن تبدأ البلانك ب ١٠ ثواني وتزود كل يوم لحد ما توصل لدقيقتين..

اللي عنده أي مشاكل في رجله أو ركبته مينطش الحبل.. أنا بكرر ، مينطش الحبل..
⬅️ تمرين البلانك ➡️
يقوى عضلات البطن بالاضافه الى المؤخره والارداف مع بعضهما البعض ويساعد على زياده مرونه العضلات ..

💥اريح قد ايه بين المجموعات وايه الفرق بين الراحة القصيرة والطويلة وتأثيرها ع النمو العضلى .

⁦⏺️⁩قبل اى حاجه تعالى الاول نتفق ع شوية ارقام كدا

١- فترة الراحة القصيرة واللى بتبقى أقل من 30 ثانية
٢- فترة الراحة المتوسطة واللى بتكون من 30-90 ثانية
٣- فترة الراحة الطويلة واللى بتكون من 3-5 دقايق

⛔ودا لان فترات الراحة القصيرة بتعمل حاجه اسمها "metabolic stress " او حالة طوارىء فى الخلية العضلية

🔰عن طريق انها بتلجأ للتنفس اللاهوائى عشان تطلع طاقة عشان تقدر تنقبض وبالتالى بيحصل تغير فى وسط الخلية وبيبقى متجه ناحية الحمضية ودا بيزود تكسير الالياف العضلية وبيحفز النظام العصبى السمبثاوى وف النهاية هيحصل نمو عضلى اسرع

⁦♻️⁩وعيوبها بتتمثل فى انها مش هتسمحلك انك تشيل اوزان عالية بالقدر الكافى ودا اصلا من اهم العناصر ف التمرين فعشان كدا انت لاقيت نفسك جبت 6 عدات بس وبالتالى انت كدا ضيعت الهدف الاساسى من التمرين وهو انك تحط العضلة تحت اكبر ضغط ممكن عشان تحقق اسرع نمو عضلى
فترات الراحة الطويلة بتخليك تستعيد القوة العضلية وبتسمح للخلية انها تكون جزيئات ATP اكتر
وعشان كده هتلاقى الاوزان بتاعتك بتزيد وعداتك كمان
⛔بس برده فترات الراحة الطويلة ليها عيوبها ⁦😣😣

وهى ان كدا ضيعت ال metabolic stress او حالة الطوارىء اللى قولنا عليها من شوية واللى بتساهم فى النمو العضلى برده

🔰خير الامور الوسط حتى ف التمرين
خلى فترات راحتك متوسطة ما بين 30-90 ثانية

الميزة ف فترة الراحة المتوسطة دى
انها بتجمع ما بين القوة العضلية لانك بعد اول دقيقة راحة
بتكون استعدت القوة العضلية تانى وكل حاجه رجعت لطبيعتها .
الطريقة دى برده بتخليك تستفيد من metabolic stress
ده غير ان خلالها بيكون فى ارتفاع فى معدلات الهرمونات البناءة

_معلومة تهمك📣📣📣

_الكربوهيدرات (النشويات ).......اغلب الناس اول ما بتفكر تخس او حاجه تفكيرها بيروحلها انها تمنع الكارب من نظامها تماما وده طبعا غلط ✋ الكارب هو مصدر الطاقه الأساسي في الجسم واللي بيتحول الجلوكوز في الدم بينقله الأنسولين للخلايا وبتاخد تخزنه علي هيئة جيلوكوجين في الخلايا والكبد ، يعني بالعربي كده الكارب هو وقود الحرق عندك 👌 فالما تمنعه عن الجسم بشكل مفاجئ ومن غير ما اوجهه الجسم لمصدر طاقه بديل ، ده هيرجع بالسلب جداااا علي كفاءة عملية الحرق وهياثر علي البناء العضلي بشكل أكبر لأنه لو نظامك مافيهوش كارب ولا دهون صحيه كفايه الجسم هيروح علي طول للبروتين ويكسر الأحماض الامينيه اللي فيه في عملية الحرق ✋
Cap. Mona

من اكتر الاسئله اللي بتجيلي من البنات لو سمحتى يا كابتن انا عاوزه اخسس منطقه الصدر واكبر المؤخره
مبدئياً مفيش حاجه اسمها أكبر منطقه واصغر منطقه في نفس الوقت ❌.
حددي حاجه واحده فقط .لتكبري. لتخسسي . ✋
خلينا في المهم 😍 طب ياكابتن انا عاوزه اخسس المؤخره فقط عشان جسمي من فوق مظبوط. وانت قولت ان مفيش منطقة محدده بتنزل م الجسم
صح ..
لكن في حاجه إحنا بنعملها في الجسم زي خداع. بمعنى انك لو عاوزه تخسسي المؤخره مثلا بنجمع بين تمارين المؤخره وأقوى تمرين كارديو بيركز ع الجزء السفلي.
هديكم مثال ! نط الحبل بيركز بنسبه كبيره علي الجزء السفلي. لو دمجتي بين نط الحبل والاسكوات الجزء السفلى والمؤخرة هتخس بنسبه أكبر من دهون الجسم. لانك ركزتي مجري الدم كله ع الجزء السفلي واديتي لجسمك أشاره ان تمارين الكارديو زي نط الحبل مع الاسكوات المقصود بيها انك بتخسسي الجزء السفلي فقط 👍 .ودي نظرية خداع الجسم. وعلي فكرة الجسم بيصدق وبيديكي النتيجه المطلوبة بنسبه كبيره 👌
ولكن انا عاوزه اعرفكم ان مفيش مستحيل. واتمني انكوا تكونوا فهمتوا ...💋