صفحة Hesham Empape Trainer

✨ كورس علاقتنا الخفية بالمال ✨

عمرك سألت/ى نفسك:
ليه رغم إنك بتشتغل/ى وبتجتهد/ى … أحيانًا الفلوس بتدخل وتخرج بسرعة؟
وليه نفس أنماط النقص أو الخوف أو عدم الاستقرار المالي ممكن تتكرر؟

في الكورس ده هنبدأ رحلة مختلفة…
مش بس هنتكلم عن المال، لكن هنكتشف العلاقة الخفية بينك وبينه، والمعتقدات والأنماط اللي ممكن تكون بتأثر على استقبالِك للوفرة وقدرتك على الاحتفاظ بيها.

🌿 موعد الكورس:
الجمعة والسبت 28 و29 أغسطس
من 10 صباحًا إلى 8 مساءً

📍 المكان: التجمع الخامس

🍽️ اليوم شامل:
• فطار
• غداء
• Coffee Breaks طوال اليوم

👗 مهم جدًا:
تعالوا بملابس مريحة، لأن اليوم فيه شغل عملي وتجارب وتمارين كتير، وعايزينك تكونوا مرتاحين تمامًا وتاخدو مساحتكوا في التجربة بحرية 🤍

💰 الاستثمار في الكورس: 5500 جنيه
✨ السداد المبكر: 4500 جنيه فقط حتى 15 أغسطس

لو حاسة إن علاقتك بالمال محتاجة تتشاف من زاوية أعمق…
يمكن الرحلة دي تكون بداية تغيير حقيقي في علاقتكوا بالوفرة والاستحقاق والمال. 🌸
للاشتراك فى الكورس
ندخل على جروب الكورس من هنا 👈

chat.whatsapp.com

كرسي الإدارة مش تاج، ومش نهاية الحكاية، ومش شهادة إنك أحسن واحد في الكوكب.
كرسي الإدارة امتحان مفتوح قدام ربنا، وقدام الناس اللي شايفا كل تصرفاتك من غير ما تتكلم.

أول ما الواحد يقعد على الكرسي ده، يا إما يطلع اللي فيه بجد، يا إما يبان على حقيقته
فيه ناس أول ما تمسك منصب، صوتها يعلى، وإنسانيتها توطي
ينسى هو كان فين من كام سنة، وينسى شعور الموظف اللي واقف برا الباب مستني توقيعه علشان ياكل عيش.

أخطر لحظة في أي شركة مش لما المدير يمشي
أخطر لحظة لما يقعد على الكرسي ويتعامل كأنه ميراث أبوه
يعيّن اللي بيطبّل
يحارب اللي بيفكر
يعدم أي حد نضيف يوقف قدامه ويقول له "لا، كده غلط"
ساعتها الشغل يبرد، الإنتاجية تقع، الناس تشتغل من غير نفس، وكل واحد يبدأ يدور على أول باب خروج.

كرسي الإدارة مش بيخلّد حد
كم مدير قبلك قعد، واتصوّر، واتمدح، وفي الآخر محدش فاكرو
بس الناس لسه فاكرة واحد بسيط أنصفهم، دافع عنهم، وقف جنبهم في أزمة، حتى لو ما حدش كتب اسمه في تقرير.

القائد الحقيقي يفهم إن الكرسي مؤقت
يستحي يظلم حد
يخاف يكسر روح موظف
يعرف إن القرار اللي بيطلعه وهو متنرفز ممكن يهد بيت، ويبوظ مستقبل، ويضرب شركة في مقتل.

في الآخر، الكرسي هيتسحب هيتسحب
الموضوع مش هل هتسيبه ولا لأ
الموضوع لما تقوم… الشركة هتحس بغيابك ولا ولا كأن حاجة حصلت؟

لو وجودك ما فرّقش، غيابك عمره ما هيهز حد
وساعتها تكتشف متأخر إنك كنت مجرد واحد قعد شوية… ومشي
لا أثر، ولا ذكرى، غير شوية توقيعات على ورق، راحت مع أول أرشيف.

🧭 لماذا لا يجب أن تكون الموارد البشرية "صديقك"؟
السبب يكمن في طبيعة دور الموارد البشرية وضرورة الحياد:

الحياد والنزاهة: دور الموارد البشرية يتطلب الحياد المطلق عند التعامل مع قضايا مثل النزاعات، التحقيقات، أو الإنهاءات. إذا كان موظف الموارد البشرية "صديقًا" لأحد الأطراف، فإن هذا الصدع في الحياد يمكن أن يقوّض ثقة الجميع في نظام العدالة داخل المنظمة.

التوازن بين الأعمال والموظفين: كما ذكرت، وظيفة الموارد البشرية هي أن تكون مُوازنًا استراتيجيًا (Business-people balancer). هذا يعني اتخاذ قرارات تخدم المصلحة الفضلى للمنظمة (بما في ذلك استدامتها ونجاحها) مع حماية الموظفين والالتزام بالقوانين. هذا التوازن يتطلب اتخاذ قرارات صعبة أحيانًا لا تتماشى بالضرورة مع رغبات موظف واحد.

الشراكة الاستراتيجية: يجب أن يركز قادة الموارد البشرية على الأهداف الأكبر مثل تطوير القوى العاملة، تخطيط التعاقب، إدارة التغيير، وربط استراتيجية الأفراد بالنتائج التجارية. هذه المهام الاستراتيجية تتطلب عقلية شريك تجاري، وليس عقلية "صديق" يقدم الدعم العاطفي فقط.

اعترافات مدير موارد بشرية
الاعتراف السابع
إحنا مش بنزهق من الناس إحنا بنزهق من التناقض اللى حوالينا بس برغم كل حاجة بنكمل لأننا مؤمنين إننا صوت وشكل الإنسانية وسط أرقام الشغل وده لوحده كفاية يخلينا نرجع كل يوم نبتسم تاني
ومن ناحية اخرى بنية من كان فى حاجة اخية ......
اكيد كلنا عندنا اعترافات ..... بص دى فضفضة

اعترافات مدير موارد بشرية
الاعتراف السادس
الـHR دايما في المنتصف
بين الإدارة والموظفين بين الشكوى والرد بين اللي عايز يزيد واللي عايز يترقى .. ولا عاوز يدلع والا عاوز ........ والا عاوز...... الخ
يعني لو فيه جنة للموارد البشرية أكيد فيها قسم راحة نفسية أبدية...
من الا عاوزين يتعالجوا من الطرفين الادارة والموظفين

اعترافات مدير موارد بشرية
الاعتراف الخامس
فيه موظف بيجيلي يقول:
أنا حاسس إني مش متقدر.أسأله: قدمت إيه آخر فترة؟
يقول: مجهودي.
طب المجهود ده فين يا نجم؟ في الشغل بتاعك سواء كان في الداتا؟ او في النتائج؟ ولا في النية؟
وكمان بيزعل لما نطلع الصندوق الاسود .... بتاع التقديرات

اعترافات مدير موارد بشرية
الاعتراف الرابع
أوقات بحس إن أكتر ناس بتحتاج تدريب على التواصل…
هم نفسهم اللى بيطلبوا يعملوا تدريب عن التواصل ...
هم كمان الا بيطلبلوا للموظفين بتاعتهم التدريب على التواصل ...
فاقد الشيئ لا يعطية

اعترافات مدير موارد بشرية
الاعتراف الثالث
الناس فاكرة إن الـHR عنده عصاية سحرية:
زود المرتبات. حل مشاكل. خلى الناس سعيدة
طب يا جماعة إدوني عصاية الساحر الأول وبعدين نتكلم

اعترافات مدير موارد بشرية
الاعتراف الثانى
أكتر كلمة بخاف أسمعها من المديرين:
عايز أرفد حد او انا مش محتاج الشخص الفلانى ....
لأن بعدها بيبدأ مسلسل هو مش بيأدي بس هو كويس كإنسان
وطبعا أنا بتحول لمصلح اجتماعي بدل ما أكون HR!

اعترافات مدير موارد بشرية
الاعتراف الاول
أوقات بحس إن شغلي الحقيقي مش إدارة موارد بشرية ده إدارة مزاجات بشرية
يوم الموظف مبسوط الدنيا حلوة يوم يزعل الشركة كلها تبقى بيئة غير محفزة