08/02/2024
ناس كتيير اوي بتسأل هو ايه ال clean bulk ده و ايه الفرق بينه و بين ال dirty bulk ؟
عايز تعرف! طلبك عندي 😉👌
مبدئيا كلمة bulk يعني ضخامة .. يعني البوست ده للناس اللي عايزة تزيد 💪
نبدأ بال clean bulk :
ده نظام غذائي حضرتك بتمشي عليه زي ما قال الكتاب.. بيبقى نظام محسوب كل حاجة فيه من سعرات حرارية و بروتين و كاربوهيدرات و السعرات اللي بتاخدها منهم يعني مش اي حد يعملك diet تمشي عليه كدة و خلاص 😅
بتمشي على الدايت ده و بيتغير معاك من فترة للتانية و طبعا بتمنع فيه الزيوت و الدهون الغير الصحية و السكريات و بتاكل اكل صحي و دهون صحية و كارب نضيف 🍏🍌👍
لازم بتاكل عدد سعرات اعلى من اللي جسمك محتاجها و طبعا بما انك بتاكل اكل صحي و نضيف جسمك بالتالي هيزيد بنشفان يعني اللي هتزيده ده عضل صافي 👌😎
ليك وجبة واحدة في الاسبوع كله اللي بنسميها cheat meal 🍴🍱 ادي فيها زي مانت عايز.. طب مش هبوظ الدنيا كدة! لا بالعكس الوجبة دي لو انت ماشي عالدايت بتاعك 100% و شايف انك تستحقها هتديلك pump مش طبيعي و هتنشف اكتر و عروقك هتبان و هتزيد حجم 😱✔
بنصح لاعبي الفيزيك و الكلاسيك و كمال الاجسام عموما بالكلين بالك طبعا و ده لانك مش هتتعذب في التنشيف و هتكون جاهز لاي بطولة و عارف مستواك الحقيقي 💪💪
اما بقا لو انت مالكش في البطولات و عايز بس يبقى شكلك حلو في ال T-shirt و تطلع الساحل ب six packs يبقى عليك و على الكلين بالك.. انت مش هتصدق نفسك ✋
ال dirty bulk :
في ناس كتيير مابتعترفش بالديرتي بالك و انا منهم 😅
هو بيبقى diet بتاكل فيه كل حاجة و اي حاجة تيجي قصادك و اغلب الناس بتعمل نظام و بتزود عليه اللي هما عايزينه
نسبة السعرات الحرارية نسبة عالية جدا جدا جدا و مش محسوب فيه اي حاجة لأنك كدة كدة بتاكل و مش همك 😂
بنصح بيه لو انت power lifter "لاعب رفع اثقال" و لو انت مبتدئ و بتعاني من النحافة فممكن تمشي ديرتي بالك لحد ما ربنا يكرمك و تيجي عند مرحلة تبدأ تمشي كلين بالك ساعتها 👏
من العيوب اللي فيه انك بتشوف الموت بعنيك في التنشيف من كتر الكارديو و التمرين و الدايت القاسي و بتنقص في الاخر وزن كتيير و احتمال تسقط عضل لو مش مهتم بالبروتين بتاعك 😪👎
اخيرا لو عايز نظام غذائي محترم و لو عايز توصل لهدفك مهما كان هو ايه.. ابعتلنا على رسائل الصفحة و هنرد عليك ✋
05/02/2024
04/01/2024
08/10/2023
17/08/2023
27/06/2023
17/06/2023
08/05/2023
22/03/2023
17/11/2022