كشافة كنيسة مارمينا امبابه

فتح التقديم لقطاع مرشح جوالة

لو نفسك تتعلم تكون صادق، يعتمد عليك، وتخدم غيرك
ولو حابب تبقى جوال شجاع يعرف يتصرف وقت الظروف

دلوقتي فتحنا التقديم لقطاع مرشح جوالة.

📄 *20* استمارة بس هتنزل للتقديم،
ومن خلال اختبارات القبول هيتم اختيار 12 فرد فقط.

📌 استلام الاستمارة في بيت عينيا
يوم الأربعاء 18/3 الساعة 7

هيكون مرفق مع الاستمارة المحتوي اللي هيتم فيه الاختبار
اجهز وهنكلمك للاختبار الاسبوع ده

شروط التقديم
ملتزم
في المرحلة الجامعية او خريج
يكون مناسبك يوم السبت من 6 ل 9

الكشافه مبقتش زي الأول.. ACEDIA انتهت! 🩸
الواقعة سابت وراها "صندوق غامض" بـ ٣ أقفال حديد.. صامت ومرعب ومحدش عارف إيه اللي مستنينا جواه. 📦🗝️

القاتل ساب بصمته وهرب، بس لسه عينيه علينا، بيراقبنا وإحنا بنحاول نفك الشفرة. 👣👁️

يوم ١٤ فبراير.. إحنا مش جايين لمجرد حفلة، إحنا جايين نواجه الحقيقة اللي هربنا منها كتير.
في "يوم الوعد".. الساحة هتنطق بالحقيقة. ⚜️

المواجهة محتاجة أبطال بجد.. لأن اللي جوه الصندوق هيغير كل حاجة.

١٤ فبراير | ٤ مساء| نادي الاقصر.

مَن قتل ACEDIA؟ وماذا يخفي الصندوق؟

قبل ما تنام
​🚨 صافرة البداية قربت.. جاهزين للمغـامرة؟ 🚨 ⚜️
​يا بطل ويا بطلة في مرحلة إعدادي.. الكشافة مش مجرد نشاط، دي الرحلة اللي هتغير فيك وتخليك "مستعد" بجد! 💪
​إحنا مش بس بنقضي وقت حلو، إحنا بنبني جيل:
✨ شخصيته أقوى: بيتعلم الاعتماد على النفس والثقة.
✨ صاحب قرار: بيفكر، يخطط، وينفذ بروح الفريق.
✨ وقته له معنى: بعيد عن الشاشات، في قلب حياة الخلاء.
❤️ والأهم.. بيعيش إيمانه صح وبخدمة بجد.
​🧭 هنتعلم إيه؟
​من أول فنون الكشافة (عقد، ربطات، وتخييم) لحد نيران السمر والقصص اللي بتعيش معانا العمر كله.. حياة الكشافة مابتخلصش! 🏕️🔥
​📢 استنونا..
​العد التنازلي بدأ، وخلال أيام هنعلن عن:
✅ ميعاد طرح الاستمارات.
✅ وتفاصيل المقابلات الشخصية.
​⚠️ خليك فاكر: الكشافة رحلة تكوين مش مجرد حضور.. والعدد هيكون محدود جداً! ⏳
​مستنيينكم نبتدي الحكاية.. كن كشافاً.. كوني مرشدة! ⚜️🌟
​ #مستعد #مغامرة

🎮 GAME ON! .. اللعبة ابتدت!
جاهز تعمل Upgrade لحياتك؟ 🆙
جاهز تدخل معانا في مغامرة مدتها 9 شهور، هدفنا فيها نوصل لـ Level 99؟
يا شباب ثانوي (متقدم ورائدات)، الانتظار خلص! ⏳
مجموعة مارمينا الكشفية بتعلن عن رجوع قطاع متقدم ورائدات . السنة دي النظام مختلف.. مفيش روتين، مفيش ملل.. فيه تحديات، رتب (Ranks)، وجوايز للمحترفين وبس.
💡 شعارنا : "أفق واسع".. يعني هتشوف الدنيا بنظرة تانية خالص.
⚡ تفاصيل المهمة:
1️⃣ سجل بياناتك في اللينك ده (بسرعة لأن العدد محدود!):https://forms.gle/atnEvUKaKu5UtjGr8
2️⃣ استعد لمكالمة أو رسالة بميعاد الانترفيو.
3️⃣ جهز نفسك لرحلة التغيير!
⚠️ تحذير: الأماكن بتطير بسرعة، والأولوية للي هيحجز مكانه بدري ويثبت وجوده في الانترفيو.
منشن لصاحبك اللي يسد معاك في التيم، ويلا بينا! 🔥

"بيقولوا إن المزود السنة دي ‘صناعة كشفية’ ١٠٠٪؜! 🪵🔨
عايزين نشوف يوم ٢٩ كيهك لو المزود هيفضل واقف على رجله ولا العُقد هتفك؟ 😂
عاشت إيديكم يا رجالة، وكل سنة وإنتوا طيبين ومستعدين لاستقبال المولود. 🌟

✊🏻🚨خبر عاجل نرجو الانتباه والشير

نظر لظروف طارئة وخارجه عن إرادتنا

قررت مجموعة مارمينا الكشفيه تأجيل حفلة الوعد ليوم السبت ٢٧/٩/٢٠٢٥
بدل من يوم السبت ٢٠/٩/٢٠٢٥
وشكرا لتفهمكم

يسرنا ان نعلن عن تخرج اولي دفعات قطاع مرشح جوالة
كشافة كنيسة مارمينا تدعو قطاع مرشح جوالة الي حفل الانتقال وحلف الوعد
الحفلة مقتصرة علي ابناء قطاع مرشح جوالة واهاليهم فقط

"معسكر**ثمرة في صحرا** كانت تجربة ما تتنسيش! 🏜️✨
نصبنا خيامنا 🏕️، واستمتعنا بالسكون بعيد عن زحمة الموبايلات 📴. طبخنا بطاطس وبيض بطرق خلوية 100% 🥔🥚، والأحلى إن البطاطس ما نسناس! 😅 شغّلنا النار، شوينا 🔥، لعبنا، رغينا، وضحكنا من القلب.
صلّينا، قرأنا في الكتاب المقدس 📖، وتأملنا في جمال السماء والنجوم 🌠. كل واحد فينا كان قد المسؤولية، واتعلمّنا التعاون والصبر في أجواء مليانة فرح وروحانيات.
"

❤️