زمالك بلس "zamalek plus"

بعد ما الزمالك خد الكونفدرالية، وفي عز الفرحة، كتبت ان عندنا لاعيبه كسر لازم يمشوا، ودة اللي كان باين من أداء لا يرتقي لطموح جماهير عظيمة، ظهر لي أصدقاء، وقالولي مش وقته خالص، وسيبنا نفرح، طيب يا فندم انت عارف ان منافسك بعد ما خد ال12 جماهيره طلعت في نفس اليوم وطالبت بال13، وهوة دة للأسف الفرق بين العقلية، اللي لازم نوصل لها، بأي طريقه، عقلية طيبة بترضي بأي بطولة كل عشر سنين، وعقلية جشـ عه جعـ انة بطولات ومهما اكلت متشبعش، ومفيش عندهم عزيز، اللي يكسل او يحمر وشه يبطلوة كورة، وعلى فكرة الاعيب بيجيلك وهوه قارئ نفسيتك وفاهم ايه اللي بيفرحك واية اللي بيضايقك وبيشتغل ومظبط امورة على كدة، عارف ان عنده جمهور طيب بيحب الكورة الحلوة، والترقيص والكورة اللي في العارضة، ويفضل ماشي في السكة دي طول الموسم، ويجي على اخر الموسم يشد نفسة شوية، علشان الإدارة متمشهوش خوفا من الجماهير اللي عايزة تسانده وتديلوا فرصه لأنه كان كويس، طيب كويس فين؟ وفرحك بكام بطولة؟ طيب الاعيبة دي انت قصرت معاهم في حاجة؟ لاء، امال ايه بس شهرة واخد، فلوس واخد يعني بالضبط زية زي اللي بيفرح جماهيرة بكل سنه بخمس بطولات، حط كدة الاتنين جنب بعض، هتلاقي دة بياخد نفس شهرة وفلوس دة، بس الفرق بينهم كبير، واحد بياكل النجيلة علشان يسعد جماهيرة ويفرحهم ببطولات، وواحد نصاب بياكل عيش وخلاص وبيعتمد على جمهور طيب وبيحب يدي فرصة للكسر، لازم احنا كجمهور يبقى قا سي شوية ونقرص عالاعيبة واللي مش قد الزمالك يغور ويجي احسن منه، احنا مش هنستحمل ضياع بطولات وفريق يبني امجاد وبيلعب كاس عالم وانت بتتعادل مع طوب الارض، اللاعيب اللى بيقلب وشه علينا بيشتكينا وبياخد حقه مننا، واحنا مبنعرفش ناخد حقنا من الاعيبة يبقة لية نصبر عليهم حد يقنعني بأمارة ايه نصبر، ياريت نكون زي المدير اللي بيعرف ياخد كل حاجة من موظفينة، والتعبان يشوفلة سكة تانية، احنا لازم نغير طريقتنا علشان ناخد افريقيا بطولتنا السابقة، لاعيبة سوبر ومفيش عواطف، السنين بتجري.

المؤسسات الضخمة لما بتسعتين بمدير محترف، بتوكله بمهمتين:
الأولى: انه يحافظ على المستوى اللي وصلت ليه المؤسسة من نجاحات، لضمان الاستدامة،ودة بيكون مقبول على استحياء، لان دائما الهدف هو التقدم.
الثانية: ودة الأهم انه يأخذ بيايد المؤسسة الى التقدم والازدهار ومزيد من النجاحات، لذلك بيتم انتدابه لأنه مدير محترف، يملك من الخبرة واللياقة والمرونة ما يؤهله لذلك.
اما ان تكون مدير محترف، ومستواك ليس على القدر المطلوب، ولا تحقق الغاية التي من خلالها تم انتدابك، فلا مجال هنا للمشاعر ولا العواطف، من إعطائه الفرصة كامله، ودة ابننا وهياخد بنتنا، والكلام العبيط دة.
المؤسسات الناجحة، بتاخد من المدير كل حاجه، لأنه ببساطة بياخد منها كل حاجه لو تعثرت في تلبيه الاتفاق المبرم بينهما
انت ممكن تكون شاطر ومجتهد، لكنك لن تستطيع تلبيه متطلبات المكان اللي انت فيه.
الكلام ينطبق على هؤلاء
محمد أشرف روقا، أطاح بضربه ترجيح كادت تخرجنا من قبل نهائي الكاس، لولا قدر الله، ثم براعه الحارس محمد عواد، وبالتالي الغاية التي تم انتدابه من خلالها لم تتحقق.
أيضا هناك كارثه أخرى من كوارث الزمن يجب التخلص منها في أقرب وقت، والحمد لله ان الإدارة الفنية بدئت في الانتباه علية ولم تشركه في المباراة، هذا المعتوه، عبد الغني اللي بيباصي للخصم انت مين يلا؟؟؟؟؟؟
نصيحة حبوا النادي فقط، ولا تصنعوا ابطال من ورق، بمجرد انهم جابوا دوري او كاس يتيم، او ترقيصه حلوة او كورة في العارضة، ولازم يكون عندكوا جوع ونهم على كل البطولات ومتشبعوش ابدا، وتحثوا الاعيبه على كدة، وتتعاملوا معاهم كالمؤسسات الضخمة لما بتسعتين بمدير محترف، خدوا من الاعب كل حاجه، لأنه بياخد كل حاجه.
تحياتي
محمد ادريس

عبدالغني. مختفي ولما ظهر عمل كورنر. التعادل

نفسي اعرف محمد صبحي بعد كارsة الاهلي بيلعب تاني ليه

الاعب اللي بيغلط في الملعب او مستواة بينزل عند المنافس بيتخلصوا منه علشان يكون عبرة للى جوة واللى جاي من بعدة، اما احنا بنديله فرصه وبنطلعوا اعارة وبنرجعوا تاني، ودي من اسباب فشل المنظمومه الاداريه بنادي الزمالك

علشان ادفع 3.5 مليون دولار في استعادة امام عاشور ومنع لعبه للاهلي، فلازم اعرف انا هدفع الفلوس دي ليه وهل الاعب ممكن يتعوض ولا لاء:
اولا علشان اعرف هدفع الفلوس ليه، فمفيش ادامي غير طريقتين، الاولى هو حرمان الاهلي من لاعب من خلاله يقدر يحقق بطولات وانجازات مش موجودة عند المنافس، وللاسف الاهلي عندوا تشبع من البطولات، فحتى لو جابوا كريستيانو، هما كدة كدة بيعرفوا يا خدوا بطولات.
الطريقه التانيه، وهي اني اجيب الاعب وادفعلوا اللى هوة عايزة علشان عالاقل يبجيب ليا بطوله افريقيا، وفي الحقيقه الاعب كان عندنا وكان بيصبغ شعرة ومجبش افريقيا، يعني احمد زي الحج احمد.
واخيرا هل الاعب ممكن يتعوض، بالطبع فيه احسن منه لو عندنا ادارة محترمه وسماسرة محترمين هيطلوا من افريقيا خمس لاعيبه دهب باقل من قيمة ايمان عاشور.
في النهاية مفيش لاعب زملكاوي يتبكي علية، طالما باعك ومجبش افريقيا.

لغايه امتى هنستحمل كوارث العبيط عبد الغني

اقسم بالله بنلعب ناقصين اتنين عبد الغني والمثلوثي

يجب طرد شله النصابين من النادي فورا. يحيى علي واحمد علي

تم السماح لاعضاء وزائري الصفحة من الزمالكاوية بنشر منشورات رياضية زمالكاوية فقط

اخر كلام. عبد الغني. عمر حابر. الزناري. المثلوثي. لاعيبه ملط

اية احساس لاعيبة الزمالك وهما شايفين المنافس كل يوم بيبعد بالبطولات اللي بيحققها