ماجيكو

مفتكرش في مشهد حصل في مباراة الاهلي و الزمالك افخم من المشهد اللي قدامك ده !

الدقيقه 93 و النتيجة 2 / 0 للاهلي و الزمالك بيعمل اخر هجمه و فجأه اليو ديانج عمل تدخل انزلاقي عالمي و اعترض بيه تمريره عمر جابر عشان الاهلي يعمل هجمه مرتده !

تفتكر ديانج يسكت ؟
لا خالص ، ديانج عمل السبرينت المتين و حط نفسه كلاعب حر امام المرمي و لو طاهر كان رفع عينه و مرر له كان وارد جدا ديانج يسجل الهدف التالت اللي كان هيبقي بدراعه حرفيا !

الراجل ده من سنة طلع اعاره للسعوديه و كانت النتيجة ان الاهلي لعب ب اكرم توفيق و كريم نيدفيد في نص الملعب و عمل واحده من اسوا مواسمه !

و لما ديانج رجع اترمي علي الدكه في كاس العالم للاندية و حمدي فتحي لعب علي حسابه و لما ديانج نزل مباراة بورتو احرج كل الناس و عمل شوط تاني تاريخي مفيش لاعب وسط في مصر يقدر يعملوا !

لكن الاسف ديانج رجع اتهمش تاني مع عماد النحاس و ملعبش غير مباراتين و لعبهم في مركز مش مركزه و بعض الجماهير انتقدته و في اللي قال كمان ده لازم يتباع !

عشان ديانج يرد علي الكل و يعمل بطوله سوبر ممتازه و يكسب رجل المباراة امام سيراميكا و بكل تواضع يلقي التحيه علي كل جمهور الاهلي في مشهد ختامي عظيم بمعني الكلمة 👏❤️

المتحف المصري vs الصورم السعودى

عاجل الزمالك يتقدم ببلاغ للنائب العام ضد لعبة GTA !

في الزمالك بيطبقو مقوله تلهيك وتجيب اللي فيها فيك 👌😅

الخوض في أعراض الناس لايُغفر بصلاة أو زكاة أو صوم
فلا يغرك صلاحك إذا كنت خائض في الأعراض 👋🏻♥️

عزيزى ابيض العقل و الهوى تعالى أبسطهالك

- بداية الأزمة كان إقتراح من الشركة الراعية و القناة الناقلة بلعب أهم مباراتين فى السيزون فى رمضان لأسباب تسويقية منهم مباراة الاهلى و الزمالك و وقتها محدش إعترض و الأهلى طلب فقط حكام أجانب والرابطة أيدت كلامه

- القرعة إتعملت الفجر و إتحاد الجدول نزل إن ماتش الأهلى و الزمالك بعد ٤ ايام و الأهلى اتفاجئ إن الماتش بحكم مصرى ولما خاطب إتحاد الكرة كان الرد إن لازم النادى يخاطبهم قبلها ب ١٥ يوم طب إزااااى يا عالم

- الأهلى بدأ يصدر الضغط و عمل بيان إنه مش هيلعب الا بحكام أجانب بناء ع خطاباته مع الرابطة و تأكيدها هذا الأمر و بدأت الأزمة تكبر و بدأت تدخلات من الوزارة و تم أقتراح موضوع حكام السعودية

- حصلت مكالمة بين أهم شخصين فى الاهلى و الزمالك و أتفقو ع التأجيل بعد وساطة الوزارة و بعدها بكام ساعه فوجئ الأهلى ببيان الزمالك إنه موافق ع الحكام المصريين رغم إن الزمالك كان عامل بيان قبلها بكام يوم بيعيط فيه من حكام مصر

- وصل بعدها الحكام السعوديين بناء ع خطاب رسمى من الإتحاد المصرى للسعودي ولكن الزمالك رفض التأجيل و تمسك باللعب فى الميعاد بحكام مصريين من إللى كان بيتهمهم قبلها بكام يوم بالتأمر عليه فى أكتر من بيان وبلا بلا

- لما بدأ الموضوع يبقى فيه أزمة و الدنيا إتعكت إكتشفو أن اللايحه أتعدلت بسبب الزمالك كثير الإنسحاب ضد الأهلى كل موسم وبتقول إن الفريق اللى يروح الملعب ويخرج يعتبر منسحب الفريق اللى ميوصلش الملعب يعتبر مهزوم وليس منسحب و بناء عليه تم اعتبار الأهلى مهزوم

- حصل بعدها إللى حصل و الرابطة اصدرت عقوبة غريبة مش موجودة فى اللايحة أساسا و الأهلى لجأ ل اللجنة الأولمبية و الزمالك بعد ما عمل بيان إن اللجنه أساسا غير مختصة رجع وقدم شكوى ل نفس اللجنه الغير مختصة

- لحد ما الرابطة أصدرت قرار بالاكتفاء بخصم ٣ نقط فقط من الأهلى بناء ع اللايحه إللى أتعدلت عشان خاطر عيون الزمالك و أيد كلامها لجنة التظلمات و الزمالك إللى هو مش متضرر اوى زى بيراميدز مثلا طلع بيان جديد يعيط فيه قبل المتصْرر الأول بيراميدز

- يعنى المفروض إن الأهلى إتظلم فى القرعة لما يلعب أهم ماتشين فى الدورى مع بعض و أتظلم فى موضوع الحكام الاجانب و الجدول كان متظبط لبيراميدز إنه يلعب ماتشين فى اسكندرية و يلاعب الزمالك اخر الدورى عشان لو إحتاج تفويت بس الزملكاو

كريم حسن شحاتة 🚨🚨🚨

خلينا واقعيين اي لاعب في مصر والوطن العربي يتمني الانضمام للاهلي.. معلش مع احترامي الزمالك سُمعته مش كويسه ومشاكلنا مشاع للدنيا كلها.. احمد رضا الزمالك كان مخلص معاه كل حاجه واول ما الاهلي شاورله قطـ ـع عقود الزمالك وراح الاهلي
لحد امبارح ناس من الزمالك بتحاول تتواصل مع اخو بن شرقي عشان يتطمنوا أنه مش رايح الاهلي لكنه كان قافل تليفوناته
قولي سبب واحد يخلي بن شرقي أو غيره من اللاعيبة الكبيرة تختار الزمالك!..أي لاعيب في مصر دلوقت نفسه
يصنع المجد ويعمل تاريخ عظيم ويوصل العالميه مع الاهلي

كاف يعلن انه سيتم الكشف عن الهوية الجديدة لكأس دوري أبطال إفريقيا يوم الخميس القادم في جوهانسبرج، بحضور أساطير كرة القدم الأفريقية والناديين المشاركين، صن داونز وبيراميدز

نتمنى لكم ليلة سعيدة 💤😴 في ذكرى السداسية 😎🦅

نسخة دوري الأبطال الحالية أول ظهور ليها كان 2007 وفضلت لـ2024 يعني استمرت حوالي 18 سنة ... الزمالك مفازش بأي نسخة منها ❤️