انا الاهلى انتم مين؟

05/09/2026

الموقف اللى حصل ده لازم ياخد حقه بصراحه :

الحسين عموته مكنش مستوعب الطلب اللي طلبه منه المدافع عمرو الجزار بعد ماتش سموحه و اللى أكدله إنه لاعب مجتهد و عايز يعمل تاريخ مع الاهلى ....

من الحاجات الجميله اللي تثبتلك إن عمرو الجزار ده لاعب كان مستني الفرصة دي من زمان عشان يكون المدافع الأساسي للأهلي إنه طلب من الحسين عموته بعد ماتش سموحه إنه عايز يتدرب تدريبات إضافية غير التدريبات اللي بالفعل بتكون في تمرين الفريق الأساسي كل يوم لإنه عايز مستواه يبقى أفضل في الماتشات الجايه للفريق و بالتالي يستمر المدافع الأساسي للأهلي في الموسم الحالى ...

حسين عموته إتفاجئ من الطلب اللي طلبه منه عمرو الجزار لكن فرح إن فيه لاعب في الفريق بيجتهد بالشكل ده عشان يوصل لأفضل مستوى ليه بالرغم من إنه كان أفضل مدافع في الماتش الأخير أمام فريق سموحه لكنه حريص على إنه يكون أفضل مدافع في كل الماتشات و بالفعل وافق على طلبه و عمرو الجزار بقى بيدرب تدربيات اضافيه ...

الواحد بيتمنى إن الموسم ده يكون ناجح لـ عمرو الجزار مع الاهلى لإنه حقيقي أثبت إنه من اللاعيبة المجتهدة 👏👏👏👏

بالتوفيق يا صخره الاهلى الجديد ...

05/09/2026

لما تختار شخصية سينمائية عشان تعبر بيها عن نفسك ، لازم تكون قاريها للنهاية مش واخد صورة من فلم والسلام !!
اختيار "مستر إكس" كرمز
فكر غريب، لأنك استشهدت بشخصية مجرم دولي ( ودى حقيقتك الوحيدة ) مسجل خطر فى الفيفا واخرتها كانت سجن الشخصية
السينما نفسها شهدت إن مستر إكس انتهى رسمياً تحت إيد العدالة.
مستر اكس في الأساس أسطورة وهمية ( زيك بالظبط ) :D
رايح تعمل داخلة لواحد اتحبس في الاخر وزكي الطيب الغلبان ضحك عليه في اخر الفيلم
إنك تختار شخصية سينمائية نهايتها كانت "الهزيمة والسجن" عشان تعبر بيها عن القوة والخلود، ده مش مجرد خطأ.. لا دنتا بتعمل داخلة بتسف علي ناديك فيها 😂
منقول

18/07/2026

و الله النادى الأهلى كل يوم بيثبت انه نادى ابن حلال عشان كده ربنا بيوقفله ولاد الحلال اللى زيه ...

كلنا عارفين ان بلال عطيه لاعب الأهلى رايح فريق نادي راسينغ الإسباني و خلاص تمت الصفقه و كان مفروض يسافر اسبانيا من فترة ...

بس للاسف لعب في دوري الجمهوريه مع ناشئين الاهلي و حصل له اصابه و تورم في الركبه و الاشاعه قالت إنها رباط صليبى ... ف طبعا كده الصفقه مش هتم بسبب الاصابه ...

يقوم ابراهيم فايق جايب مدير تعاقدات نادي راسينغ الإسباني و يسأله انتوا خلاص صرفتوا نظر عن بلال عطيه ولا مكملين ف الاتفاق ؟

يقوم مدير التعاقدات يقوله : احنا ملتزمين بكلامنا من الألف للياء مع بلال عطية والنادي الاهلي ، اللاعب خلاص معانا ، حتى لو اتصاب بالرباط الصليبي و هنشوف هيتعافى إمتى وينضم لينا امتى ، ولو عايز يتأهل عندنا المركز مفتوح ليه في اسبانيا 👏👏👏👏👏👏

اهو النهارده بلال عطيه لفت الأنظار بسرعه و جاب هدف جميل ف التدريب و المدرب أشاد بيه و اسمه مع الفريق الاول للموسم الجديد ....

والله النادى ده اصيل و نادى بيقدر المواهب و قد كلمته ... و لو كان نادى تانى كان صرف نظر بعد اصابه بلال عطيه ... بس الموقف ده بيثبت ان النادى اللى رايحه بلال عطيه نادى كبير و محترم 👏👏👏👏👏👏👏👏

بالتوفيق يا بلال و كلنا ف ضهرك يا بطل و بالتوفيق لكل موهبه مصريه ف الخارج ❤️❤️❤️

18/07/2026

مسلسل الفضايح والمجاملات شغال

شوقي غريب اللى رفض يضم لاعب محترف فى الدوري الألماني زي عمر مرموش لمنتخب مصر الأوليمبي المشارك فى أولمبياد طوكيو [[2021]] و خد مكانه فى القائمة لاعب كان مصاب وهو عبد الرحمن مجدي لاعب الإسماعيلي وقتها علشان عبد الرحمن كان سالف منه فلوس و الإسماعيلي مكنش فيه فلوس

شوقي غريب قاله هضمك لمنتخب مصر علشان تاخد مكافأة المشاركة في البطولة و أخد فلوسى منها

شوقي طالع دلوقتي فى برنامج المذيع بيسأله لو خُيّرت بين منصب المدير الفني للمنتخب الأولمبي أو المدير الفني لاتحاد الكرة، تختار إيه؟

شوقي غريب: 🗣أي منصب يخدم بلدي مٌستعد له😂😂😂😂😂😂😂😂😂😂😂😂😂😂😂😂😂😂😂😂😂😂

18/07/2026

18/07/2026

الراجل ده والذي يمثل الجانب الطيب في تاريخ النادي الأهلي
عمره ما زعل حد ولا جرح في حد طول عمره قريب من ربنا
انا أعشق هذا الرجل

د/ طه اسماعيل أحد اساطير النادي الأهلي جه في بالي النهارده وقولت أكتب عنه لأنه مختفي من فترة طويلة اللي يعرف عنه حاجة يطمنا عليه

18/07/2026

18/07/2026

🥷 نينجا القلعة الحمراء مستمر في كتابة التاريخ.. رسمياً حسين الشحات في أهلي حتى 2028! 🔴

أعلن النادي الأهلي رسمياً عن تجديد عقد نجم الفريق والجناح الطائر "حسين الشحات" لمدة موسمين إضافيين، ليستمر "النينجا" في الدفاع عن قميص نادي القرن حتى عام 2028.

✨ عشق الكيان قبل أي شيء

منذ اليوم الأول الذي ضحى فيه بالمﻻيين من أجل ارتداء قميص الأهلي، أثبت الشحات أنه ليس مجرد لاعب، بل مشجع يقاتل في الملعب.. وتجديد عقده هو استمرار لقصة الوفاء والنجاح داخل قلعة الجزيرة.

👇 شاركونا تبريكاتكم لـ "النينجا" حسين الشحات بمناسبة التجديد! ما هي الذكرى أو الهدف الأغلى له في ذاكرتكم حتى الآن؟

📸: ALAHLYSC

#الأهلي