عوف جيم Ouf Gym

عندك “قلب تاني” في جسمك… وإنت غالبًا مش واخد بالك!

معظم الناس لما تسمع كلمة “القلب”، تفكر في العضلة اللي جوه الصدر وبس.

تهتم بالأكل الصحي، والفيتامينات، والتحاليل، والأدوية…

لكن قليل جدًا اللي يعرف إن فيه جزء تاني في جسمه بيساعد القلب كل يوم، وبيشتغل معاه باستمرار.

القصة ببساطة، الدم بينزل لتحت بسهولة بفعل الجاذبية…
لكن التحدي الحقيقي بيكون لما يرجع يطلع تاني من الرجلين للقلب.

هنا بيظهر دور “القلب التاني”…عضلات الساق.
كل خطوة بتمشيها، عضلات السمانة بتقبض وتنبسط، فتضغط على الأوردة وتساعد الدم يطلع لفوق في اتجاه القلب.

عشان كده العلماء أحيانًا بيسموها “The Second Heart” أو “القلب التاني”.

يعني كل خطوة بتاخدها خلال يومك هي مساعدة إضافية لقلبك.

أما قلة الحركة والجلوس لساعات طويلة…فبتخلي الدم يتجمع أكتر في الأطراف، وده ممكن يسبب إحساس بالتقل، وتورم القدمين، والدوالي عند بعض الناس مع الوقت.

علشان كده المشي مش مجرد وسيلة لحرق السعرات.. المشي بيحسن الدورة الدموية، وبيساعد رجوع الدم للقلب، وبيشغل عضلات الساق اللي تعتبر المضخة الطبيعية للجسم.

والأفضل من كده؟
لما تضيف تمارين الرجلين مرتين أو 3 مرات أسبوعيًا، بتقوي العضلات دي أكتر، وبتحسن كفاءتها في دعم الدورة الدموية.

جسمك معمول للحركة…وكل ما تستخدمه أكتر، بيشتغل بكفاءة أعلى.

أما الكسل وقلة النشاط، فمع الوقت بيضعفوا العضلات والدورة الدموية وحتى مستوى النشاط اليومي.

مش مطلوب منك تجري ماراثون.

ابدأ بـ 30 دقيقة مشي يوميًا وطلوع السلم بدل الأسانسير كل ما تقدر وتمرين رجلين مرتين أسبوعيًا على الأقل

خطوات بسيطة جدًا…لكن تأثيرها على صحتك أكبر بكتير مما تتخيل.

الخلاصة لو عايز تهتم بقلبك…اهتم برجليك.لأن عضلات الساق مش بس بتحركك…دي واحدة من أهم المضخات الطبيعية اللي بتساعد جسمك ينقل الدم من تحت لفوق كل يوم.

الهدية البسيطة دي، تفرح اي لاعب كمال اجسام ♥️

لما تكلمك وانت بتتمرن وتقولك عاش يا كوكي ياتيكو يابيبي

الساحل السنة دي مختلف 😂

هي فلوس الجيم دي حرام 😭

حركة مش هيفهمها غير الجيماوية، وبتتسرق برضه وبيشربوا منها 😂

حقيقة والله ♥️😂

قالت له ارينا هذه القوة التي تتمرن عليها كل يوم؟؟
وهكذا كانت الاجابة 💪

بس احلي حزن وعرجه 😂

شكل رجل صحبك 😂