Brain Gym

🧩 أنماط الشخصية داخل الأسرة

هل لاحظت قبل كده إن كل واحد في العيلة ليه دور مختلف؟ 🤔
الأسرة أشبه بفرقة موسيقية… كل فرد ماسك آلة، ولو آلة عزفت نشاز الجو كله بيتأثر.

تعالوا نشوف أشهر الأدوار:

🔹 القائد المسيطر: اللي بيحب يمسك زمام الأمور، يحط القوانين، وغالبًا شايف إن رأيه هو الصح. (غالبًا الأب أو الأم).

🔹 الحامي/الراعي: الشخص اللي قلبه على الكل… يطبطب، يحل المشاكل، ويخلي البيت "مكان آمن".

🔹 المسؤول/القدوة: غالبًا الابن أو البنت الكبيرة، اللي متحمل فوق طاقته… شايل البيت كأنه "أب/أم صغير".

🔹 المتمرد: غالبًا الأوسط، اللي بيدوّر على نفسه وسط الزحمة، ويحب يكسر القواعد عشان يحس بكيانه.

🔹 الكوميدي/المهرج: اللي يخفف التوتر بالضحك والهزار، لكن ساعات الضحكة دي بتخفي وراها مشاعر تقيلة.

🔹 المدلل/الحساس: أصغر فرد، بياخد أكبر جرعة اهتمام… وده ساعات يدي له قوة اجتماعية، وساعات يخليه معتمد زيادة عن اللزوم.

🔹 الضحية/كبش الفداء: اللي دايمًا بيتلصق فيه اللوم، ويتحمل مشاكل غيره.

---

💡 المثير للانتباه إن الشخص ممكن يبدل أدواره حسب الموقف:
الأب المسيطر في بيته، ممكن يكون "الابن الضائع" وسط أهله الأصليين!

👉 الوعي بالأدوار دي يخليك تفهم أسرتك أكتر، وتفهم نفسك كمان… والأذكى إننا نوازن أدوارنا بدل ما نعيش أسرى لها.

ياترى كل واحد شايف نفسه*
في اى دور*_❓❓

✍🏻نسمه صلاح

💜 الغدة الدرقية والنفسية… علاقة رايحة جاية!

الغدة الدرقية مش بس غدة في الرقبة، دي موتور بيوزع هرمونات (T3 و T4) بتأثر على الجسم وكمان على النفسية والمخ.

🔹 لو الغدة بطيئة (قصور):
– اكتئاب أو حزن بدون سبب واضح
– تركيز ضعيف وحافز أقل
– تعب مزمن يخليك حاسس إنك “مفلس طاقة”

🔹 لو الغدة شغالة زيادة (فرط):
– توتر وعصبية وأرق
– مزاج متقلب وسرعة انفعال
– في الشدة: نشاط زيادة وكلام كتير كأنك مش قادر توقف

🔹 الضغوط النفسية نفسها بتأثر على الغدة:
الاسترس المستمر يرفع الكورتيزول ويخربط هرمونات الغدة، وكمان ممكن يحفز أمراض مناعية .

🔹 يعني:
الغدة الدرقية تأثر على نفسيتك، ونفسيتك تأثر عليها.

🔹 الحل المتكامل:
– متابعة وعلاج طبي لو فيه خلل
دعم نفسي بجلسات الاسترخاءو
جلسات علاج نفسي)
–أكل متوازن، نوم كفاية، رياضة بسيطة

#علم نفس عصبي
مروه حلمي
اختصاصي نفسي

١_انتى نتيجه افكارك

٢-المشاعر ليست مشكله هى اشارات

٣-الخوف😟 يعنى شئ مهم لك

٤-الغضب 😠يعنى في حد اعتدى على حدودك

٥- القلق معناه انك تعيشي في المستقبل
انتى محتاجه ان تعودى للواقع👍🏻

٦-العادات هى ال بتغير حياتك
غيري عاداتك تتغير حياتك😉

٧-ماضيكى هو كتاب اقرأيه ولا تعيشي فيه

٨-🤫تتأثري او تستفزى من الاخرين ده انعكاس

٩-🤔الشئ الذي تحكمين عليه هو الشئ الذي لم تتشافي منه او ام تتقبليه

١٠-🤛🏻 السيطرة هى خرافه
القوة الوحيده التى تملكينها هى قرارك

*في النهايه انتى المهندسة وحياتك هى تصميمك*👏🏻

✍🏻نسمه صلاح

🌟 جلسات التكامل الحسي... مش مجرد جلسات! 🌟
هل لاحظتِ إن طفلك بيتضايق من الأصوات العالية؟ أو بيتحرك كتير ومش قادر يركّز؟ 🤔
ممكن يكون محتاج جلسات تكامل حسي... وده مش رفاهية، ده تدخل مهم وأساسي!

🔷 ليه جلسات التكامل الحسي مهمة؟
✔️ لأنها بتشتغل على تنظيم حواس الطفل وبتقوّي قدراته الذهنية
✔️ بتساعده يتفاعل مع البيئة بشكل أفضل
✔️ بتحسّن تركيزه وانتباهه… خصوصًا لو بيعاني من ADHD أو اضطرابات مشابهة
✔️ بتخليه أهدى، أكثر توازن، وتصرفاته تبقى منظمة أكتر

🎯 النتيجة؟
طفل أكثر راحة، سلوك منظم، وبيتواصل مع العالم حواليه بثقة.

👨‍👩‍👧 نصيحة لكل أب وأم:
لو حسيتِ إن طفلك محتاج تدخل… ماتتأخريش
كل يوم بدري في الجلسات = خطوة أكبر نحو تطور حقيقي في سلوكه وحياته 💪

📍
📞01026641580
واتصلي بينا على: [01032732854 ]
📩 أو ابعتي رسالة واحنا هنرد عليكِ فورًا

*رحلة الوعي… ولماذا نقاومها أحيانًا؟* 🤔

الغريب إن فكرة الإرشاد النفسي أو العلاج النفسي ساعات بتقابل مقاومة…

مش من الناس اللي حوالينا بس،🫡
لكن من النفس نفسها!❗

النفس تحب تفضل في *المألوف—even*

لو المألوف مؤلم—

لأن أي تغيير بيخوفها، ولأنها عايزة تحافظ على

" *المنطقة الآمنة* " اللي متعودة عليها.

ولما حد يبدأ يشتغل على نفسه فعلًا، 🧐

ويفكك مشاعره، 🤔ويفهم جذور أنماطه القديمة…

بيكتشف إن الوعي ده بيكلف مجهود كبير.

🚫فجأة تلاقي نفسك بتقول

" *لأ* "

لتصرفات ناس زمان كنت بتسكت عنها،
وتبطل تبرر للناس أخطائهم أو تتحمل اللي مش بتستحقه.

هنا ممكن ييجي سؤال داخلي صعب: *أنا اتغيرت* 💯… ليه هم ما اتغيروش⁉️

*والإجابة*❗ إن رحلة الوعي شخصية جدًا.

اللي بيبدأها بيشوف العالم بعين جديدة،

واللي لسه مبدأهاش بيفضل شايفه زي ما هو.
ومن هنا بيحصل الصدام…
🙃
ساعات نوصل لمرحلة إننا "نشيطن" الناس اللي مش فاهميننا أو لسه بيتصرفوا بنفس الشكل القديم.😟

لكن الحقيقة إن مش كل الناس مستعدة تمشي نفس المشوار…

ومش كل الناس عندها نفس القدرة أو الرغبة.

*_الوعي مش سباق_* ،

هو *اختيار* 🌹.

ورغم إن رحلة الوعي مكلفة: بتكلف مجهود، وجرأة، ووجع مواجهة، ووداع لبعض العلاقات… إلا إنها في الآخر تستحق.
لأنها بتديك حريتك الداخلية، وبتخليك أقرب لنفسك الحقيقية، وتعلمك إزاي تختار حياتك بوعي بدل ما تتساق.
🌹🌹
✍🏻نسمه صلاح

🔴 اضطرابات الشخصية مش مجرد سمات اتربينا عليها 😭😭
هي مشكلة نفسية معطلة للحياة… وبتخرب العلاقات.
الشخص يبان قدام الناس إنه واثق ومقتنع بنفسه جدًا 🤔
لكن داخليًا… فاقد الأمان والاتزان.
لا هو مرتاح… ولا اللي حواليه مرتاح.

🔻 مثال 1 – الشخصية النرجسية
من وقت بلوغ ابنها…
كل مرة أمه تقوله: "إنت غلطت" أو حتى "جرب بطريقة تانية"… يتعصب ويزعل جدًا.
هو شايف نفسه دايمًا على حق.

❓ هل قابلت في حياتك شخص كده؟

🔻 مثال 2 – الشخصية الاعتمادية
مريم طول عمرها ما تعرفش تاخد قرار لوحدها.
حتى في شراء فستان أو اختيار شغل… لازم تسأل 3 أو 4 أشخاص وتاخد رأيهم.
ولو سابت لوحدها، بتتوتر جدًا.

👀 الناس تقول: "هي مسكينة وضعيفة".
لكن ده ممكن يكون اضطراب الشخصية الاعتمادية.

❓ إيه رأيك؟ دي طيبة ولا ضعف؟

🔻 مثال 3 – الشخصية الحدية (الانفعالية)
سعاد في يوم واحد…
الصبح كانت بتضحك وتهزر 🙂
وبالليل… من كلمة صغيرة دخلت في مود اكتئابي 💔

مشاعرها متقلبة جدًا… الحب والكراهية في لحظة.
وده ممكن يكون اضطراب الشخصية الحدية.

❓ تتخيلي الحياة مع شخص كده تبقى عاملة إزاي؟

🔻 مثال 4 – الشخصية التجنبية
سهام شاطرة في شغلها 👩‍💻
لكن كل ما يجي لها عرض تشتغل في مكان أكبر أو قدام ناس أكتر… ترفض.
بتخاف من النقد أو إن حد يضحك عليها.
فقررت تعيش بعيد عن الأضواء.

ده مش خجل بس… ده ممكن يكون اضطراب الشخصية التجنبية.

❓ تعرفوا شخص كده؟ وكيف تتعامل معاه؟

✨ الوعي مش بيخلينا نصنّف الناس…
لكن بيساعدنا نفهم ونتعامل بطريقة صحية.

📝مروة حلمي

يالا يا أصحابنا
الاحتفال هيبدأ