POWER GYM

اللهم لك الحمد الجم الجديد شارع اجزخانه ام المصرين خلف مدرسه شجرة الدر

6 أسرار لنوم الأبطال 💪

وفقا لدراسة تمت فى هارفارد، قالت ان النوم بيلعب دورا حاسما في وظائف المناعة، والذاكرة، والتعلم، والوظائف الحيوية الأخرى و بالنسبة لكمال الاجسام فالحصول على قدر كافى من النوم ضروري لإصلاح الأنسجة ونمو العضلات 👌

هنوضح 6 أسرار للنوم هتساعدك فى الحصول على أقصى قدر من الفوائد أثناء نومك (Y)

🔥 الظلام التام:

أحرص دايما انك تقفل كل الأنوار اللى حواليك حتى لو كانت أضواء ضعيفة جدا عشان تقدر تعزز إنتاج هرمون النوم (الميلاتونين), مهما كانت الأضواء صغيرة ممكن تخلى جسمك مستيقظا وغير قادر على الاسترخاء.

🔥إبعد عن الإلكترونيات:

أكتشفت دراسة تمت فى مؤسسة النوم الوطنية في عام 2011 إن الأشخاص اللى بيستخدموا إلكترونياتهم الشخصية في خلال ساعة قبل النوم بيعانوا من مشاكل أكثر في النوم, ف لو انت بتقوم من النوم تعبان جدا و مش حاسس انك فايق يبقى أنت محتاج تقفل كل الإلكترونيات بما فيها التلفزيون والكمبيوتر، والإنستجرام 😑 و أى حاجة ليها علاقة بالإلكترونيات قبل ميعاد نومك بساعة.

🔥 تمارين التأمل:

حاول فى نص يومك تخطف ربع ساعة ( وقت خاص بيك أنت فقط) للتأمل و ممارسة تمرين النفس بصورة بسيطة و ده ممكن تعمله عن طريق الإستماع لموسيقى هادئة مع التنفس بشكل منتظم (شهيق و زفير) و عدم التفكير فى اى شىء أو ممكن تعمله فى اى مكان فيه مسطحات خضراء او منظر جمالى طبيعى, التأمل بيساعد بشكل كبير فى طرد الأفكار السلبية و الضغط و العوامل دى بتأثر بشكل كبير على النوم و الإسترخاء حاول ماتخليش الأفكار دى تتراكم عندك و تأمل أول بأول عشان تعرف تنام بصورة أفضل.

🔥 جدد أدوات النوم بتاعتك:

المكان اللى بتنام فيه بيأثر بشكل كبير جدا على النوم إحرص دايما ان السرير يبقى نضيف و مترتب و انك تغير فرش السرير و المخدات أول بأول عشان السرير من الأماكن اللى بتنتشر فيها البكتيريا بصورة كبيرة جدا, و على قد ماتقدر أهتم ان وضع المخدات و المرتبة يكون مريح بالنسبالك عشان ماتقلقش أثناء نومك و عشان متأسرش على ضهرك.

🔥 إصحى بهدوء:

لو أنت من الأشخاص الى بتظبط المنبه و بتصحى مخضوض عليه و تقوم تقفله و تنام تانى لحد م يرن كمان 5 دقائق و تفضل فى الموال ده بتاع ساعة إلا ربع :D, الحل الأمثل ليك انك تظبط منبهين أظبط الاولانى و التانى بعده ب15-20 دقيقة و ده هيخليك تصحى بهدوء بدون اى ضغط عصبى و من غير ماتفضل تحسب فى دماغك كام مرة هتقفل المنبه و يرن تانى و كإنة بيجرى وراك 😅

🔥 نام ال 8 ساعات:

النوم ما لا يقل عن 8 ساعات بيساعد دماغك على التعلم وحفظ المهارات الجديدة و طبقا لدراسة من جامعة ويسكونسن النوم الكافى بيساعد جسمك على تخفيف التوتر والضغط العصبى و زيادة التركيز و تحسين كفأة الإستشفاء العضلى.

(Y)

⛔ ملحوظة مهمة جدا ⛔

أفضل حاجة انك تتابع مع مدرب عشان يقدر يوصلك لنتائج و هايفيدك أكتر مننا لأن كل شخص ليه طبيعة جسمه وعوامل تانية كتير احنا مش هنبقى شايفينها زى المدرب, مش عارفين مثلا لو هو بيعاني من مرض معين أو نوع جسمه إيه أو طبيعة حرقه او بيتمرن ازاى و طريقه ادائه للتمارين, عشان كده لازم اللي يفيده فى التمرين مدرب اللي عينه عليه على طول ومتابع معاه وهيقدر يشوفه كل يوم ودكتور تغذية فى النظام الغذائى.
لكن لو أحنا قولناله طريقة تمرين مثلا أو نظام أكل ممكن يضره أكتر ما يفيده وده مش مبدأنا خالص 👎 , لكل شخص تخصصه و شغله و أي حاجة فى قدرتنا نساعد بيها هنساعدك على طول وده مبدأنا (Y)

#هفهمك #صحة #تغذية #رياضة
✋

الرجاء متابعة الوزن

انشا الله ده نظام تخسيس لمدة ١٥ اسبوع