الفرسان اكاديمي لكرة القدم Al FursanAcademy For Football

  • Home
  • Egypt
  • Hurghada
  • الفرسان اكاديمي لكرة القدم Al FursanAcademy For Football

الفرسان اكاديمي لكرة القدم Al FursanAcademy For Football اكاديمية لتعليم وتطوير كرة القدم على أسس علمية بقيادة ?

22/07/2026

"ابني عنده 14 سنة... ورافض كل حاجة."

الجملة دي قالتها أم في إحدى الجلسات.
كانت بتتكلم وهي مرهقة...
رافض يذاكر.
رافض يصلي.
رافض ينزل أي كورس.
رافض يساعد في البيت.
ورافض يسيب الموبايل دقيقة واحدة

بدأت أسألها شوية أسئلة...
لأن الرفض في سن 14 سنة، نادرًا ما بيكون سببه موقف واحد.
بعد دقائق من الكلام..
اكتشفنا إن المشكلة مكانتش بدأت في سن 14 سنة.

المشكلة بدأت من سنين...
من غير ما حد يحس.

الصلاة كانت موجودة...
لكن من غير التزام وثبات.

الموبايل دخل حياته...
لكن من غير قواعد واضحة.

والمسؤوليات كانت بتتشال من عليه...
لأننا كنا بنقول: "لسه صغير."

وفجأة..... كبر .....

وبقينا مستنيين منه يبقى ملتزم...
ويعرف قيمة وقته...
ويتحمل المسؤولية...
ويترك الموبايل بسهولة.

وده خطأ بيقع فيه أباء وأمهات كتير.

إحنا أوقات بنستنى المشكلة تظهر...
وبعدين نبدأ نفكر في الحل.
مع إن التربية مش بتبدأ وقت الأزمة...
التربية بتبدأ قبل الأزمة بسنين.

لكن هل ده معناه إن الأوان فات؟

أبدًا......

كل مرحلة ليها مفاتيحها.
لكن لازم نفهم إننا مش بنغير عادة اتبنت في سنين... في كام يوم.
ابدأ بخطوة واحدة.
حط قواعد واضحة.
اثبت عليها.
وابنِ علاقتك بابنك من جديد.

واصبر...

لأن التغيير الحقيقي بيحصل بالتدريج... مش بالاندفاع.
افتكر...

المراهقة مش بتكشف شخصية ابنك بس...
دي كمان بتكشف إيه اللي اتزرع فيه على مدار السنين.
ولو اكتشفت إنك قصرت في حاجة... .....متقفش عند الإحساس بالذنب...

ابدأ من مكانك... وكمل.. لأن كل خطوة صحيحة بتعمل فرق كبير في اللي جاي

22/04/2026

#مهم 👇🏼
أهمية إختيار التوقيت و الطريقة في تصحيح الأخطاء ممكن تبني لاعب أو تكسره.

أولاً : أهمية وقف التمرين لتصحيح الأخطاء

وقف اللعب مش معناه تعطيل التدريب، بالعكس ده جزء أساسي من التعلم :

1. تثبيت المعلومة في وقتها
اللاعب الصغير بيتعلم أكتر لما تصحح له الخطأ فورًا، قبل ما يكرره و يثبّت غلط.

2. بناء أساس صحيح
في السن الصغير (9–14 سنة)، اللاعب بيكوّن عاداته الفنية (تمرير، إستلام، تحرك).
لو سبت الأخطاء تتكرر، هتتحول لعادات صعب تتعدل بعد كده.

3. زيادة الوعي الكروي
لما توقف اللعب و تسأل اللاعب : "كنت ممكن تعمل إيه أحسن ؟"
كده أنت بتشغّل عقله مش بس جسمه .

4. تقليل الإصابات
بعض الأخطاء ( زي وضعية الجسم أو الجري غلط ) ممكن تسبب إصابات، و تصحيحها بدري بيحمي اللاعب.

ثانياً : إمتى توقف التمرين ؟

مش كل غلطة تستاهل توقف التمرين، و ده الفرق بين المدرب الشاطر و المدرب إللي بيبوّظ الإيقاع.

توقف التمرين لما :

الخطأ يكون متكرر من أكتر من لاعب

الخطأ أساسي و مؤثر (زي طريقة الإستلام أو التمركز)

كل اللاعبين بيعملوا نفس الغلط → يبقى في مشكلة في الفهم

الخطأ ممكن يسبب إصابة

في لحظة تعليمية واضحة (مثلاً موقف تكتيكي مهم)

ما توقفش التمرين لما :

الخطأ يكون بسيط أو فردي

اللاعب فاهم بس التنفيذ ضعيف (هتتحسن مع التكرار)

التمرين ماشي بإيقاع عالي و وقفه هيكسر الحماس

كل شوية بتوقف → كده بتملّ اللاعبين

ثالثاً : إزاي توقف بشكل صح؟

مش مجرد توقف و خلاص، دي طريقة ليها أصول :

1. و قف سريع و واضح
"استوب يا شباب 👏"

2. شرح مختصر جدًا (10–20 ثانية)
من غير محاضرة طويلة

3. عرض عملي
إنت أو لاعب كويس يوريهم الصح

4. إعادة اللعب فورًا
علشان التطبيق أهم من الكلام

رابعاً: أنواع التصحيح (إختيار الصح حسب الموقف)

🔹 تصحيح جماعي (وقف التمرين)
لما الغلط عام

🔹 تصحيح فردي (من غير توقف)
تنادي اللاعب و تقوله بسرعة و هو بيلعب

🔹 تصحيح بين التمرينات
تستنى لحد ما التمرين يخلص و تشرح

خامساً : نصيحة ذهبية 👌

لو لقيت نفسك بتوقف التمرين كتير…
يبقى التمرين نفسه ممكن يكون صعب أو مش مناسب للسن.

مثال عملي بسيط

تمرين 3 ضد 3 :

لقيت كل اللاعبين بيستلموا الكرة و ظهرهم مفتوح غلط
هنا توقف و تصحح (خطأ أساسي و متكرر)

لكن :
لاعب واحد بس إللي بيغلط
👌🏼 تناديه و تصحح له بدون ما توقف اللعب

تجهيز اللاعب نفسياً ومعنوياً: بين التهوين والاستهتار، والتهويل والتخويفأولاً: الفرق بين التهوين والاستهتار· التهوين الإي...
12/04/2026

تجهيز اللاعب نفسياً ومعنوياً: بين التهوين والاستهتار، والتهويل والتخويف
أولاً: الفرق بين التهوين والاستهتار

· التهوين الإيجابي: تقليل حجم الضغط والمنافس لجعل المباراة عادية، مع إبقاء الاحترام. مثل: "المنافس بشري يخطئ مثلنا، لنا فرصتنا كاملة".
· الاستهتار السلبي: تجاهل قوة المنافس والتخطيط، مع شعور بالاستعلاء. يؤدي لتفريط في الجهد وانكشاف دفاعي.

ثانياً: الفرق بين التهويل والتخويف

· التهويل الإيجابي: إظهار حجم التحدي لرفع الجاهزية والانتباه. مثل: "هذه فرصة تاريخية، الجميع يترقبك".
· التخويف السلبي: تضخيم عواقب الخسارة أو قوة الخصم بطريقة تزرع الرعب والقلق. يؤدي لتصلب العضلات، سوء اتخاذ القرار، وفقدان المبادأة.

الخلاصة: التهوين يولد راحة نفسية مع احترام الخصم، والتهويل يولد حفزاً مع ثقة. أما الاستهتار والتخويف فوجهان لعملة واحدة: فقدان التوازن النفسي.

---

كيف تعد التركيز والثقة ؟ (النموذج المتوازن)

1. إعداد التركيز

· تمارين التنفس والتصور الذهني: 5 دقائق تخيل لسيناريوهات المباراة (هجوم، دفاع، أخطاء تحكيمية).
· كلمات تثبيتية: عبارة قصيرة مثل "احسن" تعيد التركيل عند التشتت.
· بروتوكول ما قبل المباراة: روتين ثابت (موسيقى، إحماء، لمس العشب) يغلق الذهن عن الخارج.

2. إعداد الثقة

· تذكير بالإنجازات السابقة: عرض مونتاج لأفضل لحظات اللاعب أو الفريق.
· عبارات الكفاءة الذاتية: مثل "تدربت على هذا ألف مرة، أنا قادر".
· تجنب المقارنات المباشرة مع نجوم الخصم، وركز على نقاط قوة اللاعب الخاصة.
· أخطاء مسموحة: اتفق مسبقاً أن الخطأ وارث ولا يعني فشل المهمة.

3. إعداد "المقاتلة" (الصلابة الذهنية والقتالية)

· تحويل الخوف إلى تحد: "ستشعر بالتوتر؟ هذا يعني أن الأمر مهم. حوِّل التوتر إلى طاقة اندفاع".
· تمارين التعامل مع الشدائد: تدريبات على سيناريوهات التأخر بالنتيجة، طرد لاعب، قرار تحكيمي خاطئ.
· عقلية الإنقاذ لا العتاب: بدل "لماذا أخطأت؟" قل "كيف نصلح الآن؟".
· كلمات محفزة للقتال: مثل "لا تستسلم، المعركة حتى النهاية"، "كل ثانية فرصة لتغيير النتيجة".

---

خطة عملية مقترحة قبل 24 ساعة من المباراة

الوقت النشاط الهدف
قبل 24 س اجتماع فيديو: نقاط قوة الفريق (ليس نقاط ضعف الخصم فقط) بناء ثقة من الإعداد
قبل 3 س تمارين تنفس وسماع موسيقى محفزة (ليست مرعبة أو هادئة جداً) ضبط الإثارة للدرجة المثلى
قبل 1.5 س حوار فردي مع كل لاعب: جملة إيجابية شخصية + تذكير بمسؤولية الدور تركيز الأدوار
قبل 45 د إحماء مع تصور ذهني مدمج (كل تمرين يخيل موقف لعب) ربط الجسد بالذهن
قبل 5 د هتاف جماعي قصير وواقعي (ليس وعوداً مبالغاً فيها) إطلاق طاقة مقاتلة جماعية

المبدأ الذهبي: درجة الإثارة المثلى تختلف من لاعب لآخر. بعضهم يحتاج "تهوين" ليسترخي، وبعضهم يحتاج "تهويل محفز". دور الجهاز الفني هو معايرة كل لاعب على حدة.

23/03/2026

“مش أقوى لاعب هو اللي عضلاته أكبر…
أقوى لاعب هو اللي بيكمّل لما رجله بتوجعه!” ⚽💪

في الملعب مفيش حاجة اسمها:
❌ تعبان
❌ مش قادر
❌ بكرة أتمرن

في حاجة واحدة بس اسمها:
✅ هكمل عشان أبقى أحسن
✅ هضغط على نفسي عشان مكاني في التشكيل
✅ هتعب دلوقتي عشان أفرح بعدين

الفرق بين اللاعب العادي واللاعب البطل
إن البطل بيستحمل وجع التمرين
عشان يهرب من وجع الندم.

إنت بتتمرن عشان تبقى لاعب…
ولا عشان تبقى نجم؟ تفرق كتير

#

⚽🛡️ الدفاع… أساس الفوز في كرة القدميعتقد البعض أن مهمة المدافع هي إبعاد الكرة فقط، لكن الحقيقة أن الدفاع الجيد هو أول خط...
16/03/2026

⚽🛡️ الدفاع… أساس الفوز في كرة القدم
يعتقد البعض أن مهمة المدافع هي إبعاد الكرة فقط، لكن الحقيقة أن الدفاع الجيد هو أول خطوة لبناء الهجوم.
المدافع الذكي لا يكتفي بقطع الكرة، بل يتميز بـ: ✔️ التمركز الصحيح داخل الملعب
✔️ قراءة تحركات المنافس مبكرًا
✔️ إغلاق المساحات أمام المهاجمين
✔️ بدء الهجمة بتمريرات دقيقة من الخلف
⚽ المدافع القوي لا يحمي مرماه فقط… بل يمنح فريقه الثقة والسيطرة داخل الملعب.

� ابنك مش ناكر للجميل… إنت اللي ربيته على إن كل حاجة حقه.خلينا نقول الحقيقة من غير تجميل.لما ابنك ياخد الحاجة من غير ما ...
05/03/2026

� ابنك مش ناكر للجميل… إنت اللي ربيته على إن كل حاجة حقه.

خلينا نقول الحقيقة من غير تجميل.

لما ابنك ياخد الحاجة من غير ما يقول شكرًا،
ويبصلك كأنك مأدي واجب طبيعي…
مش لأنه قليل الأدب.

لكن لأنه اتربّى إن ده الطبيعي.

في 3 أسباب إحنا بنعملهم بإيدينا 👇

1️⃣ كل حاجة بتجيله قبل ما يحلم بيها

طلب؟ يتنفذ.
رغبة؟ تتحقق.
مقارنة؟ نكسبها.

“مش عايزة ابني يبقى أقل من حد.”
الجملة دي دمّرت بيوت كتير.

لما الطفل ما يستناش،
ما يتحرمش شوية،
ما يحاولش،
ما يسمعش كلمة “لأ”…

هيتعوّد إن الدنيا شغالة لخدمته.

2️⃣ السوشيال ميديا ربّت معانا

ساعات قدام تيك توك وإنستجرام.
بيشوف رفاهيات غير واقعية.
بيشوف أطفال عايشين في مستوى خرافي.

فيبدأ يحس إن ده الطبيعي.
وإن اللي عنده قليل.
وإن أهله “مقصرين”.

مش لأنه وحش…
لكن لأنه بيتقارن طول الوقت.

3️⃣ عمره ما شافنا بنشكر بعض

الفلوس بتدخل البيت في صمت.
الحاجات بتتجاب من غير ما نحكي.
التعب مستخبي.

ما بيسمعش ام بتقول كتر خيرك ربنا يعبنك
ولا أم بتقول “ربنا يخليك”. لينا ولا ام بتقول ادامة ابوك بيتعب وبيشقى علشانك

ما بيفهمش إن الحاجة دي وراها شقى.
فيكبر فاكر إن كل حاجة سهلة… ومضمونة.

⚠️ إحنا ما خلفناش جيل ناكر للجميل.

إحنا ربّينا جيل
ما اتعلمش يعني إيه تعب.
ولا يعني إيه انتظار.
ولا يعني إيه امتنان.

الطفل اللي ما يتعلمش يقول “شكرًا” وهو صغير،
هيكبر فاكر إن الدنيا مدينة له.

علّموهم الامتنان…
قبل ما تطلبوا منهم البر #

26/02/2026

كرة القدم الان كل واحد من الجهاز الفنى وله تخصص يعنى بنسبه المستويات العالية المدير الفنى باشا كل حاجة بتيجي له وهو صاحب القرار وأخيرا محلل الأداء مهم جداً جداً في تشكيل الجهاز الفنى

كابتن بدر رجب : المدرب في الناشئين ييجي يقولك على لاعب مزور ان ورقه سليم… تقوله الولد دا كام سنة يقولك 10 سنين ، وتلاقي...
25/02/2026


كابتن بدر رجب : المدرب في الناشئين ييجي يقولك على لاعب مزور ان ورقه سليم… تقوله الولد دا كام سنة يقولك 10 سنين ، وتلاقي الواد حالق دقنه ، يا أخي خلي عندك دم ، انت عايز تعمل سيرة ذاتية لنفسك وبس ، تاخد بطولات لكن متطلعش لعيبة ، انت كدة بتدمر الكورة في مصر ، المدربين بتضحك علي اولياء الامور ببطولات ورق و كاس صفيح

22/02/2026

تقدر من النهارده تكون شخص جديد، اعتبِر نفسك اتولدت النهارده..
التزِم في الصلاة، خلي في إيدك خاتم التسبيح واذكُر ربنا، اعمل ليك وِرد قرآن وعاهد نفسك مينقطعش أبدًا.

دلوقت مفيش شيطـان، بس نفسك مش قُليلة!
فاستعِن بحول الله وقوتِه علىٰ نفسك ولا تعجز..
وافتكر إن ربّ رمضان ربّ باقي الأيام، وكُل طاعة هتعملها في رمضان تقدر تعملها كل يوم مش رمضان بس!

غُض بصرك ووسعي لبسك وغطي شعرك ونزلوا واسمعوا قرآن وبطلوا شتيمة واستشيَّخوا عادي زي ما بتقولوا!
بس ده مش استشياخ، كده انتَ بتكون مسلم عادي مش شيخ، فتقدر تكون كده طول السنة مش رمضان بس..

رمضان فُرصة توبة وهِداية لناس كتير بيبدأوا فيه ويكمِّلوا علىٰ نفس الطريق حتى بعد ما يخلِص.. ناس ربنا بيرزقها الهِداية التي لا يضلوا ولا يشقوا بعدها أبدًا وبيُصبح أيام السنة عندهم كلها رمضان مش شهر واحد بس!

فمتتنازلش عن إنك تكون من الناس دول.

Address

Hurghada

Telephone

+201276672277

Website

Alerts

Be the first to know and let us send you an email when الفرسان اكاديمي لكرة القدم Al FursanAcademy For Football posts news and promotions. Your email address will not be used for any other purpose, and you can unsubscribe at any time.

Shortcuts

Share

Category