Coach Mohamed Khalid

الناس اللي بتقول “ما هو كدة هيدفع برضه” واضح إنها فاهمة اللائحة غلط
يا جماعة فرق كبير بين: استمارة العبودية القديمة
و تعويض التدريب
الأول كان بيحبس عيال صغيرة في أندية سنين، وأولياء أمور يدفعوا آلاف الجنيهات عشان الولد يعرف يروح يتدرب في مكان تاني … وفي الآخر ممكن أصلا مايكملش كورة!
دلوقتي اللائحة بتقول: اللاعب الهاوي من حقه ينتقل
وده أهم مكسب لأي طفل بيلعب كورة
تعويض التدريب ده مش معناه إن اللاعب “ممنوع” يمشي، لا
ده حق النادي اللي صرف ودرب، لكن بدون تعطيل لمستقبل الولد
والناس لازم تفهم نقطة مهمة جدا: مش كل طفل بيلعب كورة هيوصل للإحتراف ⚽
فيه ملايين لعبوا سنين:
واتعطلوا بسبب الورق
واترفض انتقالهم
وآباء دفعوا فلوس عشان “استغناء”
وفي النهاية الولد لا بقى محترف ولا استفاد ماديا ولا معنويا
الكرة في المراحل السنية المفروض تبقى: تعلم
تطوير
حب للعبة
مش سجن لطفل عنده 12 أو 13 سنة
القرار ده مش كامل … لكنه خطوة تحترم إن اللاعب الصغير إنسان له حق يختار مستقبله، مش ملك لنادي 👏🇪🇬

أكبر الأكاديميات في العالم لا تستطيع “ضمان” إنتاج النجوم، بل فقط:

ترفع احتمالية التطور
وتوفر بيئة جيدة

اللاعب الاستثنائي أكبر من أي برنامج

أعظم من يفهم كرة القدم ليس من يفرض عليها أفكاره بعناد، بل من يصنع أفكارا تنسجم مع حقيقتها المعقدة والمتغيرة

لو عايز تقيم مدربين البراعم وتفرق فعلاً بين الكويس وغيره، لازم تحط قواعد واضحة للعبة

مينفعش تقارن فريق لاعيبته مهارية جدا، فاهمة مبادئ اللعبة، وبتاخد ريسكات محسوبة … بفريق تاني لاعيبته حرفيا مفتقدين أساسيات الكورة، ومع ذلك قدروا يكسبوا

إزاي ده بيحصل؟ أحيانا الموضوع بيكون بسيط جدا: أي كرة ثابتة بتتشاط على المرمى وخلاص! النتيجة ساعتها بتعمل خداع كبير لأي حد بيتفرج

طيب عايز تتأكد إن ده خداع فعلا؟

خد لاعيبة من الفريق اللي كسب، نزلهم اختبارات في فريق درجة تالتة محدش هياخدهم

والعكس، خد لاعيبة من الفريق اللي خسر، ونزلهم اختبارات لفريق دوري ممتاز او محترفين … هتلاقيهم بيتشقطوا وبيثبتوا نفسهم

الخلاصة: النتيجة لوحدها مش مقياس، التطوير، الفهم، وجودة اللاعب هي الحقيقة

في سمارت فوتبول أكاديمي إحنا مش بس بنمرن كرة قدم، إحنا بنرسم "مسار تطوير" متكامل لكل لاعب حسب فئته العمرية

عشان الموهبة لوحدها مش كفاية، لازم برنامج قوي يحولها لواقع احترافي

​إليكم منهجنا التدريبي المعتمد لتطوير اللاعبين

نحن لا نبحث عن أفضل الأطفال .. نحن نصنعهم