Marwa Sobieh - أم تبني أمة

كل سنه وكل أم طيبه
كل سنه وكل أم بتحاول عشان الأصلح ليها ولأولادها
وكل سنه وكل أم فرحانه بولادها وأحفادها
وكل سنه وكل أم فارقتنا مغفور ذنبها

وبمناسبه عيد الأم كل أم ليها معانا
عروض خاصه 🎊🎊

وجلسه متابعه مجانيه
وكود خصم مستمر بنفس العرض لمده ٣ شهور

والعرض مستمر لحد اخر مارس

أصلا نتيجه التربيه علي الله
طبعا ومش التربيه بس
ثمره سعيك في أمورك كلها
علي الله سبحانه وتعالي

لكننا سنسأل عن سعينا❤️
وخصوصا مع توفر العلم أي طريق سنسلك
مسؤولون عنه

🗣🗣كلنا بنزعق ولا أستثني أحدا!!

🥘🥘🍯عارفين حله الضغط اللي بتقعد تصفر عشان تطلع البخار♨️♨️
💣🧨عشان تتنفس عشان لو محصلش هتنفجر

👩‍👦الامهات أحيانا بتعمل كده مع كتر الضغط
-حتي لو بتحاول تخفف الضغوط عليها ومديه وقت 🌬لنفسها وبتشتغل عليها-

🧘🏼‍♀️🪄فازاي نصفر قصدي نزعق بأقل خساير:-

١:-عارفين باب التلاجه اللي مبيتقفلش زي باب الاوضه بالضبط
وانكلمنا عنه كتير ممكن بدل المحاضره الطويله نقول

🚪الباااااااااااب

(One word)

هو هيفهم لوحده ويقفله

٢:-عارفين الموبايل 📵📱لما يقع في تويلت🚽
او مثلا lipstick 💄بتاعه mac اللي كنتي دايخه عليها ومش لاقيها ولقيتيها في سيل
وبعدين بنتك أكلتها

ممكن في الموقف ده نقول
🚶🏼‍♀️🚶🏼‍♀️ممكن حالا تمشي من وشي
او
🚷أهرب أهرب يا ياسن ربنا معاك

٣:-عارفين لما الشراب 🧦يكون اتغرق مياه وهو سيبه وعارفه ان النتيجه هيكمكم
ممكن تقولي
🧦الشراااااب المبلول لما بيتساب بيعمل ريحه وحشه
(Give information )

٤:-اتكلمي ب i message
👀انا شايفه….
انا حاسه……

وأخيرا كلناااااا بنزعق

ده بس لتقليل الخساير

🧨💣وطبعا منبقاش زي القنبله الموقوته

ودمتم في أحسن حال

نيجي بقي لسها 👧🏼
عارفين مين سها؟!
أخت ساره اللي نجت من الخرطوم⛓

سها كانت بنت *عاديه*
هي بصراحه مكنتش اوي فاهمه
كلمه *عاديه*،

بس كانت بتسمعها كتير من المدرسين
لما كانوا بيكلموا مامتها عنها 👩🏼‍🏫

☕️☕️وأحيانا كانت بتسمعها من مامتها وأصحابها:-
سها عاديه مش زي ساره واللي يشوفهم ميعرفش انهم أخوات

مع تكرار كلمه *عاديه *علي ودان سها 👂🏻
فهمت سها ان عاديه يعني معندهاش حاجه مميزه زي ساره .
فكبرت علي كده وكبرت وفهمت انها مش مميزه.
💎
🙅🏼‍♀️فكان عندها جواها إحساس بعدم الاستحقاق

☺️فكانت بتدي اوي في العلاقات مع صحابهابزياده

🏅عشان تحافظ علي نيشان* جدعه*
*وصاحبه صاحبتها*

مكنتش بتبصله بصه عطاء علي اد انه مجهود رهيب
🥷🏾🥷🏾وخنقه بتخليها لازم تبقي حاضره حتي لو هي مش مستعده ومش كويسه

المجهود بقي بيخنقها اكتر فتدي أكتر فتشتكي أكتر ان 🔨الناس مبتقدرش

سها كانت خايفه تتكلم خصوصا في مجتمع فيه رسم 🔨الحدود في العلاقات رخامه

🏅فيقع نيشانها اللي محلتهاش غيره

👈🏾عارفين سها كانت محتاجه ايه ؟!

يتقلها برافو 👍🏻علي اي مجهود من مدرسينها
ومامتها
واصحابها
حتي لو شيفينه عادي
عشان المجهود يكبر ويكبر
🔋يركزوا علي نقط القوه والتطور

🧗🏾‍♂️عشان سها تتطور

ولادنا كلهم سها او ساره
محتاجين برافو
🔋وتركيز علي نقاط القوه عندهم
🔋تركيز حقيقي علي مجهودهم
فساره متجريش اول ما تشم ريحه فشل،
ولا يجي لسها احساس بعدم الاستحقاق.

⛓ساره نجت من الخرطوم

ساره بنت 👧🏼

👨‍👩‍👧مامتها وباباها

يعتبر كان عندهم من الوعي الكافي انهم ميضروبهاش وهما بيربوا

ساره جابت مجموع حلو جدا في الثانويه العامه
دخلت طب عشان بابا كان نفسه يبقي بنته دكتوره.
ساره في وسط كلام باباها عن حلمه صدقت انه حلمها
،فبقت بتسعي تحققه
ولما حققته فرحت لباباها
ومكنتش فاهمه من جواها هي فرحانه ولا لا ؟!

مع الوقت بقت ساره بتسعي تحقق احلام القريبين منها،
ويا سلام لو صادف حلمهم احلامها هي الحقيقيه
بتبقي في اقصي سعادتها.

الوجع كان بيبان لما ساره كانت متقدرش تحقق حلمهم
علي أعلي المستويات اللي معوداهم عليها
نقد ذاتها بيعلي جواها أصوات كتير بالأحباط والفشل.

ومع الوقت مش بس أحلامهم حتي أحلامها
اول ما تحس ببدايه فشل
تجري وتسيب التجربه باللي فيها
خايفه النياشين اللي معاها تقع.

ساره مش سعيده
حتي لو شفتها وافتكرتها مبسوطه

ولادنا في منهم كتير زي ساره
محتاجين نساعدهم يحلموا حلمهم
ويحققوه
بدل ما يجروا عمرهم كله ورا أحلامنا

أشهر ٣ اعتقادات خاطئه عن التربيه الايجابيه؟
❌❌
١:-التربيه الايجابيه =الدلع
الحقيقه لا لأن زي ما التربيه الايجابيه ضد القسوه فهي ضد الدلع وبتشوف انه بيساهم في افساد الطفل
والتربيه الايجابيه قائمه علي وضع قواعد في جو مليء بالاحترام والحب والتقدير
بس الدلع في التربيه الايجابيه تعريفه مختلف شويه ممكن عن السائد
تعريفه ان يكون ابني قادر انه يحضر شنطته 🎒ويعمل أكله🍕🍌 مثلا وانا اعملها ليه ،وليه أدافع عن أخطائه 🤺🥷🏾ومخلوش يتحمل مسؤوليتها
🫂و أحاول أدعم ابني نفسيا لما يكون جواه مشاعر مش عارف يتعامل معاها وواجبي اني ادربه ازاي يتعامل معاها🐾🐾
مشاعره كلها مقبوله لكن التصرف لو مش لائق
بقوله بشكل واضح انا فاهمه أحساسك بس مش قابله تصرفك
❌❌
٢:-⌛️⌛️ان الأم اللي بتطبق التربيه الايجابيه
ام وقتها كله للولاد ومتفرغه ليهم تماما او بالها رايق

🕰وده العكس تماما ام زي اي ام بالعكس هي مقدره اهميه وقتها لنفسها وبتقول لولادها مباشره انا محتاجه الوقت بتاعي وبالعكس هي بتغلط معاهم وبتعترف بغلطها عشان تعلمهم انك تعمل غلط وتتعلم منه أحسن انك متعترفش بيه أصلا
❌❌🕹
٣:-ان الطفل هو اللي ماسك الريموت
وده خطأ تماما
الام بتدي للطفل أختيارات وفق المرحله العمريه بتاعته وبتخدم الهدف اللي عايزه ابنها يحققه
بهدف تدريب الطفل علي مهاره اتخاذ القرارات

س :-سؤال
ازاي أساعد ابني انه يتعامل مع مشاعره؟!

من أهم الحاجات اللي ممكن أساعد ابني يتعامل بيها مع مشاعره اني اسمي أحساسه ده
وأفهمه انه عادي جدا يحس بيه
ولو في موقف حاضر في ذهنك ممكن تحكيه ليه
حسيت فيه نفس الاحساس
وده عكس اعتقاد شائع اني بلاش اكلمه عن مشاعره والهيه لان ده ممكن يخليه أسوء
اللي هيخليه أسوء
هو عدم تعبيره عن مشاعره وتدريبه علي احتوائها

فرضاً
دخلتي علي مجموعه رجال قاعدين وبيشتكوا من مراتتهم
وعمالين يتكلموا مع بعض ان مفيش غير الشبشب هو الحل
او الزعيق عشان الحاجه تتعمل

سؤالي

ايه هي فكرتك؟
احساسك؟
قرارك؟

وصلت 🥴
وصلت ان شاء الله

تعديل :-عشان مش متأكده وصلت ولا لا
لو قسنا الكلام ده علي
اللي بيسمعوه
ولادنا لما بنشتكي منهم🥴
فنحسن اختيار اللي بيجي علي مسامعهم وخصوصا منا❤️

المشكله مش في كده
المشكله حقيقي مع الوقت بيشوفوا نفسهم هما يستحقوا المعامله دي
انا غلطت فيتزعقلي عادي واضرب 🤬
وأكيد دي مش صوره التعامل اللي نتمانها ليهم

🦻🏻سمعوهم دعائكم لهم
❤️لأنه من أهم لغات الحب
💪🏼وبيبني روابط تواصل جميله

زي ما أحنا كتير بنحتاج نتسمع🦻🏻
هما برده بيحتاجوا يتسمعوا🦻🏻
اسمعهم عشان يسمعوك 💜

س :- سؤال

لو الولاد ملتزموش بالروتين بتاعهم نعمل ايه ؟!

طيب احنا الاول بنقعد معاهم بنعمل روتين (((بالاتفاق )))

النقطه دي مهمه

ليه مهمه بقي ؟!
لان عاده الولاد لما يكونوا مشتركين في عمل روتين بيبقي دافعيتهم انهم يعملوه أكتر

نيجي لشويه تركات وحركات واحنا بنعمل روتين

١:-ممكن نخلي مهمه ممله بعديها حاجه ممتعه بحيث ان الولاد نفسها تكون عندها دافع انها تخلص وتعمل المهمه اللي بعدها
طب لو مخلصتش يبقي طبيعي اللي بعدها مش هتتعمل 🙃

وهنا بمنتهي الاحترام والحنان مع بعض

انا عارفه ان فعلا هوم ورك ده حاجه ممله بس هي حاجه ضروريه

او

تفتكر ده هيؤثر علي يومك ازاي ؟!

٢:-نيجي بقي للالتزامك انتي بالاتفاق
هيفرق معاهم
مرجعش في اتفاقي عشان اريح دماغي

ليه؟

مع الوقت هيعرف ان اللي بنتفق عليه بنعمله

٣:-نتفهم شعوره ونتقبله ونوضح ليه ده

أتقبل شعوره بس لا أتقبل سوء تصرفه

ازاي ؟!

هنعرف في الكلام اللي جاي



#تابعونا

🗓الروتين
الروتين من اهم الحاجات اللي ممكن تساعد في كتير من المشكلات اللي بنقابلها مع ولادنا

بنتفق أحنا وولادنا علي شكل يومنا وتنظيمه مش شرط يكون بالدقيقه والساعه كترتيب بس في الاول

ويكون في وقت معين للمذاكره او الواجب المدرسي

واحنا بنعمل الروتين نخلي بالنا

ان هوم ورك مهمه ممله

نخلي بعديها حاجه لذيذه تحفز الولاد انهم يخلصوا

بعد ما بنتفق علي الروتين بنكتبه ونعلقه

عشان نكون ملتزمين بيه

والمره اللي جايه

هنجاوب

طب لو ملتزموش؟؟



#تابعونا