Biĝ Bèncĥ GYM

أكيد_أنت_مختلف:

ايوه انت مختلف لما تدخل مكان اى مكان وتلفت الانظار اليك والناس تبصلك وفى عنيهم مليون سؤال

ايوه انت مختلف عنهم الى بيبصولك و منهم الى بيتريق ويقول الكلمه المشهوره نافخ وحقن وبرشام ومنهم الى يقولك لو خد خبطه فى دراعه بمطوه هتفرش ومنهم الى يقول ماشاء الله جامد يا ابو الكباتن ومنهم الى يحسسك انك نكره وشكل عضلاتك وحش وهو الى احسن منك بكرشه او عضمه الى خارج بره

ايوه انت مختلف لما بتنزل فى عز البرد تتمرن وتفحت والناس تحت اللحاف

ايوه انت مختلف لما بتنسى ان جلد كفوفك مات من التمرين والى بيسلم عليك يستغرب وده ولا فارق معاك بالعكس وغيرك بيخاف على نعومه ايديه عشان الحته بتاعته موصياه

ايوه انت مختلف لما بتكون قمة الراحه النفسيه ليك انك تروح من التمرين وانت واخد تمرينه راضى عنها ساعتها بتبقى راضى عن نفسك ويسلام لو روحت البيت لقيت اكل محترم يسد معاك ويعوض وغيرك راحته النفسيه تكمن فى انه يلاقى حد من الشله معاه حشيش كفايه

ايوه انت مختلف لما يكون متعتك فى الالم الى بتحس بيه جوه التمرين وبعد التمرين وغيرك متعته ساعة متكون دماغه متكيفه وفى السحاب ومشعشع

ايوه انت مختلف لما بتكون فى ايديك قوه تدمر وصحة وتقابل عيل سيس عامل دكر وبيسوق قلة الادب وتسيبه ومتردش عليه مش خوف منه ده خوف عليه لتطبقه فى بعضه

ايوه انت مختلف لما بتلبس اى لبس قميص تى شيرت بدى بروفل بدلة جلابيه لو حتى شوال بيليق عليك ويطلع تحفه ويطلع على غيرك عـــــــــــــــادى (الاصل فى الحشو )

ايوه انت مختلف لما يكون كل حلمك على مدار اليوم انك تنجح فى انك تاكل 5 وجبات كويسين على مدار اليوم وغيرك حلمه ان علبة السجاير تكمل معاه اليوم
شمال يمين انت مختلف فى جسمك فى شكلك فى صحتك فى طباعك فى انطباع الناس عنك فى قوة الجسد والشخصيه أكيد انت مميز ومختلف متنساش بقى حق الرياضة عليك الى خلتك فى الوضع ده كمال الاجسام معادله بسيطه جد (( اديها حقها تديك حياه مختلفه )) :