مركز شباب المروة

✍️لو حد سألني: إيه اللي اتعلمتيه من الكشافة؟ فممكن أفضل أتكلم ساعات... لأن الكشافة عمرها ما كانت مجرد نشاط بالنسبة لي، كانت مدرسة علمتني دروس هتفضل معايا طول العمر.
اتعلمت إن الخير ليه ألف طريق، وإن مش لازم يكون بالفلوس، ممكن يكون بكلمة حلوة، أو وقت، أو مجهود، أو ابتسامة تفرق مع حد.
اتعلمت إن وأنا بعلم الأطفال، أنا في الحقيقة بتعلم منهم كل يوم. اتعلمت إن الحكمة ملهاش سن، وإن ممكن طفل صغير يعلمني درس كبير في البراءة أو الصبر أو الإصرار.💫
اتعلمت إن التفاصيل الصغيرة هي اللي بتصنع أجمل الذكريات، وإن أجمل إحساس هو إنك تكون سبب في فرحة حد، أو توثق لحظة هيفضل فاكرها طول عمره.👍
اتعلمت إزاي أكون جزء من فريق، وإزاي أشجع اللي حواليا حتى لو أنا تعبانة، لأن التشجيع الصادق ممكن يغيّر يوم كامل، وممكن يكون السبب إن حد يكمل وميستسلمش.👋
اتعلمت إن الصداقة ملهاش عمر، وإن ممكن يبقى عندك أصحاب أكبر منك تتعلم منهم،👨‍👩‍👦‍👦 وأصحاب أصغر منك👦 يعلموك حاجات عمر ما كنت تتخيلها.
اتعلمت معنى المسؤولية، وإن ممكن نشتغل بكل حب وإخلاص، حتى لو بنجهز أكل لخمسين شخص، أو بنرتب نشاط، أو بنساعد في أي مهمة. المهم إن كل حاجة تتعمل من القلب.🌺
اتعلمت إن مفيش حاجة اسمها "مش هعرف"، وإن أي حاجة مهما كانت صعبة، بالمحاولة والإصرار هتيجي.
واتعلمت إن اختلاف الناس مش حاجة تبعدنا عن بعض، بالعكس... هو اللي بيخلينا نكمل بعض، ونحب بعض، ونتعامل باحترام.
واتعلمت إن كل نهاية هي بداية جديدة، وإن كل تجربة بنعيشها بتسيب جوانا أثر جميل.
وكل الدروس دي... كان ليها فضل كبير بعد ربنا في وجود (القائد محمد ماهر)، اللي علمنا إن الكشافة مش مجرد أنشطة أو رحلات، لكنها أخلاق، ومسؤولية، وانتماء، وخدمة للناس، وحب من غير مقابل.
وده بالضبط اللي بنحاول نوصله لكل طفل بينضم لينا. مش هدفنا إنهم يتعلموا مهارة وبس... هدفنا يطلعوا واثقين في نفسهم، متعاونين، مسؤولين، بيحبوا الخير، يحترموا اختلاف غيرهم، ويعرفوا إن كل واحد فيهم يقدر يسيب أثر جميل في أي مكان يروحه.✨️
وده هو هدفنا الحقيقي... إننا نربي جيل يكون قائد في أخلاقه قبل أي حاجة، ويكون سبب في نشر الخير والمحبة في كل مكان.
وفعلًا... أنا فخور جدًا إني كنت وما زلت جزءًا من الكشافة. 💚⚜️
مع تحيات قائد عام مجموعات الفرسان الكشفية والإرشادية
ق/ محمد ماهر

و عشان متعودين دايما ف مجموعة الفرسان ان رمضان مينفعش يعدي من غير ما يكون لينا فيه بصمة نفتكرها كل سنه ... و لسه مكملين المشوار 🥰⚜️
بتعلن مجموعة الفرسان الكشفية و الارشادية عن بدء الدورة الرمضانية الرابعة تحت شعار هنكمل الي بدئناه 💪⚜️
في اجواء رمضانية جديدة هنعيش مع بعض تجربة كشفية جديدة وسط اصحابنا و قادتنا ♥️♥️⚜️
و زي ما القادة علمونا ان مهما بعدنا عن الكيان هنرجعلو برجلينا ... و هنشارك معاكو كل جديد و جديد ✨️ 🫡
انتظرونا .... الي جاي صعب 👊⚜️

رحلة لفة سيناء ( طابا ونويبع ودهب مكس سيناء ) فى الكامب التحفه ده على البحر مباشرة فى نويبع بأرخص سعر فى مصر رحلتتا 3 ايام بالإنتقلات ذهاب وعوده
تحرك كل اربعاء ليلا عوده الأحد
تعالى نستجم ونكتشف كل مكان حلو في سيناء في رحلة واحدة 🤩❤

برنامج رحلتنا 🚍❤
1️⃣ مواعيد الافواج:
كل اربع مساءا

2️⃣ اليوم الاول صباحاً بنوصل على مدينة طابا مدينة السحر والجمال بنروح نتصور عند قلعة صلاح الدين وخليج الفيورد باي

3️⃣ بنوصل بعدها على نويبع على الكامب بتاعنا صف اول على البحر اللي تقدر تنزله ف اي وقت بنستلم غرفنا الجميلة وناخود وجبة الفطار ونقضى هناك اليوم ومتوفر نشاطات تانيه زي 👇
- سفاري وادي الوشواشي الساعة 3 العصر

4️⃣ تاني يوم الصبح
رحلة وادي الملون (وادي الكانيون) تحرك الساعة ٥ونص الصبح وبنرجع بعد للكامب
بناخود الفطار ونستمتع بالكامب.

5️⃣ تالت يوم بنصحي ونتحرك على دهب محميه الثري بولز المعروف بالشعب المرجانية ومتوفر هناك أنشطة كتير جدا زي
- سفاري البيتش بجي
- ⁠ادوات الاسنوركلينج

6️⃣ وعلى الساعة 4 بنتحرك على الممشى السياحي في دهب وهناك هنتغدا ونعمل شوبينج 🛍
7️⃣ وبعد كدا بنطلع حفلة جبل الطويلات ( حفلة بدوية بيتقدم فيها فقرات كتير جدا زي : الرقص الشرقي ، التنورة ، الفاير شو ) بتكلفه اضافيه
بعد كدا بنركب الباصات ونستعد للعودة 🚌

✅ السعر يشمل :-
- الأنتقالات بباصات حديثة مكيفة
- تنفيذ البرنامج كامل
- ⁠الاقامة في الكامب
- الفطار فالكامب
- دخول محميه الثري بولز
- الممشي السياحي
- مشرف من الفرسان
=================
للحجز والاستفسار
رحلات الفرسان
فون وواتس اب
01111109897
0126768660
0122929688
----------------------------
ومتنسوش تسألوا عن باقى عروضنا الى كلا من #شرم٠الشيخ #السخنه #الغردقه #مرسى٠علم #سيوه #دهب #نويبع #طابا #بورسعيد #الإسكندريه # #الفيوم #مطروح #فنادق #شاليهات #داى٠يوز #رحلات٠يوم٠واحد

صباح الخير