Qamar Gym _ قمر جيم

البنات القمرات، وحشتوني جدًا.. معاكم كابتن دُنيا مُدربه في قمر جيم ومُتحمسة جدًا لرجوعنا وتمرينا هيبدأ من أول يوم الأحد إن شاء الله!💪.

📌المواعيد:
حد وتلات مجموعة من 3:4.5 و 4.5:6
خميس مجموعة من 4:5.5 و 5.5:7

​عشان نضمن مع بعض أعلى تركيز، وأعلى كفاءة، ونوصل للأهداف والمقاسات اللي بنحلم بيها من غير أي تشتيت، فيه كام نقطة تنظيمية كده هنمشي عليها سوا بحب والتزام:
_​الإشتراك وتأكيد الحجز: عشان نضمن التزام الكل وترتيب المجموعات، الإشتراك والدفع بيبقوا مُقدمًا في أول حصة إن شاء الله، عشان نقفل الدفاتر ونركز بس في العرق والتمرين طول الشهر. 😉🔥
_فتح مجموعات برايڤيت (Private Sessions): بُناءً علىٰ طلبكم، المرة دي وفرت لكم مجموعات برايڤيت خاصة جدًا! للبنات اللي حابة تتمرن لوحدها أو في جروب مقفول صغير، وتاخد تركيز ومتابعة 100% مني خطوة بخطوة وبخصوصية تامة. (الأماكن محدودة جدًا فالحجز ليها بأسبقية التواصل).
_​التركيز والهدف الموحد للمجموعة: المجموعات الجاية هدفها مُحدد جدًا واعمارها مُتقاربة وعشان أقدر أديكي كل اهتمامي وتركيزي وأتابع معاكي بالملي، المجموعات المرة دي مش هتقدر تستقبل السن الكبير اللي في اوائل الخمسينات فيما فوق ووزنها فوق الـ 100 كيلو، لأن الأوزان دي بيكون ليها تكنيك خاص جدًا وتأهيل لوحده وخصوصًا لو سن كبير، وأنا يهمني مصلحة وأمان كل وحدة فيكم قبل أي شيء.
_​التمرين وقت مُقدس (ممنوع المرافقين): الجيم هو وقتك الخاص بتاعك أنتِ وبس، عشان كده الصالة هتكون مخصصة فقط للبنات المشتركات في التمرين، ممنوع تمامًا اصطحاب الصديقات أو الأطفال كـ 'مرافقين وتسلية' عشان نمنع أي زحمة وتشتيت، والكل يركز في تمرينته ويطلع بأعلى فائدة.
​مستنياكم يوم الأحد بأقوى طاقة، مجهزين هدوم التمرين، والمايه والعزيمه والإصرار عشان توصلو للجسم المثالي اللي بتحلمو بيه، جاهزين للتحدي؟🤨💪"

💗Coach: Donia Kamer

🔥 الصيف وصل… ووقت التغيير الحقيقي بدأ! 🔥
لو نفسك تغير جسمك، تزود ثقتك بنفسك، وتدخل الصيف بأفضل فورمة… فـ دلوقتي هو الوقت الصح علشان تكون عندنا في Qamar Gym مصنع الابطال 💪❤️
الحمدلله تم عمل تجديدات قوية داخل الچيم علشان نوفرلك: ✅ مكان أنضف وأريح
✅ أجواء حماس وطاقة عالية
✅ أجهزة وتمرينات تساعدك تطلع أفضل نسخة من نفسك
✅ متابعة واهتمام بكل شخص حسب هدفه
سواء هدفك: 🏋️ تضخيم
🔥 تنشيف
⚡ لياقة
👦 برامج خاصة للصغار
👨‍🦱 أو حتى ترجع لفورمتك من جديد
إحنا معاك خطوة بخطوة لحد ما توصل لهدفك 💯
والأهم… إنك هتتمرن وسط ناس كلها دعم وتشجيع وطاقة إيجابية ❤️
مستنينكم تشوفوا التجديدات بنفسكم
واللي جاي أقوى بإذن الله 🔥
💥 احجز مكانك وابدأ رحلتك دلوقتي
مع الكابتن
Youssif Qamar 💪🔥

الحمد لله أولًا وآخرًا 🤍
بفضل الله ثم مجهود رجالة فريق الچيم قدرنا نحصد بطولة الدورة الرمضانية لكرة القدم 🏆⚽
فخور جدًا بكل لاعب في الفريق، لأن البطولة دي ما جاتش بسهولة جات بتعب، وروح، وإصرار، وإن كل واحد فيكم كان راجل وعلى قد المسؤولية.
أنتم مش مجرد فريق أنتم إخوات قبل ما تكونوا لاعيبة 💪🔥
شكرا يا ابطال الملاعب: كابتن/ أحمد البنا - كابتن/ محمد البنا - كابتن/ اشرف عبدربه ـ كابتن/ احمد عرفات - كابتن/ عبدالحميد محمد - كابتن/ محمد الحصري - كابتن الحارس/ حسام محمد - كابتن كرم طه حارس المنشيه الجديده شكر خاص ♥️
وكل الشكر والتقدير للاستاذ محمد عبدالسلام سلامة وللقائمين على تنظيم الدورة الرمضانية على المجهود الكبير والتنظيم المحترم، ربنا يبارك فيكم ويجازيكم خير.
وإن شاء الله تكون دي بداية لسلسلة بطولات ونجاحات قادمة بإذن الله.
مبروك لرجالة الچيم… مبروك للأبطال 🏆🔥

كل عام وانتم بخير