Fit 2 Fight

واضح ان عمرو معندوش خلفية عن يوم التلات بالنسبة للرياضيين
عشان يعرف ان التلات بتاعنا علي سطح هذا الكوكب غير تلات بتاعه خاااااالص 😂
يوم تلات تلات تمارين حاطولي
عجله وجري كيلوهات فرهضوني
اعمل بلانكات واسترتشات تعبوني
اترميت في ايس باث وتلج جمدوني

يا كوتش انا مش عارف اعمل ايه ناس بتقول حط مياه سخنه بعد التمرين و ناس تقلي حمام تلج و مياه ساقعه ايه الصح ؟؟!!🤔
طيب هانتكلم الأول عن فايدة كل واحد فيهم و نفهم الدنيا ماشيه ازاي..
هابدأ بالسخن الأول :🔥
بيقولك الحديد بيتمدد بالحراره و بينكمش بالبروده و الخشب بيتمدد بالبروده و ينكمش باحراره طيب تفتكروا الأوعيه الدمويه بتخضع لأنهي قانون من دول ؟؟
الأوعيه الدمويه و جسمنا عامه بيخضع لقانون الحديد اللي هو الوعاء الدموي بينقبض و ينكمش بالبروده و يتمدد ينبسط بالحراره .. ايه حصة الأحياء دي !!😅
طيب ابسطهلكم انا لما باخد دش دافي او بحط كمادات مياه سخنه غي كذا حاجه بتحصل في الجسم ايه هما
-الأوعيه الدمويه بتفتح او بتتمدد فابتزود الأمداد الدموي في جسمي او علي حسب لو في منطقه معينه هاتزود الأمداد الدموي ليها فابالتالي الأكسجين هايوصل كويس للعضله فده في المقابل هايخلي :
*العضله تتحرك أحسن
*المده الحركي للمفصل يزيد
*لو العضله شاده هاتفك معايا
*الوجع بيقل
*هاتقلل تراكم حمض اللاكتيك اللي بيسبب التعب العضلي
*بزود مرونة العضله نفسها

-طيب هانستخدم الحراره امتي ؟
*هاستخدمها في حالات الأصابات زي التمزق و الخشونه بس زي ماقلنا( بعد ما التورم يقل) وفي الحالات المزمنه اللي بقالها فتره طويله
*هاستخدمها بعد رجوعي من الأصابه قبل التمرين فبتساعد ان الدم و العضله يسخنوا بسرعه هي نفس فكره المراهم و الكريمات المتخدمه اللي هي زي الالجازون و الديب هيت و الموف مع اختلاف المكونات الكيميائيه بداخلهم طبعا بس المياه و الكمدات طبيعيه اكتر
* هاستخدمها كمان لو العضله متيبسه و شاده
-امتي ماستخدمش الحراره ؟
*ممنوع استخدام الحراره علي منطقه فيها تورم او منفوخه لأن تخيلوا معايا في حالة الأصابه بيحصل تمزق في المنطقه او تهتك و نكسير في الأوعيه المحيطه بالمكان المصاب يعني في الأصل المكتن داخله امداد دموي كبير فاحنا المفروض نقلل الأمداد ده علشان الألتهاب و الورم مايزدش ف العلاج بالحراره مش بيدخل معانا الا لو بعد ما الورم يقل يعتي بعد 48-72 ساعه
*مش المفروض اخد دش سخن بعد التمرين مباشرة حني لو العضلات شاده
*مع مرضي السكر
*في حالات العدوي و الألتهابات
*في حالات الأمراض الجلديه
* بعد الاصابه مباشرة
*لو درجة الحراره عاليه

-طيب لو هاعمل كمادات سخنه هاستخدمها ازاي ؟
لمده 15 ل20 دقيقه بس ماحطهاش علي الجلد مباشرة لازم يكون في فوطه او قماشه حتي بينهم علشان اتجنب حدوث اي حرق في الجلد و طبعا انا مش هاستخدم مياه مغليه هاتكون مياه دافيه⏰

خلصنا من الحراره نتكلم في التلج بقي شويه❄️☃️
طيب في ظاهره جديده منتشره اسمها الكرايو ثيرابي يعني العلاج بالتلج رغم انتشارها بين الرياضين الا ان معظم الأبحاث بتقول انها مش مهمه بس رغم كده كان ليها تأثير واضح علي لاعبين كتير في عملية الريكوفري او الأستشفاء طيب اللي مش عارفين ايه اللي بتكلم عنه هو عباره عن بانيو مليان تلج بعد التمرين بيجيبوا الاعبين و يقعدوهم فيه في ناس بتسحمل و في ناس مش بتكمل دقيقه بس زي مافي حرق بالحراره في كمان حرق بالبروده(التلج) فالرياضي المفروض مايقعدش اكتر من 10 دقائق في ابحاث قالت من 3-8 دقائق و في تانين وصلوا ل 20 دقيقه بس ده بيكون علي حسب درجة حرارة المياه نفسها في كمان بحث بيقول ان العلاج بالتلج بيقلل من الأداء لو قبل التمرين و بيقلل من قوة العضله علي المدي البعيد يعني من الأخر مش عمال علي بطال اختار الوقت المناسب ل ده اللي بجد هايفدني فيه ممكن مثلا مع حمل تدريبي مرتفع في فتره صغيره لأن لو سألت حد جربه هايقولك انا بخرج منه جسمي تقيل ومن حاسس بيه بس حمام التلج مهم جدا في عملية الأستشفاء او الريكوفري لأنه بيسرعها

-طيب تعالوا نتكلم عن فوائد العلاج بالتلج او كمادات المياه الساقعه عامة :
زي ما قلنا الأوعيه الدمويه بتنكمش بالبروده فده هايقلل الأمداد الدموي للعضلات و الأنسجه فاستخدامه هايبقي احسن في حالات:
-الوجع لأنه بيخدر منطقة الألم
-التورم و الزرقان لأنه بيقلل الدم اللي واصل للمنطقه طيب في بحث في 2008 بيقول ان تأثير التلج مابيتعداش ال 7% من تخفيف الورم و ان لازم يكون معاه رباط ضاغط اللب نسبته بتعدي ال 30% فتقليل الورم و كمان معاهم رفع الجزء المصاب فوق مستوي القلب
-بيعالج في حالات التمزقات و الاسعافات الأوليه في اي اصابه
- بيساعد في مقاومتك للأمراض في بحث اتعمل بيقول انه بيقلل حمض اليوريك اللي زيادته في الجسم بتسبب النقرص و امراض القلب و السكر
- بيزود كمان مضاد للاكسده مهم جدا في الجسم

يعني من الاخر بستخدم التلج :
*مباشرة بعد الأصابه لمده 72 ساعه
*في منطقة التورم او الانتفاخ
*في حالة الاستشفاء و الريكوفري

ماستخدموش :
*علي مفصل متيبس
*علي كتف الشمال في حالات امراض القلب
*مع مرضي السكر
*في حالات العدوي و الألتهابات
*في حالات الأمراض الجلديه
*في حالات امراض الاعصاب

مدة كمادات التلج من 15 ل 20 دقيقه كل ساعه او 3 مرات في اليوم علي الاقل وطبعا ماتكونش مباشرة علي الجلد⏰

معلش طولت عليكم😥 بس الموضوع في اراء كتير و انا بحاول انشرلكم الاصح تابعوني البوست الجاي هانتكلم عن العلاج الامثل و هو الجمع بين الحراره و البروده و فايدته و ازاي نستخدمه💪😉

شير و متوقفش المعلومه عندك 😉