Perfect Gym - Nasr City - Zaker Hussein

من أكتر المعلومات المنتشرة غلط…
إن الجسم ما يقدرش يستفيد بأكتر من ٣٠ جرام بروتين في الوجبة،
و إن أي كمية زيادة “بتروح هدر”.
الحقيقة إن الجسم بيهضم و يمتص أغلب البروتين اللي بتاكله عادي جداً،
لكن الناس بتخلط بين “امتصاص البروتين” و “استخدامه في بناء العضلات”.
بناء العضلات له حد معين في الوجبة الواحدة يختلف من شخص للتاني،
حسب: • الوزن
• الكتلة العضلية
• شدة التمرين
• السن
• إجمالي البروتين اليومي
• توقيت الأكل خلال اليوم
يعني لاعب وزنه كبير و بيتمرن بعنف
احتياجه في الوجبة ممكن يكون أعلى بكتير من شخص عادي.
كمان البروتين مش دوره بناء العضلات بس،
ده الجسم بيستخدمه في: • التعافي
• الهرمونات
• الإنزيمات
• المناعة
• الحفاظ على الكتلة العضلية وقت الدايت
ففكرة إن أي كمية فوق ٣٠ جرام “مالهاش لازمة” فكرة غير صحيحة.
الأهم: • إجمالي البروتين اليومي
• جودة مصادر البروتين
• توزيع الوجبات بشكل مناسب
• الالتزام على المدى الطويل
مش رقم ثابت ينطبق على كل الناس.

More fitness More happiness

الدهون ما بتتخزنش بس في البطن والجناب ❌

توزيع الدهون في الجسم بيتأثر بعوامل كتير:
• الجينات
• الهرمونات
• التوتر وقلة النوم
• قلة الحركة
• زيادة السعرات لفترة طويلة
عشان كدة في ناس الدهون عندها بتظهر أكتر في البطن، وناس في الأرداف أو الرجلين أو الظهر.
وكمان مافيش تمرين يحرق دهون منطقة معينة لوحدها، الحل الحقيقي هو:
✔️ نظام أكل مناسب
✔️ تمرين مقاومة وكارديو
✔️ نوم كويس وتقليل التوتر
✔️ الاستمرارية
خسارة الدهون بتحصل من الجسم كله بالتدريج، مش من مكان واحد بس.

More fitness More happiness

Lat Pulldown الصح 👌
• ارفع صدرك وثبّت الكتف
• اسحب بالكوع مش بالإيد
• البار ينزل لأعلى الصدر
• بدون مرجحة أو اندفاع
• انزل بالوزن ببطء للاستطالة الكاملة
التحكم أهم من الوزن 💪

More fitness More happiness

من أكبر الخرافات المنتشرة:
“لو أكلت كربوهيدرات قبل النوم هيطلع لك كرش!”
الحقيقة إن جسمك مش بيبص للساعة…
هو بيبص لإجمالي سعراتك وأكلك طول اليوم 🍽️
يعني لو أكلك محسوب وداخل احتياجك
مش هتزيد دهون لمجرد إنك أكلت بالليل.
بالعكس…
أوقات كتير وجبة فيها كارب قبل النوم ممكن تساعد على
: ✅ تحسين النوم
✅ تهدئة الجوع
✅ تحسين الأداء في التمرين تاني يوم
الزيادة في الدهون بتحصل من فائض سعرات مستمر
مش من توقيت الاكل 👌👌

More fitness More happiness

مش لازم يكون البنش بالبار هو أهم تمرين في يوم الصدر 💪

ناس كتير بتقيس قوتها أو تقدمها في الجيم بوزن البنش بس…
لكن الحقيقة إن بناء عضلة الصدر ما يعتمدش على تمرين واحد.
البنش بالبار ممكن يكون ممتاز لبعض الناس، لكن كمان بيعمل حمل وضغط كبير على مفصل الكتف خاصة مع:
❌ الأداء الغلط
❌ النزول بمدى مبالغ فيه
❌ الأوزان الثقيلة بدون تحكم
وفي ناس جسمها يستجيب أفضل وتمرينها يكون أكثر أمانًا مع:
✔️ Dumbbell Press
✔️ Chest Press Machine
✔️ Incline Movements
✔️ Cable Exercises
الأهم من اسم التمرين: ✔️ الأداء السليم
✔️ التحكم في الحركة
✔️ اختيار التمرين المناسب لجسمك
هدفك الحقيقي هو بناء عضلات قوية بأمان… مش مجرد رقم أعلى على البار 🔥

More fitness More happiness

تمارين البطن مهمة 💪
لكن الحقيقة إن عضلات البطن مش هتظهر غير لما نسبة الدهون في جسمك تقل

✔️ تمرن بانتظام
✔️ ظبط أكلك (عجز سعرات)
✔️ التزم… واستحمل الرحلة

مش كل يوم تمرين بطن =عضلات بطن ظاهرة
لكن كل يوم التزام = نتيجة حقيقية


More fitness More happiness

تمرين باي بالدامبلز 💪
✔️ ضهرك ثابت
✔️ كوعك ثابت
✔️ اطلع ببطء وانزل أبطأ
✔️ مدى حركة كامل
❌ بلاش مرجحة بالجسم أو وزن تقيل غلط

More fitness More happiness

تمرين الكتف الخلفي بالدامبل 🔥

✔️ ابدأ بوزن مناسب يخليك تتحكم في الحركة مش ترمي الوزن

✔️ انحني للأمام وظهرك ثابت (مش مقوس)

✔️ الكوع يكون فيه انثناء بسيط طول التمرين

✔️ ارفع الدامبلز على الجنب لحد مستوى الكتف

✔️ ركّز إن الشغل من الكتف الخلفي مش من الضهر

✔️ نزول ببطء = استفادة أكبر


More fitness More happiness

تمرين الـ Push بيستهدف كل عضلات “الدفع” في الجزء العلوي: الصدر – الكتف – التراي سيبس.

يعني أي حركة بتدفع فيها الوزن بعيد عن جسمك = Push.

Push صح =
صدر أقوى + كتف ثابت + ترايسيبس متطور.

شوف الفيديو وطبق
و لو محتاج اي نظام تدريبي ابعت لنا 💪💪🔥🔥


More fitness More happiness