فاهم كوره

فريراا مش بس عمل ماتش كويس لا داا قربك جداا من الفووز قدام فريق معندوش غيابات وع المستوي الفردي مفيش مقارنه بينه وبينك لا وكمان راهن علي مجموعه كبيره من الناشئين ال لو كانو مظهروش بالشكل المطلوب كان هيتم ذبحه في الاعلام لكن ثقته كانت بنسبه كبيره في محلهاا ولولا الاخطاء الفرديه من المدافعين كان زمانا بنتكلم في حته تانيه .. 👏👏

امبارح تابعت الماتش على قهوة عليها ١٥٠ شاب تتراوح أعمارهم ما بين العشرينيات و أقل .. لاحظت وانا قاعد وسطهم ان تفاعلهم مع كريم بنزيما لما يلمس الكورة - لما الكاميرا تيجي عليه ، أعلى من تفاعلهم مع صلاح ابن بلدهم .. و هو شئ استقبلته شخصياً بغرابة شديدة ، بنفس الغرابة اللي استقبلت بيها المقاطع المنتشرة لشباب مصري مدريدي بيشتم محمد صلاح ع القهاوي للأسف في ظاهرة قطعاً غير صحية
لكن الحقيقة، الظاهرة دي ربما تدعو للتأمل و التحليل و البحث عن أسباب تعلق الشباب الصغير بنموذج لاعب عربي آخر غير ابن بلدهم،
انت ممكن تقابل الظاهرة دي بالخرزانة و الصراخ الوطني و الاتهامات بالخيانة و الحقد الطبقي ، لكن في النهاية مش هتوصل لحاجة ، و مش معقول كل الأعداد دي خونة و حاقدين و حساد نجاح ..
محمد صلاح لاعب ناجح ، حاصد للأرقام و البطولات و الإنجازات الفردية ، لكنه فاقد للتواصل مع الشباب المصري ، لا يعبر عنهم ولا عن هويتهم ولا يمثل ثقافة بلده في المجتمع الغربي و هكتفي بكلمة " لا يمثل " و مش هقول " منبطح " عشان محبينه ميزعلوش
" فقد الإتصال " دا فيه جزء متعلق ( بصلاح اللاعب ) و هو ان الشباب مبتشوفش في صلاح اللعيب الحلواني بتاع التشميسة و الكوبري ، و قاعدين بيبلعو في تسديداته في البعيدة و اهدافه الفولو و انطلاقاته في القراريط و الفدادين و لسان حالهم : الله ينور يا عم بخ ،
لكن عسر الهضم دا صعب يستمر ، فا مع أول مواجهة ضد لاعب حريف، الكورة بتكسب و الإبهار بيطغى فا بيكون رد فعلهم تجاه صلاح : المينتالتي بتاعتك واخلع عشان اتخنقت منك
و طبعاً لا يخفى على الجميع وضعية صلاح مع المنتخب ، و اختفاؤه و تراخيه في المواعيد الكبرى و عدم تشكيله للفارق الملحوظ اللي يليق بيه كتالت أفضل لاعب في العالم
الجزء الآخر من انقطاع اتصال صلاح مع الشباب متعلق ب ( شخصية صلاح ) خارج الملعب و فاعليته ككادر عربي مصري متواجد في المجتمع الغربي ..
الناس بتحب ابو تريكه عشان بيتكلم بلسانهم و بيتبنى قضاياهم و بيشاركهم لحظاتهم ..
الزملكاوية بيحبو شيكابالا عشان بيمثل أصيع مشجع فيهم ..
في النهاية الشباب بينتمي لأسطورتهم الخاصة حتى لو كانت أكبر إنجازاته كاس مصر ، و معادش بياكل معاهم الحزق الوطني و المانشيتات الرنانة بتاعت الصحافة الصفرا طالما الأمر هيتعارض مع احساسهم و مصداقيتهم مع نفسهم
انا كان نفسي الأستاذ رامي عباس وكيل صلاح زي ما بيوعيه تجاه حقوقه المهنية كلاعب و بيخليه يطلب شارة المنتخب و يطلب يشيل صورته من على اتوبيس المنتخب و يطلب حارس شخصي في معسكرات المنتخب ، كان يوعيه ازاي يكسب الشباب و يكون انعكاس ليهم
الحكومة بيضرب العباية يوم العيد و يقول لمتابعينه : كل سنه وانتو طيبين يا رجالة .. بياخد قلوب الشباب .. حاجه زي كدا مع غيرها من الممارسات و المواقف الإيجابية و الدردحة بتخلي الناس تحس باللاعب كإنسان مش روبوت
.. دا اللي خلى شاب عنده ٢٠ سنه امبارح ع القهوة قدامي كان بيصرخ : أخوياااااا يا حكومااااه ..
انا مظنش ان في شاب مصري يشعر حقيقةً ان صلاح أخوه ، كلهم بيبصو لصلاح كإنسان آلي و مفرمة نجاحات عمرهم ما هيوصلولها لكن مضطرين يشجعوه ، و يوم ما بيتنازل و يتواصل معاهم إنسانياً و ثقافياً بينزلهم صورته ببيجامة الكريسماس أو بيعملهم إعلان عن يوتوبيا سكنية بملايين الجنيهات ..
جميل انك تبقى ملك مصري عندك منتاليتي و مهنية و ناجح ، الأجمل انك تكون انسان عفوي و قريب من الناس .. جميل انك تعمل اعلانات توعية بميزانيات ضخمه ، الأجمل انك تكون انت الإعلان ..
محمد صلاح ميستحقش يتشتم ولا الشباب اللي بيجافيه يستحق يتشتم و يتخون .. صلاح محتاج ناس شبهه تدعمه ، ناس بروفيشنال لابسين بدلة و كرافتة و بيحسبوها بالورقة و القلم و مدفوعين بحب كلح و متطرف لمصر
و الشباب مدفوع بمشاعره و بيدور ع الكاريزما و الحضور ، و هما نعمتان لا يباعا في الأسواق

BY

It's never fair, my friend 👌

اكثر من سجل واكثر من صنع اهداف ... انت لو جيت من ١٠ سنين وقولت ان في لاعب مصري هيعمل كداا في الدوري الاقوي والاصعب في العالم هيتقال عليك مجنون واهبل لكن في الحقيقه العكس صلاح اثبت ان مسأله الفرق بين المجتهد وال واقف مكانه هي بس مسأله وقت مش اكترر وهيوضح الفرق كويس... شوف مين في جيل صلاح كان احسن منه ومُتوقعلهم مستقبل اكتر منه لكن لكل مجتهد نصيب دايماا وربناا بيدي المجتهد 🤍

اهلا بيك في صفحتنا المتواضعه 😁
- صفحتناا بتلخص نقط مهمه في ماتشات مختلفه غير مبنيه تماما علي تشجيع نادي بعينه
- احناا بنسعي اننا نقول رأيناا المتواضع الذي قد يصيب او يخطئ
- احناا ناس بنحب الكوره من الاخر وبنحب النقاشات فيهاا لكن بدون تجريح او تعصب

نقط مهمه للتوضيح
- صلاح مجرد لاعب كرة قدم في وسط ١١ لاعيب ووارد انه في ماتش ميكونش في يومه مش اله هو
- تريزجيه بعيد اووي
- مرموش لساا بدري علي حتت اللعب الدولي مش اي محترف نجيبو وخلاص مش هيصه هي وداا مش معناه ان مستواه قليل بالعكس لساا عنده كتيرر
- سوء اداء مصطفي محمد ناتج من قله حيله ال موظفه مش مشكله في اداءه هو ك لاعب
- السوليه احسن الوحشين في نص الملعب لكن مش رقم ١ محتاجين لاعيبه نص ملعب يكونو " لاعيبه كوره "
- الشناوي مشاء الله عليه ثبات في المستوي وتركيز في كل كوره وبيثبت كل فتره انه رقم ١
- الجوهري قال جمله لازم تبقي مرجع لاي مدرب يمسك المنتخب ان مفيش فرقه هتقدم اداء وتكسب بطولات الا بوجود منظومه نص ملعب علي اعلي مستوي
- من الاخر كداا انت عايز مدرب مصري مهروس في انديه الدوري وعارف امكانيات كل لاعب كويس جداا زي ايهاب جلال / حسام حسن ..