Swim Smart

نتائج اللاعب ادهم مصطفى بشر في البطولة العربية للثلاثي :-
حصل على المركز الثاني والميدالية الفضية في سباق سوبر سبرنت اكواثلون 🥈
.
بطل كبير قادم بإذن الله 🏊💪

نتائج اللاعب ادم مصطفى بشر في البطولة الأفريقية والعربية للثلاثي.
🏊 حصل في البطولة الأفريقية على :-
🥇المركز الاول في سباق سوبر سبرنت ترايثلون
🥉المركز الثالث في سباق youth Olympics
🥈المركز الثاني في سباق سوبر سبرنت اكواثلون
.
🏊 كما حصل في البطولة العربية على :-
🥇المركز الأول في سباق سوبر سبرنت ترايثلون
🥉المركز الثالث في سباق youth Olympics
🥇المركز الاول في سباق سوبر سبرنت اكواثلون

حصلت اللاعبة لوجين ممدوح على المركز الثاني في بطولة كأس مصر للمياه المفتوحة 🥈🌊
والقادم افضل بفضل الله 💪

مدربك مش هيقولك الكلام اللي يريحيك لكن كلامه هيفوّقك.
مدربك همُه يفوّقك من توهانك ويوضحلك توابع وسيناريوهات كل اختيار انت هتفكر تختاره.
مدربك هيفوقك لما يلاقي ادائك أو طريقة تفكيرك في التمرين هتضيعك وتضيع كل تعبك.
مدربك يوم البطولة هتلاقيه في ضهرك بيفوقك لما تسرح بيشجعك قبل السبق بيفرحلك لو كسبت وبيهون عليك ويشجعك لو مكسبتش.
مدربك مش فارق معاه غيرك انت كلاعب ومهما وقعت كل همه إنك تفوق وتقف على رجلك وتنطلق من جديد..🏊💪

قبل أي سباق ، السباح بيواجه صراع داخلي بين الرغبة في الفوز والخوف من عدم تحقيق التوقعات.
ده بيخليه يحس بضغط نفسي ممكن يأثر على أداؤه لو معرفش يسيطر عليه.
عشان كده لازم المدرب يشتغل على عقلية ونفسية السباح خلال الموسم زي ما بيشتغل على أداؤه الفني و لازم السباح كمان يساعده على كده.
ابدأ معانا واستغل موهبتك في المكان الصح 🏊💪

Focus on your goals 🏊
Join us ❤️

في أوقات الافضل انك تسيب اللاعب يغلط و يجرب و يبقا لوحده ، ويشوف بنفسه النتيجة .
عشان يطور عنده الاحساس بالمسؤولية وصلابة تحمل الفشل لأن أي لاعب معرض لفترات سقوط وانتكاسات مهما كان مستواه قوي ، فتجاهل هذا النوع من التدريب ممكن يؤدي لاحتراق نفسي وإحباط كبير في أول انتكاسة أو فشل للاعب .
" الافراط فى الدعم الدائم و التوجيه المفرط يحصد شخصيه اعتمادية تتعمد الاسقاط علي الغير عندما تتغير الظروف أو تقع تحت ضغط."

كيف يتعامل المدرب مع سباح محبط؟

1- الاستماع الفعّال: مش مجرد نصايح سريعة، لكن فهم حقيقي للمشكلة .

2- إعادة بناء الثقة: التركيز على الإنجازات الصغيرة والتطورات البسيطة.

4- تعديل التدريبات: أحيانًا السباح بيحتاج تغيير جو أو نوعية تمارين جديدة تخرجوا من حالة الملل ، ممكن تمرين خفيف ممتع يعيد الشغف عند اللاعب.

5- دور الأهل في الدعم النفسي:
• عدم التركيز على النتائج فقط، ولكن على الجهد والتطور.
• عدم التحدث عن التدريب باستمرار ومقارنته بزملائه.
• التقدير المعنوي ، واللاعب يحس أن اهله فخورين بكل تطور بيوصله وتشجيعه باستمرار.
• التقدير المادي ، بدون التحدث مع اللاعب عن مدى غلاء الأسعار ووضعه تحت ضغط وشعوره بالعبء .

6- تذكير السباح برحلته وإنجازاته السابقة.

* متى يحتاج السباح لدعم نفسي متخصص؟
لو استمر الإحباط لفترة طويلة وبدأ يؤثر على الحياة اليومية، النوم، أو الحافز، ممكن يكون من الأفضل استشارة متخصص نفسي رياضي يساعد في التعامل مع المشكلة بطريقة احترافية.