Fitness Gym

💪♥️

💜 *عرض لمدة 48 ساعة فقط خصومات تصل حتى 50%* الحقي العرض واستفيدي بالخصم احجزي مدة جديدة واستفيدي بيها بعد انتهاء مدتك الحالية لانه لفترة محدودة او حتى اكتمال العدد
💜 48 hour offer, up to *50%* discount
Book the offer now to benefit from the discount, and the period can be activated after the end of your current subscription.
🤙01030313979

وانا متواجده هناك من الساعه 2 pm ل 10 pm

ثباااااااااات الوززززززززززن
الاسباب و ازاى نحلها

😔تعود الجسم على عدد سعرات حراريه معينه
🥰لو ماشين نظام سعرات حراريه محسوبه يبقى نغير السعرات الحراريه دى . يعنى مثلا لو باخد ١٣٠٠ سعر و فى ثبات فى الوزن اقلل منها .
و ده الافضل فى وقت نزول الوزن تغير السعرات الحراريه عشان نتجنب ثبات الوزن.

طب لو كنت ماشين على نفس السعرات الحراريه لفتره طويله و الوزن ثبت هنعمل ايه
هنقلل السعرات الحراريه دى يا نزود كثافه التمرين.

😔ممكن يكون السبب ان مش بوزن الاكل لان لو النظام محسوب السعرات لازززززززم يكون فى ميزان مطبخ
🥰اشترى ميزان مطبخ و اوزن الاكل بعد ما يطبخ.

😔عدم شرب كميات كفايه من المايه كل يوم فالجسم مش بيقوم بوظايفه الاساسيه
🥰نحافظ على ان نشرب من ٢ ل ٣ لتر فى اليوم ممكن نضيف لها شرايح خضار. او فاكه لو مبنحبش طعم المايه .

😔إفراز هرمون الإستروجين في الدم خلال فترة الدورة الشهرية عند البنات يسبب ثبات الوزن في هذه الفترة.
🥰اتجنبى الميزان الفتره دى خالص و قبلها ب ٤ ايام بلاش الميزان.

😔فى اختلاف فى المقاسات بس الميزان ثابت
🥰جميل يبقى بتفقدى دهون و ده هو الاهدف الاساسى نزول نسبه الدهون و لو فى تمرين بيكون فى زياده او اكتساب كتله عضليه ده ممكن يكون سبب ثبان الوزن
الافضل خلى الميزان مره واحده كل شهى و يكون inbody .

😔طب لو انا بعمل كيتو . او صيام متقطع ووزنى ثبت
🥰نغير ساعات الصيام يعنى لو بصوم من الساعه ٨ مثلا و بفطر بعد ١٦ ساعه نغير الوقت بتاع الصيام
لو متعود تصوم ١٦ ساعه ممكن نغير نصوم ١٤ ساعه او نعمل OMAD الى هو صيام وجبه كل ٢٤ ساعه
وده ممكن يطبق مثلا يوم وجبتن يوم وجبه او يومين كده يوم كده المهم مفيش ان نثبت على feeding window معين .
او نوقف الصيام المتقطع لمده اسبوع او اتنين بس نحافظ فى الفتره دى على اكل صحى طبعا .
او ممكن نعمل كيتو لفتره اسبوعين او ٣ و نرجع تانى للنظام الى كنتوا ماشين عليه .

✅لو من اول ما بداءت دايت و انا وزنى ثابت خالص يبقى لازم نعمل التحاليل دى
غده درقيه
تحليل مقاومه الانسولين

✅لو انا كنت بنزل فى الوزن ووالوزن ثبت يبقى اشوف السبب من ال مكتوب فوق و اعرف السبب ايه

عرفونى ان البوست مفيد
شير وفيد غيرك 💚عشان خير الناس انفعهم للناس

الى لسة مجربش تمرين Plank و
Butt bridge
يبقى لسه مجربش الم التمرين🙂

كلاكيت مش فاكرة المرة الكام 🎬

المرادى بوست من محطة الوزن المثالى ليا وده أول مرة يحصل فى التاريخ حبيت تشاركونى اللحظة 💪

كل لما ألاقى بوستات كلها يأس لحد مش عارف ينزل وزنه ولا ألاقى حد بيقولى إنى كنت سبب فى تغيير حياته ولو سبب بسيط أرجع أقول أنزل تانى يمكن أكون أمل لحد ولا سبب لبداية حد ❤

*سنى 41 سنة إلا شهرين 😂
*طولى 170 سم
*وزنى كان 135وحاليا 70 كيلو
*ولادة قيصرية مرتين علشان بس أوضح موضوع البطن بتنزل ولا لأ بعد الولادة القيصرى ..
*نزلت حوالى 65 كيلو على مدار سنتين ونص تقريبا ويمكن أكتر الحقيقة مش فاكرة التاريخ بالظبط..
*أكل صحى فى حدود السعرات مع رياضة كارديو وحديد 🏋
*المرة الوحيدة اللى نجحت فيها.. المرة الوحيدة اللى محصلش فيها نزول وطلوع فى الوزن ..المرة الوحيدة اللى محصلش فيها الإكتئاب المعتاد..المرة الوحيدة اللى أحس إنى ماشية صح ومش ماشية بنظام دايت مؤقت ومستنية يخلص وأخلص منه بقى..
*عاوزة أرد على كل النقط اللى بتجيلى رسايل ..أنا لاعندى الخبرة ولا الدراسة اللى تخلينى أحط نظام غذائى لحد بس أنا بقول النقط العريضة المتعارف عليها لكل الناس ..النقط اللى خلت بنتى وزنها ينزل واللى خلت مامتى مريضة قدم سكرى سكرها يتظبط ولله الحمد..
*متقولش إنك هتعمل دايت الكلمة دى فى حد ذاتها محبطة..
*أنا عملت نظام غذائى للبيت كله ينفع الصغير والكبير والمرضى والأصحاء..
* لاغيت متابعة لكل صفحات الأكل والمطاعم.
* منعت المنتجات الغير صحية من البيت اللى فيها سكر مصنع ودهون نباتية.
* مخزون البيت كله بقى صحى فاكهة وخضار وبروتين ودهون صحية ( مفيش فاكهة ولا خضار ممنوعين المهم الموازنة فى الكمية ).
* منعت الأكل من بره خالص حتى المشويات لإنهم بيستخدموا أملاح وتوابل عالية وزيت علشان تلمع .
* منعت المياه الغازية حتى الدايت علشان صحيا مش كويسة مش لازم علشان مفيهاش سكر تبقى صحية.
* المية كنت نسياها خالص وبشرب بدالها بيبسى وعصير ..رجعت أشرب مش أقل من 3 لتر.
* منتجات الدايت اللى مكتوب فى مكوناتها دهون نباتية أو سكر مش بستخدمها حتى لو دايستجيف 😂😂
* السكر المصنع والدقيق الأبيض لاغيتهم تماما وده اللى خلانى أسيطر على الجوع خصوصا الجوع الليلى الهستيري.
* باكل بالليل عادى وممكن تبقى وجبة متكاملة طالما فى حدود سعرات اليوم ومش هتتعب معدتى بالليل.
* مفيش وصفات تنسف الدهون.
*مفيش تمارين تنفع لمنطقة معينة على حساب التانية.
* مفيش حاجة أسمها البطن القيصرى مش هتنزل.
* الحديد الحاجة الوحيدة اللى بتعلى الحرق وبتعمل shape رائع.
*الفرى وجبة واحدة كل أسبوع أو عشر أيام وجبة بختارها بقلبى فعلا .
* الصيام المتقطع بعمله يومين تلاتة كل شهر لما أحس إن فيه لغبطة فى نظام أكلى..أو لما يبقى الميزان ثابت وعاوز يتحرك إنما هو مش نظام ينفع أمشى عليه العمر .
* مش معنى إنى وصلت للوزن المناسب ليا يبقى خلاص هبطل نظام صحى..بالعكس ده هيخلينى متمسكة بيه أكتر إن شاء الله..
دعواتكوا بالثبات والصحة ❤

دومتم أصحاء ❤

الدايت مش عايز عزيمه
الدايت عايز حد عايز يوصل بجديه مش بهزار
الدايت عايز واحد يعرف يقول لا
الدايت عايز حد يعرف يعني ايه صبر
الدايت عايز حد يعرف يتعامل مع جسمه ويفهم جسمه
الدايت عايز حد ميتاثرش بكلام الناس
الدايت عايز حد نفسيته كويسه عشان يعرف يبداء
متبداءش وانت نفسيتك تعبانه
متبداءش وانت عندك مشكله اجتماعيه او اسريه
متبداءش وانت مش مظبط نوم وبتصحي كل يوم ف ميعاد مختلف
الدايت مش بس نظام صحي وقوانين وخلاص
لا
الدايت زي بدايه فصل دراسي
ابداء في الوقت الي هتقول لنفسك فيه انا كدا جاهز نفسينا ومعنويا.. ❤️✌️💪
C/marehan Mohamed..

تم فتح كلاس الكيك بوكسينج ثلاث ايام سبت واتنين وأربع للبنات تشرفونا الكلاس اسااعةة 1..
َولو فيه مجموعات ممكن تشرفونا الوقت المناسب ليكم ونعمل فيه كلاس.. ❤️❤️
وفيه خصم 40%لاول 10 مشتركين.. 😉💓

10 حاجات عن البنات والستات اللي بيروحوا الجيم ✋

"مستوحاة من أحداث حقيقية"

1 – البنات الرفيعين جدًا اللي تقولك انا عايزة أخس بأي طريقة أنا تخنت 5 جرام وخايفة حمادة خطيبي يسيبني لو خسيتي هتختفي يا حبيبتي😑😃

2 – الناس اللي فاكرة ان المشاية هي كل حاجة في الدنيا و اللي هتقضي على أصعب الدهون مش عايزة تنزل من عليها وتحس انها حاضنة المشاية وهتاخدها معاها البيت، إنزلي يا مدام "ميصحش كده الناس عاوزة تتمرن"😈

3 – اللي تيجي تقولك أنا بعد التمرين أكلت رز بلبن وأم علي وفطير مشلتت بالعسل والقشطة، كده عادي؟ اه طبعا عادي وممكن تاخدي تشيز برجر من غير "جبنة" وكاتشب من غير طماطم واضربي محشي عشان الدايت ميبوظش😂

4 – اللي جاية الجيم تسمع أغاني على مزاجها وتقول مبحبش الاغاني دي ، شغلولي مهرجان أديني رمضان زودلي الطبلة شوية، صوت كلاب، كلاكسات تكاتك، تزييق ببان، طرقعة لبان روحي اتمرني في بيتكم ✋😃

5- البنات اللي بتسأل، هو الجيم في رقصات "الزومبي"؟، زومبي؟ حضرتك بتاكلي بني آدميين؟؟ 😂😂

6- البنت اللي تيجي تنادي على المدربة وتقولها يا كابتنة !!.. تأنيث "كابتن" ماشي يا جهابزة 😑

7- البنت اللي بتروح الجيم بقالها كتير فعيّنت نفسها مساعد الكابتن، وتلف على كل واحدة : "حضرتك تخنتي شوية؟!"، "انتي خسيتي جامد على فكرة" ، عااااش يا حمادة، عاااش يا دبابة انتي كدة بقيتي الفورمة الي فيهم صح

8 – البنت اللي جاية تلعب أيروبكس ولابسة Heel .. ده جيم !! مش فرح أم سعاد هو😃💃

9- اللي مش عاجبهم المواعيد: هو الجيم بيفتح امتى؟ الساعة 10 الصبح .. ايه ده متأخر أوي .. خلاص خدي المفتاح وصلي الفجر وتعالي افتحي يا فندم 😌😃

10- وأخيرًا .. طنط اللي بتسأل، هو أنا ينفع ألعب ع المشاية وأنا قاعدة علشان بتعب ؟ دي اسمها "مشاااااااااية" ، حضرتك بتمشي وانتي قاعدة؟ لأ ... ولا وإنتي نايمة؟ طنط متشلنيش😑😂

✍️القهوة هي عجوز معمّرة, لها أحفاد برره يقبّلونها كل صباح ومساء وأنا أكثرهم براً بها.

"نزار قباني"

🔰 القهوة تساعد على تحسين المزاج، ومن مضادات الأكسدة الابتمنع سرطان القولون، بتعلي الحرق، بتساعد على تحسين الانتباه والتركيز، بتساعد على الحافظ على الكبد

فنجان القهوة الواحد
🔰 بتساعد على دخول 11٪ من فيتامين B2
🔰بتساعد على دخول 6٪ من فيتامين B5
🔰بتساعد على دخول 3٪ من البوتاسيوم في الجسم
🔰 بتساعد على دخول 2٪من أحتياجك من فيتامين B3

🔰 القهوة مهمه في يومك متسمحش لحد يقولك غلط لان كترها هو المؤذي على المدى لبعيد ولناس معينه زي مرضي الضغط والقلب

ركزي معاياا كدا..👏👋
عمل ليكي .. 💣💥
لكل النااس دعووه عامه ، عشان كلكوا تطلعوا الكبت الي جواكوا ف الكلاسات دي زومبا👯‍♀️ /ايروبكس🤸‍♀️/، ميكس زومبا💃🙅‍♀️/ وبلي دانس💃/، عشان عارفين انكم بتخرجوا اليوم دا تغيروا جوا بسبب الشغل طول الاسبوع او المدارس والدروس بتاعتك خلينا اليوم دا ، الكل بيبقا فاضي يلا مستنينك..❤️🌹

Link the page :👇
https://www.facebook.com/pg/Fitness-Gym-117883132971944/posts
او الاتصال ع الأرقام التالية :
📞01003320152
📞01020474916

المكان :
نادي الساحةة امام مدرسة السلام الابتدائية بجوار محطة القطار بسمنود..

Fitness Gym fitness coach 💪
fitness model 🥇
Online training❤️

الناس اللي بتدخل جيم شهرين وتلاته ومش بتلاقي نتيجه تقوم موقفه تمرين سواء كان بيخسس او بيبني عضل لازم تعرف ان فكره انك انسان رياضى فى حد ذاتها اكبر مكسب حقيقى ليك احنا بس فاهمين الموضوع غلط علشان كدا بنزهق بسرعه ونبعد عن الرياضه🤔 لاننا بختصار رابطين الرياضه بحجم الكتله العضليه والضخامه و الطبيعى ان الكتله العضليه مش هتظهر عندك لمجرد انك دفعت اشتراك الجيم وانتظمت شهر أو اتنين.

بس اللى هيعود عليك فى الشهر ده تحسن عام فى قدرتك وقوه تحملك وان النفس مبقاش قصير زى الاول وقوه اعصابك مقارنه باول يوم ف الجيم افضل كتير وان معدل ضربات القلب بقا بيوصل لمستوى كويس بدون متحس بأجهاد وحجات كتير تانيه قيس ده على كونك رياضى مداوم هنا افهم انك كسبت كتير جدا اهم من الكتله العضليه

ومتقارنش نفسك بحد لان كل واحد بيختلف عن التاني ف الجينات الوراثية والفروق الفرديه

تاج لصاحبك.. 💪♥️

كابتن أنا وزني ثابت ديما ومش بخس 😓😓
الناس بتقولي انتي شكلك خسيتي بس بوزن بلاقي نفس الوزن؟
مبخسش علي الميزان ليه؟؟ الاسئله الي ناس كتير بتسألها بخصوص موضوع ثبات الوزن
الصوره دي كفيله ترد على الناس الي بتبقي زعلانه اووووي ومتأثره من الموضوع ده ✋✋
اول حاجه بعملها في الموضوع ده بشوف المقاسات وبلاقي فيها تغيير كبير
طيب الميزان مضايقك ليه 😂
_______________
الدهون والعضلات ممكن يكونوا نفس الوزن لكن بيختلفوا في الشكل
الي على اليمين دي دهون والي على الشمال عضلات
الدهون حجمها أكبر بكتير ✋✋ من نفس الوزن من الدهون ❌
علشان كدا وزن حضرتك ثابت وبالذات لو بتلعبي الرياضه يعني نرمي الميزان في الشارع ونركز في المقاسات دي أهم حاجه
والدايت الصح هو الي نخسر فيه دهون مش عضلات 😉
كل واحد عنده لبس قديم ضيق عليه يطلعه يقيسه كل فتره هيلاقي المقاس بيختلف 💃
وطالما المقاس بيتغير يبقي احنا ماشيين تمام وعلى نظام غذائي صحي ومتوازن
ثبات الوزن مش معناه ان النظام مش صح او ماشي على نظام غلط ❌❌❌
تغيير المقاس اهم كتير من الرقم الي على الميزان
السؤال ده اتسألته كتير اوووي؟؟؟
ودي كل الاجابه اهي 😉
__________________