رأي زملكاوي

رأي زملكاوي صوت زملكاوى حر
(4)

27/09/2026

اسعد ناس دلوقتي هم الزملكاوية جايبين فشار وقاعدين ناكل ونتف*ج علي اللجان وهي بتخبط في بعض، الأهلاوية بعد ما كانوا رافعين حسام السما نزلوه سابع ارض وحاطين عليه وبيرددوا نفس الكلام اللي كنا بنردده قبل كده، ولجان ج. ج بتخبط في شوبير وشوبير بيخبط فيهم والاهلي دخل معاهم علي الخط وكله بيضرب في كله، خلينا نستمتع شوية الموضوع مسلي جدا

مجلس إدارة الزمالك صرف مستحقات شهرين للجهاز الفني، وصرف مستحقات اللاعبين المتأخرة، كما سيتم صرف مستحقات قضايا ابراهيما ن...
27/09/2026

مجلس إدارة الزمالك صرف مستحقات شهرين للجهاز الفني، وصرف مستحقات اللاعبين المتأخرة، كما سيتم صرف مستحقات قضايا ابراهيما نداي وعمر ف*ج وانديتهم من فلوس صفقة خوان بيزيرا

شوبير اكتر حد استفاد من عمله الاعلامي هو ومصطفي ابنه، ساند الخطيب في حملته الانتخابية ودافع عنه بكل ما اوتي من قوة مقابل...
26/09/2026

شوبير اكتر حد استفاد من عمله الاعلامي هو ومصطفي ابنه، ساند الخطيب في حملته الانتخابية ودافع عنه بكل ما اوتي من قوة مقابل وجود ابنه كحارس اساسي للاهلي علي حساب محمد الشناوي وتجديد تعاقده مع الاهلي بمقابل مادي مرضي.

دافع عن حسام حسن واختياراته واى حاجة كان بيعملها حسام كانت صح مهما كانت مخالفة للمنطق مقابل وجود ابنه كحارس اساسي للمنتخب في كأس العالم وقد كان.

شوبير بيعرف يدير مصالحه بشكل ممتاز الحقيقة والواحد لما بيقعد يفكر ازاي بيعمل كده مش بيعرف يوصل لاجابة

كان دكتور نفسي قبل ما يكون مدرب، كان قادر يطلع من اللعيبة كل امكانياتهم، كان بيخلي اى لاعب ينزل واثق من نفسه وواقف علي ر...
26/09/2026

كان دكتور نفسي قبل ما يكون مدرب، كان قادر يطلع من اللعيبة كل امكانياتهم، كان بيخلي اى لاعب ينزل واثق من نفسه وواقف علي رجليه بدون خوف حتي لو بيلعب في الكامب نو.

جوميز صاحب سوبر القرن واحد من افضل المدربين اللي دربوا نادي الزمالك وهو تاني اكتر مدرب بحبه بعد البروف جيسوالدو فيريرا.

جوميز هو الوحيد اللي كان شايف مقتنع بناصر منسي لما نزله وكلنا قولنا ليه ناصر وليه يستبعد حسام اشرف اصلا

احمد مجدي لاعب الزمالك السابق قال ان جوميز بيعتز بالفترة اللي قضاها مع الزمالك وعنده استعداد يرجع تاني يدرب النادي بسبب الحالة اللي حسها داخل الزمالك.

كل التوفيق لجوزيه جوميز ومستني جدا اشوفه مدرب الزمالك في السنين الجاية

26/09/2026

انبي كان حاطط بند في عقد علي محمود ان اللاعب لو انضم للمنتخب وشارك في اى مباراة دولية يحق لانبي الحصول علي مليون جنيه من الأهلي.

الأهلي مجبر يدفع المليون لانبي، حد فاكر لما زياد كمال كان في الزمالك وكانت كل برامج مصر بتستضيف ايمن الشريعي عشان يتكلم علي بنود عقد زياد كمال مع الزمالك، وقد ايه الشريعي عبقري وبيعرف يطلع مكاسب من اللاعبين اللي بيبعهم حتي بعد رحيله عن فريقه.

حد جاب رئيس انبي يتكلم عن البند بتاع علي محمود في الاعلام، حد جاب الشريعي في مداخلة يهينه علي شطارته في صياغة العقود، محدش جاب ولا هيجيب، زي ما الاعلام قلب علي حسام حسن عشان الشناوي لاعب الأهلي، محدش هيجيب سيرة الفلوس ولا هيتكلم عن شطارة الشريعي عشان الموضوع يخص الاهلي

محمد صلاح ساب معسكر المنتخب ومش هيلعب وديتين المنتخب مع جنوب السودان وجنوب أفريقيا، صلاح معترض علي طريقة إدارة حسام حسن ...
26/09/2026

محمد صلاح ساب معسكر المنتخب ومش هيلعب وديتين المنتخب مع جنوب السودان وجنوب أفريقيا، صلاح معترض علي طريقة إدارة حسام حسن للمنتخب سواء فنيا او تعامله مع النجوم والازمات.

حسام ده جمهور الزمالك شاور عليه وقال كل الكلام اللي المحللين بيقولوه دلوقتي وكان كل كلام جمهور الزمالك فني بحت وقال ان اختيارات اللاعبين فيها مجاملات والاختيارات مش بتبقي فنية وبيبقي ليها اغراض تانية خالص واعلام وجماهير الأهلي كانوا بيقولوا علينا مش وطنيين.

لو الازمة اللي حصلت دلوقتي حصلت مع اى لاعب غير محمد الشناوي لاعب الأهلي ومحمد صلاح ساب المنتخب ومشي كانت جماهير واعلام الاهلي مش هيرحموه وهينتقدوه وكان حسام هيطلع يسلمه للجمهور بس كل ده مش هيحصل عشان ازمة حسام بقت مع الاهلي

الناس بدأت تتكلم علي حسام فنيا وانه ازاي يخرج صلاح في الدقيقة ٦٠ وازاي كان بيضم محمد الشناوي وهو حارس منتهي بقي انتقاد ح...
26/09/2026

الناس بدأت تتكلم علي حسام فنيا وانه ازاي يخرج صلاح في الدقيقة ٦٠ وازاي كان بيضم محمد الشناوي وهو حارس منتهي بقي انتقاد حسام عادي ومش خروج عن الوطنية ولا حاجة، كل الاعلام دلوقتي بيردد نفس كلام الزملكاوية ايام كأس العالم، لاول مرة حد يتكلم عن عدم استدعاء محمد اسماعيل والونش.

كل ده حصل لما حسام اتجرأ وقال علي الشناوي لاعب منتهي انت متخيل، دى رسالة لاى حد هيدرب المنتخب بعد كده الاهلي ولاعبيه خط أحمر ممنوع الاقتراب منهم، والله احنا كزملكاوية لينا حق نبعد عن المنتخب ومنهتمش لا ببطولات ولا ضم لاعبين ولا اى حاجة تخصهم طالما المنتخب بيدار بالطريقة دى

حسام عبد المجيد لما كان في الزمالك كان حسام حسن بياخده المنتخب يقعده احتياطي ويجيب حمدي فتحي يلعبه مساك او كان بينزل محم...
26/09/2026

حسام عبد المجيد لما كان في الزمالك كان حسام حسن بياخده المنتخب يقعده احتياطي ويجيب حمدي فتحي يلعبه مساك او كان بينزل محمد عبد المنعم اللي كان لسه راجع من اصابة بالصليبي ويخليه يلعب عليه اساسي، ايه اللي اختلف وخلي حسام حسن يبدأ بحسام عبد المجيد اساسي امبارح غير انه مبقاش لاعب في الزمالك، اصله لا لحق يتطور ولا بقاله مثلا سنة ولا اتنين محترف فنقول كسب خبرات دول يدوبك شهرين ملعبش فيهم ٤ ولا ٥ ماتشات بالكتير.

تعرف لو محمد اسماعيل موجود في الأهلي كان زمانه رقم واحد في دفاع المنتخب او الونش لو كان وقع للاهلي مع زيزو كان زمانه برضو رقم واحد، الاختيار بيتم عن طريق لون التي شيرت وضمان المساندة الاعلامية

انا مشوفتش شوبير ولا اعرف هو قال ايه، بس مستعد اتحدي اى حد ان شوبير رغم الحملة المعمولة علي حسام حسن من الاهلي واعلامه و...
25/09/2026

انا مشوفتش شوبير ولا اعرف هو قال ايه، بس مستعد اتحدي اى حد ان شوبير رغم الحملة المعمولة علي حسام حسن من الاهلي واعلامه وجماهيره انتقد او ينتقد في الايام الجاية حسام، شوبير مش فارق معاه لا مصلحة الاهلي ولا مصلحة المتتخب ولا حسام نفسه وهيفضل يدعم حسام طول ما ابنه بيشارك اساسي ، كله بيدور علي مصلحته، كنت اتمني اعلامنا الجميل بقيادة شوبير يطلع يكلمنا عن الوطنية والاهلي بينتقد المدير الفني لمنتخب مصر عشان خاطر لاعب، بس طبعا لا يجرؤ اى شخص انه يوجه انتقاد للاهلي او ادارته، خلينا احنا كده من بعيد قاعدين حاطين رجل علي رجل وبنتف*ج عليكم وانتوا بتاكلوا في بعض كده، والله علامات استفهام كتير ولو قعدنا نكتب للصبح مش هنخلص كلام.

ليه جماهير الاهلي تقلب مرة واحدة علي حسام حسن كده، وليه انتقاد الجهاز الفني بقي عادي ومبقاش له علاقة بالوطنية، وليه جماهير تقرر فجأة انه تتوقف عن دعم المدير الفني عشان مجرد تصريح ضد لاعب رغم انه قدم ليهم كتير، وليه محدش قادر ينتقد الاهلي لمهاجمة الجهاز الفني، وليه وليه، وطبعا هتلاقي مبرر لكل حاجة رغم انهم كانوا بيتهمونا اننا مش وطنيين لما كنا بننتقد اختيارات حسام في كاس العالم

انا حسام حسن عاشق اللقطة، هقعد احزق علي الخط طول الماتش عشان الكاميرات كلها تبقي عليا والناس تتكلم عني وتقول شوف الجرينت...
25/09/2026

انا حسام حسن عاشق اللقطة، هقعد احزق علي الخط طول الماتش عشان الكاميرات كلها تبقي عليا والناس تتكلم عني وتقول شوف الجرينتا والحماس، لعيبة الاهلي بتقدم موسم سئ وخدوا تالت الدوري مفيش مشكلة هاخدهم كلهم عشان يقولوا حسام عرف يطلع منهم اللي فشل فيه كل المدربين الأجانب، شوبير احتياطي؟ لا يلعب اساسي وناخد لقطة ونكسب احمد شوبير وده اهم سند في الاعلام.

حمزة عبد الكريم الناشئ راح برشلونة، هاته عشان لما ربنا يكرمه يتقال حسام هو اللي اكتشفه، علي محمود اتخانق مع عموتة وخرجه برا القائمة، فرصة من دهب هاته يلعب ولما نكسب هيتقال بص نظرة حسام الثاقبة وكلها معانا وبتطبل.

انا يمكن مبقتش مهتم بالمنتخب زي الاول ويمكن في كتير زيي بس اختيارات حسام حسن الغريبة خلت عندي نفور من المنتخب، كنت راجع من شغلي علي الشوط التاني مرضتش افتح واتف*ج عارف اني هشوف عك في الملعب وحزق علي الخط واكيد في خناقة مع اى حد سواء كان حكم او الجهاز الفني للمنافس او حتي الجمهور اللي بينتقد في المدرج

Address

Cairo
Assiout

Website

Alerts

Be the first to know and let us send you an email when رأي زملكاوي posts news and promotions. Your email address will not be used for any other purpose, and you can unsubscribe at any time.

Shortcuts

Share