Eman Hamouda ـــ إيمان حمودة

الطفل بيتعلم معنى الحب الحقيقي من والديه
والحب الحقيقي = حب غير مشروط

وأكتر وقت الطفل بيحتاج يشوف فيه الحب اللامشروط، هو وقت غلطه

لما يغلط، محتاج يعرف إن الغلط مرفوض، لكن هو مش مرفوض
إن سلوكه كان وحش، لكن هو مش وحش

أنا بحبك دايمًا...
وبالأخص وقت ما تغلط، مش بس وقت ما تكون شاطر

لأن ده اللي هيبني جواه الأمان، والثقة، والصحة النفسية

حبوهم لذاتهم مش لتصرفاتهم وسلوكياتهم 💜💜

#أطفال

هاتريك... ٣ أهداف في ٣ أيام! هنساعد طفلك يكتشف نفسه، يحمي حدوده، ويفكّر بطريقة مختلفة!

يوم ورا التاني، هنعلّمهم حاجات تفرق معاهم طول العمر:

اليوم الأول: "أنا بحبني"
علشان طفلك يعرف يحب نفسه، ويشوف قيمته من غير ما يستنى تصفيق من حد.

اليوم التاني: "حدود بتحمينى"
إزاي يقول "لأ" بثقة ويعرف امتى يقول "آه" بأمان
ويحط حدوده الشخصية ويحافظ على علاقاته

اليوم التالت: "أنا بحلّها بطريقتي"
تقوى تفكير الطفل ونعلمه يلاقي حلول للمشكلات ويعبر عن رأيه بطريقة ذكية ويقدر يتفاوض بذكاء

🕐 المدة: ساعتين يوميًا
👦🏻 الفئة العمرية: من ٧ لـ ١١ سنة
🗓️ الميعاد : "انا بحبنى" يوم الاتنين ٢٣/ ٦
"حدود بتحمينى " يوم الاربعاء ٢٥ /٦
" أنا بأحلها بطريقتى " يوم السبت ٢٨ / ٦

💥 متاح حضور يوم واحد أو ال٣ أيام

ليه تحجزي لطفلك؟
لأن في ٣ أيام بس، هيخرج:

💪🏻 بيحب نفسه وواثق فيها

🙅🏻‍♂️ بيعرف يحمي حدوده

💡بيفكر بطريقة ذكية ومبدعة

الأماكن محدودة جدًا – احجزي مكان طفلك قبل ما العدد يكتمل


#هاتريك
‏‎‏‎ #مصر
‏‎‏
‏‎‏

حدود طفلك = أمانه وثقته بنفسه!

في زمن بيكتر فيه الضغط والتعدي على المساحات الشخصية، لازم كل طفل يعرف يقول:
"لأ" بثقة، و"آه" باطمئنان

ورشة "حدودي بتحميني!"
من ضمن سلسلة HAT-Trick التفاعلية للأطفال من سن 7 لـ 11 سنة

هتساعد ابنك/بنتك يعرفوا حدودهم، يعبروا عن نفسهم بثقة واحترام، ويحطوا قوانينهم الخاصة في علاقاتهم.

اللي هنتعلمه في الورشة:

يقولوا "نعم" و"لا" بثقة واحترام

يلجأوا للمساعدة وقت الحاجة

يعبروا بصوتهم عن احتياجاتهم

يحطوا قوانينهم الخاصة

يحافظوا على جسمهم وحدودهم

الاثنين ٢ يونيو - ساعتين يوميًا من ١ إلى ٣م
في زهراء المعادي
مع إيمان حمودة – استشاري نفسي وأسري وكوتش أطفال.

احجزي دلوقتي وازرعي جوا ابنك أمان وثقة يصمد بيهم قدام أي ضغط أو موقف صعب

العدد محدود جداً! للحجز والاستفسار: 01100020248

وعملنا الاجتماع الثالث من الاجتماعات الدورية لمجتمع الذكاءات ..
قد ايه المرة دى كان اجتماع ثرى وملهم ومفيد ..
مش بس علشان الحضور المميز ولكن كمان علشان الموضوعات اللى طرحناها والألعاب اللى لعبناها والاستفادة الحقيقة اللى حصلنا عليها ..
فى كل مرة بمجتمع بتأكد على جودة الحياة بعد معرفتنا للذكاءات وممارسة حياتنا من خلالها وقد ايه حياتنا بتتغير للأفضل و بشكل فعال وحقيقى ..
شكرا للحضور المميز ..

#اجتماع #مجتمع #ذكاء

الحدود مش عقاب!
والتربية مش لازم تكون بصوت عالي علشان تُسمع

ناس كتير بتخلط بين "إني أحط حدود" وبين "إني أعاقب".
لكن الحقيقة إن فيه فرق كبير بينهم:

العقاب بيخلّي الطفل يوقف التصرف لأنه خايف.
الحدود بتخلّي الطفل يوقف التصرف لأنه فهم إنه غير مقبول.

العقاب مؤقت... بيغيّر السلوك من بره.
لكن الحدود بتبني وعي داخلي عند الطفل... وده اللي بيفضل معاه طول العمر.

مثال:

العقاب: "ضربت أخوك؟ خلاص مفيش خروج النهاردة!"

الحدود: "ضرب مش مقبول. لو زعلان، إحنا ممكن نتكلم أو نطلب مساعدة."

الحدود تعلم،
العقاب يؤلم.

في البوست الجاي:
إزاي أحط حدود بدون صراخ؟

تابعونا علشان نكمل مشوار التربية الواعية خطوة بخطوة

#أطفال #الحدود

ابنك سألك سؤال غريب؟ محرج؟ أكبر من سنه؟
أقف لحظة قبل ما ترد، وخد بالك من الخطوات دي:

1. افهم السبب ورا السؤال
هو سمعه من حد؟ شاف حاجة؟ ولا بيسأل لمجرد الفضول؟
هل شايفك مصدر معلومات موثوق؟ ولا بيختبر رد فعلك؟
ساعتها هو بيراقب:
هل هتحترم فضوله وعقله؟ ولا هتزعق وتكسفه؟
هل هتقوله معلومه صادقه ولا هتتهرب وخلاص ؟

2. ابدأ ردك بجملة آمنة
زي: "ده سؤال جديد"، "ده سؤال جريء"، "حلو إنك بتفكر في كده"
وما تنساش تعبر له عن فرحتك إنه جه سأل "مامتو" أو "باباه" وانك مبسوط انكم مصدر معلومات بالنسبه له
دي لحظة تقوية للثقة بينكم.

3. اعرف هو فاهم إيه قبل ما تشرح
اسأله ببساطة: "قولّي، إنت تعرف إيه عن الموضوع ده؟"
ده هيساعدك تعرف تبدأ منين:
هل محتاج تبني المعلومة من الصفر؟ فتديله معلومه بسيطه على حسب عمره

ولا تصححله اللي عرفه بشكل يناسب سنه؟

4. لو قالك حاجة جديدة، اعترف بده
قوله: "دي أول مرة أسمعها، شكراً إنك عرفتهالي"
ولو مش عارف الإجابة؟ ببساطة قوله: "مش عارف، تعال ندوّر سوا"
كده بتعلمه الأمان مع المجهول، مش الخوف منه
وكمان ان الطبيعى نكون مش عارفين معلومه وممكن نسأل عنها

5. علمه يدور على المعلومة منين
اربطه بمصادر المعرفة:
القرآن، السنة، الكتب الموثوقة، المواقع الآمنة، الكبار اللي بنثق فيهم
ساعده يعرف يرتب مصادره علشان يبني عقل واعي مش مجرد سامع

كل سؤال بيسأله ابنك هو باب لبناء علاقة آمان وثقة
اختار تفتحه بحب… مش تقفله بخوف

لو شايف إن البوست ده مهم، شاركه مع كل أب وأم محتارين يردوا إزاي على أسئلة أولادهم

#الحدود #أطفال #أسئلة

أكتر حاجة بتخلّي الطفل يحس بالأمان والراحة النفسية مش اللعب ولا الهدايا...
دي الحدود!

آه والله، الطفل اللي عارف "المسموح والممنوع" بيعيش في عالم واضح بالنسباله، وده بيقلل توتره وبيزود ثقته في نفسه وفيكى

الحدود مش قسوة... الحدود حب.
لما تقولي "لأ" بابتسامة حازمة، إنتي بتقولي:
"أنا شايفة مصلحتك، وبحبك كفاية إني أكون واضحة معاك "

معلومة مهمة: الأطفال اللي بيكبروا في بيئة فيها حدود واضحة بيبقوا أكتر قدرة على ضبط النفس واتخاذ قرارات صح

ابدأي من النهارده، وحطي حدود بسيطة وثابتة...
وابني جوا الطفل شعور بالأمان، مش بس السعادة المؤقتة


#الحدود

كورس " خريطة ذكائك "
اكتشاف وتنمية الذكاءات المتعددة لديك
الراوند رقم ( ٦ )

المحاور
١) التعرف على أنواع الذكاءات المتعددة
٢) تحديد ذكائك الشخصى وطرق استغلاله
٣) فهم دور وتأثير الذكاءات على :
- العلاقات والقرارات
- المال والعمل
- اختيار الأصدقاء
- الصدمات وتحرير المشاعر
- تحقيق الأهداف

٤) تنمية وتطوير ذكاءاتك
٥) تطبيق الذكاء فى الحياة اليومية

🎁اختبار تحديد نوع الذكاء مجانا
الموعد
٦ ساعات على مدار يومين
من الساعه ٤ الي ٧ مساء
يوم الاحد ٢/٢ ويوم الثلاثاء ٤/٢

حضور مباشر أو اونلاين

الحضور في سنتر مودة للاستشارات النفسية والتدريب بزهراء المعادي

رقم الحجز
01099301137
الحجز المبكر حتى يوم ٢٠ /١
خصم خاص للإعادة والمجموعات

#ذكاء