Batshino Fitness

الحمدلله من الحالات الصعبه الي شغاليين معاها وهي الميزان الثابت مهما اتمرنت مهما مشيت علي دايت بيفضل الميزان ثابت بس بفضل الله ثم الالتزام قدرنا نحل المشكله ديه ولسه مستمرين علي نتايج افضل 🙏🏻🔥

ابعتلي دلوقتي علشان اغير حياتك مش بس شكل جسمك. 📥

علشان فعلا بيهمنا راحة المتدرب عندنا بيكون النظام التمريني والنظام الغذائي متفصل عليه مش مجرد كلام وخلاص وكمان من خلال المتابعة انا معاك في اي تعديل تحت اي ظرف.

هتوصل لهدفك ياهتوصل لهدفك ملهاش اختيار 👌🏻.

ابعت دلوقتي واسالنا عن التدريب الاونلاين 📥



#تدريب
#اونلاين

قولي هتتمرن ايه النهارده وتمرينتك عندي هتكون اقوي تمرينه اتمرنتها 💪🏻🔥.

سيب كومنت وهرد عليك علطول 👇🏻.

🚨 خبر عاجل من وزارة الباتشينو فيتنس:
بسبب افتتاح المتحف المصري…
قررت أحوّل باقات التدريب الأونلاين لـ “أثر تاريخي” من بُكرة 🏺💀
يعني من الآخر… الأسعار هتترفع لدرجة هتخليك تقول:
"هو أنا داخل أتمرن ولا أشتري تمثال توت عنخ آمون؟"

النهارده آخر يوم في العرض…
اللي هيلحق يدخل
واللي لأ… هنبعتله رسالة ونقوله:
"حضرتك السعر اتحنّط، معلش اتأخرت" 🤷🏻‍♂️😂

الصفحه للاسف الفتره الاخيره الدعم عليها صفر وابتديت اخسر متابعين.

انا مش زعلان الحمدلله احنا لسه عندنا كتير ولسه تحت التطوير مهما وصلنا لمستوي عالي.

قولي حابب تشوف ايه علي الصفحه لاني حاليا مش هقدر اعمل محتوي فيديوهات ناس كتير اتكلمت معايا في النقطه ديه بس للاسف غير مؤهل حاليا.

ف اتمنالي من قلبك الخير ومتنساش اني اقدر اغير حياتك ب احسن الخدمات المتابعه عندي في الاون لاين كوتشينج ده غير الصفحه الي لو فعلا قريت الي فيها مش هتحتاج حاجه.

ها قولي حابب اتكلم عن ايه 🧐

إزاي تعرف إن المكمل الغذائي اللي معاك مضروب — سواء بروتين أو كرياتين أو غيره

فيه شوية علامات بسيطة لو ركزت فيها هتفرق جدًا بين الأصلي والمضروب

1️⃣ السعر:
لو لقيته أرخص من الطبيعي بفرق كبير فده أول إنذار إنه مضروب. الأصلي عمره ما هيبقى “ببلاش”.

2️⃣ التغليف:
بص على خامة العلبة والطباعة، لازم تكون نظيفة وواضحة، مش باهتة ولا باينة إنها مطبوعة خام.
شوف كمان لو فيه QR أو كود أمان تقدر تتحقق منه على موقع الشركة.

3️⃣ الباركود أو الكود التسلسلي:
امسح الكود على الموقع الرسمي للشركة. لو طلعلك رسالة “invalid” أو “already used” فده معناه إنه مش أصلي.

4️⃣ شكل البودر أو الكرياتين:
البروتين الأصلي بيكون ناعم جدًا، لونه ثابت، وريحتُه طبيعية.
لو ريحته غريبة أو لونه متغير أو الملمس خشن → غالبًا مضروب.
الكرياتين الأصلي بيبقى أبيض ناصع وبيدوب في المية بسهولة بدون رغوة.

5️⃣ الطعم:
لو جربت المنتج قبل كده والطعم مختلف تمامًا، يبقى فيه حاجة غلط.

6️⃣ نتيجة الاستخدام:
المكمل الأصلي بتحس بفرق في الأداء والتعافي بعد فترة بسيطة، إنما المضروب لا بيأثر ولا بيجيب نتيجة، وساعات يسبب وجع بطن أو انتفاخ.

7️⃣ تاريخ الصلاحية:
اتأكد دايمًا إن العلبة عليها تاريخ صلاحية واضح وشريط أمان متقفل كويس.

🚫 باختصار: أي مكمل من غير كود أمان، تغليف ضعيف، طباعة غريبة أو طعم مش مألوف → متكملش عليه.