أسياد افريقيا المصري البورسعيدي 1920

فكرة انسياق الناس للاشاعات هي اكبر ضرر للنادي ، في الفتره الاخيره متداول اخبار عن فشل دغموم في اجتياز الكشف الطبي في الاهلي في الوقت اللي اللاعب متواجد فيه في الجزائر و لم يخضع إلى أي كشف طبي لحد اللحظه دي .

اشاعه زي دي هي ضرر للنادي قبل اي شئ لأن بعد الاشاعات دي لو اللاعب كمل و لكنه سليم الإدارة لو فكرت تبيعه فيما بعد مش هتعرف تبيعه و لو اتباع مش هيعرفوا يحطوا شروطهم .

نتمنى الناس متاخدش اي خبر غير من مصدر رسمي حفاظاً على النادي ، و الموضوع مش على دغموم بس بل على اي لاعب .

وسط الحوارات اللي دايره و أن كل واحد يجيله عرض ياخد بعضه و يمشي عاوز اقول إن الراجل ده رغم أنه مش بورسعيدي الا انه نضيف و مخلص .

جمهور المصري مش بينسى المخلصين ، باهر المحمدي واحد مننا 🫡💚

هتوحشني يا صاحبي 🫂💚

- يمكن لو في مدير للقطاع من خارج بورسعيد كنت اتمنى يكون موجود كان هيبقى بدر رجب و اتكلمت عنه قبل كده .

- يمكن معرفش مين كابتن خالد جادالله و قد يكون جهل مني و لكن معنى أننا جايبين مدير لقطاع الناشئين من خارج بورسعيد فأنت حاليا بمثابة خبير اجنبي و هنكون مستنين منك شغل كتير و للعلم جمهور المصري متابع القطاع بل و هتلاقيهم بيرشحوا دايما لاعيبة تنضم للفريق الأول و جمهور نفسه يوصل لمرحلة أنه يكون تشكيلته عباره عن 11 لاعب من أبناء النادي .

- بالنسبه للكابتن محمد معوض يمكن ارتحت لما شوفت خبر تعينه نائب لمدير القطاع ، الراجل ده في وقت سابق كان تم الإعلان عن انضمامه للجنة التخطيط و اللي كانت برئاسة الدكتور ميمي عبد الرازق رحمه الله و اللي فاجئه بعد وفاته تم الغاء لجنة التخطيط و كنت مستغرب وقتها ده ايه مصير محمد معوض .

كل التوفيق لقطاع الناشئين بقيادة الكابتن خالد جادالله و نتمناها تكون بداية خير للنادي .

اللاعب السنغالي امارا ضيوف واحد من اللعيبه اللي حاولت اعرضه بأي طريقه على الاداره من ٢٠٢٣ و انا بحاول اوصل لاي حاجه او الفت النظر على البيدج و لكن مكنش في أي نتيجه .

انهارده امارا ضيوف صاحب ال ١٨ عام بينتقل رسميا لنادي فنربخشه التركي ✅

الموضوع مكنش شطاره مني و لا انا اللي اكتشفته بل بالعكس الراجل بعد ما كان افضل لاعب في بطولة أمم إفريقيا تحت ١٧ عام و هداف البطولة ب ٥ اهداف جاله عرض من برشلونة و لكن فاجئة كله حاجه وقفت بدون سبب ، عرض فنربخشه كان من زمان و لكن برضه مكنتش الصفقه بتتم معرفش السبب و لكن كده كده الراجل ده كان هيطلع أوروبا لأن مستواه يسمح بكده و لكن حقيقي كان نفسي نستثمر في اللعيبه اللي زي كده و يطلع من المصري على أوروبا .

في خبر كده شوفته الصبح إن المصري بيفاوض لاعبه السابق و لاعب الأهلي الحالي أحمد عيد من أجل عودته للفريق !

- الخبر ده كنت حاسس ان هيجي يوم و اسمعه بسبب علاقة عيد الكويسه مع المسؤول عن ملف الكوره و لكن نيجي نرجع كده بالذاكرة شويه ، احمد عيد كان واحد من أسباب عدم الحفاظ على استقرار اوضة اللبس اللاعب صاحب الإمكانيات الضعيفه الدائم الاعتراض على جلوسه على الدكه بحجة أنه لاعب منتخب و إنه لازم يلعب أساسي عشان ينضم و ده على حساب لاعب آخر في الفريق !

- احمد عيد اللاعب اللي عمره ما اتشرف أنه لعب في المصري لاعب من وقت دخوله النادي عمرك ما تلاقيه صوره ليه منزلها على الانستا ، مش هتلاقي بوست يشكر في المصري أو الجمهور بعد رحيله لاعب كان المصري واحد من أسباب انضمامه للمنتخب و لكن عمره ما قدر ده و بعد رحيله عن المصري ملعبش ماتشين على بعض و بالتالي لم ينضم للمنتخب في كأس العالم .

- بعد رحيل عيد بقى في استقرار في اوضة اللبس و ذكرت ده بطريقه غير مباشره بعد فوزنا ببطولة الرابطه ، فكرة عودة عيد هترجعنا لوراه كتير ، مريح دماغي من الميركاتو لأن كده كده محدش بيسمع للجمهور و لكن لما توصل لانك ترجع لاعب كان سبب في عدم استقرار اوضة اللبس بالإضافة أنه عمره ما افتخر أنه كان بيمثلك ف لا نقف لحد هنا و نقول اننا ضدد عودته .

لازم تكون عارف انك بتمثل شعب مش مجرد نادي يعني انت الطبيعي جدا جدا يتم انتقادك ، كامل ابو علي نفسه اللي مفيش اتنين يختلفوا عليه تم انتقاده و لو مشيت في الشارع و سئلت حد ايه اكتر حاجه مزعلاك من ابو علي هيقولك أن بقالنا خمس ايام مش بناخد بطولات !

بعد الفوز بالكأس لقيتك نزلت بيان بتتكلم فيه على الناس اللي بتنتقدك كان نفسي تسيب الناس هي اللي تتكلم و تدعمك مش انت اللي تطلع تتكلم ، الطبيعي جدا جدا ان الجمهور يدور على احسن حاجه لفريقه و الطبيعي أن وجهة نظرهم تبقى مختلفه و كل واحده عاوز وجهة نظره تتنفذ ، بالتالي دورك انك تكون قريب من الجمهور و تقول احنا شغالين على واحد و اتنين و مش هنقدر حاليا نشتغل في الملف ده ، و مش بقول انك تطلع اسرار النادي بالعكس كله بالعقل و انت اكيد راجل فاهم ازاي تبقى قريب من الجمهور .

مثلا اكتر حاجه تم انتقادك بسببها هي لجنة الكوره و انت قولت ان مستر كامل بيفضل أن المدير الفني هو اللي يختار اللعيبه بتاعته ، سألنا سؤال ايه هيكون مصير اللاعب بعد ما المدير الفني يمشى و ده اللي بيحصل حاليا أن واحد زي موجيشا و كنجسلي و زيدان صعب انهم يكملوا بسبب سوء مستواهم و قبلهم امادوا و سمادوا و بادجي .

أنا مع المصري و مش ضد عضو مجلس اداره و لا عمري دعمت حد في انتخابات الإدارة غير كامل ابو علي و لما قال أنا نازل بقيمتي دعمت القايمه بتاعته ، فبالتالي انا مليش مصلحه غير أن النادي بتاعي يكون احسن نادي في العالم مش هقولك في مصر لا انا طموحي كبير .

فـ أنا دايما مع كل انتخابات بقول يارب اللي معاه خير للمصري هو اللي يكسب لكن مش بدعم حد بعينه غير كامل ابو علي فـ نتمنى في حالة انك كملت تكون قريب من الناس و تسمع وجهة نظرهم لعل و عسى حد فيهم يقدر يفيد النادي بمعلومه و مش عيب بالعكس دي حاجه تحسب ليكم و بالتوفيق إن شاء الله فيما هو قادم .

اللي باعنا مش هيتصور مع الكاس بتاعنا 😛🏆💚

احيانا الروح الحلوه هي اللي بتعمل استقرار في اوضة اللبس و هي اللي بتجيب البطولات ، باهر و الساعي عملوا حاله حلوه جدا في الفريق و اللي ظهر وقت الاحتفال و واضح السلكان اللي بين الجيل الحالي اللي كان بيظهر في الاحتفالات مع كل لاعب بعد التسجيل من اول الموسم و ده اللي رجع الساعي لمستواه .

فتح باب الرحيل امام اي لاعب غير منضبط و اي لاعب يرغب في الرحيل كان سبب في استقرار اوضة اللبس و سبب من اسباب التتويج بالبطولة .

اول الموسم كنت زعلان من التعاقد مع الساعي على سبيل الإعارة عشان عارف انه هيرجع لمستواه و في الاخر هيرجع ناديه تاني مش غير ما نستفاد منه و لكن اتمنى يكون في جديد الفتره الجايه بالذات أن واضح أنه حابب يكمل .

شكرا لباهر و الساعي على اخلاصكم و حبكم للمصري اللي ظهر في احتفالكم بالكأس 💚

حلم و طول لسنين ..