Neama Sayed_ Motivation Secrets

🧩 "سكوتك وقت ضعفه مش تربية… ده خذلان!"

الاحتواء مش ضعف… ده درع بيحمي مشاعر الطفل من الانكسار.
الطفل اللي ما اتحضنش وقت ألمه، هيكبر يشكّ في قيمته… حتى لو كل الناس بتحبه!

أوقات كتير بنغلط لما نعتقد إن الشدة هي اللي "تربي"، لكن الحقيقة إن أقوى وسيلة للتربية هي: الاحتواء الواعي.
الطفل اللي بيعاند، أو بيعيط بسرعة، أو بيرد بحدة… مش دايمًا قليل أدب.
ممكن يكون شايل ضغط، أو تعب، أو احتياج محدش شافه.

🎭 طفل اتعرض للتنمر في الفصل، وكان منتظر يرجع البيت يلاقي حضن وأمان…
لكن أول جملة اتقالت له: "وإنت ليه ما دافعتش عن نفسك؟!"
لحظة كان محتاج فيها يتفهم، اتكسرت جوّه.
وبدل ما يتكلم، قرر يسكت… وبدأت المسافة بينه وبين أهله تكبر.

👂 الاحتواء مش معناه إنك توافق على الغلط…
لكن معناه إنك تقدر تشوف الألم اللي وراء الغلط، وتفهمه قبل ما تصلحه.

💡 خد بالك 🤌🤌

1. لما يغلط ابنك، اسأله: "حسيت بإيه وقتها؟" مش "ليه عملت كده؟"

2. استخدم نبرة صوت هادية حتى لو كنت مضغوط… الطفل بيسمع النبرة قبل الكلام.

3. خليه يحس إن البيت "أمان" مش "محكمة".

4. امدح محاولاته، مش بس نتيجته.

5. احضنه بصدق… مش لما ينجح، لكن لما يقع!

🎯 لأن الطفل اللي بيلاقي حضن وقت الغلط… بيتعلم يصلّح بدون ما ينهار.

💭💭
في لحظة ضعفه… هل ابنك بيلاقيك "أمان ليه"؟ ولا بيخاف من "رد فعلك"؟





ًا

💔 "كنت دايمًا بخاف من بكرة... لحد ما إنت جيت."

في ناس وجودهم مش بس بيريّح... وجودهم "بيطمن".

قبل ما يدخل حياتك، كنت بتفكر في المستقبل وكأنه وحش مستنيك في آخر الطريق، كنت بتعد الأيام وتقول "يا ترى هيحصل إيه تاني؟"، كنت بتصحى من النوم على قلق، وتنام وإنت شايل ألف هم.

لكن لما لقيت الشخص الصح — اللي مش بيحكم، اللي بيسمعك بعيونه قبل ودانه، اللي بيحضنك بكلمة وبيشيلك بنظرة — حسيت إنك لأول مرة مش لوحدك.

حسيت إن بكرة حتى لو صعب، فوجوده بيخلي الصعب أهون.

مش لأنه هيحل كل حاجة، بس لأنه بيقف جنبك... من غير ما يتهز.

💫مواقف صغيرة بتأكد لك ده:

لما كنت بتنهار وقالك: "أنا جنبك، خد وقتك".

لما بكيت من غير ما تحكي، وهو فهمك من غير ولا كلمة.

لما صدرك كان ديق، ووجوده وسّعه.

❤️ معاه، الوجع مش بيختفي... بس بيبقى أرحم.
معاه، "بكرة" بقى كلمة ما بتخوفكش... بقى احتمال جميل، مش تهديد.

❓ هل في حد في حياتك، وجوده خلاك تحس بالأمان من غير ما يغير شيء… غير إنه كان “موجود”؟


&Healer

#تطمن

✨ فيه ستات تكة مفتاح الباب بتطمنهم... وفيه ستات نفس الصوت بيكسرهم.

عمرك فكرت صوت مفتاح الباب ممكن يكون إيه بالنسبة لست؟

فيه واحدة قالت:

> "بطني بتوجعني في نفس المعاد اللى بيرجع فيه جوزي كل يوم!"
وجع جسدي حقيقي… سببه مش عضوي، سببه خوف قديم، توتر، وقهر بيتجدد.

واحدة تانية كانت بتقول:

> "كنت بتمنى ولادي يعرفوا التمن اللي بدفعه كل يوم علشان يحسوا بالأمان وهو داخل علينا."
حاولت تخلق ليهم أمان حتى وهي بتنزف من جواها.

وفي واحدة تالتة قالت:

> "أول ما بسمع صوت المفتاح بحس بخنقة... بحس إن إنسانيتي بتنسحب مني خطوة بخطوة مع خطواته."
كان دخوله مش بس مرعب... كان مؤلم كأنه دخول عشماوي.

فيه رجالة وجودهم في البيت بقى زي الظل التقيل... بيتخانقوا، بيراقبوا، بيحاسبوا على النفس قبل الكلمة.
حتى لو العيال بتحبهم، الأم بتدفع تمن الحب ده من عمرها ونفسيتها.

لكن...

فيه ستات تانية بتستنّى تكة المفتاح.
بيطمن قلبها، بتتهلل عيونها، وتبتسم من جواها.

واحدة قالت:

> "بحس إن البيت بقى ليه سقف أول ما بيدخل، كنت حاسة إني لوحدي، ولما بيسمع صوتي وبيرد، بتهون الدنيا."

وواحدة تانية قالت:

> "صوت مفتاح أبويا كان أكتر صوت بيخليني أحس إني بأمان… الله يرحمه."

ناس كتير بتفتقد أبواب كانت بتتفتح بالحُضن، مش بالصمت أو الوجع.

وفيه ستات اتعودت ميبقاش لوجوده معنى…
جوزها بيتعامل مع البيت كأنه أوتيل، بياكل وينام ويخرج،
مابيعرفش مين تعب، مين محتاج حضن، مين محتاج بس يسمعه.
وبيكون أعظم إنجاز له إنه يسمعهم وهم بيتكلموا على العشاء، وده لو حصل.

لكن لسه فيه ستات بتعيش على لحظة دخوله،
بيشيل كيس فيه لعبة أو شوكولاتة… أو حتى بييجي فاضي، بس حضوره أغلى من أي حاجة.

💭 "صوتك جوا بيتك... بيطمن ولا بيكسر؟
ولو كنت مكان الطرف التاني… تحب تكة مفتاحك تبقى إيه بالنسبالها؟"




#الطلاق

✋ مش كل صمت معناه رضا… ومش كل زنّ معناه دلع!

فيه أطفال بتتكلم بصوت عالي... وفيه أطفال بتتكلم بـ"سلوكها".
لكن للأسف، في الزحمة اليومية… بنسمع الصوت، ونفوت الرسالة!
الطفل اللي "بيزن" مش مزعج... هو بس بيصرخ: "أنا محتاج حضنك.. مش حكمك!"

لما تلاقي طفلك بيعيد نفس السؤال أكتر من مرة، أو بيحاول يلفت نظرك بحركات أو نبرة صوت عالية… ما تحكمش عليه بسرعة.
الأطفال مش دايمًا بيعرفوا يعبّروا بالكلام، فبيعبروا بالفعل، بالزن، بالعناد… وأحيانًا بالصمت!

✅ إزاي تفهم الرسالة وراء السلوك؟

الطفل اللي بيقاطعك وقت الكلام: مش بيقل أدبه،

هو بيقولك: "أنا مهم، اسمعني!"

الطفل اللي بيزن على حاجة بسيطة: يمكن مش عايزها فعلًا…

لكن بيجرب يشوف، هل أنا مرئي؟ هل أنا مسموع؟

اللي بيتكلم كتير فجأة أو بيتصرف بغرابة: غالبًا محتاج حضن، اهتمام، حوار مفتوح بدون لوم.

📌انزلي لمستوى عين طفلك، وبصي له باهتمام.

📌كرري وراه جملة قالها بصوته، عشان يحس إنك فعلاً سمعاه.

📌خدي نفس واديله مساحة يتكلم بدون مقاطعة.

📌خففي الأوامر، وابدئي بالسؤال: "حاسس بإيه؟" بدل "إنت ليه بتعمل كده؟"

🎯 لأن الطفل اللي بيتسمع بجد، بيهدى بجد.

هل بتسمعي ابنك عشان تردي… ولا عشان "تفهميه"؟
فرق كبير!

حصل 😂😂😂

💔 💔 ليه كل مرة بتختاري نفس الشخص... لكن بنهاية مختلفة؟

تفتكري دي صدفة؟ إنك تدخلي علاقة ورا التانية... ونفس النهاية؟

أوقات كتير بنفتكر إننا بنختار بحريتنا،
لكن الحقيقة إن اختياراتنا غالبًا بيحركها "العقل الباطن" مش الوعي.
العقل الباطن بيدوّر على المألوف مش الآمن،
حتى لو المألوف ده معناه وجع، تجاهل، إحساس بالنقص.

يمكن لما كنتي طفلة، اتعلمتي إن الحب معناه تسعي ورا حد،
أو إن لازم تضحي، أو تتألّمي، علشان تحسي إنك تستحقي الحنان.
ومن هنا، كل مرة تلاقي نفسك منجذبة لنفس النمط…
حتى لو لبس شكل مختلف.

-----
مرة كنتي مع شخص شكله كان مختلف عن كل اللي قبله…
كان بيضحك، مهتم في البداية، بيبعتلك كل يوم.
قلتي لنفسك: "المرة دي أكيد مختلفة".

لكن بعد أسابيع… بدأ ينسحب ببطء،
يختفي أيام، يرد ببرود، ويتهرب من أي كلام عن الارتباط.

وفجأة… لقيتي نفسك بتعيشي نفس الإحساس القديم:

الخوف، القلق، محاولة تفهمي "أنا عملت إيه غلط؟"
ورجعتِ تحاولي تكسبي اهتمامه… وتثبتي من جديد إنك تستحقي الحب.

هل أنتي فعلاً في علاقة بتحققي فيها احتياجاتك النفسية؟
ولا كل مرة بتحاولي تعيدي نفس مشهد الطفلة اللي مش لاقية الأمان؟

لو لسه بتختاري الألم على الحب…
لو لسه بتكرري نفس الحكاية مع أبطال مختلفين…
يمكن الوقت جه ترجعي لنفسك، وتفهمي "ليه؟"

ابدئي من الجذر.
افهمي نمط اختياراتك، وغيريه.
احجزي جلستك دلوقتي،
وتعالَي نكسر الحلقة سوا 💫

القوانين الخمسة التي ستغير مجرى حياتك ..

✅قانون الحب :
أن تحب نفسك وفي اليوم الذي سيتوقف أحدهم عن حبك ، لن يقلل ذلك حبك لنفسك..

✅قانون الثقة :
أنت واثق بنفسك وفي اليوم الذي سيتوقف أحدهم عن الثقة بك ، لن يقلل ذلك ثقتك بنفسك..

✅قانون وجهة النظر :
لا تعش حياتك حسب آراء الناس أو إهتماماتهم ، عندما تتغير وجهة نظر أحدهم في شخصك فذلك لن يغير وجهة نظرك بنفسك..

✅قانون القيمة :
قيمة نفسك ليست بحجم منزلك أو نوع سيارتك أو حجم المكتب الذي تعمل به ، قيمتك الحقيقة هي ذاتك أنت...

✅قانون الحياة :
لن يعيش حياتك أحد غيرك ، فلا تتعب نفسك في محاولة الشرح والتبرير والبحث عن إعجاب ورضى الناس ، لأنك لن ترضي أحد ، عش حياتك كما تُحب وبالشكل الذي يرضي ربك أولاُ ويرضيك عن
نفسك ثانياً..

"إن الأفكار لها قوّة أكبر مما تتخيّـل، فهي إما تأخذُك إلى السعادة أو إلى التعاسة، وفي كلتا الحالتين فأنت صانع هذه الأفكار، لاحظ جيّـدًا فيما تفكر، لأن أفكارك ستحدّد واقع حياتك الآن ومستقبلك غدًا، وكلّما كانت أفكارك إيجابية وبنّـاءة أمكنك عيشُ حياة ناجحة وسعيدة، وكلّما كانت أفكارك سلبيّـة وجدت نفسك أبعد ما تكون عن تحقيق أيّ شئ إيجابيّ في حياتك."
"ابراهيم الفقى"



#التحفيز

Send a message to learn more

ايه هو العلاج الشعورى ؟
العلاج الشعورى هو تقنية من تقنيات العلاج النفسى
جلسات العلاج الشعورى بتساعدك على التخلص من المشاعر السلبية والتحرر من التجارب المؤلمة و الصدمات
ما هى تقنيات ال peat؟
تقنيات الـ PEAT هى أختصار ل
Primordial Energy Activation & Transcendence وهي مجموعة أدوات خطواتها سهلة ونتائجها عميقة

تساعدك في التشافي من الصدمات والمخاوف و الفوبيا والاحتياجات العاطفية وفك التعلق وشفاء الطفل الداخلي والتشافي بعد الانفصال العاطفي
وكل ما هو مخزن في العقل اللاواعي من مشاعر وأفكار ومواقف وخبرات وعلاج العلاقات مثل العلاقة مع ( الله , نفسك , جسدك , الصحة , المال , العمل , شريك الحياة ...)

بتشتغل بشكل أعمق وبتنظف كل المتخزن فى اللاواعى من أفكار ومشاعر وبتشحن بالأيجابى كمان و بيحصل وعى و أدراك جديد بنهاية الجلسة.
بتشتغل على الجذور المسببة للسلوك فى اللاواعى فبالتالى أختفاء السلوك الغير مرغوب فيه زى العصبية أو غيره..

لو حابة تتخلصى من العصبية الزائدة وحالة الغضب العارمة اللى بتطلع على طول بدون سبب واضح ليها
او لو عندك حالة فقد مش قادرة تتخطيها
او لو عندك صدمات من مواقف معينه

لو حابه توصلى لحالة من التوازن

متتردديش واحجزى جلستك من خلال التواصل عن طريق الواتساب
00201226379728




#جلسات ـ نفسية
#علاج ـشعورى
#صدمات #مشاعرـسلبية

Happy valentine's day 💘💌

مش لازم تكون كابلز علشان تحتفل بعيد الحب
اول حد المفروض تحبه وتهتم بيه هو نفسك
اول خطوة للسلام النفسى هو انك تصلح علاقتك بنفسك
تحبها ❤️❤️
تطمنها
تطبطب عليها 🫂
تداويها
تصقفلها 👏👏👏
تشجيعها 💪💪
تصلح افكارك عن نفسك

لما تصلح علاقتك بنفسك علاقتك بكل اللى حواليك هتتصلح

وده اللى أشار إليه رب العالمين فى القرآن
(أن الله لا يغير ما بقوم حتى يغيروا ما بأنفسهم)

غير جواك الاول

وركز على نفسك

ده هيفرق كتير معاك

لو مش عارف تعمل ده لوحدك
تواصل معايا وانا هاساعدك من خلال جلسات ميكس بين الكوتشينج والهيلينج
اساعدك من خلالها انك تصلح علاقتك بنفسك
للتواصل والحجز عن طريق الواتساب
00201226379728



#كوتشينج #هيلينج #وعى
#تحفيز

‏" كل المجد لمن اختار الصمت ، حين كان قادراً جداً على قول أسوأ الكلمات ..
لأنه يعرف جيداً أنه مامن كلمة سيئة تمرّ بلا ثمن " ..

شمس الدين التبريزي ..

"سامح نفسك عشان تقدر تسامح الناس"

د. إبراهيم الفقي اتكلم في كتابه "قوة الحب والتسامح" عن أهمية التسامح يعنى اسامح نفسي والآخرين، وضرورة التحرر من المشاعر السلبية.

الماضي فيه حاجات كتير.. التجارب والخبرات والمشاعر..

احنا مفروض نروح للماضي عشان نتعلم منه ونستفاد من التجارب والخبرات دى.. لكن مينفعش ننسى الحاضر ونفضل عايشين في الماضي أو ناخد منه مشاعر نعيش بيها في الحاضر.

المشاعر السلبية المفروض نتخلص منها

وأهم حاجة ان بعد كل موقف اسأل نفسك اتعلمت ايه من الموقف ده؟

لو عندك مشاعر مش قادر تتخلص منها او مواقف من الماضي مش قادر تنساها.. متتردتش فى حجز جلستك

للتواصل وحجز الجلسات من خلال الواتساب على الرقم

00201226379728




#المشاعر
#حزن #غضب #فكرة #معتقدات #سلوك