كورة × كورة

اللي حصل مع ريال مدريد النهاردة هو عمس تماماً المباراة الماضية ريال مدريد مسيطر وبيلعب وفرص بالجملة ضائعة في ماتش بيتيس وأنا أشادت بالفريق ولم يكن يستحق الخسارة إطلاقا
لكن النهاردة الفريق قدام فريق كبير زي إنتر ميلان ظهر مشاكل جدا في أسلوب لعبه وحقيقي النهاردة الفريق لم يكن يستحق المكسب إطلاقا ومش هقولك كسب بشخصية البطل والكلام الحمصي ده لأن الموضوع ده مات وشبع موت لأن ريال مدريد النهاردة كسب بسبب تألق كورتوا وسذاجة مدافع وحارس إنتر ميلان
وحقيقي ريال مدريد اخر 6 سنين لو مكانش معاه حارس زي كورتوا كان خسر بطولات كتير ولنا في نهائي 2022 خير مثال ده بالنسبة لي ريال مدريد

حاجة أخري بقي بالنسبة لأنتر ميلان اللي بغض النظر عن النتيجة لكن إنتر ميلان السنة ديه فريق قوي جدا وممتاز وخروجه من دوري ابطال اوروبا مش هيكون بنفس سهولة السنة الماضية لن يكون لقمة سائغة كالعام الماضي
الفريق الموسم الماضي كان بيمر بمرحلة انتقالية وتغيير مدير فني جديد ملحقش يحط بصمته ولا معاه اللاعبين اللي تنفذ اسلوبه فكان الفريق متخبط ومتذبذب المستوى وبالرغم من كده كسب الدوري الايطالي وده كانت نقطة مهمة لكيفو عشان يثبت أقدامه ويبني بدون ضغوط
والحقيقة ده ظهر جداً من بداية الموسم إنتر بيقدم مباريات رائعة وقوية جدا نتيجة للاستقرار الفني لأن المدرب بعد سنة كاملة يبني فيها قدر يشرب لاعبينه طريقته وكمان الموسم ده تعاقد مع الصفقات اللي تناسب خطته فظهر إنتر قوي ورائع وهذا نتيجة الاستقرار الفني والإداري برافو إنتر ميلان حقيقة 👏👏👏 لو استمر على نفس الأداء فبلا شك هيوصل لنقطة بعيدة جدا في دوري ابطال اوروبا وبلا شك هو بطل الدوري الايطالي لأن باقي الفرق متخبطة جدا وتمر بمرحلة انتقالية في الدوري الايطالي باستثناء فريق كومو 👌

الكورة شكلها بتقلب علي ريال مدريد بعد ما في اخر السنين فرحتهم بسيناريوهات عجيبة النهاردة بتحزنهم بسيناريو عجيب غريب برضه 😅
ريال مدريد النهاردة افتقد للساحر الافريقي اللي كان بيكسبه الماتش من غير ما يلعب😂 دلوقتي ما شاء الله الفرقة بتلعب بس بتخسر بأعجب شكل 😅
بعيدا عن الهزار اللي عاشوا جمهور ريال مدريد النهاردة كان صعب جدا وقاسي الحقيقة تخيل تبقى بص مقدم كل حاجه في الملعب فنيات ابداع فرص يمين وشمال مسيطر على الماتش بالطول والعرض كور في العارضة ضربات جزاء تتحسبلك تجيب جون ويتلغي ريال مدريد مخلاش حاجه النهاردة في الكورة معملهاش الا ان يحط الكورة في الشبكة 🥅
تخيل يا صاحبي ريال مدريد النهاردة عمل 7 فرص محققة للتسجيل وده رقم كبير جدا في ماتش واحد مش بس كده ده في 3 كورة في العارضة+ جون ملغي+ ضربة جزاء ضائعه من الفريق لكن المحصلة 0 اهداف مش بس كده ده حتي مطلعش بأقل الأضرار وهو التعادل لكن طلع بضرر أكبر وهو الهزيمة 1-0 الكورة قررت تعاقب لاعبين ريال مدريد على الاستهتار في ضياع الفرص وزي ما عارفين اللي يضيع يستقبل وده للأسف حصل مع مدريد النهاردة مع إنه لم يكن يستحق ذلك لكن التوفيق لم يحالفه 👌
لكن عامة بعيدا عن النتيجة ريال مدريد لو استمر بنفس شكل واداء النهاردة مع المباراة الماضية أيضاً لو استمر على نفس النهج اللي ماشي بيه ده هيعمل موسم عظيم هيبقى منافس لأخر جولة مع برشلونة على الدوري الاسباني كمان يقدر يوصل نهائي دوري ابطال اوروبا عادي جداً لو فضل مستمر على نفس الشكل والنهج وهو ده التحدي اللي عند مورينيو لأن نفس الفريق ده كان ماشي حلو جدا في بداية الموسم لكن فقد البوصلة في النص ودلوقتي الفريق ماشي كويس برضه لكن هل سيكون عنده النفس الطويل ولا هيفقد البوصلة🤔 ذاك هو التحدي مع مورينيو 👌

بص هو بعيداً عن إن المباراة كانت متعبة بصرياً والمباراة كانت قليلة فنية مشدتش غير في الاخر وبعيداً عن إن عمرو الجزار قدم أداء ومستوى رائع وكان راجل
لكن أنا عندي إشادة أكبر بالراجل اللي في الصورة ده حرفياً مروان عطيه بيجري في كل حتة في الملعب وبيغطي مساحات شاسعة وهو اللي شال خط الوسط النهاردة لوحده بعد خروج علي محمود لما قرر عموتة ينزل قفشه وكل المهاجمين عشان يسجل مروان عطيه مكنش فيه نملة بتعدي من خط النص ومخلاش اي مرتدات تيجي علينا
لاعب كبير وراجل وبالنسبة لي هو احسن 6 في مصر واقولك كمان مروان عطيه يلعب في أوروبا في انجلترا عادي جداً
رهيب بجد 🔥🔥🔥🦅❤️
#الاهلي

AL Ahly Vs semouh from stadium 🏟️
📸 زوما خلف 😉🦅❤️
#الاهلي

أنت بتتكلم جد 😳😅
يعني على حد علمي إننا تعاقدنا مع باك شمال اسمه توفيق محمد عشان يحل محل يوسف بلعمري المصاب 🤷
ليه بقى اللفة ديه كلها ومصدعين نفسنا وبندور على لاعب يتوظف باك شمال
بجد ليه 🤔 ليه ها 😅 ليه اللفة وأنت عندك لاعب مركزه الأساسي باك شمال يعني حتى يسيدي لو أنت شايفه لاعب غير جيد مش هيديلك اللي أنت عايزه بس على الأقل هيبقى عارف وجبات مركزه وامتي يزيد وامتي يغطي مش نروح ندور علي لاعب ميعرفش حاجه عن المركز ده ونلاعبه هيبقى كارثة طبعاً 🤷 أنت كده مش جامد انت كده بتعبط 😅
#الاهلي